viixx

mors et prins ' . Assez tost après fut le chastel de Guines prins des Anglois par la trahison de Hue de Beaucouroy, qui depuis en fut par justice escartelé à Saint Osmer.

Après la mort du bon seigneur de Beaugieu, fut Ernoul d'Odenehen mareschal de France.

Et en cel an de grâce mil ccc lui, fut Giefroy de Gharny lieutenant du roy Jehan ou pais de Picardie à grant nombre de gens, et eut avec lui Robert, sire de Hodetot^, maistre des arbalestiers. Et fîst le dit Gieuffroy de Gharny une bastide contre le chastel de Guines, en une abbaie de nonnains , qui estoit en la ville de Guines et si prés du chastel, que les Anglois gettoient de jour et de nuit de l'une place à l'autre. Et le premier jour que les François prindrent la place de l'abbaie, les Englois de Calais et ceulz de Guines vindrent durement combatre contre ceulz de la bastide, et la besongne [eut lieu] à une grant porte, qui estoit en l'entrée de l'abbaie vers le chastel de Guines, et là perdirent les Englois et furent durement reboutez dedens leur chastel, et plus eussent perdu, se leur chastel n'eust esté si prés. Tous les jors estoient grandes les escarmouches entre le chastel et la bastide, et y avoit grant foison de trait de canons et d'espringales. Et une nuit s'assemblèrent les Englois de Galais et des autres forteresses d'environ. Là fut Robert de Helle, cappitaine de Galais, Pierre d'Audelee, le sire de Hastingues et son frère, et furent bien vi cens cornbatans d'Englois. Et pour ce que la bastide n'estoit

1. 5610 ajoute : et lu celle batalle d'encoste Ardre, en une plache qu'on appelle Selluesse.