bastide B

Charny et le maistre des arbalestiers et Jehan de Ciermont et Arnoul d'Oudenehen à tout bien xv cens combatans, et estoit l'abbaie forte. Un jour alerent chevaucher Oudart de Renti et le seneschal d'Eu vers Calais, et à leur retour vindrent par devant une forteresce, nommée Fretun. Et quant ilz eurent avisée la ditte forteresse, ilz vindrent à André et distrent à Gieuffroy de Charny et aux autres seigneurs, qui là estoient, que il leur sembloit que la ditte forteresse de Fretun estoit prenable d'assaut. Et le second jour ensuivant, yceulz seigneurs à toutes ^ leurs gens y alerent, et fut la ditte forteresse prinse d'assaut, et fut pris Aimery de Pevie- et mené à Saint Osmer, et fut mis sus un eschauffaut devant le peuple et à tenailles de fer ardans lui furent arrachiées les ii mamelles et pluseurs autres membres du corps, et puis lui furent couppées les II cuisses et les ii braz et la teste, et furent les membres penduz au dehors de la ville, et la teste fut mise emmy le marchié, et fut pour la trahison qu'il avoit faite du chastel de Calais, là où Godefroy de Charny fut prins^'.

Et pluseurs besoingnes y eut en celle saison, et y en eut une que fist Oudart de Renti et le sire de Fiennes^,