pou manque B

liO CHRONIQUE NORMANDE [1359J

Troycs en la Champaigne. Une fois vint Eustace d'Aubiscourt* à tout bien mil combatans chevaucher vers Bray sur Saine. Et lors s'assemblèrent grant foison de François, bien autant ou plus que les Englois n'estoient. Là estoit le conte de Val des Monts, l'evesque de ïroies etpluseurs autres nobles chevaliers et escuiers. Et quant ilz seurent vraies nouvelles de leurs ennemis, ilz chevauchèrent vers eulz et les trouvèrent prés de Bray sur Saine. Et quant Englois les virent venir, ilz dessendirent à pié et se mistrent en un grant clos, où il avoit vignes. Et lors les François descendirent à pié et appertement coururent seure à leurs ennemis, et y eut grant besongne et dure. Mais les Englois furent descontiz et furent bien vu cens mors et pris en la place, et fut prins Eustace d'Aubissecourt, leur cappitaine, et pluseurs autres.

Environ ce temps s'assemblèrent grant quantité de gens de compaingne vers les marches de Bourgongne et d'Auvergne et dommaigerent moult le royaume. Lors fu ordonné du régent le conte de Tancarville cappitaine sur le pais oii ilz estoient, et ala le dit conte loger à Bregny à tout bien xv*^ combatans. De là estoit Jaque de Bourbon, conte de la Marche, et Pierre son ainsné filz, le conte de Sallebruche et pluseurs autres nobles seigneurs. Quant icelles compaignies les seurent sur les champs, ilz vindrent à^ eulz pour combatrc et assemblèrent en bataille prés de Bregny, et fut la bataille grande. Là furent les François desconfiz et fut mort le dit conte de la Marche et I^ierre son ainsné