Picars le sire de B

|'1359] DU XIY® SIÈCLE. • 145

aconsuivre, et tant que ilz vindrent à leurs forteresses, dont ilz estoient partiz. Quant Normans furent partiz de Blangi et la ville fut recovrée et le fortiffiement en fut abatu, Piquars s'en râlèrent en leurs forteresses et le roy de Navarre s'en râla en sa terre. Et Loys de Harecourt, Mouton de Blainville, Guillaume Martel et pluseurs autres Normans alerent assaillir la forteresse de Betencourt et la prindrent d'assaut, et furent tous les Englois de dedens mors et pris. Et au devant avoient prins Garville et autres forteresses que Navarrois tenoient. Et avindrent ces choses en l'an mil [ccc] LX, et par toutes les contrées du royaume de France eut grans guerres et en l'an mil CGC lviii, lix et en l'an lx. Et' y avoit pou de contrées de pais, là où Englois ou Navarrois ou autres de leurs aliez ne tenissent forteresses, et moult estoit le peuple du^ royaume de France grevé et moult en y ot d'occis et d'emprisonnez, et grans tailles couroient sur le menu peuple, et pluseurs seigneurs prenoient sur leurs hommes et sur autres ^ excessivement et les soufiroient piller et rober. Et ceulz qui estoient es villes fermées avoient moult de travail de leurs guez et de leurs gardes et de leur ville fortifïier et emperer, et perdirent moult de ce que^ ilz avoient hors leurs clostures par pluseurs beaux hostelz, qui furent abatuz et gastez en leurs fauxbours, et leurs biens que ilz avoient dehors les forteresses pilliez et gastez tant par leurs ^