telement A

3. La fin de ce paragraphe est représentée par ce qui suit dans le ms. 5610 : En l'an mil ccc lix et lx, avint que Navarois, Engies, Allemans, Normans et gens de pluiseurs paiis, assamblez en pluiseurs parties, tirent guerre ou roialme de Franche entre le rivière de Rone et de Somme. Et en toutes ces contrées il euurent fortresches, où il avoient leur retour, pour le pulle grever et moût en ochirent et renchonnerent et osterent leur ricquesclios. Car en che tamps n'avoit li pules nul deffendeur, se moult pau non. Et meismes li regens leva ou royalme pluiseurs tailles mervilleuses, et li aucun seigneur prendoient blez , avainnez , bestes et aultres vivres et les metoient en leurs garnisons de leurs castiax, et souffroient li aucun que leur homme fussent mollesté et leur terriens osté, pour le hayne qu'il avoient à yaulz fu li envie enflée des nobles et de leurs subges par les paisans de Biauvesis, qui commenchierent à ochirre soudainement les nobles hommes. Et aussy chil qui es chittez , es bours et es villes demouroient euurent en che tampz moult de persecucion/. Car tous leur fourbours furent ars et destruit par yaulz et par leurs ancmis en toutes les contrées devant dittes, et moult furent [grevez] pour leurs murs et pour leurs fossez refaire et pour villier et grans tailles paiier. Et ne pooit on marchandise mener hors de fortresche, fors par sauf conduit ou par treu paiier ou à l'aventure de perdre corps et avoir. En che tamps ne regnoit loy ne justiche par le roialme de Franche, mais li fort, tant noble comme bourgois, regnoient crueusement sur leurs subges sans loy et sans pitté.

Robert Ganolle prindrent la cité d'Aucerre par aucuns des bourgois de la cité, qui [la] leur vendirent par trahison. Et après se assamblerent environ m'' paisans de Beauvoisin et leur chief firent d'un nommé Guillaume l'Aloe^ et se prindrent à guerrier les Englois de Creel et de pluseurs autres forteresses, dont les Englois tenoient grant foison sur cellui pais. Et avoient ces paisans leur retrait à Longueil Saintte Marie, et estoit celle maison close à murs sanz fossez et sans autre défense, fors la porte de l'ostel, qui estoit defensable. Lors s'assemblèrent les Englois de pluseurs forteresses^, et y fut Jehan Fondicque, cappitaine de Creel ^, et alerent assaillir celle maison et y entrèrent par dessus murs bien vi*', car les paisans ne les porent* contrester. Et se retrairent les paisans en une haute maison^, et les Englois coururent par l'ostel, prenant ce que ilz trouvoient, et apportèrent grant foison de feu pour icelle maison ardoir, se ilz ne se rendoient. Mais les diz Englois ne les pensoient pas prendre à rançon, ains les pensoient à tuer. Adont eurent conseil les paisans, que il valoit mieulx mourir en eulz défendant main à main de leurs ennemis, que d'estre ars et leurs femmes et leur enffans dedens celle maison*^. Lors se descendirent^ et coururent seure à leurs enne-