estoient B

chemin pour venir combatre Olivier de Mauny. Et tantost Guillaume du Merle et ses gens descendirent à pié et tantost assemblèrent les uns aux autres , et fut la besongne à merveille combatue. Toutesvoies furent les Engloiz desconfiz et plus de la moitié mors en la place et le surplus furent prins. Et après fut prinse la forteresce et ceulz qui dedens estoient demourans, et furent les prisonniers menez à Baieux.

Environ viii jours après, a vint que Jehan Martel, cappitaine de Faloise, et Jehan de Maten et Guillaume de Rouveron ^ s'embucherent à tout xxv hommes d'armes dedens un fumier droit devant la porte de la Vignée et se couvrirent du gros estrain du fiens moût coiement, et fut par une moût obscure nuit, et avoient ordonné que un villain du pais, qui avoit au jor à porter vivres aux Englois de dedens, vendroit celle nuit o une somme de pain, lequel y vint. Et pour ce que les Englois de dedens avoient grant neccessité de vivres, ilz^ ouvrirent prestement^ la porte et avalèrent le pont. Et quant le cheval fut sur le pont, un compaignon qui estoit armez de son haubergon, vestu en guise de villain, et estoit avec cellui^ qui le pain menoit, lors bouta la somme de pain jus sur le pont et tantost courut seure au portier, qui desarmé estoit, et le tua. Lors saillirent ceulz qui dedens le fumier estoient et entrèrent en la forteresse, et furent tous ceulz de dedens la forteresse mors et prins, qui bien estoient lx combatans, et en estoit cappitaine