et B

chastel estoit' trop fort. Et assez tost après rendirent le chastel par traitié et s'en alerent, sauves leurs corps et leurs vies.

En cellui temps vint à vraie congnoissance au régent, que le roy [de Navarre]- entendoit et se pourchaçoit pour lui faire et commencier guerre. Et cela fist savoir à Bertran du Guesclin, qui estoit son lieutenant en Normendie. Et pour ce que le dit Bertran, qui regarda que Mente et Meulent, qui estoient deux fortes places sur la rivière de Saine et bons passaiges et estoient au roy de Navarre, et que grant dommaige pourroient porter au roy et au régent et à leur pais entre la rivière de Saine et Flandres, il envoia grant partie de sa gent à Mante et la prist et après prist Meulent^. Et lors vint Mouton de Blainville devant Gourné et devant le Neufbourg, qui estoient à la royne Blanche, suer du roy de Navarre, lesquelz se rendirent. Puis fut rendu Belencombre et Longueville, et ne demoura forteresse nulle au roy de Navarre ne à la royne Blanche, sa suer, entre la rivière de Saine et celle de Somme, qui ne feussent toutes en la main du régent.

Et lors vint nouvelles au régent que le roy Jehan son père estoit trespassé en Engleterre ^

En cellui temps vint le castal de Beuf, qui estoit