Gameley A

drent prés de l'ost des Englois^, ilz se logierent sur une rivière et fut traitié de la paix d'un costé et d'autre. Mais nul accord n'y peut estre. Charles de Blois, Bertran du Guesclin et leurs gens passèrent le pas de la rivière et trouvèrent touz les Englois ordonnez pour combatre, et lors ilz alerent assembler. Et ne vindrent pas tant les Englois du chemin contre eulz comme les François alerent. Si estoient les Englois en l'aventaige du champ, et bien[tostJ que ilz furent assemblez, très grant quantité de Bretons et autres gens, qui estoient en la bataille Charles de Blois, tournèrent et s'en alerent-. Et lors Charles de Blois se joingnit à la bataille Bertran du Guesclin, et là ot moult dure bataille et y morut Charles de Blois, et furent les François desconfiz et mors et prins bien xii*^ combatans. Après celle bataille fut rendu le chastel d'Auroy, et assez tost après se fist traitié entre Jehan de Montfort d'une part et la femme Charles de Blois , qui disoit estre duchesse de Bretaigne, d'autre, et de l'accord des barons du pais et des bonnes villes, qui fu tel que Jehan de Montfort porteroit le nom et les armes plaines de Bretaigne et seroit duc, et la conté

de Paintievre et la terre d'Avaugor^ demourroit

à heritaige à la dicte duchesse, qui fut femme Charles de Blois, et à ses enffans, et se Jehan de Montfort n'avoit hoirs malles yssans de lui, la duchié de Bretaigne revenroit aux enfans Charles de Blois*. Et par ainsi firent les seigneurs de Bretaigne hommaige à