roy d'Espaigne aussi B

En cellui temps fist le roy Charles de France adjourner en sa court le prince de Gales pour lui faire hommaige de la duchié de Guienne que il tenoit de lui et pour respondre sur certains maléfices que il et ses gens avoient faiz et perpétrez contre la magesté royal. Auquel adjournement il ne comparut point et derechief fut adjournez par ii foiz, ausquelz il ne comparut, et tant fut le procès démené contre lui en la court de France, que il fut jugé par sentence et arrest de Parlement, que il s'estoit forfait contre le roy et la couronne de France et que la duchié de Guienne de voit par la ditte forfaiture estre aquise au roy. Et lors le roy somma le conte de Foiz , le conte d'Armignac, le conte de Comminges, le conte de Monlesin, le sire de Labret et les autres seigneurs et* gens de bonnes villes de la duchié de Guienne, que ilz venissent en son obéissance, comme ses drois hommes que ilz estoient pour cause de la forfaiture devant ditte. Pour laquelle cause et pour pluseurs griefs et oultraiges et defîautes de droit que le prince leur avoit faiz, les contes devant nommez et le sire de Labret et pluseurs autres seigneurs et bonnes villes, comme Auch, Agien^, Letore, Gondon, Caours, Figat, Montauban\ Bergerat, Pierregueux^, Angoulesme^, Saintes^, Saint Jehan d'Angeli, laRochele, Limoges et pluseurs autres bonnes villes, nobles chasteaux et forteresces de la