Bourgongae B

2. Voici comment 5610 a abrégé les trois paragraphes qui précèdent : Apprés le mort du roy Piettre , li rois Charles de Franche manda deffianches au roy Edouart. Assez tost apprés se rendi au roy de Franche le ville de Abeville et de Rue en Pontieu , puis alerent à siège Franchois devant le Grotoy, et tantost fu le ville conquise et se misent li Engles en le tour, mais par traitiet il se rendirent, sauves leurs vies. Puis alerent Franchois à siège devant le castel de Noyelle, dont Richart de Colehem fu cappitaine, et rendi le fortresche pour partir sauvement du paiis sans perdre leur avoir. Et ainsy fu toute le conté de Pontieu rendue au roy de Franche. — En che tamps aussy furent renduez au roy de Franche pluiseurs villes et fortresses en le duché de Ghienne , si comme Caours , Limoges , et pluiseurs autres se rendirent par traitiet et pau y en ot prises par assaut. En l'an que le conté de Pontieu se fu rendue franchoise, s'assamblerent Engles à Calais et pluiseurs saudoiers d'Alemaigne à yaux alliés et entrèrent en Artois et en le conté de Saint Pol, qui fu par yaulz moult destruite et essillie, et aussy le conté de Boulongne en pluiseurs lieux.