rien? B

i94 CHRONIQUE NORMANDE [1370]

avec lui grant foison d'Englois et de Gascoins en la duchié de Guienne, et estoit avec lui le conte de Pennebroc, le castal de Beuf et pluseurs autres nobles seigneurs. Et fut après ce que le prince de Gales se* parti de Guienne moult malade et ala en Engleterre, ne onques puis- ne s'arma ne ne fut en droicte santé. Et environ le temps qu'il se parti, un escuier de Bretaigne, appelle Caraloet, parti de l'abaie de Saint Sernin , que les François avoient nouvellement conquise sur les Englois, à tout environ iiii'"' combatans, et alerent droit au pont de Lusac. Mais Jehan de Ghandos, Loys deHarecourt, le sire de Partenay et bien vif combatans, lesquelz avoient la nuit devant essaie escheler Saint Sernin, mais failli y avoient, seurcnt que le dit Caraloet et ses gens et compaignons estoient alez vers le pont de Lusac. Si alerent après grant aleure^, mais avant que ilz venissent là, ja estoit venu le conte de Stanfort et Dagorisses à tout bien vii^" combatans, lesquelz avoient ja combatu longuement aux François et avoient esté durement reboutez à l'un des bouz du pont. Et quant Ghandos vint de l'autre costé, les François se miepartirent'^, l'une partie défendit le bout du pont devers Ghandos avec Loys de Saint Julien et l'autre partie défendit l'autre bout du pont avec Garaloet contre le conte de Stanfort. Et à merveilles combatirent bien et tindrent longuement le pont les François de si pou de gens que ilz estoient, mais en la fin furent tous mors et prins, et là fut mort Jehan de