Brevin

François faisoient grant assemblée pour venir sur eulz. Adonc mandèrent ceulz du Franc et firent leur chief du tisserrant qui avoit la chose esmeue, dont s'en vindrent aux champs et distrent que ilz reconquesteroient toute Flandres et raroient leur seigneur, que le roy avoit emprisonné. Dont s'en alerent parmy Flandres, et pluseurs villes à eulz se rendirent, comme Ardembourc, Bailluel, Pauperinghe ^ , Audenarde, la ville de Cassel , et la ville de Gourtray, mais le chastel se tint françois, car ceulz que Jaques y avoit laissié se défendirent. Dont assistrent Flamans le chastel de Gourtray. Adont estoit venuz avecques eulz Gui de Namur, qui estoit filz au conte de Flandres et frère au conte Jehan de Namur, et uns damoiseaux, qui avoit nom Glerc de Jullers, pour ce que diacre estoit et attendoit à estre bénéficié, quant la conté lui eschey par la mort son frère, qui morut à Saint Omer en prison, et avoit esté prins à Furnes. Avec ces deux princes furent aucuns chevaliers pour les Flamans aidier, et tindrent siège devant le chastel de Gourtray. Le conte Robert d'Artois ala contre les Flamans à moût noble gent, mais à pluseurs douloient les cuers, pour ce que en l'ost bien dix jours avoit que ilz n'avoient oy cheval henir, dont il y avoit bien XL'". La bataille assembla devant Gourtray, en l'an mil trois cens et deux, le jour saint Benoist, ou mois de juillet-. Là furent François desconfiz, et fut mort Robert le quens d'Artois, Jaques de Saint Pol, [le] conte d'Eu, le conte de Ponty, ie conte de Maille, le conte de Dreux, le conte