de ses pers de Franche

jugement, et fut jugié que la duchié de Bretaigne estoit par droit escheue' à la femme Charles de Blois, niepce du duc Jehan, et en receut le roy l'hommaige.

Après ala Charles de Blois devant Rennes en Bretaigne, et mena avec lui Charles d'Alençon, son oncle, frère du roy Phelippe, et le conte de Harecourt à iiii mil hommes. La cité de Rennes fut rendue à Charles de Blois, maugré pkiseurs chevaliers, et pluseurs villes, qui estoient de la part au conte de Montfort, se rendirent à Charles de Blois, pour ce que il estoit envolez de par le roy de France. Tant fîst Charles, que il ot XII'" hommes et chevaucha ^ pour conquerre le pais à force et s'en ala devant Saint Albin du Cormer. La gent de la ville yssirent contre lui et son ost, mais ilz furent desconfiz et cuiderent pluseurs entrer en la ville à garant. Mais Charles de Blois les suy de si prés, que il entra en la ville avec eulz et la conquistrent, et fut essilliée. Mais le chastel se tint, car moût estoit fort, et le gardoit un chevalier, nommé Pappellons de Saint Gile. Charles assega le chastel et y fist faire pluseurs assaulz, mais riens n'y firent. Dont il se desloga et s'en ala à Rennes. Et assez tost après, li allèrent faire hommaige li bourgois de pluseurs villes et pluseurs chevaliers, si comme li visquens de Biaumont, Hervil du Lion, le visconte de Rohain, li sires de Rochefort, Robers sires de Biaumont, li sires de Castelbruiant, Raoul de Monfortet pluseurs autres. Et après li firent hommaige par trahison aucuns chevaliers, qui s'estoient allez au conte de Monfort. De chiaux fu Oliviers