et Guillen A, B

Gant s'accordèrent au conseil Jaques d'Artevelle, mais les bourgois le contredistrent et mesmement le doien des tisserons, qui estoit nommé Grant Denis. Ycellui dist que trop grant meschief seroit de son droit seigneur renoyer pour autres obéir. Par cellui conseil s'accordèrent la plus grant partie du commun avec les bourgois, et adont leur dist Jaques d'Artevelle par faintise, que bien s'accordoit à ce que dit avoient et que il yroit rendre la response au roy Edouart. Lors ala au roy Edouart en l'ille de Gaiant rendre la response de ceulz de Gant, et puis dist le dit Jaques au roy Edouart, que il lui prestast v cens de ses hommes et il les embuscheroit de nuit dedens la ville de Gant, et puis il assembleroit de ses amis et allez et yroit de nuit trouver Grant Denis et pluseurs autres bourgois, qui contraires leur estoient, et les occiroit, et par ainsi il vendroit à son entente. A ce conseil Jaques d'Artevelle s'accorda le roy Edouart, et bailla au dit Jaques V cens Galois armez, et Jaques les fist aler vers Gant et les fist embucher prés de la ville, et ala à Gant et assembla de ses amis en sa maison bien jusques au nombre de vii^\ Mais il fut dit à Grant Denis que on avoit veu embucher gens dehors la ville et moût en y avoit. Lors ot Grant Denis souppeçon de traison et fist armer les bourgois de la ville et grant foison du commun et envoya garder les portes, et fist assaillir Jaques d'Artevelle en sa maison, lequel se mist grant pièce en défense, mais en la fin il fut desconfit et mort et tous ses aidans. Et ainsi faillirent les Galois à leur entente et retournèrent arrière^ au roy Edouart. Et si