Nicolaz de Groussy et li autres Rolans de Yerdun

3. le connestable de Franche, Robers Bertrans, marischal, Guillaume, sen frère, adonc vesque de Bayeux, le cambrelent de Tancarville, le conte de Harecourt, sen hl comte d'Aumarle, li sires de Baieux, li sires de Brimeu et pluiseurs autres. 5610.

bien un mil coinbatans et le conte de Tancarville prindrent à garder la ville, ce que on appelle l'Ille, et là ot grande bataille et merveilleuse à la porte Saint Pierre dessus le pont, mais la dicte ille estoit mauvaisement close et la rivière estoit basse, par quoy les Anglois entrèrent par pluseurs lieux en la ville et encloirent les François au dos, qui combatoient au pont. Là fut prins le conte d'Eu, connestable de France et le chamberlant de Tancarville, le sire de Grimbox' et Friquet de Fricamps. Et fut mort le sire de Brimeu, Phelippe de Pons et pluseurs nobles chevaliers et autres, tant que il y morut plus de ii mil personnes, et pluseurs se partirent par la porte Millet et ailleurs et se sauvèrent. Et lors prindrent Anglois la ville et y firent moût de maulz, comme de gens tuer, violer femmes et rober et piller tout ce que ilz trouvèrent. Et y séjourna le roy Edouart environ viii jours. El envoya le roy Edouart grant foison de ses gens prisonniers et de ses richesses, que lui et ses gens y a voient gaingnez, parmerenEngleterre, et chargèrent à Estrehan. En ce temps estoient Flamans aliez au roy Edouart, et quant ilz sceurent que il estoit si efforcieement entrez en Normandie, ilz assemblèrent à grant ost et entrèrent en Artois, et se rendi à eulz le pais de la Leve^ et alerent asseger la ville de Betune, mais le roy Phelippe y avoit envoyé Jehan de Castellon à cappitaine, Godeffroy d'Ennequin et le seigneur du Peu à bien viii""^ sergens et arbalestiers, qui bien la défendirent contre les Flamans.