par pluiseurs parties

essiller le pais entour et vers Boulongne, et fist fiaire pluseurs assaulz aux villes et aux chasteaux, mais riens n'y firent. Lors ala prendre siège devant Calais, ou mois de septembre, après la bataille qui fut à Cressi. A Calais estoit adonc de par le roy Jehan de Vienne à cappitaine, Arnoul d'Odenehan^ le sire de Beaulo, le sire de Grigny"^ et pluseurs autres. Et assez ^ tost après se parti le conte Derbi de Gascoingne, quant il eut garnyles forteresses, que il avoit prinses, comme Saint Jehan d'Angeli, Lisegnac^ et pluseurs autres villes, et entra en mer et ala à siège devant Calais au roy Edouart. Et lors envoya le roy Phelippe à Arraz le duc d'Ataines à tout grant gens pour le pais garder contre Flamans et Anglois, et à Boulongne envoya le conte de Joigny, Charles d'Espaigne, le seigneur de Beaujeu, le seigneur de Moreul, tous deux adonques mareschaux de France, et à Saint Osmer envoya Guy de Neelle^, et à Monstereul le conte de Salbruche, et par tous ces lieux y ot grant foison de gens d'armes. Ainsi fist le roy Phelippe garnir son pais pour le garder et destraindre