CHAPITRE XII
Comment Fescamps, le cliastel de Harecourt, le chastel de Chambrois et la Rocheçuyon feiirent rendus aa roy.
Durant les choses dessusdites , ceux de la garnison de Dieppe, pour le roy de Franche, seeurent qu'il y avoit peu d' Anglois pour la garde de l'abbaye de Fescamps , qui est port de mer ; sy y allèrent secrètement et la prindrent. Assez tost après y arriva une nef qui venoit d'Angleterre, en laquelle il y avoit quatre-vingts Anglois qui venoient pour estre en leur aide , lesiquels les Franchois laissèrent descendre pour les prendre tous prisonniers. £a ceste saison le comte de Dunois et ceulx de sa compagnie meirent le siège devant le chasteau de Ha-
(i449^ Dii J- DU CLEIICQ. 2 5
recourt , qui est bel et fort ; et là feirent des belles approches, èsquelles fut tué d'ung canon ung vaillant homme franchois de la garnison de Louviers ; et pareillement fust tué ung Anglois d'une couUevrine sur le portai de la basse-court. Les Anglois estoient dedans de six à sept- vingts, dont estoit capitaine le bailly dudit Harecourt, nommé messire Richard Forqueval , lequel fust deshonnoré et pendu à la porte du boullovert. Les Franchois qui devant estoient , s'efforcèrent de jetler canon, et du premier coup perchèrent tout outre les murs de la bassecourt. Alors les Anglois doubtèrent et promeirent rendre la place en cas qu'ils ne seroient à certain jour les plus forts aux champs, auxquels il ne se trouvèrent point ; et par tant, rendirent le chastel le cinquiesme jour de septembre, lequel ils avoient tenu par l'espace de quinze jours , et s'en allèrent leurs corps et vies saufs. Et le dix-huitiesme jour de septembre ensuivant- fust-assiégé le chastel de Chambrois par les comtes de Dunois, de Clermont et de Nevers; le sieur de Laval, le sieur de Cullant ,■ grand maistred'hostel du roy , le sieur de Blanville , les sieurs de Vernoeul , de Gaucourt et de Bersay; les baillys de Berry et d'Evreux, et plusieurs aullres chevalliers et escuyers, lesquels n'y feirent guères ; mais enfin le comte de Clermont feit composition avecques lés A nglois qui dedans estoient , qui féurent trouvés environ deux cents testes , qui s'en allèrent leurs corps et vies sauf^. En ce mesme temps, so
renditlavilledeNeufchastel de Lincourt aux comtes dTiU et de Saint- Pol , qui avoient mis le siège dès le huitiesme jour dudit mois ; et , pendant qu'ils y feurent, prindrent la ville d'Essaj. Assez tost ung Apglois de Galles, nommé Edouard, capitaine de la Rocheguyon, parce que sa femme estoit de Franche, et parente à messire Denys de Chaillj, laquelle avoit de belles terres au pays de Franche, par l'admônestement, prières et enhortement de sa femme , rendit aux gens du roy de Franche la Rocheguyon , qui estoit une très forte place sur la rivière de Saine ; et se feit Franchois , moyennant qu'il deut jouir dés terres de sa femme estants en l'obéissance des Franchois.
