CHAPITRE XI

Delà yaiUance de messire Jacques de LaUaing, et comment il entra premier au pays de Wast, qui estoit moult fort pays.

Entre Gand et Anvers y a ung fort pajs plein d'eau we et moult riche et gras pays , estant nommé le pays de Wast , plein de fossés et sablons boullants ; et estoient touts ceulx du pays de Wast du tout obéissants à ceux de Gand ; et ja-soit ce qu'audit pays fuissent plusieurs grands et gros yillaiges , toutefois ils se disoient tout estre aux Gantois , et obéissants du tout à eux , et si ne pensoient avoir autre seigneur que ceux de Gand, ne oncques n'avoir esté obéissants à autrui que aux Gantois ; et mesmement , jà-soit ce que au temps passé plusieurs roys, conime de Franche et d'Angleterre , euissent assiégé la ville de Gand , combien qu'ils

26 MKMOUU-S (i45j,^

n'euissent peu conquester ladite ville, pareillement n'avoient peu entrer ne conquester ledit pays de Wast , et n'avoient oncques esté conquis , et estoit le plus riche pays que on peut trouver.

lue duc estoit à Jenremonde , et désirant entrer audit pays et le conquester , feit faire et carpenter ung pont pour entrer au pays de Wast; et comme le pont fust prest à lever, ung* hardi et valliant chevalier , nommé messire Jacques de Lallaing , fils aisné du sieur Jacques de Lallaing, pria et requist au duc qu'il lui volsist donner congié d'entrer audit pays; lequel duc lui octroya^ et commanda à touts ses archiers de corps qu'ils allassent avecq lui. Lequel messire Jacques, ayant l'octroy du duc, le dix-huitiesme jour de mai , en assés petite compagnie de gens d'armes entra au pays de Wast, et passa le pont que le duc avoit fait faire ; auquel pays il n'alla guères avant, qu'il trouva une grosse compagnie de gens d*armes gantois , desquels , anchois qu'il s'en apperchust , fust incontinent enclos et assailli. Et comme messire Jehan, bastardde Renty , chevalier et capitaine des archiers de corps du duc , lequel portoit la bannière où estoient les armes du duc , perchut les Gantois qui les encloyoient et venoient assaillir , il laissa cheoir par terre la bannière et se meit en vilaine fuite. Lors se férirent les Gantois et Picards moult valliamment; et de prime face en occirent sept , dont les trois estoient archiers du duc , Tung nommé Jennin de Cocquerel, de la ville d'Arras. Et mesmement avoit

(i45a) DE J. DU CLlJiCQ. 27

jà occis le cheval de messire Philippe de Lallaiog, frère de messire Jacques , josiie chevalier , et jà le euissentmisà mort, combien qu'il se deffendit au mieux qu'il pooit , quand messire Jacques , comme liardi et valliant chevalier se férit au milieu des Gantois , remonta son frère sur ung cheval , qui estoit à pied en ung fossé ; et quant plusieurs des archiers du duc veirent la valliance et hardiesse du- (Ht messire Jacques , ja-soit ce que leur capitaine s'en fust fuy , si reprindrent-ils courage et despouillèrent les jacquets qu'ils avoient vestus, pour estre plus légiers ; et se mirent en leurs pourj)oincts , et commenchèrent à tirer sur les Gantois , tellement que par forche de traits feirent reculer les Gantois. Et lors messire Jacques de Lallaing, voyant et apperchevant que une partie de ses gens s'en estoient fuis , et que à la longue il ne poiroit matter ne vaincre lesdits Gantois , comme très hardi et valliant chevalier , recueilla touts ses gens qu'il avoit , et se remit en belle ordonnance, et s'en retourna sans ce que nuls de ses gens y mourussent, sinon les sept dessus nommés ; mais ains qu'il s'en retournast , y oit plusieurs Gantois tués; et ainsy s'en retourna vers le duc.

28 MÉMOIRCS (i45i)