CHAPITRE XLVII

Comment le duc alla a3sieger Poucves 5 et de la mort de messire Jacque» de Lallalng , très valliant et hardy chevallier , et comment ledit chastel fut prins , et ceolz de dedans pendus et estranglës.

Après ce que le chastel de Helsebecq fust prins, le duc de Bourgogne et son armée allèrent mectre le siège devant ung chastel qu'on appelloit Poucres; et comme ledit chastel fust tout enclos des gens du duc , le mareschal de Bourgogne , messire Anthoine , bastard de Bourgogne , et messire Jacques de Lallaing, allèrent faire affuster une bombarde pour battre ledit chastel ; et comme ils faisoient asseoir ladite bombarde , ceux du chastel tirèrent d'ung veuguelaire après les dessusdits seigneurs ; duquel veuguelaire ils férirent messire Jacques de Lallaing , et lui emportèrent le hanepière de la teste. Duquel coup ledit messire quiet mort, dont ce fust graiide pitié et grande perte; car, sans doubte, je crains que plus valliant que lui, si ce n'estoit le duc Philippe de Bourgogne , n'y avoit en l'armée dudit duc ; et bien avoit montré sa valliance en la guerre de Gand et autre part, comme en Escoche, en Espaigne et autres plusieurs royaumes , où il avoit fait plusieurs faicts d'armes. Ledit messire Jacques de Lallaing estoit humble où il convenoit^ sage^ large, courtois; et

ii^So) DE J. jyU CLKUCQ. gS

avecq ce avoit la grâce de bien servir Dieu, soy confesser et recepvoirson créateur touls les dimanches. Pour brief dire , c'estoit ung chevallier bien parfait et dressé , de l'âge de trente-deux ans ou environ '. De laquelle mort dudit Jacques de Lailaing le duc Philippe fust moult courrouchié, car il l'aimoit moult ; et , comme on disoit , c'estoit le chevalier de sa cour que plus il aimoit, tant pour sa bonté que pour sa beauté ; car il estoit grand et bien fait. Avec ledit messire Jacques, mourut du coup dudit veuguelaire ung homme d'armes et quatre archiers. Après laquelle mort dudit messire Jacques , le duc feit prestement lever et affuster touts ses engins et jetter contre la forteresse ; tellement que , jà-soit-ce que ledit chastel fust moult fort et bel, toutesfois sy l'eurent toutes les tours acravantées ; et faillit que ceux de cjedans se rendissent à la volonté du duc , lequel les feit prestement touts pendre et estrangler, réservés six, dont l'ung estoit ladre, et les autres josnes enfants; et feurent bien cent et plus pendus. Ce fait, le duc feit desmolir et abbattre toute ladite forteresse , et la feit raser jusques en terre; et feit prendre le corps dudit messire Jacques, le feit porter à Lallaing pour estre illecq mis en terre, duquel Lallaing son père estoit seigneur ; et lui Jacques estoit son fils aisné.

I Voyez, dans cette Collection , sa Chronique, écrite par George Chastellain.

qG MÉMOIIIIÎS (>4î3)