MÉMOIIIES (i
et n'estoit sa personne en rien subjecte à lui par ledit traicté , toutefois , au plaisir de Dieu , il y seroit. Après laquelle response, lesdits ambassadeurs partis, envoya Thoison-d'Or, son premier héraut, devers le roy. Lequel Thoison-d'Or parti , le duc feit publier par toutes les bonnes villes de ses pays , que tout homme qui avoit accoustumé de soy armer, fiefvés et arrière-fiefvés, et archiers et arbalestriers sermentés des bonties villes se meissent en armes et feussent prests sus les champs le vingt-quatriesme de juing cinquante -huict. Et contenoit le mandement dudit duc , que c'estoit pour aller à Montargis à certain jour que le roy Charles lui avoit sommé qu'il y fust ; si estoit son intention d'y aller , à la plus grande arrivée et puissance qu'il pourroit.
En ce temps pendant, faisoit visiter toute son artillerie, tant à Lille comme ailleurs, adfin qu'elle fust preste ; et pareillement le roy Charles avoit fait publier par tout son royaume l'arrière-ban , et que on fust prest le premier de juing. Et disoit-on que c'estoit pour tant que les Anglois estœent en grand nombre de gens de guerre prests pour venir en Franche, et ne seavoil-on où ils debvoient arriver ;^ toutesfois on ne sçavoit au vrai à quelle intention le roy le faisoit , ne se c'estoit pour guerroyer le duc de Bourgogne, à cause qu'il soutenoit son fils aisné et le portoit et gardoit contre la vollonté du roy , au moins d'aucuns de son conseil , ou se c'estoit pour résister auxdits Anglois,
(i458) PE J. DU CLEllCQ. 2^9
En ce temps, ledit Philippe, duc de Bourgogne, pour certaines rébellions que ceux d'Utrech faisoient contre David son fils, évesque d'Utrech, envoya Anthoine, son bastard, atout environ huict vingts lanches et sept à huict vingts archiers audit pays ; et se partirent le vingt-cinquiesme de may ; mais sitost qu'ils y vindrent, ceux dudit pays se rapaisèrent devers ledit esvesque, leur seigneur, et s'en retourna ledit Anthoine , bastard , et sa compagnie.
En ce temps , le pénultiesme d'apvril , mourut messire Jehan de Bourbon , sieur de l'Escluse et de Carency , et mourut audit lieu ; lequel messire Jehan de Bourbon laissa quatre fils d'une dame , laquelle il avoit eue ains qu'il l'espoùsast; et estoit de petit Ijeu et avoit esté marriée à ung sien serviteur; et la tenoit dez le temps de son premier mary ; et disoit-on que le fils aisné dudit monsieur Jehan de Bourbon , nommé Loys , avoit esté engendré durant que ladite dame avoit encoires son premier mari.
En cest an aussi , le huictiesme de juing, en la ville d'Arras, fust jugé à pendre; et pendu au gibet , un josne compagnon de l'âge de vingtquatre ans, du pays de Braband, nommé Henriet , et la cause fust pour tant qu'il avoit emblé ung calice et fait autres larcins.
En ce temps , Philippe , duc de Bourgogne , en la ville de Bruxelles, oit une très forte fièvre, laquelle fièvre ne lui dura guères qu'il ne fust guéri.
25o MÉMOJRLS (i458)
Durant laquelle maladie, sa femme, dame Isateau de Portugal , le vint veoir ; et jà-soit-ce que le duc n'avoit vouUu parler à elle , depuis que son fils le avoit courrouché , pour ce que le duc cuidoit qu'il euist usé de son conseil, quant il le courroucha, toutesfois le duc receut ladite dame sa femme très bénignement , et lui pardonna son mal talent, et plourèrent touts deux ensemble.
En ce temps aussi, environ la Sainct-Jehan- Baptiste , en la ville de Paris , mourut Jehan , évesque de Meaux, moine ; et avoit esté abbé de Sainct-Omer , et estoit natif d'entour Aire en Artois.
