CHROKIQUBS

porta que ceux de la ville avoient fait un serment au comte de Flandres, et que ce polroît suffire sans en faire deux.

Après que monseigneur le duc eut esté illecq l'espace de sept heures , son conseil porta soi desloger ; et tira vers Audenarde , pour présenter la bataille aux Flamens , lesquels déjà avoient passé l'eau et s'estoient logés à l'abbaye Dinant, où depuis se fortifièrent. Et le duc entra en Audenarde, et fut logé au Cigne, sur le marché. Et à grande diligence , fit inquisition de monseigneur des Querdes, et envoya Bertrand Du Chastel pourcircuir le pays àl'envîron, afin descavoir de son estât et conduite ; mais il trouva qu'il alloit en la ville de Gand , et que les Flamens , lesquels désiroient à combattre , s'estoient fortifiés en nombre de six à huit mille la plupart François; et n'estoit possible de leur donner approche sans grande et dommageable perte , considéré aussi, que vivres leur venoient par eau à volonté.

Icelui duc y ayant la plus belle armée que piéca avoit eue, quéroit les François qui s'enfuyoient , et les Flamens qui se fortifioient ; et fut huit jours à cheval , espérant combattre les uns ou les aultres. Et pendant ce temps Suissers et Allemands allumoient et brusloient le pays à l'environ; et d'aultre part, la garnison d'Alost couroit sur le Brabant, oè elle fit dommages irréparables, et pour donner chef par forte main à leurs maudictes exécutions, prinses et combustions ; mais le duc se deslogea

(i485) DE JEAN' MOLINET. 4^7

d'Audenarde ; et ains qu'il venist auprès d'Alost , le capitaine des Suissers fit tirer deux gros engiens contre l'église de Velzic^ de laquelle Flamands . François et aulcuns Picards faisoient leur forteresse, car ils y avoient retirés leurs corps, biens , chevaulx et bestiaux; mais iceulx coups ne l'endommagèrent guaires. Un aultre s'advança de tirer un coup à profit , tellement qu'il débrisa la tour ; et finablement foudroya l'esehielle du clocher. Il y avoit aulcuns prisonniers des gens de monseigneur de Ligne, /jui se desvallèrent en bas par les cordes des cloches; et ceulx qui dernourèrent en vie , se rendirent ; desquels aulcuns furent prisonniers ; et environ dix-neuf, de la langue ^walone, furent pendus, et l'église fut butinée.

Le chasteau de Ualselle voyant ceste dure exécution , se rendit sans coup férir, par composition.