CHRONIQUE (>4S

la maison de Bourgogne ; dont à cestui d'Alenchon, il convint d'obtempérer par bon sens partout. Le comte d'Ostrevant estoit impotent de sous ses membres, et ne se pooit tirer de ly fruit ne parement en telle assemblée, sinon par ostension du tableau de ses armes. Les deux frères de Croy et cely de Lannoy, s'estoient présentés à Bruges, huit jours paravant , par les lettres du duc pour ester en justice devant ceux de Tordre, là où eulx oys et accusés de plusieurs cas de par le duc , partirent enfin désolez, ne justifiez ne condamnés ; mes ne les voult le duc oncques rechevoir pour estre à sa feste, ne par procureur ne aultrement ; soufFroit tant seulement que leurs tableaux présents^ssent leurs personnes absentes, et que Toyson-d'Or allast pour eux à l'offrande .

Le comte de Nevers, quisoloit estre de l'ordre, icellui par aucunes lettres de semonce qui leur avoient esté envoyées de par le chapitre , de venir respondre à plusieurs grands et infamieux articles, avoit jà paratant renvoyé son collier^ et ce , par un officier d'armes et ung clerc, assez irrévéramment.

Dont , à cause de ce et de son péchié prouvé , son tableau, àl'heure que Toyson-d'Or le devoit appeler à l'offrande , icellui, Toyson-d'Or le alla lever hors de son lieu, le rua à ses pieds, prist un autre tableau noir; là avoit escript dedens la récitacion de son cas : comment il avoit esté semon authentiquement ; comment il n'a voit volu comparoir pour respondre; comment et en quoi il avoit

(«468) ^K GEOHGES CHAST£LLAIN. 89

abusé encontre son honneur et encontre la dignité de la foy chrestienne. Et lisoit icestui Toysond'Or, cesle escripture toute en haull, oyant tout le inonde ; et tout tellement escript , mist ce tableau noir au lieu de Taultre , là où tout le mOnde après en pooit prendre coppie.