CHAPITRE CCXXV

La résignation et don que fît de ses pays et seigneuries le duc Sigismond d'Austrice à son nepyeu Maximilian , roi des Romains.

Le seiziesme jour du mois de march , le duc Sigismond d' Austrice , eagié de quatre-vingts ans ou plus , par le consentement de l'empereur Frederick , son frère , des très illustres et puissants princes d'Allemaigne , se dessaisit de sa ducé d 'Austrice et de ses pays, seigneuries et appendances, si les donna et résigna, et en advestit le rov des Romains , son nepveu , comme son futur héritier, parmi certaines pensions qu'il retint et réserva

(»4&>) DE JBAN MOLINET. gt

pour l'entreteneinent de lui et de madame sa femme. La possession desdits pays prinse par le roy , les seigneurs , officiers , obeissans et subjects d'iceulx lui firent serment ; et le duc Sigismond , son oncle, leur quitta tous serments que paravant avoient faicts. Semblablement pour lui faire serment, se partirent d'un villaige nommé Suathz, environ mille hommes , besongnans continuellement es mines d'argent et aultres métaulx ; et après le serment faict , le roy leur donna mil florins pour aller boire. Le vingt-sixiesme jour ensuivant , le comte de Gortz, fort anchien et grant terrier , duquel les seigneuries marchissoient es limites des ^Hircqs et des Vénissiens , arriva vers le roy , et pour ce que ledit co nte estoit sans hoirs de sa chair , et que lesdites seigneuries debvoient , après >a mort , retourner à l'empereur , il voelt semblablement advestir le roy de sadite comté. Plusieurs triomphes , joustes et tournois furent faicts à Ispruch en ces jours ^ qui seraient longs à mectre en compte. En ce mesme temps de quaresme fut prinse à Blancqberg une grande et merveilleuse balai ne.