CHAPITRE CCXXVI
Le trespas du roy Mathias de Hongrie.
Après que Lancelot, fils de l'empereur Albert , roy de Hongrie et de Bohesme , fut trespassé de ce siècle ^ sans hoir procréé de sa chair; car il estoit eagié de dix-huit ans , et en train d'espouser madame Magdelaine de France , fille du roy Charles septiesme de ce nom , Mathias , fils de filancq , chevalier comme l'on disoit, lequel, par proesse d'armes avoit obtenu plusieurs belles victoires sur les Turcqs infidèles , aspira à la couronne de Hongrie, tellement par la faveur qu'il trouva es princes, barons et chevaliers du royalme,fut couronné roi de Hongrie. Toutesfois, l'empereur Frederick ,. père de Maximilian , roy des Romains, prétendoit avoir droict à ladite couronne ; parquoi très horrible et forte guerre s'esmeu t entre ces deux grands princes, et fut tellement appoincté entre eulx, que ledit Mathias demoureroit roy de Hongrie le cours de sa vie , se ne se pourrait marier , et après son décès ledit royaime retournerait audit empereur Frederick et à ses hoirs , et avec ce lui debvoit payer annuellement certaine somme de ducas. Mais quant le roy Mathias se trouva enrichi, fort puissant , intronisé et couronné , paré d'honneur et pellifié de gloire par les proesses et victoires qu'il
0489) DE JE À* MOL IN ET. g5
avoit sur les Turcqs, auxquels il estoit marchissant, il fut requis et pressé des princes de son royalnie , fie prendre femme et espouse pour avoir lignée , affin de succéder à ladite couronne. Et aussi le roy Mathias, postposant Tappoinctement qu'il avoit faict audit empereur, et sans avoir regard à la fraction de son serment, par dispense de pape, espousa la fille du roy de Naples , de laquelle toutesfois il n'eut nuls enfants. Et pour la cause dessus dicte , merveilleux litiges et très aspres guerres se pullulèrent entre eulx, tellement que le roy Mathias assiégea la très noble et florissante cité de Vienne, chief et maictresse ville de la ducé d'Austrice , fort bien décorée et très clere et resplendissante université; laquelle cité et ville finablement il print plus par terrible et angoisseuse famine que par force d'armes , dont les assiégez furent piteusement persécutez. Et quant le roy Mathias se trouva audessus d'icelle , et que la pluspart du menu populaire estoit périe par faulte de vivres , il en print grant compassion , cuidant qu'il n'y eusist en la ville grain ne paille pour les soustenir trois jours. Et lors fut référé au roy qu'il y avoit homme en ladite cité , fort fier et rebelle villain , lequel seul avoit plus de sept à huit cents muids de bled; lequel, durant ledit siège, pour or, argent, pour gaiges, pour prières , pour amitié , pour menaces, pour promesses, ne pour quelque riens, ne voelt distribuer audit poure peuple. Le roy , bien informé du faict , fit convenir ledit homme devant lui et lui
g4 CHRONIQUES C>489)
printàdire: «Très horrible et cruel inurdrier,
» tu as plus occis de gens par ta mauldite con- » voitise que je n'ai taict par le traict de mon
» artillerie, et combien. que tu soye cause de la
» prinse de ceste très noble cité , en tant que tu as
» laissé morir de faim ceulx qui la debvoient
» defFendre , si en auras-tu ton paiement de par
» moi, non point si suffisant à mille fois près que tu
» l'as desservi. » Et après que ledit avaricieux
fut administré de son salut , le roy lui fit Irencher
la teste, et départir et habandonner son grain
à ceulx qui estaient les plus indigents.
Long-temps après que ledit roy Mathias eust
faict de grandes conquestes, et qu'il fut au-dessus
de la très belle , opulente et noble cité de Vienne^
l'héritaige de l'empereur, dont il se sentoit bien
heuret de l'avoir expugné et essours en gloire
fort haultaine , lui-mesme en ceste cité fut assiégé
et vaincu de la mort, et rendit son ame à Dieu
lendemain de Pasques flories, quatriesme jour
du mois d'apvril , l'an mil quatre cent quatre-vingts
et noef, selon la mode gallicane.
0*89) DE JBAN MOLIJSET. <)5
Rs-sessB
