CHAPITRE CCXXXII

Traictïé de la paix faicte à Bruges par le comte de Nassou.

« Monseigneur le conte de Nassou et de Vienne, seigneur de Breda, lieutenant-général du roy des Romains nostre seigneur et de monseigneur l'archiduc son fils , est conclud , au nom de mesdits seigneurs, de recepvoir à grâce et merci la ville de Bruges, ensemble les bourgeois, manans et habitans en icelle , soubs les points et articles ci-après déclarez :

» Et premier. En ensuivant la présentation par

î38 CHRONIQUES (i49«)

ceulx de Bruges, iceulx feront amendise honorable à l'ordonnance de monseigneur le conte de Nasson. » Item. Que pour amende civile, dommaige et intérest, paieront au roy nostre seigneur et à monseigneur l'archiducq son fils , cent et cinquante mille florins à la croix Sainct Andrieu , c'est assavoir , les cinquante mille en dedans buict jours , et seront levez et coeilliez par une commune assiette sur les bourgeois, manans et habitans de ladite ville, et ne seront réservez , sinon ceulx qui se sont absentez de ladite ville , et ceulx tenus eh obéissance demondit seigneur avant que Picquanet fut accepté capitaine de ladite ville de Bruges ; et les aultres cent mille se payeront à trois termes , cy après déclarez : assavoir un tierch à la Saint Jehan quatre-vingt et onze prochain venant ; tierch au noël audit ensuivant; et le résidu à la Sainct Jehan quatre-vingt et douze , aussi lors ensuivant. Laquelle somme de cent mille florins seront levez et imposez sur l'advis et ordonnance de mondit seigneur de Nassou et le plus notable et greigneure partie de ladite ville y à la moindre foulle v et dommaige d'icelle ; et pour ce qu'il convient que lesdits cinquante mille soient presls en dedens huict jours, et que icelle somme ne se poelt briefvement trouver si hastivement , est accordé que lesdits de Bruges seront tenusquictes en payant pour chacun florin une once d'argent du nouveau poinchon de Bruges, ou d'autre argent en valeur à l'advenant.

s> Item. Seront tenus d'accomplir tout ce entièrement, en quoi ils sont tenus par le traictié de la paix de Tours , en payant les deniers et payemens , lesquels , à cause dudict traictié , ils doivent en mon noyé ayant cours selon la réduction sur ce faicte. Assavoir chacun ung florin à la croix Sainct Andrieu ou la valeur d'icellui.

» Item. Que en ensuivant ledit traictié de la paix et l'acte sur ce baillé par leurs députez, qui furent présens à faire ladite paix de Tours, lesdits de Bruges feront icelle publier incontinent et entretenir l'ordonnance de la monnoye , sans joir du mois sur ce introduict»

« Item. Auront absolution et pardon général de tout ce qu'ils poevent avoir offensé et fourfaict , réservé ung certain nombre des principaulx malfaicleurs qui ont esté cause de de la guerre , lesquels seront réservez pour d'iceulx, ensemble de leurs biens , estre faict au bon plaisir de mesdicts seigneurs , et les noms desquels l'on leur envoyé par escripU Et pour ce que mondit seigneur de Nassou est au plain informé que aucunes personnes sont présentement hors de la ville de Bruges, lesquelles, depuis la paix de Tours, se sont mésusez envers et contre la haulteur du roy nostre sire et de monseigneur l'archiduc son fils , seront aussi réservez de ceste paix pour , par mondit seigneur de Nassou , au nom que dessus , pooir procéder à Tencontre de tels malfaicteurs par justice et selon l'exigence de leurs mesfaicts. Et moyennant ce ,

1^0 CHRONIQUES (*t&>)

lesdits de Bruges joyront entièrement de ladite absolution , et incontinent retourneront en leurs biens en tel estât qui les trouveront , nonobstant don de confiscation ou autres provisions , qui leur porroientsur ce estre contraires, et sans ce que leur soit besoing avoir aultre main-levée.

» lient. Joyront doresnavant de l'estaple de la marchandise , de la franchise de confiscation , et encores de tous autres leurs privilèges , en ensuivant ladite paix de Tours, et ainsi qu'ils firent au trespas de feu mondit seigneur le duc Charles. » Item. Que doresnavant ne porront l'un à Taultre reprochier ou injurier, ne faire question ou action de ce qui est faict et passé , à cause desdites guerres et despendances d'icelles , sur paine de en estre pugnis à la discrétion de mondit seigneur de Nassou , à l'exemple des autres. Et toutes autres matières concernans la paix et le bien dé ladite ville , lesdits de Bruges s'en rapporteront à la volunté et discrétion de mondit seigneur de Nassou , lequel y pourvoiera tellement qu'ils auront cause de le remercier. »