CHAPITRE CCXXXVII

Entreprisse des Ganthois sur la Tille de Teoremonde,

Uwo josne fils de Tenremonde , nommé Willequin Van Nénone , fils du bailly de Tenremonde , lequel a voit esté occis à la prinsede la ville faite au nom du roy des Romains , se' tenoit et demoroit à Gand. Ung homme d'Esgiise résidant illecq s'approcha de lui pour le persuader , lui dict qu'il seroit à tousiours mais riche et honoré , lui et son lignaige, souverainement de ceulx de Gand, s'il volloit venger la mort de son père , lequel avoit esté occis en soustenant la querelle d'iceulx, lorsque Tenremonde avoit esté prinse par forme d'emblée et soubs habit de saincte religion , et ne povoit mieulx parvenir à ce que labourer à la reprinse et réduction d'icelle ville «Ledit Willequin print délai d'aulcuns jours pour y penser , assignant certain jour de respondre. Cependant Willequin se tira vers messire Hue de Rfeleun , chevalier de l'ordre de laThoison-d'Or, bailly de Tenremonde , si lui récita bien au long tout ce qui esloit paravisé et

mm

l68 CHUONIQUES 049 1 )

conclud entre lui et ledit seigneur d'Esglise , requérant son advis et comment il se debvoit maintenir en 'ceste besongne , protestant toutesfois que combien que son père eusist esté occis pour la querelle des Ganthois , il n'en quéroit avoir nulle vengeance et ne désiroit à ceste cause pourchasser ne faire quelque dommaige à la ville de Tenremonde , si voloit mectre la mort de son père en oubli y comme se riens n'en fusist faict.

Messire Hue deMeleun , voyant sa bonne affection, et qu'il parloit fort franchement, lui conseilla de convenir avec ledit seigneur d'esglise, ensemble ses adhérens ; assigna jour de besongner en donnant certain signe, et que la chose en ad vi endroit tout aultrement que les Ganthois ne pensoient.

Ledit Willequin retourna en Gand, communiqua avec le prestre , ensemble aulcuns députez de la ville, pour achever l'entreprinse. Si conclurent envoyer quatre cens piétons àla porte de Bruxelles , pour ce qu'il y avoit moings de gardes qu'à nulle des autres , et quatre cens chevaulcheurs à la porte tirant deTenremonde à Gand. Et ledit Willequin seroit lors dedens Tenremonde avec aucuns ses adhérens de la ville , lesquels se mectroient audessus des gardes de la porte de Bruxelles. Et pour signe d'avoir perpétré ce murdre , debvoient mectre ung blancq chapeau au deboult d'une fust de lance , et ainsi les gardes des portes occises et les signes donnés , quatre cens piétons debvoient entrer en Tenremonde et crier : « Ville gaignée. »

(*490 DE JEAW MOLINET. 169

Willequin retourna de Gand à Tenremonde , pour forgier comme il disoit amis qui furent grans ennemis aux Ganthois, et noncha à messire Hue de Meleun toute la conclusionet train des Ganthois. Sur quoiledit messire Hue besongna à grant diligence pour recepvoir lesdits Ganthois , manda ceulx de la garde, lesquels secrètement entrèrent en la ville garnie de gens d'armes armés au cier , les entrées des rues fit affûter de serpentines et aultres engiens aux portes où les Ganthois deb voient passer,, et advertit la garnison d'Alost , qui se trouva ung petit sur le tard.

Quant le jour fut venu que se debvoit ceste emprinse faire , Ganthois se mirent en poinct , fort bien accoustrés à cheval et à pied ; et lors Wintenor, Jehan de Poucques et autres nations franchoise , Espaignars, Flamengs, Picquars et Aliemans issirent hors de Gand , se acheminèrent vers Tenremonde à grant joye , le cuidant emporter de prime face, et furent pourveus de hacquebeutes , hallebardes, arcqs , picques, chariots d'artillerie et de petits bateaux de cuyr , dont ils passèrent la rivière nommée la Teure , et s'embuschèrent une partie de la nuict en ung bocquet auprès d'iilecq. Quant Theure approchoit que Ton debvoit livrer la ville, Willequin envoya vers ceulx de Gand ung homme tout vieil, faindant estre de leur parti, pour sçavoir le nombre de leurs gens , leur conduicte et intention ; et les Ganthois respondirent qu'ils estoient illecq venus pour mectre à exécution tout ce que

170 CHHOBIQUES (»4sk)

conclud estoit, prians que Willequin avec ses adhérons s'employassent de leurs parts , et ils les feraient les plus riches et honorez de la comté de Flandres.

Quand le messagier fut entré en la ville, il récita tout ce qu'il avoit veu et oy ; et affin d'attraire les Ganthois selon le contenu de la devise d'entre eulx prinse , Willequin et les siens vindrent à la porte de Bruxelles, faisans manière de tuer les portiers , lesquels crioient comme gens navrez et horriblement bleschiez , en faisant très bien leur personnaige ; puis ils boutèrent ung blancq chapeau sur ung fust de lance. Les Ganthois oyans ce cri et voyans ce signe, à environ neuf heures au jour, s'approchèrent delà porte, crians 2 « Ville gaignée !» comme ceulx qui cuident tout emporter; et ceulx de la garde, préadvisez de leur faict , et qui les suivoient aux talons, crioient : « Tuez tout! tue* » tout! » Et d'aultre part , ceulx de la ville fort en poinct,quilesactendoient, leur vindrent en barbe et chergèrent sur eulx , si les envahirent si vigoreusement que Ganthois ne savoient à quel boult entendre. Us besongnèrent à leur possible de leur artillerie ; mais ils ne bleschèrent ame de ceulx de la ville. Et pour ce que les eauwes estoient fort haultes à l'environ d'eulx , aucuns saultoient en i'eauwe poqr eulx saulver , cuidans que ce fusist eauwe de pluie , et ils se plongeoient en cours d'eau we courante , où plusieurs furent noyez ; autres estoient en I'eauwe jusques à demi-corps,

('490 DE JKAN M.OLIWBT. I7I

(|ui plus d'une grosse heure se deffendirentdetraicts et se monstrèrent vaillans ; mais ils furent enfin deffaicts.

Quarante compagnons se tindrent ensemble , qui fort se vendirent , ains qu'ils furent vaincus ; mais enfin y demorèrent , et furent trouvez de compte faict quarante morts sur la place ; treize ou quatorze furent loyez deulx à deulx et noyez en l'Eseault; autres quatre furent descollez , et de trois à quatre cens furent prisonniers , ensemble leurs principaulx ducteurs et capitaines , Wintenor et Jan de Ppucques. Plusieurs aultre? eussent esté mis au tranchant des espées ; mais ceulx de la garde les gardèrent et saulvèrent, et les prindrent à courtoise renchon, Quant les Ganthois de cheval qui s'estoient tirez vers Tenremonde se trouvèrent, comme dict estoit , devant la porte qui leur estoit assignée , laquelle ils espéroient estre ouverte , ils furent saluez de belles grosses serpentines. Ils oyrent l'effroy contre leur proffict ; et comme fort eston nez, abusez et deçeus , retournèrent enGand fort desplaisans de leur mal fortune.

172 CtfROMIQUES ("fot)