CHAPITRE CCXLVIII

Comme Passa ult fut donné à La Laye par ceuU de Harlem et Alkemar , et le reboutement d'iceulx par ceulx de ladite Laye.

Ceulx des petites villes , ensemble les paisans à l'environ , arrivez à Harlem, au commandement de ceulx d'Alkemar , qui leur tenoient la bride sur le col , conclurent ensemble eulx trouver en armes devant la ville de La La je , séante à quatre lieues près d'illecq , et à deux lieues de La Haye en Hollande. Si firent leur compte de facilement l'emporter ; car ils les sentaient flexibles , variables et fort enclins à leurs commotions. El de faict le commun peuple de La Laye, comme tisserans de draps, foulions, les varlets d'iceulx et manouvriers quérant leur vie en sueur de leur corps, voyan» qu'ils estoient en oyseuse , à cause des séditions , se boutèrent sur les rues, faisant grant tumulte , semant parolles injurieuses^ et murmurant sur ce que la police de la ville avoient en mains ; disant que se ceulx de Harlem et d'Alkemar se trouvoient devant leur ville, ils leur feraient ouverture, considéré que leur querelle estoit fondée en bon et juste titre ; et pour réformation des gouverneurs qui paravant les avoient mengé. Nouvelles venues en La Haye , tant de la meutinerie de la Laye , comme l'enlreprinse que voloient faire ceulx de Harlem

et d'Alkemar; le comte et seigneur d'Egmont, estant en La Haye , fit préparer ceulx de son hostel, monta à charriot , aulcuns des siens à cheval , mena avecq lui le seigneur de Wassenaire , chevalier, le greffier et procureur de Hollande, tous en armes, ensemble le conseil de La Laye et les seigneurs des comptes. Iceulx venus de La Haye prindrent garde à la fortification de la muraille ; mais ayant leur venue , le bailly de la ville , l'escoutette et ceulx de la loy , voyans le populaire voloir donner sur eulx , comme dict est , fut advisé que l'on donneroit aux murmurans chacun trois gros par jour, pour leur vivre , dont grandement se contentèrent , paisiblement allant par les rues sans esmouvoir quelque hutin.

Le fort de la ville , visité par le seigneur d'Egmont et les siens, furent mandez deux cens compaiguons fort en poinct et bien accoustrez , qui, sur moings de deux jours , arrivèrent à la Laye ; et lorsque ledit seigneur d'Egmont se sentit le plus fort en la ville , il fit oster les gaiges de trois gros aux poures compaignons, dont ils fusreut fort desplaisans.

Pendant ce temps , ceulx de Harlem et d'Alkemar , faisant grans préparatoires , donnèrent cotissement pour sçavoir lesquels seroient conducteurs de l'armée qui debvoit marcher vers La Laye. Et advint que Jehan -Jacop Soen, burguemestre f maistre Jehan Gheryt , cirurgien , maistre Guillaume, par qui long-temps avoit esté souldoyer de

Rode, le grand Diérick , brasseur demorant sur Barquesse, avecq aucuns aultres, eurent la conduicte de ceulx de Harlem , estans en nombre de vingt-cinq cens hommes. Puis le vingtiesme de may, environ dix heures du matin, sortirent de Harlem en ordonnance , entre lesquels Jehan- Jacop Soen , comme principal capitaine, faisoit porter devant lui en ung chariot la bannière de la ville, et ceulx d'Alkemar, des petites villes, et paisans, estoient environ trois mille cinq cens, lesquels marchoient après eulx , ensemble leurs adhérens; et ung josnefils, fortriche, nouvellement retourné de Ghérusalem , conduisoit leur bannière principale, estant en ung charriot comme l'aultre , selon la mode du pais.

Le soir venu, prindrent logis à Nortelvicq, ung gros villaige à lieue et demie près de la Laye , où ils séjournèrent jusques au dixiesme jour de may; et d'illecq , au poinct du jour , marchèrent en bataille , ordonnèrent l'artillerie devant, et firent leur approche devant la ville de la Laye , à la porte Sainct-Jehan es faulxbourgs, en laquelle sont deux cloîtres et grande plante de bons hostels, où ils furent losgiez et rafraischis. Et après qu'ils furent réfectionnèz , coeillèrent merveilleux corraige et se prindrent à abbattre plusieurs gros et puissans arbres croissans lez une rivière ; desquels , en moins de deux heures, ils firent et plantèrent devant ladite porte , ung fort et très grand bol vert. Si commenchèrent vistement à battre et ruer de leurs

266 GHnoniQUBS 049»)

serpentines et aultres enghiens à pouldre, tant à ladite porte que à la muraille à ['environ. Puis ; comme gens sans paour, plains de grand hardement , donnèrent l'assault à la porte , qui dura bonne espace; et ceulx de la Laye, fort diligens et par advisez de leurs deffenses , les recoeillèrent vigoreusement et les servirent pareillement d'artillerie à ce propre, comme veuglaires, hacquebutes , arbalestres et arcqsd'acier, tant dru , souvent et fort rudement , que les assaillans furent coostraincts eulx retirer en leur bolvert , bleschiez et durement bersauldez du traict ; et entre lesquels le grand Diérick , brasseur de Barcquemesse , i'ung des conducteurs de Harlem , fut d'une serpentine navré en la jambe au-dessoubs vers le talon. Pourquoi luy et tous ceulx de son parti furent angoisseusement courroucez. Se convertirent vaillandise en couardise, hardiesse en paresse, et avanchement en recullement , si que de faict parlèrent ensemble, disant que ils labouroient envain, et que impossible estoit de parvenir à leur intention.

Quant ceulx de la ville les percheurent recréans de leur emprinse , pendant le temps qu'ils te noient leurs conseils, aucuns compaignons adventuriers saillirent hors delà Laye, à cheval et à pied, et chergèrent sur eulx, donnant dedens tant merveilleusement, qu'ils furent tous espouvantez. Lors s'esleva ung grand alarme entre les assaillaus , tellement que ceulx de leur sorteestant à l'environ d'eulx , oyant cest effroy , cuidant que toute la

puissance de la ville fut issue sut* leurs gens, lesquels gens ils espéraient estre rompus , perdus , mutilez et mis aux Jrenchans de leurs espées , se mirent en desroj, habandonnèrent leur artillerie, engiens, armures, harnois* haulbregeons, bannières, guidons, bastons, bière , pain et fromaigè, pour plus légièrement courre, et tournèrent en fuite. En ceste grant tempeste et confus reboutetnent , fut prins le grand Diérick dessusdit. Se fut navré Wallain, capitaine d'Alkemar, et plusieurs aultres de moyen et bas estât; mais Jehan Jacop , principal ducteur de Harlem , se saulvâ , traversant la rivière ; car ils furent vistement deschassez et poursu jvis le fer au dos. Et d'autre part , ung chevalier nommé sire Cornille , hault maistre de Hollande , estant en soo chasteau , à lieuwe et demie près de la Laye, voyant le désarroy , fuite et confusion de ceulx de Harlem et d'Alkemar , issit de sa forteresse, aecompaigné de vingt-six compaignons bien accoustrez, chergea dessus les fuyans, et leur donna la chasse près d'une lieue. Aucuns des malheureux furent occis, aultres bleschiez, et aucuns aultres prisonniers furent menez à la La je. Puis retourna en son chasteau , sain et entier, luj et les siens, et sansdangier d'estre grippés de fortune. Ces piteuses n ouvelles vernies à Harlem, par les mieiïlx montez et rudement courans , tous les habilans de la ville furent en grande désolation, les femmes pour leurs maris , les mères pour leurs fils; les sœurs pour leurs frères ; car ils cuidoient

véritablement que tous fussent ou morts ou prias ; parquoj grans cris, dolents regrets et lamentables complainctes se firent lors les ungs aux aultres. Mais environ l'heure de mynuict, rentrèrent en la ville , la pluspart d'iceulx avecq une bannière seulement ; dont ils furent ung petit resjojs^ Ceulx d'Alkemar perdirent nettement leurs bannières , enseignes et guidons, et ceulx du plat pais retournèrent en leurs maisons.

Le vingt et uniesme jour dudit mois de mai, ceulx de Harlem assemblèrent leur conseil en la maison de la ville , et pour susciter nouvelle playe, conclurent mander en Gueldres, mille ou douze cents rustres , et donnèrent lectres scellées du scel à cause de la ville , à ung d'eulx qui en print la cherge ; promectant tant de bouche comme en vertu desdites lectres, leurs donner quatre patars pour jour , payer pour ung mois. Iceulx arrivez à Harlem , ledit commis esleva douze cents rustres, lesquels le seigneur de Gueldres avoit licenciez et hahandonnez, si les mena jusques à l'enviroo d'Utrecht; mais ne voloient venir plus avant , s'ils n'estoient payez d'argent comptant pour tout le mois , ce que ledit commis ne povoit faire ; si en amena seulement deux cents , sur sa promesse ; lesquels venus à Harlem , furent reçeus à grand joye.

F»H DU SKCOHD VOLLMK DES CHROXriQUKS DB F1U MAI&TEE JEBAH MOf.mr y IHDICIAIEE DES TRÈS ILLUSTRES MAIS05S d'aUSTEICE ET DE BOUEGOGSE.

(»49 2 ) DE JBAH MOLINET. 269