CHAPITRE CCLXIX
Les espousailles de madame Blanche-Marie, fille du duc de Milan, que- Dieu absoilve, conjoincle par mariage à très excellent prince Maximilian j roy des Romains , et du couronnement d'elle.
Madame Blanche-Marie , fille au duc Galéas Maria , fut amenée du chasteau de Milan jusques à l'esglise cathédrale , à grant honneur et triumphe, accompaigniée de deux ducs , ses frères et de leur oncle , de trois marquis , de sept contes , de dix ou douze barons, de cent chevaliers et de gentilshommes sans nombre ; et se y furent deux ducesses, aulcunes marquises et contesses , ensemble très nobles dames et damoiselles , en grant multitude.
Du chaslel de Milan jusques à ladite esglise est une rue de sept traicts d'arcqs de longueur ? et laquelle fut parée et tapissée ^ et couverte par dessus , plaine d'escuchons armoyez aux armes du roy Maximilian , à croix Sainct- Andrieu et fusils; et devant aulcunes maisons estoient eschaffaulx chergez de dames fort gorgiases et de si grande monstre, qu'elles sembloient ducesses , tant bien estoient atournées et habituées de robes d'or , de velours, de damas , de satin et de précieuses pierreries , de chaisnes d'or, de grosses perles , estimez de grant valeur et extrême richesse.
Item. Y'avoit cinquante chevaliers, houssetz de drap d'or et d'argent, de velours, satin et
4lO CHKONIQURS 049 3 )
aultres soyes ; dix charriots chergiez de dames , tous couverts de drap d'or et d'argent , de velours et samis ; et entre lesquels en y eut deux lesquels , avecq ce qu'ils estoient couverts de draps d'or , estoient bordez de perles assez gros et pesans.
Item. Y avoit six vingts nobles hommes vestus de drap d'or ; deux cens robbes de drap d'argent , et huit à noef cens gentilshommes habituez de velours , satin , damas et aultres soyes.
Item. En ladite esglise y avoit deux pavillons tèndus,l'ung de drap d'or, pour les ambassadeurs du roy des Romains; Taultre , de drap d'argent, pour la royne et ses nobles parens. La messe fut chantée par l'archevesque de Milan ; laquelle messe totalement achevée, la royne, au nom du roy, fut espousée par l'ung de ses ambassadeurs , nommé Régis, et après fut couronnée d'une couronne estimée à la valeur de cent mille ducats, à cause des dignes précieuses pierreries et grosses perles dont elle estoit estoffée ; et fut ce mystère accomply en présence des ambassadeurs de France et de Venise.
Les princes, royne , dames et damoiselles retournèrent au chastel sur chevaulx houssez de draps d'or et d'argent , comme dessus ; et la royne estoit montée sur une très belle hacquenée blance, houssée de drap d'or par dessus , cloutée de doux d'or, accompaigniée de quatre chevaliers , lesquels portoient ungpale de drap d'or par dessus elle.
La renommée couroit en court que le josne duc de Milan, son frère, et son oncle, avoient doté
049 3 ) DE JEAN MOLINET. 4l*
ladite royne de sept cens mille ducats comptans , et pour les joyaulx quatre cens mille , et les parens de deux cens mille.
Et quant la royne monta en barge pour venir vers le roy son mary, avec lesdits ambassadeurs de France, les Milanois remerchièrent le roy de ce qu'il s'estoit allié à eulx , veu qu'il povoit trouver plus noble dame, plus riche et plus belle; et promis rent auxdits ambassadeurs que, quant le roy auroit affaire d'or ou d'argent et de gens , le tout lui seroit abandonné..
En ce temps , le roy des Romains fit publier en trois langaiges, par les quarrefours de la ville d'Anvers , comment il abolissoit la dégradation de honneur, que l'empereur avoit faicte en l'an mil quatre cens quatre-vingt et huict, en ladite ville , contre la personne de monseigneur Philippe de Clèves, seigneur de Ravestain, en disant que la guerre que ledit de Ravestain avoit menée paravant contre les Flamengs et aultres^ avoit esté faicte de son bon voloir, à bon tiltre et juste querelle ; si le restituoit en son honneur comme dessus.
