TOME XLVI

ville mestre teste à bort pour donner résistence , disans qu'ils le faisoient par eau telles, affin de les attrairesubtillement^ et quant ils seroient montez, les despécher soudainement. Toutesfois le contre estoit toute vérité ; car les plus grands de la ville, gensdarmes et aultres, .lesquels avoient promis vivre et morir sur la muraille , estoient tant espoventez, marris et es ton nez que, pour refuge finable, aulcuns d'iceulx se ten oient clos en leurs maisons,, et les aultres quéroient umbres et taudis ; tellement que pour monstrer bonne mine , ledit Jehan Turpin trouva que les femmes avoient meilleur coraige que les hommes, si leur fit porter salades, prendre maillets de ploncq, et mectre teste à creteaux; si que finablement les Franchois appercheurent qu'il y avoit gens de desfence.

Advint à ce dernier assault que l'un des capitaines de France fut angoisseusement bleschié. Si le porta tant impatiemment que riens plus, et commencha à dire que les Flamens les avoient illecq amenez pour les trahir et exterminer ; et que la ville que Ton espéroit estre sans garnison , estoit toute plaine de gens d'armes. Mais s'ils eussent sceu la grand nécessité, indigence, et poureté d'icelle , jamais ne fussent retournez sans l'avoir à leur volunté. Et ainsi qu'il pleut à Nostre-Seigneur , grosse murmure s'esleva entre eulx , tellement que levèrent le siège honteulx et confus , à grande perte d'honneur, de gens et d'artillerie , dont cenlx de Nyeuport furent très joyeulx ; les-

04^9) DE JEAH MOLIWET. 29

quels à très grand paine, crainte, paour et sude , contindrent ceste pestilence l'espace de neuf jours continuez. Mais le vingt-huictième de juing , que se leva ledit siège , Denis de M orbecke a voit tant labouré que deux cents Ànglez estoient arrivez à Furnes , pour se bouter à Nyeuport la nuict séquante par le quartier vers Dixmude, car il n'estoit pas assiégé.