CHAPITRE LIY

Comment grands lournoiemenis se firent en la ville do Bruxelles.

En ces mêmes jours, le duc de Bourgogne alla , très grandement accompagné des seigneurs de ses pays, en la ville de Bruxelles, pour être à un tournoiement qui là devoit être fait le jour des Caresmeaux; duquel tournoiement éloit le chef le fils du damoisel de Gazebèque, c’est à savoir de donner le prix. Auquel lieu le duc de Bourgogne fut honorablement reçu et festoyé du duc Philippe de Brabant, son cousin-germain , et des autres seigneurs du pai s , et aussi de ceux de la ville de Bruxelles. Et quand ce vint au jour que le tournoiement se devoit faire, les doux ducs dessus dits furent jiartis l’un contre l’autre , et pareillement grand’ partie de leurs gens, par l’avis et délibération d’aucuns sages de leurs conseils et de leurs ofliciers d’armes, afin d’eschever toutes rigueurs qui en pourroient advenir. Et furent ce jour, tant d’un ccMé comme d’autre, de sept à huit vingts heaumes sur la place, c’est à sa¬

voir sur le marché de Bruxelles ; et étoit grand’ noblesse de les voir, car ils étoient tous moult richement habillés et parés de leurs armes.

Et quand ce vint que les dits officiers d’armes eurent fait les cris en ces cas accoutumés, ils se férirent degrand’ volenlé l’un parmi l’autre ; et y eut maint riche coup féru entre icelles parties ; et enfin fut le prix donné à un gentilhomme de Brabant, nommé Jean Linquart.

Et le lendemain et second jour furent faites grands joutes, entre lesquelles, pour le premier jour, emporta le prix le duc de Brabant , et pour le second , le seigneur de IMamines. Et quant aux danses et banquets, il y en eut fait en très grand’ abondance. Et y avoit largement dames et damoiselles moult richement parées selon l’état du pays. Et au regard des mommeries tant d’hommes comme de femmes, il y en avoit largement. Durant laquelle fête fut baillée l’épée au seigneur de Croy, chevalier du duc de Bourgogne ; lequel , par le conseil, fit derechef crier un autre tournoiement à un certain jour ensuivant , pour être assemblé et fourni en la ville de Mons en Hainaut ; lequel, pour certaines occupations qui survinrent dedans le dit jour, ne se fit point. Et après que le dessus dit duc de Bourgogne eut séjourné dedans icelle ville de Bruxelles quatre ou cinq jours, il s’en retourna en son pays de Flandre, nonobstant que, durant le temps dessus dit, il faisoil très divers temps, tant de neiges comme gelées ; et les autres seigneurs se relrahirent és lieux dont ils étoient venus.