CHAPITRE LXXIX

Commenl, en cel an, le (iuc de Bourgogne mit sus un ordre, qui fut nommé l’ordre de la Toison.

En cet an, le duc Philippe de Bourgogne mit sus , en l’honneur de Dieu et de monseigneur saint Andrieu, duquel en armes il porloit l’enseigne, une ordre et fraternité de vingtquatre chevaliers sans reproche, gentilshommes de quatre côtés , auxquels il donna à chacun d’eux un collier d’or moult gentement ouvré de sa devise, c’est ’à savoir du fusil. Auquel collier pendoit à chacun sur le devant, en manière que portent les grands dames et damoisellcs images, fermailles et autres joyaux, une toison que jadis conquit anciennement Jason, en nie de Colchos , comme on le trouve par écrit en l’histoire de Troie , de laquelle n’est point trouvé en nulles histoires qu’oneques nul prince chrétien lui eût révélée ni mi.se sus. Si fut la dessus dite ordre, à l’imagination de celle que dit est, nommée par le dit duc l’ordre de la Toison-d’Or ; et furent par lui et

aucuns de son conseil élus et nommés pour porter la dite ordre vingt-quatre chevaliers , desquelles noms s’ensuivent: premier y étoit le dit duc, chef et fondateur d’icelle ; en après y étoitGuillaume de Vienne, seigneur de Saint- George, messire Regnier Pot, seigneur de la Roche, le seigneur de Roubaix, le seigneur de Montagu , messire Rollant de Hutequerque , messire Antoine de Vergy, comte de Dammartin , messire David de Brimeu , seigneur de Ligny, messire Hue de Launoy, seigneur de Santés, messire Jean, seigneur de Commines, messire Antoine de Thoulongeon , maréchal de Bourgogne, messire Pierre de Luxembourg, comte de Conversan, messire Jean de La Trimouille, seigneur de Jonvelle, messire Jean de Luxembourg, seigneur de Beau-Revoir, messire Gillebert de Launoy, seigneur de Villerval, messire Jean de Villiers, seigneur del’Ile- Adam , messire Antoine, seigneur de Croy et de Renly, messire Florimont de Brimeu, seigneur de Massincourt, messire Robert, seigneur de Mamines , me sire Jacques àe Brimeu, seigneur de Grigny, messire Beaudoin de Launoy, seigneur de Moulambais, messire Pierre de Beaufremont, seigneur de Charny, messire Philippe, seigneur de Ternant, messire Jean de Créqui et messire Jean de Croy, seigneur de Tours-sur-Marne. Lesquels chevaliers, comme dit est, au recevoir de la dite ordre, firent, et dévoient faire leurs successeurs plusieurs solennels promesses et notables ordonnances pour l’entretènement d’icelles ; desquelles ci-après en ce présent livre sera faite meation plus à plein, après que la dite ordre sera du tout parfournie en son droit nombre ; car depuis que les dessus nommés y furent mis, certaine espace de temps après en eut ajouté aucuns autres. Si doivent les hoirs d’iceux chevaliers renvoyer après leur trépas au dit duc de Bourgogne le dit collier, pour le bailler à autre chevalier.