CHAPITRE LXXXV

Comment René, duc de Bar, mil le siège devant Cliappes,

emprès Troyes en Cliainpagnc.

En ce même temps , le duc de Bar, nommé René de Sicile, convoqua de ses duchés de Bar et de Lorraine et des marches d’Allemagne et à l environ très grand nombre de gens d’armes, avec lesquels aussi se mit ce prudent et vaillant chevalier le seigneur de Barbasan , lequel, comme dit est dessus, a été très long temps prisonnier aux Anglois. Et pouvoit avoir icelui duc de deux à trois mille combattants , atout lesquels il alla assiéger Chappes, à trois lieues de Troyes , dedans laquelle ctoient le seigneur d’Aumone et son frère, et avec eux plusieurs gens de guerre, qui très vaillamment se mirent en défense. Et avec ce envoyèrent devers les seigneurs de Bourgogne eux prier qu’ils les voulussent secourir à ce besoin. Lesquels seigneurs, c’est à savoir messire Antoine de Thoulongeon , maréchal de Bourgogne, le comte de Joigny, messire Antoine et messire

Jean de B'^ergy, le seigneur deYeuvelle, le seigneur de Chastellux, Le Veau de Bar, et généralement la greigneur partie de la gentillesse de Bourgogne, jusqu’au nomire de quatre mille combattants, s’ascemblèrent et vinrent assez près du logis du duc de Bar pour le combattre. Lequel duc, sachant leur venue, se mit en bonne ordonnance de bataille; mais en bref iceux Bourguignons se mirent en desroy et retournèrent en leur pays. Si furent environ, que morts que pris, bien soixante, entre lesquels le seigneurs dePlansi, Charles de Rochefort. Et pareillement le seigneur d’Aumone, en saillant hors de sa place, pour aider à combattre ses ennemis avec aucuns de ses gens, fut pris prisonnier. Si convint qu’il livrât sa forteresse au duc de Bar, laquelle fut du tout démolie, et son frère fut pris comme lui.