partie dou gouvrenement de la ville de Gaind, mais

15 j'en sai un qui point n'i vise ne ne pensse, que, se il

s'en voloit ensongniier, il n'i poroit avoir plus propisce

ne de milleur non. » Dont fu Piètres dou Bos requis

que il vosist celi nommer ; il le nomma et dist : « C'est

Phelippcs d'Artevelle, qui fu tenus as fons en l'église

10 de Saint Pière de Gaind de la noble roïne d'Engletière,

que on appella Phelippe, et qui fu sa marine, en che

tamps que ses pères. Jaques d'Artevelle, seoit devant

Tournai avoecques le roi d'Engletière, le duc de Brai-

bant, le duc de Guerlles et le conte de Hainnau, liquels

25 Jaques d'Artevelle, ses pères, gouvrena en son tamps

la ville de Gaind et le pais de Flandres si très bien

que onques puis ne fu si bien gouvrenés, à ce que

j'en ai [oï] et oc encores recorder tous les jours

les anchiens qui le connissance en eurent, ne ne fu

30 onques si bien tenus ne gardés en droit que il fu de

son tamps, car Flandres estoit un tamps toute perdue,

quant par son grant sens et l'eur de li il le recouvra.

Et sachiés que nous devons mieux amer les branques et les membres qui viennent de si vaillant homme qui fu que de nul autre. » Sitost que Piètres dou Bos ot dist ceste paroUe, Phelippes d'Artevelle entra en toutes manières de gens si en corage que on dist tout de une 5 vois : « On le voist, on le voist querre! Nous ne volons autre. » — « Nenil, dist Piètres [dou Bos], nous ne l'envoierons point querre. Il vault bien que on voist vers li ; encores ne savons nous comment il se vaura maintenir ne de nous soi ensonniier. » 10

§ 208. A ces mos, se missent tout cil, qui là estoient, et encores plus assés, qui les sieuoient, au chemin, et vinrent vers le maison Phelippe, qui de leur venue estoit tous avissés. Li sires de Herselles, Piètres dou Bos, Piètres le Wintre et environ dis ou douse des 15 doiiens des mestiers entrèrent en sa maisson et là [li] requesrent et li remonstrèrent comment la bonne ville de Gaind estoit en grant dangier d'avoir un souverain cappitaine, auquel hors et ens on se peust raloiier, et que toutes manières de gens demorant en Gaind li 20 donnoient leur vois et l'avoient avisset à estre leur souverains cappitains, car li recorps de son boin nom, et pour l'amour de son bon père, leur ceoit mieux en la bouce que de nul autre : pour quoi il li prioient affectueusement que de bonne volenté il se vausist 25 emprendre d'avoir le gouvrenement de la ville et le fais des besongnes ens et hors ; et il li juroient foi et loiaulté [entérinement] comme à leur signeur, et feroient toutes gens, com grans qu'il fuissent en la ville, venir à son obéissance. Phelippes entendi bien 30 toutes leurs requestes et paroUes, et puis moult sage-

ment il respondi et dist enssi : « Signeur, vous me requerés de grant cose, et, espoir, vous ne penssés mie bien le fais tel comme il est, quant vous voilés que je aie le gouvrenement de la ville de Gaind. Vous dites 5 que l'amour que vostre predicesseur eurent à mon père vous i atrait : quant il eut fait tous les plus biaus services comme il peut, il l'ochirent. Se je emprendoie le gouvrenement tel que vous dites, et j'en fuisse enfin ochis, j'en aroie petit leuwier etpovre guerredon. » —

10 « Phelippe, dist Piètres dou Bos, qui happa la paroUe et qui estoit li plus doublés, ce qui est passé ne poet on recouvrer. Vous ouverés par conseil et vous serés tousjours si bien consilliés que toutes gens se loeront de vous. » Respondi Phelippes : « Je ne le vorroie

15 mie faire autrement. » Adont fu il là eslevés entre eus et amenés ou marchiet et là sermentés ; et il sermenta ossi les maieurs et les eschievins et tous les doiens de Gaind. Enssi fu Phelippes d'Artevelle souverains cappitains de Gaind, et aquist en ce commenchement

20 grant grâce, car il parloit à toutes gens, qui [à lui] à besoingnier avoient, doucement et sagement, etfisttant que tout l'amoient, et, une partie des revenues que li contes de Flandres a en le ville de Gaind de sen hiretage, il les fist distribuer au signeur de Herselles, pour

25 cause de gentillèce et pour parmaintenir au chevalier sou estât, car, tout ce qu'il avoit en Flandres hors de la ville de Gaind, il avoit tout perdu.

Nous nos soufferons un petit à parler des matères de Flandres, et parlerons des besongnes d'Engletière

30 et de Portingal.

§ 209. Vous avés bien chi dessus oï recorder que.

fl381] LIVRE DEUXIÈME, § 209. 87

quant li rois Henris de Castille fu trespassés de che siècle et ses ainsnés fils dans Jehans couronnés à roi et sa moullier couronnée à roïne, laquelle estoit fille dou roi Piètre d'Aragon, la guerre se resmut entre le roi Ferrant de Portingal et le roi de Castille sus cer- 5 tainnes actions qui estoient entre eux deus, et princhipalment pour le fait des deus dames, filles dou roi dan Piètre, Constanse et Isabel, mariées en Engletière, la première au duc de Lancastre et la seconde au conte de Cambruge. Et disoit cils rois de Portingal que on 10 avoit à tort et sans cause deshireté ses deus cousines de Castille, et que ce n'estoit pas cose à consentir que deus si nobles et si hautes dames fuissent planées de leurs hiretages, et que les coses se poroient bien tant enviesir et eslongier que on les meteroit en oubli, pour 15 quoi les dames ne retourneroient jamais à leur droit, laquel cose il ne voloit pas veoir ne consentir, qui estoit li uns des plus prochains que elles euissent, tant pour l'amour de Dieu que pour aidier à garder raison et justice, à quoi tout bon crestiien doivent entendre 20 et estre enclin. Si deflfia le jone roi dam Jehan de Castille, que toute Espagne, Galise et Sebille avoient couronnet, et li fist guerre sus le title des articles ci dessus dis. Li rois dans Jehans se deffendi grandement à rencontre de li et envoiia sus frontière en ses garnis- 25 sons grant fuisson de gens d'armes et de géniteurs, pour résister contre ses ennemis, tant que à che commenchement il ne perdi riens, car il avoit de la sage et bonne chevalerie de France avoecques lui, qui le confortoient en sa guerre et consilloient, tel que le 30 Bèghe de Vellainnes et messire Pierre, son fil, messire Jehan de Berguettes, messire Guillaume de [Lingnac],

messire Gautier de Pasac, le signeur de Taride, messire Jehan et messire Tristram de Roie et pluiseurs autres qui i estoient aie depuis que li contes de Bouquighera fu venus en Bretaigne, car li rois de France, 5 qui grans aliances et grans confédérations avoit au roi de Castille, et ont eut longuement ensamble, les i avoit envoies, pour quoi li rois de Portingal s'avisa que il envoieroit certains messages en Engletière devers le roi et ses oncles, affin que il fust aidiés et confortés de

10 ses gens, par quoi il fust fors et poissans de faire une bonne guerre as Espagnos. Si appella un sien chevalier, sage homme et vaillant et grant fréteur, qui s'appelloit Jehan Frenando, et li dist toute se ent[ent]e : « Jehan, vous me porterés ces lettres de créance en

15 Engletière. Je n'i puis envoiier plus especial de vous ne qui mieux sache mes besongnes, et me recommandés au roi avoecq les lettres, et li dires que je soustieng le droit de mes cousines, les hiretières d'Espagne et de Castille, ses belles antes, et en fac guerre ou-

20 verte à celi qui s'est boutés et mis par le puissance de France en leur hiretage, et je ne sui mies fors ne poissans de moi pour résister à l'encontre d'euls ne conquerre tels hiretages comme Castille et Espagne, Galise et Sebille sont, sans sen aide : pour quoi je li

25 priie que il me voelle envoiier son bel oncle le duc de Lancastre, sa femme et sa fille, mes cousines, et une quantité de gens d'armes et d'archiers; et nous ferons, eux venus par dechà, bonne guerre avoecq le poissance nostre, [tant] que nous recouverons, au plaisir de Dieu,

30 leur hiretage. » — « Monsigneur, dist li chevaliers, à vostre plaisir je ferai vostre message. » Depuis ne demora il gaires de tamps que il entra en un bon vais-

siel et fort, pour faire che voiage, et se parti dou havene de la chité de Lusebonne, et chemina tant par mer que il vint à Pleumoude.

En celle propre heure et en che propre jour et de celle marée i arivèrent li contes de Bouquighem et 5 aucuns de ses vaissaulx qui retournoient de Bretaigne, et vous di que li Englès avoient eut si grant fortune sur mer que il avoient perdu trois de leurs vaissaulx, cargiés de gens et de pourveances, et estoient espars par mauvais vent et arivet en grant péril en trois 10 havenes en Engletière. De la venue dou chevalier de Portingal fu grandement resjois li contes de Bouquighem et li fist très bonne chière, et li demanda des nouvelles : il l'en dist assés, tant d'Espagne comme de Portingal. Si chevauchièrent depuis ensamble jusques 15 à la bonne citté de Londres, où li rois d'Engletière estoit.

§ 210. Quant li contes de Bouquighem fu venus à Londres, li Londriien li fissent bonne chière. Si s'en ala deviers le roi, qui estoit à Westmoustier, et si doi 20 oncle dallés li, le duc de Lancastre et le conte de Cambruge, et avoit le chevalier de Portingal en sa compaignie, pour lequel il parla premièrement au roi et à ses frères. Quant li rois et li seigneur dessus nommé en eurent la congnissance, si en fissent grant samblant de 25 joie et l'onnourèrent moult. Il présenta ses lettres au roi : li rois les lissi, présent ses oncles. Or devés vous savoir que li rois ne faissoit riens fors par le conseil de ses oncles, car pour che tamps il estoit encores moult jovenes. Si fu li chevaliers demandés et exami- 30 nés, pour tant que il avoit aportés les lettres de créance.

SUS quel estât il est [oit] issus hors de Portingal et venus en Engletière. Il en leur respondi bellement et sagement selonc le prémisse que vous avés oï chi dessus ; et, quant li signeur l'eurent bien entendu, si respon- 5 dirent liement et dissent : « Grant merchis à mon cousin le roi de Portingal, quant si avant il se boute en nos besongnes que il en fait guerre à nostre aversaire ; et ce que il requiert, c'est requeste raisonnable; si sera aidiés hastéement, et ara li rois avis comment il

10 i ordonnera. » Adont n'i eut plus parolle. Li chevaliers estraingnes, pour l'amour des nouvelles que il avoit aporté plaisans au duc de Lancastre et au conte de Cambruge, fu festiiés et disgna dalés le roi, et puis demora il là environ quinse jours as octavles de le Saint

15 Gorge, dont li rois d'Engletière et si oncle avoient festiiet lafeste ens ou chastiel de Windesore. Et là fu messîres Robers de Namur, liquels estoit aies veoir le roi et relever ce que il tenoit de lui en Engletière, et là furent li parlement et li conseil d'Engletière asignet

20 à estre à Londres, c'est à entendre au palais de Westmoustier. Je vous dirai pour quoi : tant pour les besongnes de Portingal qui estoient fresceraent venues que pour les Escos, car les trieuwes falloient entre euls et les Englès le premier jour de juing. Si eurent

25 là li prélat et li baron d'Engletière grans conssaus ensamble comment il poroient de ces deus coses ordonner, et estoient en estât de envoiier le duc de Lancastre en Portingal, et disoient que ce estoit uns trop longs volages pour lui et que, se il i aloit, on s'en poroit

30 bien repentir, car il entendoient que li Escot faissoient grant aparant pour entrer en Engletière. Si fu consillié determinéement pour le milleur que li dus de Lan-

castre, qui congnissoit le marce d'Escoce et les Escos, iroit sur les frontières d'Escoce et saroit comment li Escot se voroient maintenir, car mieux s'en saroit ensongniier de traitiier que nuls hauls barons d'Engletière, et feroient li Escot plus pour li que pour nul 5 autre; et li contes de Cambruge, atout cinc cens lances et otant d'archiers, feroit le voiage de Portingal, et, se li dus de Lancastre pooit tant exploitier as Escos que , à l'onneur dou roiaulme d'Engletière , unes trieuwes fuissent prisses à durer trois ans, il i poroit 10 bien aler, se li rois le trou voit en consel, sour le mois d'aoust ou [sour] le septembre en Portingal et renforchier l'armée de son frère. Et encore i avoit un autre point pour quoi li dus de Lancastre besongnoit à demorer en Engletière, che estoit pour ce que li rois 15 d'Engletière avoit renvoiiet certains messages avoecq le duc de Tassem et l'arcevesque de Ravane deviers le roi d'AUemaigne, pour avoir sa sereur à mouUier ou pour savoir comment il en seroit, car on en estoit en grans tretiés et avoit on estet plus d'un an. Si i estoient 20 d'Engletière li evesques de Saint David et messires Simons Burlé, pour toutes ces coses confremer au mieux que on poroit. A ce conseil s'acordèrent li rois et tout li signeur, et se départi li parlemens sour cel estât, et furent nommet et escript li baron et li cheva- 25 lier qui en Portingal iroient avoecques le conte de Cambruge.

§ 211. Li dus de Lancastre ordonna toutes ses besongnes et se départi dou roi et de ses frères, et, au congiet prendre au conte de Cambruge, son frère, 30 il li jura par sa foi loiaulment que, li revenu d'Escoce,

il ordonneroit tellement ses besongnes que il le sieuroit hastéement en Portingal , voire se plus grans empechemens, que il ne veoit encores, ne estoient apparant en Engletière n'i avenoient. Sus cel estât, 5 se départi li dus de Lancastre et prist le chemin d'Escoce, et chevaucoit tant seullement li et ses hostés.

Encores en che parlement darrainement fait à Londres, fu ordonnés messires Henris de Persi, contes de Northombrelande, à estre regars de toute la terre de 10 Northombrelande et de l'evesquiet de Durâmes, rentrant jusques en Galles et la rivière de Saverne. Si se départi de Londres pour aler celle part, mais che fu quinse jours apriès chou que li dus de Lancastre fu partis. Ossi se départi dou roi et dou conte de Bonis quighem, son frère, li contes de Cambruge, pour aler ens ou voiage que il avoit empris. Si fist faire ses pourveances à Pleumoude, un port sus mer en la conté de Barquesière, et s'en vint là tout premiers et enmena avoecques lui sa femme, madame Isabel, et sen fil 20 Jehan, et estoit li intention de li telle, et il l'acompli, que il les menroit en Portingal. Avoec le conte de Cambruge estoient de signeurs : premièrement messires Mahieux de Gournai, connestables de l'ost, messires li canonnes de Robersart, messires [Rainions] de Castiel 25 Noef, messires Guillaume de Biaucamp, mareschaulx de l'ost, le soudich de l'Estrade, le signeur de la Barde, le signeur de Thaleboz, messires Guillaume Helmen, messires Thumas Simon, Milles de Windesore, messires Jehans de [Sandevich] et pluiseurs autres; et 30 estoient le somme de cinc cens hommes et otant d'arclîiers. Si vinrent cil signeur et leurs gens à Pleumoude, et là se logièrent ou ens es villages d'environ, pour

attendre vent et cargier leurs vaissaux petit à petit ; et ne dévoient passer nuls chevaulx, car li chemins est trop loing d'Engletière jusques à Lusebonne en Portingal. Et estoit li chevaliers portingallois, messires Jehans [Frenando] en leur compaignie, qui s'en aloit avoecq 5 eulx. Si séjournèrent plus de trois sepmaines sus le mer, en faissant leurs pourveances et en attendant vent, que il avoient contraire.

Et entrues s'en aloit li dus de Lancastre vers Escoce, et fist tant par ses journées que il vint à le chitté de lO Beruich, c'est le darrainne ville à ce lés là de toute Engletière; et, quant il fut là venus, il s'i aresta et envoia un hirault en Escoce deviers le roi et les barons, et leur mandoit que il estoit là venus pour traire sour marce, enssi que d'usage avoient eu dou tamps passé, 15 et, se il se voloient traire avant, il en fust segnefiiés : autrement il savoit bien qu'il en avoit à faire. Li hiraus dou duc parti de Bervich et chevaucha vers Haindebourcq, où li rois Robers d'Escoce, li contes de Douglas, li contes de le Mare, li contes de Mouret et li 20 baron d'Escoce estoient tout asamblé, car il avoient ja entendu que li dus de Lancastre venoit celle part pour traitier à euls, et pour che s'estoient il mis en la souverainne ville d'Escoce, sus les frontières d'Engletière, tout ensamble, et enssi les trouva li hiraus d'Engle- 25 tière envoies de par le duc de Lancastre, liquels fist son message bien et à point, et fu bien et volentiers ois, et eut responsse de par les signeurs d'Escoce qui li dissent enssi que volentiers il oroient le duc parler. Si rapporta U hiraus sauf conduit pour le duc de Lan- 30 castre et toutes ses gens, à durer tant comme il seroient sur marce et que il parlementeroient ensamble. Et s'en

retourna li hiraus confortés et pourveus des asseurances, et retourna à Bervich, et monstra au duc tout ce que fait avoit. Sur ce, li dus de Lancastre se départi de Bervich, mais à son département il laissa toutes ses 5 pourveances en la ville, et puis prist le chemin de Rosebourc, et là se loga une nuit, et à l'endemain il s'en vint logier en l'abbeïe de Mauros sur la [Tuide] (c'est une abbeïe qui départ les deus roiaulmes, Escoce et Engletière), et là se tint li dus et ses hostels tant

10 que li Escot furent venu à la [Morlane], à trois petites liewes de là; et, quant il furent venu, li dus en fu segnefîiés. Si commenchièrent li traitiet et li parlement entre les Escos et les Englès, et durèrent plus de quinse jours.

15 En ces tretiés durans et parlemens faissans, avinrent en Engletière très grans meschiés de rebellions et de esmouvement de menu peuple, par lequel fait Engletière en fu sus le point que de estre toute perdue sans recouvrier, ne onques roiaulmes ne pais n'en fu [en

10 si] grant péril ne aventure comme il le fu en celle saisson; et, pour la grant aisse et craisse où li menus peuples d'Engletière gratoit et vivoit, s'esmut et esleva ceste rébellion, enssi que jadis s'esmurent et eslevèrent en France li Jaque Bonhomme, qui i fissent moult de

25 maulx et par quels incidensses li nobles roiaulmes de France a esté moult grevés.

§ 212. Che fu une mervilleuse cose et de povre fondacion, dont ceste pestillensse commencha en Engletière ; et, pour donner exemple à toutes manières de 30 bonnes gens, j'en parlerai et le remonstrerai selonc ce que dou fait et de le incidensse j'en fui adont infour-

mes. Uns usages est en Engletière, et ossi est il en pluiseurs pais, que li noble ont grant francisse sus leurs hommes et les tiennent en servage, c'est à entendre que il doivent de droit et par coustume labourer les terres des gentils hommes, quellier les grains 5 et amener à l'ostel, mettre en la grange, batre et vaner, et par servage les fains fener et amener à l'ostel, la busce copper et amener à l'ostel, et toutes telles oevres ; et doient cil homme tout ce faire par servage as signeurs, et trop plus grant fuisson de tels gens a en 10 Engletière que ailleurs, et en sont li gentil homme et li prélat ou doient estre servi, et par especial en la conté de Kemt, d'Exsexs, de Sousexs et de [BetefordeJ en i a plus que ens ou demorant de toute Engletière.

Ches meschans gens ens es contrées que j'ai nom- 15 mées se commenchièrent à eslever, pour che que il dissoient que on les tenoit en trop grande servitude, et que au commenchement dou monde il n'avoit esté nuls sers ne nuls n'en pooit estre, se il ne faissoit traison envers son signeur, enssi comme Lucifer fist envers 20 Dieu; mais il n'avoienl pas celle taille, car il ne estoient ne engle ne esperit, mais homme fourmet à la samblance de leurs signeurs, et on les tenoit comme bestes, laquel cose il ne voloient ne pooient plus souffrir, mais voloient estre tout un, et, se il labouroient ou fais- 25 soient aucuns labourages pour leurs signeurs, il en voloient avoir leur salaire.

En ces esrederies les avoit dou tamps passet grandement mis et boutés uns fols prestres d'Engletière, de la conté de Kemt, qui s'appelloit Jehans Balle, et, 30 pour ses folles parolles, il en avoit jeut en prison devers j'arcevesque de Cantorbie par trop de fois, car

cils Jehans Balle avoit eut d'usage que, les jours dou diemence après messe, quant toutes les gens issoient hors dou moustier, il s'en venoit en [l'aitre] et là praiechoit et faissoit le peuple assambler autour de li, et 5 leur dissoit : « Bonnes gens, les coses ne poent bien aler en Engletière ne iront jusques à tant que li bien iront tout de commun et que il ne sera ne villains ne gentils homs, que nous ne soions tout ouni. A quoi faire sont cil, que nous nommons signeur, plus grant

10 maistre de nous? A quoi l'ont il deservi? Pour quoi nous tiennent il en servitude? Et, se venons tout d'un père et d'une mère, Adam et Eve, en quoi poent il dire ne monstrer que il sont mieux signeur que nous, fors parce que il nous font gaaignier et labourer ce que il

15 despendent? Il sont vestu de velours et de camocas fourés de vair et de gris, et nous sommes vesti de povres draps. Il ont les vins, les espisses et les bons pains, et nous avons le soille, le retrait [et] le paille, et [buvons] l'aige. Ils ont le séjour et les biaux ma-

20 noirs, et nous avons le paine et le travail, et le pleue et le vent as camps, et faut que de nous viengne et de nostre labeur ce dont il tiennent les estas. Nous sommes appelé serf et batu, se nous ne faissons présentement leur service ; et [si] n'avons souverain à qui nous

25 nos puissons plaindre ne qui nous en vosist oïr ne droit faire. Alons au roi, il est jovenes, et li remonstrons nostre servitude, et li dissons que nous voilons qu'il soit autrement, ou nous i pourverronsde remède. Se nous i alons de fait et tout ensamble, toutes manières de gens qui

30 sont nonmé serf et tenu en servitude, pour estre afranchi, nous sieuront. Et, quant li rois nous vera ou [orra] , ou bellement ou aultrement, de remède il i pourvera. »

Enssi dissoit cils Jehans Balle et parolles semblables les diemences par usage, à l'issir hors des messes as vilages, de quoi trop de menues gens l'ooient. Li aucun qui ne tendoient à nul bien disoient : « Il dist voir! » et murmuroient et recordoient l'un à l'autre as camps 5 ou alans leurs chemins ensamble de village à autre ou en leurs maisons : « Tels coses dist Jehans Balle, et [si] dist tout voir. » Li archevesques de Cantorbie, qui en estoit enfourmés, faissoit prendre che Jehan et le mettre en prisson, et l'i tenoit deus ou trois mois pour lo li castiier; et mieux vausist que très la première fois il l'eust condempné à tousjours en prisson ou fait morir que che que il en faissoit, car il le delivroit et n'avoit point consience de ii faire morir; et, quant Jehans estoit hors de le prisson de l'arcevesque, il 15 rentroit en sa russe comme en devant.

De sa parolle, de sa vie et de ses oevres furent aviset et enfourmet trop grant fuisson de menues gens en la citté de Londres, qui avoient envie sur les rices et sour les nobles, et commenchièrent à dire entre euls 20 que li roiaulmes d'Engletière estoit trop mal gouvrenés, et que il estoit d'or et d'argent desroeubés par ceulx qui se nommoient nobles : si commenchièrent ces mescheans gens en Londres à faire le mauvais et à laulx révéler et segnefiier à ceulx des contrées dessus 25 dites que il venissent hardiement à Londres et amenaissent leur peuple, il trouveroient Londres ouverte et le commun de leur acord, et feroient tant devers le roi que il n'i aroit nul serf en Engletière.

§ 21 3. A ces proumesses s'esmurent chil de la conté 30 de Kemt, cil d'Exsexs, de Sousexses, de Beteforde et

des pais d'environ, et se missent au chemin et vinrent vers Londres ; [et se assemblèrent de pluseurs contrées et de pluseurs villages au retour de Londres] , et estoient bien soissante mille, et avoient un souverain cappitain, 5 quis'appelloit Wautre Tillier ; avoecques li estoient, et de sa compaignie, Jaque Strau et Jehan Balle. Cil troi estoient li souverain cappitainne de tous, et, le grigneur entre eulx, c'estoit Wautre Tillier ; et cils Wautres estoit uns couvrères de maisons de tieulle : mauvais gars et

10 envenimés estoit. Quant ces mescheans gens se commenchièrent à eslever, sachiés, li Londriien, excepté cil de leur sexte, en furent tout efFraé, et eurent conseil li maires de Londres et li rice homme de la ville, quant il les sentirent enssi venir de tous costés, que il leur

15 fremeroient les portes et n'en lairoient nul entrer en la ville, enssi qu'il fissent. Mais, quant il [eurent] tout l'afaire bien imaginet, [il dissent] que non feroient et que il se metteroient en grant péril de tous leurs fourbours ardoir. Si leur ouvrirent leur ville, et il i entrè-

20 rent ens par [fous] d'un village cent ou deus cens ou vint ou trente, enssi que les villes estoient peuplées; et, enssi que il venoient en Londres, il se logoient. Et sachiés en vérité que bien les troi pars de ces gens ne savoient que il se demandoient ne qu'il queroient, mais

25 sieuoient l'un l'autre, enssi que bestes et enssi que li Pastouriel fissent jadis, qui dissoient que il aloient conquerre la Sainte Terre, et puis tout ala à noient. Enssi venoient ces povres gens et cil villain à Londres de cent lieues, de soissante lieues, de quarante lieues,

30 de vint lieues et de toutes les contrées .environ Londres; mais la grigneur plenté en vint des terres dessus dittes de la conté de Kemt et d'Exsexs, et deman-

doient en venant le roi. Li gentil homme dou pais, chevalier et escuier, se commenchièrent à doubter, quant il sentirent tel peuple révéler, et, se il furent en doubte, il i ot bien raison, car pour mains s'effrée on bien. Si se commenchièrent à mettre ensamble au 5 mieux et au plus bel qu'il peurent.

En che jour que ces meschans gens de la conté de Kemt venoient à Londres, retournoit de Cantorbie la mère dou roy d'Engletière, la princesse de Galles, et venoit de pelerignage. Si en fu en trop grant aventure 10 de estre perdue par eux, car ces mescans gens saloient sur son char en venant et li faissoient moult de desrois, de quoi la bonne dame fu en grant esmai de li meïsmes que par [aucune] cose il ne li fesissent violensse ou à ses damoiselles. Toutesfois Dieux l'en garda, l& et vint en un jour de Cantorbie à Londres, ne onques ne s'osa anuitier sour le chemin.

A ce jour estoit li rois Richars, ses fils, ens ou castiel de Londres ; si vint là le princesse et trouva le roi, dalés li le conte de Sasleberi, l'arcevesque de Cantor- 20 bie, messire Robert de Namur, le signeur de Gommegnies et pluiseurs autres, qui se tenoient tout dalés li pour le doutance de ces gens qui se reveloient enssi, et ne savoient que il demandoient. Et cheste rébellion estoit bien sceue en l'osteil dou roi avant que il le 25 monstraissent ne que cils peuples isist hors de leurs Ueux; et, se n'i metoit point li rois remède ne conseil, dont on se poeut moult esmervillier ; et, afin que tout signeur et bonnes gens qui ne voellent que bien i prendent exemple pour corigier les mauvais et les 30 rebelles, je vous esclarcirai che fait tout plainement, enssi qu'il fu démenés.

§ 214. Le lundi, le premier jour de la sepmainne, à bonne estrine, devant le jour dou Sacrement, en l'an mille trois cens quatre vins et un, se départirent ces gens et issirent hors de leurs lieux pour venir vers Londres 5 et pour parler au roi et pour estre tout franc, car il voloient que il n'i eust nul serf en Engletière. Et s'en vinrent à Saint Thomas de Cantorbie, et là estoient Jehans Balle, qui quidoit trouver l'arcevesque dou dit leu (mais il estoit à Londres avoecques le roi), Wautre TieuUier et

10 Jaques Strau. Quant il entrèrent en Cantorbie, toutes gens leur firent feste, car toute li ville estoit de leur sexte, et là eurent conseil et parlement ensamble que il venroient à Londres deviers le roi ; et envolèrent de leurs gens et de leurs compaignons oultre le Tamisse

15 en Exsexs, en Sousexsexs, en la conté de Stafort et de Betefort parler au peuple, que tout venissent de l'autre costé à Londres : si encloroient Londres. Enssi ne leur poroit li rois escaper, et estoit leur intention que, le jour dou Sacrement ou l'endemain, il se trouveroient

20 tout ensamble.

Cil qui estoient en Cantorbie entrèrent en l'abbeïe de Saint Thumas et i firent moult de desrois, et pillèrent et fustèrent le cambre de l'arcevesque, et dissoient, en pillant et en portant hors : « Cils canceliers d'Engle-

25 tière a eu bon marchié de ce meuble : il nous rendera conte temprement des revenues d'Engletière et des grans pourfis que il a levés puis le couronnement dou roi. » Quant il eurent che lundi fusté l'abbeïe de Saint Thomas et l'abeie de Saint Vinchant, il se partirent

30 [l'endemain] au matin, et tous li peuples de Cantorbie avoecq eulx, et prissent le chemin de Roceste. Et enmenoient toutes gens des villages à destre et à

senestre, et, en cheminant et allant, il fondefloient et abatoient, enssi que uns tempestes, maisons d'avocas et de procureurs de le court dou roi et de i'àrcevesque, et n'en avoient nulle merci.

Quant il furent venu à Rocestre, on leur fist grant 5 chière, car les gens de la ville les attendoient, qui estoient de leur sexte, et alèrent ou castiel et prissent le chevalier qui gardiiens en estoit et cappitainne de la ville, et se nommoit messires Jehans Meuton. [Si] li dissent : « Il faut que vous en venés avec nous et que 10 vous soies nos souverains menères et cappitains, pour faire che que nous voldrons. » Li chevaliers s'excusa moult bellement, et remonstra pluiseurs raisons d'escusances, se elles peussent riens valloir, mais nenil, car on li dist : « Messire Jehan, messire Jehan, se vous 15 ne faites ce que nous voilons, vous estes mors ! » Li chevaliers veoit che peuple tout foursené et aparilliet de li ochire : si doubta le mort, et obeï à eux, et se mist oultre son gré en leur route.

Tout en tel manière avoient fait cil des autres con- 20 trées d'Engletière, d'Exsexes, de Sousexses, de Kemt, de Stafort, de Betefort, de l'evesquiet de [Norduich], jusques à [Gernemue] et jusques à [Line], et mis les chevaliers et les gentils hommes en leur obéissance, et tels que le signeur de [Morlais], un grant baron, messire 25 Estièvene de Halles et messire [Estienne] de [Gosington], et les faissoient venir avoec eux.

Or, regardés le grant derverie. Se il fuissent venu à leur entente, il eussent destruit tous les nobles en Engletière ; et après en autres nations tous menus 30 peuples se fust révélés, et prendoient piet et example sour cheux de Gaind et de Flandres, qui se rebelloient

contre leur signeur. Et en celle propre anée li Parisiien le fissent ossi et trouvèrent à faire les maillés de fier, dont il fissent plus de vint mille, sicom je vous recorderai quant je serai venus jusques à là, mais nous 5 poursieurons à parler premièrement de ceulx d'Engletière.

§ 215. Quant cils peuples, qui estoitlogiés à Rocestre, eurent fait che pourquoi il estoient là venu, il se départirent et passèrent la rivière et vinrent à Brainforde,

10 et toudis tenant leur oppinion d'abatre à destre et à senestre devant eux hostels et mansions d'avocas et de procureurs. Ne nul n'en deportoient, et copèrent en venant à pluiseurs hommes les testes et cheminèrent tant qu'il vinrent à quatre lieues de Londres, et se

15 logièrent sour une montaigne que on appelle ou pais Blaquehède, c'est à dire en françois la Noire Bruière, et dissoient en venant que il estoient au roi et au noble commun d'Engletière.

Quant cil de Londres seurent que il estoient si priés

20 d'eux logiés, il fremèrent le porte dou pont de la Tamise et i missent gardes; et ceste ordonnance fist faire li maires de Londres, sire Jehans Walourde, et pluiseurs rices bourgois de Londres qui n'estoicnt pas de leur sexte, mais il en i avoit en Londres de menues

25 gens plus de trente mille.

Adont eurent avis chils peuples, qui estoit logiés sour la montaigne de Blaquehède, que il envoieroient leur chevalier devers le roi parler à li qui estoit en la Tour, et li manderoient que il venist parler à eux, et que

30 tout ce (|ue il faisoient, c'estoit pour li, car li roiaulmes d'Engletière un[e] grant fuison d'ennées avoit esté mal

gouvrenés à l'honneur dou roiaulme et au pourfit du menu peuple, et par ses oncles et par son clergiet et princhipaument par l'arcevesque de Cantorbie, son cancelier, dont il voloient ravoir compte.

Li chevaliers n'osa dire ne faire dou contraire, que 5 il ne venist sus le Tamisse à l'encontre de la Tour, et se fîst naviier oultre l'aighe. Li rois et cil qui estoient ou castiel de Londres, qui desiroient à oir des nouvelles, quant il veïrent le batelet venir fendant la Tamisse, si dissent : « Vechi aucune ame qui nous 10 aporte nouvelles! » Et estoient, je vous di, en grant doubtance là dedens. Evous venir au rivage le chevaher : on li fîst voie ; on le mena devant le roi qui estoit en une cambre, le princesse sa mère dallés li et ses deus frères, messire Thumas le conte de Kemt, messire 15 Jehans de Hollandes, le conte de Sasebry, le conte de Waruich, le conte d'Asquesufforl, l'archevesque de Cantorbie, le grant prieux d'Engletière dou Temple, messire Robert de Namur, le signeur de Vertaing, le signeur de Gommegnies, messire Henri de Senselles, 20 le maire de Londres et aucuns bourgois notables de Londres, qui tout se tenoient dalés le roi. Li chevaliers messires Jehans Meuton, qui bien fu cogneus entre iaulx, car il estoit officiers dou roi, se mist en genous devant le roi, et li dist : « Mon très redoublé signeur, 25 ne voelliés mies prendre en desplaissance le mesage que il me convient faire, car, chiers sires, c'est de force que je sui venus si avant. » — « Nenil, dist li rois, messire Jehan, dites che dont vous estes cargiés : je vous tieng pour excusé. » — « Très redoub- 30 tés sires, li communs de vostre roiaulme m'envoie devers vous pour traitiier, et vous prient que vous

voelliés venir parler à eux sus la montaigne de la Blaquehède, car il ne désirent nullui à avoir que vous; et n'aies nulle doubtance de vostre personne, car il ne vous feront ja mal, et vous tiennent et tenront tous- 5 jours à roi ; mais il vous monsteront, che dient, pluiseurs coses qui vous sont nécessaires à oïr, quant il parleront à vous, desquels coses je ne sui pas cargiés de vous dire. Mais, très chiers sires, voelliés moi donner response telle qui les apaisse et que il sachent de

10 vérité que j'aie esté [devers] vous, car il ont mes enffans en ostages pour moi vers euls et les feroient morir, se je ne retournoie. » Respondi li rois : « Vous ares response, et tantos. »

Adont se consilla li rois, et demanda quel cose esloit

15 bonne à faire de ceste requeste. Li rois fu adont consilliés que le matin le joedi il venissent aval sus la rivière de Tamisse et que sans faute il iroit parler à eulx. Quant messires Jehans Menton eut celle response, il ne demanda plus : il prist congiet au roi et as

20 barons et rentra en son batiel et rapassa la Tamisse, et retourna sus la montaigne où il avoit plus de soissante mille hommes, et leur donna response que à l'endemain au matin il envoiaissent leur conseil sus la Tamisse, que li rois venroit là parler à eux. Ceste

25 responsse leur plaissi grandement, et s'en contentèrent tout, et passèrent le nuit au mieux qu'il peurent. Et sachiés que les quatre pars d'eus junèrent par deffaute de vivres, car il n'en avoient nuls, dont il estoient tout courouchiet, et c'estoit raisons.

30 § 21 6. En che tamps estoit li contes de Bouquighem en Galles, car il i tient bel hiretage et grant de par sa

femme, qui fu fille au conte de Norhantonne et de Herffort ; mais la vois estoit tout commune aval Londres que il estoit avoeques che peuple, et dissoient li aucun pour certain que il l'i avoient veu, pour un Thomas, qui trop bien le resambloit, de la conté de Remt, qui 5 estoit entre eulx.

Li contes de Cambruge et li baron d'Engletière, qui gissoient à Pleumonde et qui apparilloient leurs vaissaulx pour aler en Portingal, estoient tout enfourmé de ceste rébellion et dou peuple qui se commenchoit lO à eslever : si se doubtèrent que leurs voiages n'en fust rompus ou que li communs d'Engletierre, de Hantonne, de Wincestre et de le conté d'Arondiel ne les venist courir sus. Si desancrèrent leurs nefs et issirent hors dou havene à grant painne et à vent contraire, 15 et se boutèrent en le mer, et là ancrèrent, atendant vent.

Li dus de Lancastre, qui estoit sus marce entre le Mourlane, Rosebourc et [Miauros] , et qui là parlementoit as Escos, estoit ossi tous enfourjnés de ceste rébellion et de sa personne en grant doubte, car bien savoit 20 que il estoit petitement en le grâce dou commun d'Engletière; mais nonobstant toutes ces coses, [si] demenoit il moult sagement ses traitiés envers les Escochois. Li contes [de] Douglas, li contes de Mouret, li contes de Surlant, messires Thumas de Verssi et chil Escot, qui 25 pour le roi et le pais d'Escoche faissoient et menoient ces tretiés, savoient bien toute la rébellion d'Engletière et comment li peuples se commenchoit de toutes pars à rebeller contre les nobles; si dissoient : « Engletière gist en grant branle et péril que de estre toute des- 30 truite. B Et vous di que ens leurs traitiés il s'en tenoient plus fort enviers le duc de Lancastre et son conseil.

Or parl[er]ons dou commun d'Engletière, comment il persévérèrent.

§ 21 7. Quant che vint le jour du Saint Sacrement au matin, li rois Richars d'Engletière ci messe en la 5 Tour de Londres, et tout li signeur. Apriès messe, il entra en sa barge, li contes de Sasleberi, li contes de Waruich, li contes d'A[cciue]sufort et aucun chevalier en sa compaignie, et naviièrent à rimes pour venir oultre la Tamisse sour le rivage, en alant vers le Ride-

10 ride, un manoir dou roi, où plus avoit plus de dis mille bons hommes qui là estoient descendu de la montaigne, pour veoir le roi et pour parler à lui. Quant il veïrent la barge dou roi venir, il commenchièrent tout à huer et à donner un si grant cri que che sambloit propre-

15 ment que tout li diable d'infer fussent venu en leur compaignie. Et vous di que il avoient amené messire Jehan Meuton, leur chevalier, avoecques euls, à le fin que, se li rois ne fust venus et que il l'euissent trouvé en bourde, il l'eussent devoret et detrenchiet pièce à

20 pièce. Tout che li avoient il proumis.

Quant h rois et li signeur veïrent che peuple qui enssi se demenoit, il n'i ot si hardi que tout ne fuissent effraé, et n'eut mies li rois conseil des barons qui là estoient que il presist terre, mais commenchièrent à

25 wauler la barge amont et aval sus le rivière, et dont dist li rois : « Signeur, que voilés vous? Dites le moi. Je sui chi venus pour parler à vous. » Il li dirent de une vois, chil qui l'entendirent : « Nous volons que tu viegnes sus terre, et nous te monsterons et dirons

30 plus aissiement che qu'il nous fault. » Adont respondi li contes de Sasleberi pour le roi, et dist : « Signeur,

VOUS n' lestes mies en estât ne en arroi que li rois doie maintenant parler à vous. » A ces mos, il n'i ot plus riens dit. Li rois fu consilliés dou retourner, et retourna ens ou castiel de Londres, dont il estoit partis. 5

Quant ces gens veïrent que il n'en aroient autre cose, si furent tout enflamé d'air et retournèrent en la montaigne où li grans peuples estoit, et recordèrent comment on leur avoit respondu et que li rois estoit rallés en la Tour à Londres. Adont criièrent il tout 10 de une vois : « Alons tos à Londres ! » Lors se missent il au chemin, et s'avalèrent sus Londres, en fondeflant et abatant manoirs d'abés, d'avocas et de gens de court, et vinrent en es fourbous de Londres qui sont grant et bel. Si i abatirent pluiseurs biaulx hostels, 15 et par especial il abatirent les prisons dou roi que on dist les Mareschauchies, et furent delivret tout li prisonnier qui dedens estoient ; et fissent en ces fourbous moult de desrois, et manechoient à l'entrée dou pont ceulx de Londres pour tant que il avoient clos 20 les portes dou pont, et dissoient que il arderoient tous leurs fourbours et conqueroient Londres par force, et l'arderoient et destruiroient toute.

Li communs de Londres (moult en i avoit, qui estoient de leur acord) se missent ensamble et deman- 25 dèrent : « Pour quoi ne laist on ces bonnes gens entrer en la ville? Ce sont nos gens, et tout ce qu'il font, c'est pour nous. » Adont de force il convint que les portes fuissent ouvertes. Si entrèrent ens ces gens tous afamés, et se boutèrent tantos par ces maisons bien 30 pourveues de pourveances, et s'ataquièrent au boire et au mengier. On ne leur veoit riens, mais estoit on

tout rebrachiet de faire bonne chière et de mettre avant vivres et boires, pour iaulx apaissier.

Adont s'en alèrent les cappitainnes, Jehan Balle, Jaque Strau et Vautre TieuUier, tout droit parmi 5 Londres, en leur compaignie plus de trente mille hommes, à l'ostel de Savoie, ou chemin de Wesmoustier le palais dou roi, un très bel ostel séant sus le Tamisse et hostel au duc de Lancastre. Tantos il entrèrent ens et tuèrent les gardes et l'ardirent en

10 feu et en flame. Quant il eurent fait cel outrage, il ne se cessèrent mies atant, mais s'en alèrent à le maison de rOppitalier de Rodes, que on dist Saint Jehan de [Calerwille], et ardirent maison, hospital, moustier et tout. Avoec tout ce, il allèrent de rue en rue, et

15 tuèrent che jour tous les Flamens que il trouvèrent en églises, en moustiers et en maisons partout, ne nuls n'estoit déportés. Et efforchièrent pluiseurs maisons de Lombars et prissent des biens, qui dedens estoient, à leur vollenté, car nuls ne leur ossoit aler au devant.

20 Et tuèrent un rice homme en la ville, que on appelloit Richart Lion, auquel, dou tamps passé, en France, Wautre Tieullier, ens es guerres, avoit esté variés; mais Richart Lion avoit une fois batu son varlet. Si l'en souvint et i mena ses gens, et li fist coper la teste

25 devant li et mettre sus une glave et porter parmi les rues de Londres. Enssi se demenoit cils mescheans peuples comme gens foursenés et esragiés, et fissent ce joedi moult de desrois parmi Londres.

§ 218. Quant che vint sus le soir, il s'en vinrent

30 tout logier et amaignagier en le place que on dist

Sainte Katerine, devant le Tour et le castiel de Londres,

et dissent que jamais de là ne partiroient si aroient eu le roi à leur vollenté, et leur aroit acordé tout che que il demandoient ; et dissoient oultre que il voloient conter au cancelier d'Engletière et savoir que li grans avoirs que on avoit levé parmi le roiaulme d'Engle- 5 tière puis cinc ans estoit devenus, et, se il n'en rendoit boin compte et souffissant à leur plaissance, mal pour lui. Sus cel estât, quant il eurent tout le jour fait parmi Londres as estraingniers des mauls assés, se logièrent il devant la Tour. 10

Si poés bien croire et savoir que ce estoit grans hideurs pour le roi et pour ceuls qui là dedens avoec lui estoient, car à le fois chils mescheans peuples huoit si liault que il sambloit que tout li diable d'infer fuissent entre iaulx. Sus le soir avoient eu en conseil 15 li rois d'Engletière, si frère et si baron qui en la Tour estoient, parmi l'avis de sire Jehan Walourde, maieur de Londres, et de aucuns bourgois notables de Londres, que sus le mienuit on venroit tout armet par quatre rues de Londres courir sus ces mescheans gens, qui 20 bien estoient soissante mille, entrues que il dormiroient, car il seroient tout enivré, et en tueroit on otant que de mousches, car, de vint, un il n'en i aroit nul armet, et vous di que ces bonnes gens et rices gens de Londres estoient bien aissiet de tout che faire, 25 car il avoient en leurs maissons repus secrètement leurs amis et leurs variés, qui estoient tout armet. Et ossi messires Robers CanoUes estoit en son hostel et gardoit son trésor à plus de sis vint compaignons tous aprestés, qui tantos fuissent sailli avant, se il en 30 euissent esté manchevi ; ossi fust messire Perducas de Labret, qui pour che tamps estoit à Londres. Et se

fuissent bien trouvet entre set et uit mille hommes tous armés ; mais il n'en fu riens fait, car on doubta trop le demorant dou commun de Londres, et dissent li sage au roi, li contes de Sasleberi et li autre : « Sire, 5 se vous les poés apaissier par belles parolles, c'est le milleur et le plus pourfitable, et leur acordés tout ce que il demandent liement, car, se nous commenchiens cose que nous ne peuissiens achiever, il n'i aroit jamais nul recouvrier que nous et nos hoirs ne fuissons désert

10 et Engletière toute déserte. » Cils consaulx fu tenus, et contremandés li maires que il se tenist tous quois et ne fesist nul samblant de esmeutin. Il obéi : che fu raissons. En la ville de Londres avoecques le maieur a douse eschevins ; li noef estoient pour li et pour le

15 roi, sicom il le monstrèrent, etli troi de la sexte [de] ce mescheant peuple, sicom il fu puisedi sceu et cogneu, dont il [le] comparèrent moult chier[em]ent.

§ 219. Quant che vint le venredi au matin, chils peuples qui estoit logiés en la place de Sainte Cateline

20 devant le Tour se commenchièrent à aparillier et à criier moult hault et à dire que, se li rois ne venoit parler à eux, il assauroient le castiel et le prenderoient de force et ociroient tous ceuls qui dedens estoient. On doubta ces manaces et ces parolles, et eut li rois

25 conseil que il isteroit parler à euls, et leur envoia dire que il se traïssissent tout au dehors de Londres en une place que on dist le [Milinde], une moult belle prée, [où] les gens vont esbattre en esté, et là leur acorderoit li rois et [otroieroit] tout che que il deman-

30 deroient. Li maires de Londres leur noncha tout cela et fisl le crit de par le roi que, qui voloit parler au roi,

il alast en le place dessus dite, car li rois iroit sans faute.

Adont se commenchièrent à départir ces gens les communs des villages et iaus à traire et à aler celle part, mais tout n'i alèrent mies, et n'estoient mies 5 tout de une condition, car il en i avoit pluiseurs qui ne demandoient que le riliote et le destrution des nobles et Londres estre toute courue et pillie. Che estoit le principaulx matère pour quoi il avoient commenchiet, et bien le monstroient, car, sitrestos que la lo porte dou castiel fu ouverte et que li rois en fu issus et si doi frère, li contes de Sasleberi, li contes de Waruich, li contes d'Aquesufort, messires Robers de Namur, li sires de Vertaing, li sires de Goumegnies et pluiseur autre, Wautre Tieullier, Jaques Strau et 15 Jehan Balle et plus de quatre cent entrèrent ens ou castiel et l'efforchièrent, et sallirent de cambre en cambre et trouvèrent l'arcevesque de Cantorbie, que on appeloit Simon, vaillant homme et preudomme durement, cancelier d'Engletière, liquelx avoit tantos 20 fait le divin office et célébré messe devant le roi ; il fu pris de ces gloutons et là tantos décollés. Ossi fu H grans prieus de Saint Jehan de l'Ospital et uns frères meneurs, maistres en medechine, liquels estoit au duc de Lancastre ; et pour che fu il mors ou despit de son 25 maistre, et uns sergans d'armes dou roi, que on appelloit Jehan Laige, et ces quatre testes missent il sus longes glaves et les faissoient porter devant iaulx parmi les rues de Londres; et, quant il eurent assés [joué], il les missent sus le pont de Londres, comme il euissent 30 esté traiteur au roi et au roiaulme.

Encores entrèrent cil glouton en la cambre le prin-

cesse et despecièrent tout son lit, dont elle fu si eshidée que elle s'en pasma, et fu de ses variés et [camberières] prise entre leurs bras et aportée bas en une posterne sour le rivage et misse en un batiel, et de là 5 acouverte et amenée [par la rivière en la Riole, et puis menée] en un hostel que on dist la Garde Robe la Roïne; et là se tint tout le jour et toute la nuit, enssi que une femme demi morte, tant que elle fu reconfortée dou roi, son fil, sicom je vous dirai ensieuant.

10 § 2210. En venant le roi en celle place que on dist la Millinde au dehors de Londres, s'emblèrent de li, pour le doutance de la mort, et se boutèrent hors de sa route si doi frère, li contes de Kemt et messires Jehans de Hollandes. Ossi fist li sires de Goumegnies,

15 et s'en ala avoecq eulx, et ne s'osèrent amonstrer au peuple en celle place de la Milinde.

Quant li rois fu venus, et li baron dessus nommé en sa compaignie, en la place de la Milinde, il trouva plus de soissante mille hommefs] de divers lieux et

20 de divers villages des contrées d'Engletière. Il se mist tout enmi eux et leur dist moult doucement : « Bonnes gens, je sui vostres l'ois et vostres sires. Que vous fault? Que voilés vous dire? » Adont respondirent cil qui l'entendirent et dissent : « Nous volons que tu

25 nous afranchisses à tous les jours dou monde, nous, nos hoirs et nos terres, et que jamais nous ne soions tenu ne nommé serf. » Dist li rois : « Je le vous acorde. Retraiiés vous bellement en vos lieux et en vos maissons, enssi que vous estes chi venu par villages

30 et laissiés de par vous de cascun village deus ou trois hommes, et je leur ferai escripre à pooir lettres et

seeler de mon seel, que il en reporteront avoec euls quitement, liegement et francement tout ce que vous demandés. Et, atîn que vous en soies mieux conforté et aseuré, je vous ferai par senescaudies, par casteleries et par mairies délivrer mes banières. » 5

Ces paroUes apaissièrent grandement ce menu peuple, voire les simples et les novisses et les boines gens qui là estoient venu, et ne sa voient que il se demandoient, et dissent tout hault : « C'est bien dit! C'est bien dit! Nous ne demandons mieux. » Velà lO che peuple apaissiet, et se commenchièrent à retraire en Londres.

Encores leur dist li rois une parolle qui grandement les comptenta : « Entre vous, boines gens de la conté de Kemt, vous ares une de mes banières, et vous, cil 15 d'Exsexes, une, et cil de Sousexses, une autre, et cil de Beteforde, une otant bien, et cil de Cambruge, une, cil de Gernemue, une, cil de Stafort, une, cil de Line, une; et vous pardonne tout ce que vous avés fait jusques à ores, mais que vous sieuwés mes banières 20 et en rallés en vos lieux sour Testât que j'ai dit. » Il respondirent tout : « Oïl. »

Enssi se départi chils peuples et rentra en Londres, et li rois ordonna plus de trente clers che venredi, qui escripsoient lettres à pooir et seeloient et deli- 25 vroient à ces gens. Et puis se departoient cil qui ces lettres avoient, et s'en ralloient en leurs nations, mais li grans venins demoroit derière, Wautre TieuUier, Jaque Strau et Jehan Balle, et disoient, quoique cils peuples fust apaissiés, que il ne se partiroient pas 30 enssi; et en avoient de leur [acort] plus de trente mille. Si demorèrent en Londres et ne pressoient point

trop fort à avoir lettres ne seaulx dou roi, mais metoient toute leur entente à bouter tel tourble en le ville que li riche homme et li signeur fuissent mort et leurs maisons fustées et pillies. Et bien s'en doub- 5 toient li Londriien : pour ce se tenoient il pourveu dedens leurs hostels tout quoiement de leurs variés et de leurs amis, cascuns selonc sa puissance. Quant cils peuples fu ce venredi apaissiés et retrais en Londres, et que on leur delivroit lettres scellées à tous

10 lés, et que il se departoient sitretos que il les avoient et en ralloient vers leurs villes, li rois Richars s'en vint en le Riolle en la Garde Robe la Roine, dist on, où la princesse sa mère estoit retraite toute effraée. Si le reconforta, enssi que bien le seut faire, et demora

15 avoecques li toute celle nuit.

Encores vous voel jou recorder de une aventure qui avint, par ces maleoites gens, devant la chitté de Norduich et par un cappitaine que il avoient, que on appelloit Willaume Listier, liquels estoit de Stafort.

20 I 2211. Che propre jour dou Sacrement, que ces mescheans gens entrèrent en Londres et que il ardirent l'ostel de Savoie et le moustier et le maison de l'Ospital de Saint Jehan dou Temple, et que le prison dou roi que on dist [Nieugate] fu par euls rompue et brisie

25 et tout li prisonnier delivret, et que il tissent tous ces desrois que vous avés oï recorder, estoient cil des contrées que je dirai premièrement de Stafort, de Line, de Cambruge, de Beteforde et de Gernemue tout eslevé et assamblé, et s'en venoient à Londres devers

30 leurs compaignons, car enssi l'avoient il ordonné, et estoit leurs cappitains uns garnemens qui s'appelloit

Listier. En leur chemin, il s'arestèrent devant Norduich, et en venant il en faissoient aler avoecq eux toutes gens, ne nuls villains ne demoroit derière. La cause pour quoi il s'arestèrent devant Norduich, je le vous dirai. 5

Il i avoit un chevalier cappitaine de la ville, qui s'appelloit messires Robers Salle. Point gentils homs n'estoit, mais il avoit la grâce, le fait et le renommée de estre sages et vaillans homs as armes, et l'avoit fait pour sa vaillance li rois Edouwars chevalier, et 10 estoit de membres li mieux tournés et li plus fors homs de toute Engletière. Listiers et ses routes s'avissèrent que il enmenroient che chevaher avoec eux et en feroient leur souverain cappitainne : si en seroient plus cremu et miex amé. [Si] li envoyèrent dire que il 15 venist as camps parler à euls, ou il asauroient la citté et l'arderoient. Li chevaliers regarda que il valoit mieux que il alast parler à eulx, que il fesissent cel outrage; si monta sus son cheval et issi tous seuls hors de la ville, et vint parler à euls. Quant il le virent, il li fissent très 20 grant chière et l'onnourèrent moult, et lui prièrent que il vosist deschendre de son cheval et parler à eulx. Il descendi, dont il fist folie. Quant il fu descendus, il l'environnèrent, et puis commenchièrent à traitier moult bellement, et li dissent : « Robers, vous 25 estes chevaliers et uns homs de grant créance en ce pais et de renommée, moult vaillans homs, et, quoique vous soiiés tels, nous vous connissons bien. Vous n'estes mies gentils homs, mais fîls d'un villain et d'un machon, sicom nous sommes. Venés ent avoec- 30 ques nous, vous serés nos maistres, et nous vous ferons si grant signeur que li quars d'Engletière sera

en voslre obéissance. » Quant li chevaliers les oï parler, [si] li vint à grant contraire, car jamais n'euist fait ce marchiet; et respondi, en iaulx regardant moult fellement : « Arière, mescans gens, faus et mauvais 5 traiteur que vous estes ! Volés [vous] que je relenquisse mon naturel signeur pour telle merdaille que vous estes, et que je me deshonneure? J'aroie plus chier que vous fuissiés tout pendut, enssi que vous serés, car vous n'arés autre fin. » A ces cops il quida

10 remonter sur son cheval, mais il fali de l'eslrier, et li chevaulx s'effrea. Adont huèrent il à lui et criièrent : « A le mort ! » Quant il oï ces mos, il laissa aler son cheval et traïsl une belle longhe espée de Bourdiaux que il portoit, et vous coramenche à estoriier et à faire

15 place autour de li, que ce estoit grans biautés dou veoir, ne nuls ne l'ossoit aprochier. Aucun l'aprochoient, mais, de cascun cop qu'il jettoit sur euls, il leur coppoit ou piet ou teste ou brach ou gambe, ne il n'i avoit si hardit qui ne le resongnast ; et fist là cils

20 messires Robers tant d'armes que merveilles. Mais ces mescans gens estoient plus de quarante mille : si jettoient, traioient et lanchoient sur li, et il estoit tous desarmés, et, au voir dire, se il eust esté de fier ou d'achier, [si] convenist il que il fust demorés; mais il

25 en tua tous mors douse, sans ceuls que il mehaigna et afolla. Finablement il fu aterrés, et li decoppèrent les jambes et les bras, et le detrenchièrent pièce à pièce. Enssi fina messires Robers Salle, dont che fu damages, et en furent depuis en Engletière courouchiet tout li

30 chevalier et escuier, quant il en seurent les nouvelles.

§ 222. Le samedi au matin, se départi li rois d'En-

gletière de la Garde Robe le Roïne qui siet en la Riolle, et s'en vint à Westmoustier, et oï messe en l'église, et tout li signeur avoecques lui. En celle église a une image de Nostre Dame à une petite cappelle, qui fait grans miracles et grans vertus, et en lequelle 5 li [roi] d'Engletière ont tousjours eu grant confidence de créance. Li rois fist là ses crissons devant cel image, et se offri à lui, et puis monta à cheval, et tout li baron ossi qui estoient dallés li, et pooit estre environ heure de tierce. Li rois et sa route chevauchièrent 10 toute la cauchie pour entrer en Londres ; et, quant il eut chevauchiet une espasse, il tourna sus senestre pour passer au dehors, et ne savoit nuls de vérité où il voloit aler, car il prendoit le chemin pour passer au dehors de Londres. 15

Che propre jour au matin, s'estoient asamblé et quelliet tous les mauvais, desquels Wautre Tieullier, Jake Strau et Jehan Balle estoient cappitainne, et venu parlementer en une grande place que on dist Semitefille, où li marchiés des chevaulx est le venredi, et là 20 estoient plus de vint mille, tout de une aliance; et encores en i avoit biaucop en la ville, qui se desjunoient et buvoient par les tavernes à le grenace, à le malevissie chiés les Lombars, et riens ne paioient : encores tout ewireus qui leur pooit faire bonne chière. 25 Et avoient ces gens, qui là estoient asamblés, les banières dou roi que on leur avoit bailliet le jour devant, et estoient sus un propos cil glouton que de courir Londres et reuber et pillier ce meismes jour, et dissoient les cappitainnes : « Nous n'avons riens fait : 30 ces franchisses que li rois nous a donnet nous portent trop petit de pourfit, mais soions tout d'un acord.

N Courons ceste grosse ville et riche et poissans de Londres, avant que cil d'Exsexs et de Sousexsexs, de Cambruge, de Beteforde et les autres contrées estrangnes d'Arondiel, de Waruich, de Redinglies, de Bar- 5 kesiere, d'Asquesufort, de Gillevorde, de Conventré, de Line, de Staffort, de Gernemue, de Lincolle, de lorc et de Durâmes viegnent ; car tout venront, et sai bien que Bakier et Listier les amenront, et, se nous sommes au dessus de Londres, de l'or et de l'argent et

10 des ricoisses que nous i trouverons et qui i sont, nous arons pris premier, ne ja nous ne nous en repentirons, car, se nous les laissons, cil qui vienent, che vous di, le nous torront. »

A ce conseil estoient il tout d'accord, quant evous

15 le roi qui vient en chelle place, acompaigniés de soissante chevaulx, et ne pensoit point à eulx, et quidoit passer oultre et aler son chemin et laissier Londres. Enssi que il estoit devant l'abbeïe de Saint Betremieu qui là est, il regarde et voit che peuple. Li rois s'ar-

20 reste et dist que il n'iroit plus avant si saroit de ce peuple quel cose il leur falloit, et, se il estoient tourblé, il les rapaisseroit. Li signeur qui dalés li estoient s'arrestèrent, che fu raisons, quant il s'arresta.

Quant Wautre ThieuUier vei le roi qui estoit arestés,

25 il dist à ses gens : a Velà le roi, je voel ale[r] parler à lui. Ne vous mouvés de chi, se je ne vous acène, et, se je vous fach che signe ([si] leur fist un signe), si venés avant, et ochiiés tout, horsmis le roi. Mais au roi ne faites nul mal : il est jones, nous en ferons

30 nostre volenté, et le menrons partout où nous vorrons en Engletière, et serons signeur de tout le royaulme, il n'est nulle doubte. »

Là avoil un juponnier de Londres, que on appeloit Jehan Ticle, qui avoit aporté et fait aporter bien soissante jupons, dont aucun de ces gloutons estoient revesli, et Thieullier en avoit un vesti. [Si] li demandoit Jehans : « Hé sire ! qui me paiera de mes jupons? 5 Il me faut bien trente mars. » — « Apaisse toi, respondi Tieulliers, tu seras bien paiiés encores anuit. Tient t'ent à moi : tu as crant assés. »

A ces mos, il esperonne un cheval sur quoi il estoit montés, et se part de ses compaignons, et s'en 10 vient droitement au roi et si priés de li que la queue de son cheval estoit sus la teste dou cheval dou roi. Et la première parolle qu'il dist, il parla au roi et dist enssi : « Rois, vois tu toutes ces gens qui sont là? » — « Oïl, dist li rois, pourquoi le dis tu? » — « Je le 15 di pour ce que il sont tout à men commandement, et m'ont tout juré foi et loiauté à faire che que je vaurai. B — « A le bonne heure, dist li rois, je voel bien qu'il soit enssi. » Adont dist Tieulliers, qui ne demandoit que le rihotte : « Et quides tu, di, rois, que cils 20 peuples qui là est, et otant à Londres, et tous en men commandement, se doie partir de toi enssi sans porter ent vos lettres ? Nenil ; nous les emporterons toutes devant nous. » Dist li rois : « Il en est ordonné, et il le faut faire et délivrer l'un apriès l'autre. Compains, 25 retraiiés vous tout bellement deviers vos gens et les faites retraire à Londres, et soies paisieule, et pensés de vous, car c'est nostre entente que cascuns de vous par villages et maries ara se lettre, enssi comme dit est. » A ces mos, Wautre Tieullier jette ses ieus sus 30 un escuier dou roi qui estoit derière le roi et portoit l'espée dou roi, et haoit cils Tieulliers grandement cel

escuier, car autrefois il s'estoient pris de parolles, et l'avoit li escuiers vilonné : « Voires, dist Tieulliers, es tu là? Baille moi ta daghe. » — « Non ferai, dist li escuiers, pour quoi le te bailleroie je ? » Li rois regarde

5 sus son vallet, et li dist : « Bailles li. » Chils li bailla moult envis. Quant Tieulliers le tint, il en commencha à juer et à tourner en sa main, et reprist la parolle à l'escuier et li dist : « Baille moi celle espée. » — « Non ferai, dist li escuiers, c'est li espée dou roi;

10 tu ne vaulx mies que tu l'aies, car tu n'ies que uns gardions, et, se moi et toi estièmes tout seul en celle place, tu ne diroies ces parolles ne eusses dit, pour ossi grant d'or que cils moustiers de Saint Pol est grans. » — « Par ma foi, dist Tieulliers, je ne mangerai jamais

15 si arai ta teste. » A ces cops estoit venus li maires de Londres, li dousimes montés as chevauls et tous armés desous leurs cottes, et rompi la presse, et vei comment cils Tieulliers se demenoit ; si dist en son langage : « Gars, comment es tu si ossés de dire tels

20 parolles en la présence dou roi? C'est trop pour toi. » Adont li rois se felenia et dist au maieur : « Maires, mettes le main à li. » Entrues que li rois parloit, cils Tieulliers avoit parlé au maieur et dit : « Et, de ce que je di et fach, à toi qu'en monte? » — « Voire, dist li

25 maires, qui ja estoitavoés dou roi, gars puans, parle[s] tu enssi en la présence de mon naturel signeur? Je ne voel jamais vivre, se tu ne le compères. » A ces mos il traïst un grant baselaire que il portoit, et lasque et fiert che Tieullier un tel horion parmi la

30 teste que il l'abat as pies de son cheval. Sitos comme il fu cheus entre pies, on l'environna de toutes pars, par quoi il ne fust veus des assamblés qui là estoient

et qui se dissoient ses gens. Adont descendi uns escuiers dou roi, que on appelloit Jehan Standuich, et traïst une belle espée que il portoit et le bouta, ce Tieullier, ou ventre, et là fu mors. Adont se perchurent ces folles gens là asamblés que leur cappitains 5 estoit ochis. Si commenchièrent à murmurer ensamble et à dire : « Il ont mort nostre cappitaine ! alons ! alons ! ochions tout ! » A ces mos, il se rengièrent sus le place par manière de une bataille, cascun son arc devant li, qui l'avoit. Là fist li rois un grant outrage, 10 mais il fu convertis en bien, car, tantos comme Tieulliers fu aterés, il se parti de ses gens tous seuls, etdist : « Demorés chi. Nuls ne me sieue. » Lors vint il au devant de ces folles gens, qui s'ordonnoient pour vengier leur cappitainne, et leur dist : a Signeur, que 15 vous fault? Vous n'avés autre cappitainne que moi : je sui vostres rois; tenés vous en pais. » Dont il avint que li plus de ces gens, sitos comme il veirent le roi et oïrent parler, il furent tout vaincu et se commenchièrent à defuir, et che estoient li paisiule ; mais li 20 mauvais ne se departoient mies, anchois se ordonnoient et monstroient que il feroient quel[que] cose. Adont retourna li rois à ses gens et demanda que il estoit bon à faire. Il fu consilliet que il se trairoient sus les camps, car fuirs ne eslongiers ne leur valloit ?5 riens, et dist li maires : a II est bon que nous fâchons enssi, car je suppose que nous arons tantos grant confort de ceuls de Londres des bonnes gens de nostre lés, qui sont pourveus et armés, eux et leurs amis, en leurs maissons. » 30

Entrues que ces coses se demenoient enssi, couroit une voix et uns effrois parmi Londres en dissant

enssi : « On tue le roi ! on tue le maire ! » pour lequel effroi toutes manières de bonnes gens de la partie du roi sallirent hors de leurs hostels, armés et pourveux, et se traïssent tout devers Semitefille et sus les camps 5 là où li rois estoit trais, et furent tantos environ set mille ou uit mille hommes, tous armés. Là vinrent tout des premerains messires Robers Canolles et messires Perducas de Labreth bien acompaigniés de bonnes gens, et noef des eschevins de Londres ossi, à plus de

10 cent hommes d'armes, et uns poissans homs de la ville, qui estoit des draps dou roi, que on appelloit Nicolas [Brambre], et cils amena une grant route de bonnes gens ; et, enssi comme il venoient, il se rengeoient et se metoient tout à piet et en bataille dallés

15 le roi. D'autre part, estoient ces mescans gens tous rengiés, et monstroient que il se voloient combatre, et avoient les banières dou roi avoec euls. Là fist li rois trois chevaliers ; l'un fu le maieur de Londres, messire Jehan Walourde, l'autre fu messire Jehan Stand-

20 uich, et le tierch fu messire NicoUes [Brambrej. Adont parlementèrent ensamble li signeur qui là estoient, et dissoient : « Que ferons nous ? Nous veons nos ennemis qui nous euissent volentiers ochis, se il veïssent que il en eussent le milleur. » Messires Robers Canolles

25 consilloit tout oultre que on les alast combatre et tous ochire, mais li rois ne s'i asentoit nullement, et dissoit que il ne voloit pas que on fesist enssi : « Mais voel, dist li rois, que on voist requerre mes banières, et nous verons, en demandant nos banières, comment il

30 se maintenront. Toutesfois, ou bellement ou autrement, je les voel ravoir. » — « C'est bon, » dist li contes de Sasieberi. Adont furent envoiiet cil troi

nouvel chevalier devers eux. Chil chevalier, en venant, leur fissent signe que il ne traïssissent point, car il venoient là pour traitier. Quant il furent venu si priés que pour parler et estre oï, il dissent : « Escoutés. Li rois vous mande que vous li renvoiiés ses banières, 5 et nous espérons que il ara merchi de vous. » Tantos ces banières furent baillies et rapportées au roi. Encore leur fu là commandé de par le roi et sus le teste que, qui avoit lettre dou roi empêtrée, il le remesist avant. Li aucun, et ne mies tout, les apor- 10 tèrent. Li rois les faissoit prendre et deschirer en leur présence.

Vous devés et poés savoir que, sitos que les banières dou roi furent rapportées, ces mescheans gens ne tinrent nul arroi, mais jetteront la grignour 15 partie de leurs ars jus, et se demuchièrent et se retraïssent en Londres. Trop estoit messires Robers CanoUes courouchiés de che que on ne les couroit sus et que on ne ochioit tout ; mais li rois ne le voloit point consentir et dissoit que il en prenderoit bien 20 venganche, enssi qu'il fist depuis. Enssi se départirent et demuchièrent ces folles gens, li uns chà et li autre là, et li rois et li signeur et leurs routes rentrèrent ordonnéeraent en Londres à grant joie. Et le premier cemin que li rois fist, il vint devers sa dame de mère, 25 la princesse, qui estoit en un hosteil en la Riolle, que on dist la Garde Robe, et là s'estoit tenue deus jours et deus nuis moult esbahie, il i avoit bien raison. Quant elle veï le roi son fil, si fu toute resjoïe : « Ha! hiaux fils, com jou ai hui eu en coer grant paine et grant 30 angousse pour vous ! » Dont respondi li rois, et dist : « Certes, ma dame, je le sai bien. Or vous resjoissiés,

car il est heure, et loés Dieu, car je ai hui recouvré mon hiretage et le roiaulnie d'Engietière que je avoie perdu. » Enssi se tint li rois ce jour dallés sa mère, et li signeur en allèrent cascuns paisiulement en leurs 5 hostelx. Là fu fais uns cris et uns bans de par le [roi] de rue en rue, et tantes que toutes manières de gens qui n'estoient de la nation de Londres ou qui n'i avoient demoret un an entier, partesissent, et, se il i estoient sceu ne trouvé le diemence à soleil levant, il

10 estoient tenu comme traiteur envers le roi, et perderoient les testes. Che ban fait et oi, nuls ne l'ossa enfraindre, et se départirent incontinent che samedi toutes gens et s'en rallèrent tout desbareté en leurs lieux. Jehan Balle et Jaque Strau furent trouvé en une

15 viesse maison repus, qui se quidoient embler, mais il ne peurent, car de leurs gens meïsmes il furent racuset. De leur prisse eurent li rois et li signeur grant joie, car on leur trenca les testes, et de Tieullier ossi ; et furent misses sus le pont à Londres, et ostées celles

20 des vaillans hommes que le joedi il avoient decollet. Ces nouvelles s'espardirent tantos environ Londres pour ceux des estragnes contrées qui là venoient et qui mandé de ces mesceans gens estoient. Si se retraissent tantos en leurs lieux, ne il ne vinrent ne

25 ossèrent venir plus avant.

§ 2213. Or vous parlerons dou duch de Lancastre, qui estoit sus les marches d'Escoce en ces jours que ces avenues avinrent et chils revelemens de peuple en Engletière, et trailoit as Escos, au conte de Douglas 30 et as barons d'Escoce. Bien savoient li Escot tout le convenant d'Engietière, et ossi faissoit li dus, mais

nul samblant n'en faissoit as Escos, anchois se tenoit ossi fors en ses traitiés, que dont que Engletière fust toute en bonne pais. Tant fu parlementé et aie de l'un à l'autre que unes trieuwes furent prisses à durer trois ans entre les Escos et les Englès et les roiaulmes 5 de l'un et de l'autre. Quant ces trieuwes furent acordées, li signeur vinrent devant l'un l'autre, en iaulx honnourant, et là dist li contes [de] Douglas au duc de Lanclastre : a Sire, nous savons bien le rébellion et le revelement dou menu peuple d'Engletière et le péril 10 où li roiaulmes d'Engletière par telle incidense est et puet venir : si vous tenons à moult vaillant et à très sage, quant si francement en vos traitiés vous vous estes tondis tenus, car nul samblant n'en avés fait ne monstre. Si vous dissons et offrons que, se il vous 15 besongne confort de cinc cens ou de sis cens lances de nostre costé, vous les trouvères toutes prestes en vostre service. » — « Par ma foi, respondi li dus, biau signeur, grant mercis. Je n'i renonche pas, mais je ne quide point que mon signeur n'ait si boin con- 20 seil que les coses venront à bien, et toutesfois je voel de vous avoir un seur sauf conduit de moi et des miens pour moi retourner et tenir en vostre pais, se il me besongne, tant que les coses soient apaissies. » Li contes [de] Douglas et li contes de Mouret, qui 25 avoient là la puissance dou roi, li acordèrent legièrement. Adont prissent il congietet se départirent li un de l'autre ; li Escot s'en rallèrent à Haindebourc, et li dus et li sien retournèrent vers Beruich, et quidoit li dus tout proprement rentrer en la citté de Beruich, 30 car au passer il avoit là laiiet ses pourveances ; mais li cappitains de le citté, qui s'appelloit messire Mahieux

[Rademan] , H devea et li cloï la porte audevant de li et de ses gens, et li dist que il li estoit deffendu dou conte de Northombrelande, regart et souverain pour le tamps de toute la marce, le frontière et les pais de 5 Northombrelant. Quant li dus entendi ces parolles, [si] li vinrent moult à contraire et à desplaissance. Si respondi : « Gomment, Mahieu [Rademan], i a en Northombrelant autre souverain de moi mis et establi, depuis que je passai et que je vous laiiai mes pour-

10 veances? Dont vient ceste nouvelleté? » — « Par ma foi, respondi li chevaliers, monsigneur, oïl et de par le roi, et che que je vous en fach, je le fach envis, mais faire le me convient. Si vous prie, pour Dieu, que vous me tenés pour excusé, car il m'est enjoint

15 et commandé, sus men honneur et sus ma vie, que point n'i entrés ne li vostre. »

Vous devés savoir que li dus de Lanclastre fu moult esmervilliés et courouchiés de tels paroles, et non pas sus le chevalier singulièrement, mais sus ceulx dont li

20 ordenance venoit, quant il avoit traveliet pour les besongnes d'Engletière, et on le soupechonnoit tel que on li clooit et veoit la première ville d'Engletière au lés devers Escoche, et imaginoit que on li faisoit grant blasme, et ne descouvri mies là tout son corage ne

25 ce que il penssoit, et ne pressa plus avant le chevalier, car bien veoit que il n'avoit nulle cause dou faire, et que li chevaliers, sans trop destroit commandement, ne se fust jamais avanchiés de dire et faire ce que il disoit et faissoit. Si issi de che pourpos et prist

30 un aultre, et H demanda : « Messire Mahieu, des nouvelles d'Engletière savés vous nulles? » — a Monsigneur, respondi li chevaliers, je ne sai autres fors telles

que li païs est trop fort esmeuz, et a li rois nos sires escript as barons et as chevaliers de ce pais que il soient tout prest de venir vers li, quant il les mandera, et as gardiiens et castelains des cittés, villes et castiaulx de Norlhombrelande mandé destroitement et 5 sus la teste, que il ne laissent nullui entrer en leurs lieux et soient bien seur de ce qu'il ont en garde. Mais dou menu peuple qui se revelle devers Londres, je ne sai nulle certaine nouvelle que je peuisse recorder pour vérité fors tant que li oflficiier de là jus, de 10 l'evesqué de Lincolle et de la conté de Cambruge, de Stafort, de Beteforde et de l'evesquiet de Norduich m'ont escript que les menues gens desoulx eulx sont en grant désir que les cosses voissent mal et que il i ait tourble en Engletière. » — « Et de nostre pais, 45 dist li dus de Lanclastre, [de] Derbi et de Lincestre i a nulle rébellion ?» — « Monsigneur, respondi li chevaliers, je n'ai point oï dire que il aient passé [Line], Lincole ne Saint Jehan de [Bruvelé]. » Adont s'apenssa li dus, et prist congiet au chevalier, et tourna le chemin 20 de Rosebourc, et là fu il requelliés dou castelain, car il raeismes au passer l'i a voit mis et establi.

§ 224. Or eut li dus de Lancastre conseil et avis, pour ce que il ne savoit ne savoir justement ne pooit comment les coses se portoient en Engletière ne por- 25 teroient encores ne de qui il i estoit amés ne haïs, que il signifieroit son estât as barons d'Escoce et leur pri[er]oit que il le venissent querre à une quantité de gens d'armes sus le sauf conduit que il li avoient bailliet. Tantos che conseil et avis eu, il envoia devers 30 le conte de Douglas, qui se tenoit à Dalquest. Quant li

contes vei les lettres dou duc, si en eut grant joie et conjoï grandement le message, et segnetîa en l'eure cel afaire au conte de Mouret et au conte de le Mare, son frère, et leur manda que tantost et sans délai, sus 5 trois jours, eux et leurs gens, montés et aprestés, fussent venu à le Morlanei Sitretos que cil signeur en furent segnefiet, il mandèrent leurs gens et leurs amis les plus prochains, et s'en vinrent à la Morlane, et là trouvèrent le conte [de] Douglas. Si chevauchièrent

10 tout ensamble, et estoient bien cinc cens lances, et vinrent en l'abaïe de Mauros, à noef petites lieues de Rosebourc, et segnefîièrent leur venue au duc de Lanclastre. Li dus tantos lui et ses gens furent apparilliet; si montèrent et se partirent de Rosebourc, et encon-

15 trèrent sur leur chemin les barons d'Escoche. Si s'entrecontrèrent et fissent grant chière, et puis chevauchièrent ensamble tout en parlant et en dévissant, et exploitièrent tant que il vinrent en Haindebourc, où li rois d'Escoce par usage se tient le plus, car il i a biau

20 castel et bon, et grosse ville et biau havene. Mais, pour ches jours li rois n'i estoit point, anchois se tenoit en la Sauvage Escoche, et là cachoit. Si fu dou conte de Douglas et des barons d'Escoce, pour plus honnourer le duc de Lanclastre, li castiaulx de Haindebourc deli-

25 vrés au duc, dont il leur sceut grant gret ; et là se tint li dus un tempore, tant que autres nouvelles lui vinrent d'Engletière, mais che ne fu mies sitretos, et que che soit voirs.

Or regardés des malles gens, comment haïneus et

30 losengier s'avancent de parler outrageusement et sans cause. Vois et famé coururent un tamps en Engletière, ens es jours de ces rebellions, que li dus de Lanclastre

estoit traîtres envers le roi, son signeur, et que il s'estoit tournés escos. Et il tu tantos sceu tous li contraires, mais ces maleoites gens, pour mieux tourbler le roiaulme et esmouvoir le peuple, avoient rais avant etsemetces paroles, et che congnurent à le mort, quant 5 il furent exécuté de mort, Listier, Tieullier, Strau, Baquier et Jehan Balle. Chil cinc par tout Engletière estoient li meneur et li "souverain cappitainne, et avoient ordonné et tailliet entre eux que ens es cinc parties d'Engletière il seroient maistre et gouvreneur, 10 et par especial il avoient en trop grant haïne le duc de Lanclastre, et bien li monstrèrent, car, sitretos de comraenchement que il furent entré en Londres, il li alèrent ardoir sa maison, le bel hostel de Savoie, que onques n'i demora esciel ne mairien, que tout ne fust 15 ars, et encores avoec tout che meschief avoient il semet et fait semer par leur malvaisté paroUes aval Engletière que il estoit de la partie dou roi d'Escoce : dont on li tourna en aucuns lieux en Engletière ses armes au desous, comme il fust traîtres; et depuis fu si 20 chièrement comparet que chil qui che fissent en orent les tiestes trenchies.

Or vous voel jou recorder la vengance et comment li rois d'Engletière le prist de ces mescans gens, entrues que li dus de Lanclastre estoit en Escoce. 25

§225. Quant ces coses furent rapaissies et que Thome Baquier ot esté exécutés à mort à Saint Albens, et Listier à Stafort, et Tieullier et Jehan Baie et Jake Strau et pluiseurs autres à Londres, li rois ot conseil que il visiteroit son roiaulme, et chevauceroit et iroit par 30 tout les bailliages et mairies et senescaudies et caste-

leries et mettes d'Engletière, pour pugnir les mauvais et reprendre les lettres que de force il avoit ja en pluiseurs lieus données et accordées, et remeteroit le roiaulme en son droit point. Si fist li rois un secret 5 mandement de gens d'armes à estre tout ensamble un certain jour, liquel i furent, et se trouvèrent bien cinc cens lanches et otant d'archiers. Quant il furent venu tout ensamble, enssi que dévissé estoit, li rois parti de Londres o chiaulx de son hostel seullement, et

10 prist le chemin pour venir en le conté de Kemt, de là où premièrement ces maleoites gens estoient esmeu et venu. Ches gens d'armes dessus nommé poursieuoient le roi sus costière et ne chevauchoient point avoecques lui. Li rois entra en la conté de Kemt, et

15 vint en [un] village que on dist [Espringhe], et fist appeller le maieur et tous les hommes de la ville. Quant il furent venu en une place, li rois leur fist dire et monstrer ensi par un homme de sen conseil comment il avoient esret à l'encontre de lui et s'estoient

20 mis en painne de tourner toute Engletière en tribulation et en perte ; et, pour ce que il savoit bien que il convenoit que ceste cose eust esté faite et commenchie par aucuns, et non mie par tous, dont mieux valloit que cil qui che avoient fait le comparaissent que tout,

2ô il requeroit que on li monstrast les coupables, sus à estre à tousjours mais en se indignation et [tenu] et renommé traiteur envers lui. Quant cil qui là asamblé estoient, ooient ceste requeste, et veoient li non coupable que il se pooient bien purgier et excuser de ce

30 fourfait par enseignier les coupables, si regardoient entre euls et dissoient : « Sire, vechi celli par qui ceste ville fu de premiers tourblée et esmeute. » Tan-

tos cils fu pris et pendus. Et en i ot à [Espringhe] pendus set, et furent les lettres demandées que on leur avoit données et acordées; elles furent là aportées et rendues as gens dou roi, liquel, en la présence de tout le peuple, les deschirèrent et jettèrent en val, 5 et puis dissent enssi : « Entre vous, gens qui chi estes asamblé, nous vous commandons de par le roi et sur le teste, que cascuns s'en revoist en son hosteil paisiulement et ne s'en mueve ne esliève jamais contre le roi ne ses menistres. Chils meffais chi, parmi la lo corection que on en a pris, vous est pardonnes. » Adont disoient il tout d'une vois : « Dieux le puist merir le roi et son noble conseil ! » En tel manière que li rois fîst à [Espringhe], et à Saint Thomas de Cantorbie, à Zanduich, à Gernemue, à Orvelle et ail- 15 leurs fist il, par toutes les parties d'Engletière où ces gens s'estoient rebellé et révélé, et en furent decollet et pendut et mis à fin plus de quinse cens.

Adont eut li rois d'Engletière conseil de remander en Escoce son oncle, le duc de Lanclastre, car les coses 20 estoient apaissies. Si le remanda par un sien chevalier et de son hostel, qui s'appelloit messires Nicolles Carnefielle. Li chevaliers esploita tant au commandement dou roi, que il vint en Haindebourc en Escoce, et là trouva le duc de Lanclastre et ses gens qui li fissent 25 grant chière, et là monstra ses lettres de créance de par le roi. Li dus obeï, che fu raisons ; et ossi volentiers il retournoit en Engletière et en son hiretage. Si prist son chemin pour venir à Rosebourc; et à son département il remerchia grandement les barons d'Es- 30 coche, qui celle honneur et confort li avoient fait que de lui avoir soustenu en leur pais le terme que il h

132 CHRONIQUES DK J. FROISSART. [1381]

avoit pleut à demorer. Si le raconvoièrent H contes de Douglas et li contes de Mouret et aucun chevalier d'Escoce jusques à l'abeïe de Miauros, et point ne passèrent la rivière de Tuide. Li dus de Lanclastre vint 5 à Rosebourc, et de là au Noef Castiel sus Thin, et puis à Durem et à lorch ; et partout trouvoit les villes et les cittés apparillies : c'estoit raison.

En che tamps trespassa cils vaillans chevaliers en Engletière, messire Guichars d'Angle, contes de Hos-

1(1 tidonne et maistres [d'ostel] dou roi. Si fu moult reveranment ensevelis en l'église des frères prêcheurs de Londres, etiàgist. Et, aujourdesonobsèque, fuli rois d'Engletière et si doi oncle et si doi frère et la princesse leur mère et grant fuisson de prelas, de barons et des

15 dames d'Engletière, et li fissent toute celle honneur; et vraiement li gentils chevaliers le valoit c'on li fisist, car en son tamps il eut toutes les nobles vertus que uns gentils chevaliers doit avoir : il fu liés, loiaux, amoureux, sages, secrés, larges, preux, hardis, entre-

20 prendans et chevalereux. Enssi fina raessires Guichars d'Angle.

§ 2216. Quant li dus de Lanclastre fu retournés d'Escoce en Engletière, et il ot remonstré au roi et à son conseil comment il avoit exploitié des trieuwes qui

25 estoient prisses et accordées entre eux et les Escos, il n'oublia mie comment messires Mahieux [Rademen] , cappitainne de Beruich , quoique il escusast le chevalier, li avoit clos les portes de Beruich au devant, au commandement et ordenance dou conte de

30 Northombrelande, et que ce fait il ne pooit oubliier, et en parloit li dus en telle entente que se li rois

ses nepveus l'avooit. Et ouïl, il l'avoua voirement, mais il sambla au duc que ce fust assés morbement. Dont s'apaissa li dus, et atendi la feste de la Nostre Dame, en le moiienne d'aoust, que li rois d'Engletière tint court solempnelle à Westmoustier. Et là furent 5 grant fuisson des haus barons d'Engletière, et tant que li contes de Northombrelant i fu, et li contes de Notinghem et grant fuisson des barons dou nort ; et fist che jour li rois chevaliers, premiers, le jone conte Jehan de Pennebruc, messire Robert B[r]anbre, messire Nico- 10 las Tinfort et messire Adam François, et les fist li rois à telle entente que il voUoit, le feste passée, aler vers Redinghes, versAsquesufortet vers Conventré, et cerquier toute la frontière et pugnir les mauvais, enssi qu'il fist, qui s'estoient rebellé à l'encontre de lui, en 15 la manière que il avoit fait en la conté de Kemt, d'Exsexes et de Sousexes, de Beteforde et de Cambruge.

A celle feste et solempnité qui fu le jour Nostre Dame, en mi aoust, à Wesmoustier, apriès disner, ot 20 grandes parolles et grosses dou duc de Lanclastre au conte de Nortombrelande, et li dist : « Henri de Persi, je ne quidoie pas que vous fuissiés si grans en Engletière que vous ossissiés faire clore et fremer les chittés, les villes et les castiaux à l'encontre dou duc 25 de Lanclastre! » Li contes s'umelia en parlant, et dist : « Monsigneur, je ne desvoe pas ce que li chevaliers en fist, car je ne poroie ; et ens ou commandement que j'avoie dou roi, mon signeur que velà, il m'estoit si estroitement enjoint et commandé que sus men hon- 30 neur et sus ma vie je ne laiaisse ne fesisse laissier nul homme, signeur ne autre, ens es chités, villes et cas-

tiaulx de Northombrelant, se il n'estoient hiretier des lieux. Et li rois, s'il lui plaist, et mi signeur de son conseil m'en poeent excuser, car bien sa voient que vous estiés en Escoce : si vous deussent avoir réservé. » — 5 « Comment, respondi li dus, contes de Nortombrelant, dites vous que il convenoit réservation sour moi, qui sui oncles dou roi et qui ai à garder mon hiretage otant bien et mieux que nuls des autres n'ait apriès le roi en Engletière, et qui pour les besongnes dou

10 pais estoie aies en che voiage? Geste response ne vous puet excuser, que vous ne fesissiés mal et contre men honneur grandement, et donnés exemple et soupechon de moi que je voloie faire ou avoie fait aucune traïson en Escoche, quant à men retour on me clooit les villes

15 de mon signeur et celle princhipaument où toutes mes pourveances estoient : pour quoi je di que vous vos aquitastes mal. Et, pour le blasme que vous m'en fesistes et moi purgier, en la présence de mon signeur que velà, je en jette mon gage : or le levésj! » Adont

20 sali avant li rois, et dist : « Biaux oncles de Lanclastre, tout ce qui en fu fait, je l'avoe, et retenés vostre gage et vostre parolle. Et excuse le conte de Northombrelant et parolle pour lui, que voirement estroitement et destroitement nous li aviens enjoint et commandé

25 que il tcnist clos et priés le marce et le frontière d'Escoce; et vous savés que nostre roiaulme a esté en si grant tourble et en si grant péril que, quant vous estiés par delà, il ne nous pooit pas de tout souvenir. Che fu la coupe dou clercq qui escripsi les lettres, et la

30 negligense de nostre conseil, car, au voir dire, vous deuissiés estre bien réservés. Si vous pri et voel que vous mettes ces mautalens jus, car je m'en carge, et

en descarge le conte de Northombrelant. » Adont s'agenoullèrent devant le duc li contes d'Arondiel, li contes de Sasleberi, li contes d'Asquesufort, li contes de Stanfort et li contes de Devesiere, et li dirent : « Monsigneur, vous oés coin amiablement et loiaulment li 5 rois en a parlé, et vous devés bien descendre à ce que il dist et fait. » Li dus de Lanclastre, qui estoit enflâmes d'aïr, penssa un petit, et fist les barons lever en iauls renierchiant, et dist : « Biau signeur, il n'en i a nul de vous, se la cause parelle li fust avenue enssi 10 comme à moi, qui n'en fust courouchiés; et, puisque li rois le voelt, c'est drois que je le voelle. » Là fu faite la pais dou duc de Lanclastre et dou conte de Northombrelant par les moiiens dou roi d'Engletière et des barons dou pais, qui en priièrent. 15

Au second jour apriès, li rois d'Engletière ala en son voiage, enssi que dessus est dit, ens es contrées dessus dites, et chevaucoit bien à cinc cens lances et otant d'archiers, qui le sieuoient sus costière. En che voiage tist li rois faire pluiseurs justices des mauvais 20 qui contre lui s'estoient relevé et rebelé.

Nous nos soufferons à parler dou roi d'Engletière, et parlerons dou conte de Cambruge, son oncle, et conterons comment il vint en Portingal.

§ 227. Vous avés bien chi dessus oï recorder com- 25 ment li contes de Cambruge gissoit ou havene de Pleumoude à cinc cens hommes d'armes et cinc cens archiers, et atendoient vent pour aler vers le roiaulme de Portingal. Tant furent il là que vent leur vint, et desancrèrent et se départirent tout de une flote, et 30 singlèrent au plus droit qu'il peurent vers Lusebonne,

OÙ il tendoient à aler, et costiièrent che premier jour Engletière et Cornuaille, et le second jour ossi. Au tierch jour, à l'entrer en le haute mer d'Espaigne, il eurent une dure fortune et contraire et tant que tout 5 leur vassel furent espars, et furent tout en très grant péril et aventure de mort, et par especial li vaissel où H Gascon estoient, messires [Rainions] de Castiel Noef, li soudis de l'Estrade et li sires de la Barde et environ quarante hommes d'armes, chevaliers et escuiers, et

10 perdirent la veue et la flotte de la navie dou conte et des Englès. Li contes de Cambruge, messires Guillaumes de Biaucamp, mareschal de l'ost, messires Mahieux de Gournai, connestables , li Canonnes de Robersart et li autre passèrent en grant aventure celle

15 fortune, et singlèrent tant au vent et as estoilles que il arrivèrent et entrèrent ou havane de la chité de Lusebonne.

Les nouvelles vinrent au roi qui estoit en son palais, et qui tous les jours n'atendoit autre cose que la venue

20 des Englès. Si envoiia tantos à l'encontre d'eus de ses chevaliers et ses menestrés, et furent li contes de Cambruge et cil chevalier d'Engletière et estragnier qui avoecques lui estoient, moult honnerablement et grandement requelliet et conjoï des gens dou roi, et

25 vint li rois dans Ferrans au dehors de son castiel à rencontre dou conte, et le requella et conjoï à l'usage de celli pais moult bellement, et en apriès tous les aultres; etlesenvoia en son castiel et fîst le vin aporter et les espisses. Et là estoit Jehans de Cambruge,

30 fils au conte, douquel li rois de Portingal avoit grant joie, car il dissoit au conte : « Vechi mon fil, car il ara ma fille. » [Et sa fille] proprement, qui estoit de

son eage, en avoit grant joie, et se tenoient par les mains au doi li enfîant.

Entrues que li rois de Portingal et si chevalier honnouroient le conte et les chevaliers estragniers, se logoient et ordonnoient en la ville li autre qui estoient 5 issu de leurs vaissaux, et furent tout logiel bien et largement et à leur aisse, car la citté de Lusebonne est grande et bien garnie de tous biens, et ossi les gens le roi de Portingal avoient fait songnier dou bien pourvoir pour la venue des Englès. Si le trouvèrent bien lo pourveue et garnie, et estoient li signeur tout aisse et en grant lièche, mais il leur souvenoit dou signeur de Castiel Noef, dou soudich de l'Estrade et dou signeur de la Barde et de leurs gens que il contoient pour perdus sus mer ou que fortune de mer les euist bouté 15 si avant que entre les Mores ou ou roiaulme de Grenade ou de Bellamari, pour quoi, se enssi en estoit avenu, il les tenoient là ossi bien perdus comme en devant; et che leur desplaisoit trop grandement, et les regretoient et plaindoient durement. Au voir dire, 20 il faissoient bien à plaindre, car cil bon chevalier et escuier desus nommé furent tant et si dur terapesté de mer que onques gens sans mort ne furent en plus grant dangier ne péril; et furent [si avant hors de leur droit chemin], et passèrent les destrois de Marios 25 et les bendes dou roiaulme de Tramesainnes et de Bellamari, et furent par pluiseurs fois en trop grant aventure de estre pris et arresté des Sarrasins ; et eux meïsmes se contoient pour mort et n'avoient mies espoir de venir à terre jamais ne à port de salut. Et 30 furent quarante jours en che dangier. En le fin, il eurent un vent qui les rebouta, vosissent ou non, en

la mer d'Espaigne. Quant cils vens leur fu fallis, il waucrèrent et trouvèrent d'aventure deus grosses nefs de Lusebonne qui s'en venoient, sicom il leur dissent puis, en Flandres, cargies de marcheandisses. 5 Chil signeur tournèrent celle part et boutèrent leurs pennons et leurs estramières hors, et vinrent à ces nefs de Lusebonne, où il n'avoit que marceans dedens, qui ne furent mies bien à seur, quant il veirent che vaissel armé et les parures de Saint Jorge en pluisieurs

10 lieux. Toutesfois, quant il s'aprochièrent, il se recongneurent et se fissent grant teste; mais cil marchant remissent de rechief ces chevaliers en trop grant péril, je vous dirai pour quoi. Il demandèrent des nouvelles de Portingal, [et il respondirent que li rois de Por-

15 tingal] et li Englès estoient trait à siège devant Seville et avoient là le roi dan Jehan de Castille asegiet. De ces nouvelles furent il moult resjoï et dissent que il iroient celle part, car il estoient ossi sus la frontière de Seville. Adont se départirent il l'un de l'autre,

20 et leur laissièrent U Portingallois des vins et des pourveances pour eux rafresquir, et dissent li Gascon à leurs maronniers : « Menés nous à Seville, car là sont nos gens au siège. » Li maronnier respondirent : « Ou nom de Dieu! » et tournèrent vers Seville, et

25 singlèrent tant que il l'aprochièrent. Li maronnier, qui furent sage et ne voloient pas perdre leurs maistres, fissent monter amont ou castiel de leurs mas un effant, asavoir se il veoil nul apparant de siège par mer ne par tière devant Seville. L'enfFant ot bonne

30 veue et juste : si respondi que nom. Adont dissent li maronnier as signeurs : « Entendes, biau signeur, vous n'estes pas bien enfourmé, car pour certain il

n'a siège nul, ne par mer ne par tère, devant Seville, car, se il i estoit, aucun apparant en seroient ou havene. Si n'avons que faire de là aler, se vous ne voilés perdre, car, pour certain, li rois de Castille se tient là, et est la chités de son roiaulme où il se tient le 5 plus volentiers. » A grant dur en peurent li maronnier estre creu ; toutesfois, il furent creu, et singlèrent toute la bende de Seville et entrèrent en la mer de Portingal, et vinrent ferir ou havene de Lusebonne. A celle propre heure et che propre jour, leur faissoit 10 on en l'église de Sainte Katherine en Lusebonne leur obsèque, et estoient li baron et li chevalier vesti de noir, et les tenoient pour mors. Si devés savoir que la joie i fu très grans, quant il seurent que il estoient, com durement que che fust, arivet et venut à port 15 de salut. Si se conjoïrent et festiièrent moult grandement ensamble, et eurent chil chevalier gascons tantos oubliés les paines de la mer.

Nous nos soufflerons à parler un petit des besongnes de Portingal pour la cause de che que sitrestos il n'i 20 ot nul fait d'armes, et parlerons des besongnes de Flandres et de ce que il i avint en celle meismes saison .

§ 228. En ces ordonnances et en ce tamps que ces [aventures] , sicom chi dessus est dit et recordé, estoient 25 avenues en Engletière, ne sejournoient mies les guerres de Flandres, li contes contre les Gantois et cil de Gaind contre le conte.

Vous savés comment Phelippes d'Artevelle fu eslevés à Gaind et [eslus] souverains cappitainne par le 30 promotion premiers de Piètre dou Bos qui le consilla.

à l'entrer en l'office, qu'il fust crueulx et mauvais, afin que il se fesist cremir. Phelippes retint bien de son escolle et de sa dotrine, car il n'eut mies esté longhement en l'office de gouvrener Gaind, quant il 5 en fist tuer et décoller devant lui douse, et dient li aucun que cil avoient esté principaulment à le mort de son père : si en prist la vengance. Phelippes commencha à resgner en grant poissance et à lui faire cremir et ossi à amer de moult de gens et par espe-

10 cial des compaignons qui sieuoient les routes et les armées. A ceuls là, pour eulx faire leur main et estre en leur grâce, n'i avoit riens refusé ne repris ; tout estoit abandoné.

Or me poeut on demander comment chil de Gaind

15 faissoient leur guerre, et je en responderai volentiers, selonc che que je leur ai depuis oï parler. Il estoient si bien d'acord que tout mettoient main à bourse, quant il besongnoit, et se tailloient li rice selonc leur quantité, et deportoient les povres, et, enssi par celle unité

20 qu'il eurent, durèrent il en leur poissance, et s'est Gaind, à tout considérer, une des plus fortes villes dou monde, puis que Braibans, Hainnau, Hollandes ne Zellandes ne les voelt point guerroiier ; mais, ou cas que cil quatre pais li seroient contraire avoec

25 Flandres, il seroient enclos et perdu et affamé. Or ne leur furent onques cil pais parfaitement contraire ne ennemi : de quoi leur guerre en estoit plus belle, et en durèrent plus longhement.

En che tamps et en la nouvelleté de Phelippe d'Ar-

30 tevelle fu li doiens des tisserans acusés de trahison. Si fu pris et mis en prisson , et pour trouver en voir che dont il estoit amis et acusés, on alla en se mai-

son. Si trouva [o]n le pourre de salpêtre toute mouille, ne on ne s'en estoit peut aidier en toute l'anée à siège que il [i] eust fait. Si fu chils doiens décollés et traînés aval la ville par les espauUes comme traîtres, pour donner example as autres. 5

Or s'avissa li contes de Flandres que il venroit mettre le siège devant Gaind ; si fist un grant mandement de chevaliers et d'escuiers et des gens de ses bonnes villes, et envoia à Malignes, dont il eut ossi grant gent. Si manda ses cousins, messire Robert de 10 Namur et messire Guillaume, et li vinrent grant chevalerie et gens d'armes d'Artois et de Hainnau , car pour lors il estoit contes d'Artois, et estoit la contesse d'Artois sa mère nouvellement trespassée.

§ 229. A che mandement et asamblée ne s'oublia 15 mie li sires d'Enghien, mais là vint servir à tout ce que il peut par raison avoir de gens, et estoit bien acompaigniés de chevaliers et escuiers de la conté de Hainnau. Si vint li contes mettre le siège devant Gand au lés devers Bruges et au lés devers Hainnau. Si i 20 ot fait, le siège durant et estant, tamainte escarmuce, et issoient souvent aucun legier compaignon de Gaind qui aloient à l'aventure, dont à le fois il estoient rebouté à leur damage, et à le fois ossi il gaaignoient. Et cils qui le plus de fait d'armes i faissoit et qui le plus 25 de renommée en avoit, c'estoit li jones sires d'Enghien. En sa route et en se compaignie se mettoient volentiers et par usage tout jovene baceler qui desiroient les armes. Et s'en vint li sires d'Enghien à bien quatre mille hommes tous bien montés, sans cheux 30 de piet, mettre le siège devant la ville de Granmont,

car elle estoit gantoisse. Autre fois i avoit li sires d'Enghien estet et eux travilliet et heriiet, mais riens n'i avoit conquesté. Or i vint il à celle fois poissanment et par grant ordonnance, et le fist par un diemenche 5 asaillir en plus de quarante lieus, et il [meis]nies à l'assaut ne se faindi mies, mais s'i esprouva de grant volenté, et bouta là hors cel jour à cel assaut premièrement sa banière. Chils assauls fu grans et fors et bien continués, et la ville de tous costés assaillie si

10 aigrement et si ouniement que environ heure de nonne elle fu prisse et conquise ; et entrèrent ens, par les portes qui furent ouvertes et abatues, li sires d'Enghien et ses gens. Quant cil de Granmont veirent que leur ville estoit perdue et que point de recouvrier n'i

15 avoit, si s'enfuirent, et cil qui peurent, par autres portes au contraire de leurs anemis, et se sauva qui sauver se peut. Là eut grant ochision de hommes, de femmes et d'enffans, car nuls n'estoit pris à merchi, et i eut plus de cinc cens hommes de la ville mors, et

20 trop grant fuisson de vielles gens et de femmes gissans en leurs lis ars, dont che fu pités, car on bouta le feu en le ville en plus de deus cens lieus, par quoi toute li ville fu arse, moustiers et tout, ne riens n'i demora entir. Enssi fu Granmons persequlée et misse

25 en feu et en flame, et puis retourna li sires d'Enghien en l'ost devant Gaind, quant il eut fait cel exploit, douquel li contes de Flandres si l'en sceut très bon gré, et li dist : « Biaux fieux, en vous a vaillant homme, et vous ferés encores, se Dieu plaist, bon chevalier,

30 car vous en avés un très bon commenchement. »

§ 230. Apriès le destrucion de la ville de Gran-

mont, qui fu par un diemence ou mois de jun toute arse [et] toute perle, se tint li sièges devant Gaind. Et là cstoit li Jones sires d'Enghien, qui s'appelloit Gautiers, qui petit reposoit et sejournoit en son logis, mais queroit tous les jours les armes et les aventures, 5 une fois bien acompaigniés de si grant fuisson de gens que il reboutoit ses ennemis, et l'autre fois à si petit de gens que il n'osoit persévérer en ses emprises, si retournoit ; et priesque tous les jours, ou par li, ou par le Halse de Flandres i avenoient armes. Et avint 10 environ un mois après, un joedi au matin, que li sires d'Enghien estoit issus hors de son logeïs, le signeur de Montegni en sa compaignie, messire Mikiel de le Hamaide, sen cousin, dallés li, le bastart d'Enghien, son frère, Gillion dou Trisson, Hustin dou Lai et 15 pluiseurs autres de ses gens et de son hostel, et s'en aloient à l'escarmuce devant Gaind, enssi que autre fois avoient fait. Si se boutèrent si avant que mal leur en cheï, car chil de Gant avoient au dehors de leur ville fait une embusque de plus de cent compaignons 20 et tous piquenaires. Et voellent li aucun dire que il i avoit en celle enbusque le plus des escachiés de Granmont, qui ne tiroient à autre cose que ce que il peuissent enclore et atraper à leur avantage le signeur d'Enghien, pour eulx contrevengier dou grant damage 25 que il leur avoit fait, car il le sentoient libéral et jovene et volentrieu de lui aventurer follement ; et tant i pensèrent qu'il l'eurent, dont che fu damages, et pour ceulx ossi qui là demorèrent avoee li. Li sires d'Enghien et sa route ne se donnèrent garde, quant il se 30 veïrent enclos de ces Gantois, qui leur vinrent fièrement au devant et les escriièrent : a A la mort ! »

Quant li sires d'Enghien se vei en che parti, si demanda conseil au signeur de Montegni, qui estoit dallés lui : « Conseil ! respondi messires Ustasse, sire, il est trop tart; deffendons nous, et [si] vendons 5 nos vies che que nous poons. 11 n'i a autre cose, ne chi ne chiet [à] nul raençon. » Adont fissent li chevalier le singne de la crois devant leurs viaires, et se recommendèrent à Dieu et à saint Jorge, et se boutèrent en leurs ennemis, car il ne pooient fuir ne reculler, si

10 avant estoient il enbusquiet, et i fissent d'armes che qu'il peurent, et se combatirent moult vaillanment. Mais il ne pooient pas tout faire, car leur ennemi estoient dis contre un, et avoient ces longues picques, dont il lanchoient les cops trop grans et trop peril-

15 leus, enssi comme il apparut. Là fu li sires d'Enghien ochis, et dalés li, li bastars d'Engien, ses frères, et Gilles dou Trisson, et chils vaillans et preudons chevaliers de Hainnau, qui estoit ses compains, li sires de Montegni Saint Cristoffle, et messires Mikieux

?0 de le Hamaide durement navrés, et euist esté mors, il n'est nulle doubte, se Hustins dou Lai par force d'armes et par sens ne l'euist sauvé. Si en ot il moult de paine pour le sauver; toutesfois, entrues que cil Flament entendoient à ces chevaliers desarmer

25 et à tourser, pour reporter en la ville de Gaind, car bien savoient que il avoient ochis le signeur d'Enghien, dont il avoient grant joie, Hustin dou Lai, qui ne veoit nulle recouvrance, mist hors de la presse et dou péril messire Mikiel de le Hamaide. Enssi se porta h jour-

30 née pour le signeur d'Enghien. Si devés croire et savoir de vérité que li contes de Flandres en fu trop durement courouchiés, et bien le monstra, car, pour

l'amour de lui, li sièges se desfist de devant Gand, et ne le pooit li contes oubliier, mais le regretoit nuit et jour, et dissoit : « A ! Gautier ! Gautier ! biaulx fils ! Comment il vous est tempre mesavenu en vostre jonesche! Vostre mort me fera tamaint anoi, et voel bien 5 que cascuns sache que jamais cil de Gand n'aront paix à moi si sera si grandement amendé que bien devera souffire. » La cose demora en cel estât. Si fu renvoiiés querre en Gand li sires d'Enghien, que li Gantois, pour resjoir la ville, i avoient porté, lequel corps 10 il ne vaurent onques rendre si en eurent mille frans tous aparilliés, lesquels on leur paia et délivra, et les départirent ensamble à butin. Et li sires d'Enghien fu rapportés en l'ost, et puis fu renvoiiés à Enghien, la ville dont il avoit esté sires, et là fu ensevelis. 15

§ 231 . Pour la mort dou jone signeur d'Enghien, c'est vraie cose, se deffist li sièges de devant Gaind, et [si] s'en parti li contes, et s'en retourna à Bruges, et donna congiet pour celle saisson toutes manières de gens d'armes, et les envoiia ens es garnissons de Flan- 20 dres, ens ou castiel de Gauvres, en Audenarde, en Tenremonde, à Courtrai et partout sus les frontières de Gaind. Et manda li contes as Liegois, pour ce que il confortoient les Gantois de vivres et de pourveances, que plus on ne les asegeroit, mais que il [ne] vosissent 25 en Gaind envoiier nuls vivres. Chil dou Liège respondirent orguilleusement as messages qui envoiiet i furent, que de ce faire il aroient avis et conseil à ceulx de Sainteron, de Hui et de Dignant : li contes n'en peut autre cose avoir. Toutesfois, li contes de Flandres 30 envoiia devers ses cousins le duc de Braibant et le duc

Aubert, bail de Hainnau, de Hollandes et de Zellandes, grans mesages de ses plus sages chevaliers, qui leur remonstrèrent de par li que la ville de Gaind se tenoit en son esreur et en sa raauvaistié par le grant confort 5 que les gens de celle ville avoient de leurs pais, de vivres et de pourveances qui leur venoient tous les jours, et que il i vosissent pourveïr de remède. Ghil

- doi signeur, qui envis euissent ouvré ne exploitié à la despiaissance de leur cousin le conte, s'escusèrent moult

10 bellement as chevaliers, et leur respondirent que en devant ces nouvelles il n'en avoient riens sceu, et aroient tels leurs pais que on [i] metteroit atemprance. Geste responsse soufFi assés au conte de Flandres. Li dus Aubers, qui pour ce tamps se tenoit en

15 Hollandes, escripsi devers son baillieu en Hainnau, messire Simon de Lalaing, et H envoiia la coppie des lettres et par escript les parolles et requestes de son cousin, le conte de Flandres, et avoec tout che il li manda et commanda estroitement que il euist tel le

20 pais de Hainnau que il n'en oist plus nulles nouvelles à le despiaissance dou conte, son cousin, car il s'en couroucheroit. Li baillieux obéi, che fu raisons, et fist faire un commandement gênerai parmi le conté de Hainnau, que nuls ne menast vivres à ceulx de Gaind,

25 car, se il estoient sus le chemin veu ne trouvé, il n'aroient point d'avoé de li. Un tel cri et defîense fist on en Braibant, ne nuls n'osoit aler en Gand, fors en larechin, ne mener vivres, dont cil de Gaind se commenchièrent moult à esbahir, car pourveances leur

30 afoiblissoient durement, et eussent eu trop plus tost grant famine ; mais il estoient conforté des Hollandois et des Zellandois, qui onques ne s'en vaurent déporter

pour mandement ne pour destrainte que H dus Aubers i peuist mettre.

En che tamps, par les pourcas et moiens des consaulx de Hainnau, de Braibant et de Liège, fu uns parlemens assis et acordés à estre à Harlebèque dal- 5 lés Courtrai, et se tint li parlemens, et i envoiièrent chil de Gand douse des plus notables hommes de la ville, et monstroient tout generaument, excepté li ribaudaiUe qui ne desiroient que le rihotte, que il voloient venir à pais, à quel meschief que che fust. 10 A ce parlement furent tout li consaus des bonnes villes de Flandres, et meïsm[em]enl li contes, et ossi de Braibant, de Hainnaut et de Liège i eut gens. Là furent les coses si bien taillies et couchies que sur certain article de paix li Gantois retournèrent en leur 15 ville; et avint que cil de Gand, qui pais desiroient à avoir, voire li saige et li paisiule, se traïssent devers les hostels des deus plus notables et rices hommes de Gaind qui à ce parlement eussent esté, sire Ghisebrest Grute [et] sire Simon Bète, et leur demandèrent des 20 nouvelles. Il se descouvrirent trop tos à leurs amis, car il respondirent : « Bonnes [gens], nous arons une belle paix, se Dieu plaist. Chil qui ne voellent que bien, demoront en pais, et on corr[i]gera aucuns des mauvais de la ville de Gand. » 25

§ 232. Vous savés que on dist communément : « S'il est qui fait, il est qui dist. » Piètres dou Bos, qui ne se sentoit mies asseur de sa vie, avoit envoiiet ses espies pour oïr et raporter des nouvelles. Chil qui i furent envoiiet, raporterent che que on dissoit parmi 30 la ville, et que ces paroUes venoient pour certain de

Ghisebrest Grute et de Simon Bète. Quant Piètres entendi che, si fu tous foursenés et hapa tantos ceste cose pour li, et dist : « Se nuls est corigiés de ceste guerre, je serrai tous premiers, mais il n'ira pas enssi 5 que nos signeurs, qui ont esté au parlement, quident. Je ne voel pas encores morir ; la guerre n'a pas encores tant duré comme elle dur[r]a ; encores n'est pas mes boins maistres, qui fu Jehan Lion, bien vengiés. Se la cose est entouellie, encores le voel jou mieux touel-

10 lier. B Que fist Piètres don Bos? Je le vous dirai.

Gel propre soir, dont à l'endemain li consaulx des signeurs de Gand devoit estre en la dite halle dou conseil et li rappors fais des dessus dis qui avoient estet au parlement à Harlebecque, il s'en vint à l'ostel

15 Phelippe d'Artevelle, et le trouva que il avissoit et penssoit en apoiant sus une phenestre en sa cambre. Le première paroUe que il li dist, il li demanda : « Plielippes, savés vous nulles nouvelles? » — « Nenil, dist Phelippes, fors tant que nos gens sont retourné

20 dou parlement de Harlebèque, et demain nous devons oïr en la halle che qu'il ont trouvé. » — « C'est voirs, dist Piètres, mais je sai ja ce qu'il ont trouvé et comment [li] traitietse [portent], car il s'en sont descouvert à aucuns de mes amis. Certes, Phelippe, tout li trai-

25 tiet c'on fait et que on peut faire, c'est tousjours sur nous et sur nos testes. Se il i a nulle paix entre Monsigneur et la ville, sachiés que vous et jou et li sires de Harselle et tout li cappitaine, dont nous nos aidons et qui maintiennent la guerre, en moront premiere-

30 ment ; et li riche homme en iront quite, et nous voellent bouter en che parti et iaulx délivrer. Et che fu li oppinions de Jehan Lion, men maistre. Toudis encores a

no sires li contes ses marmousès dalés H, Ghiscbrest Mahieu et ses frères et le prevost de Harlebèque, qui est dou linage, et le doien des menus mestiers qui s'en fui avoec eulx. [Si] nous faut bien aviser sour chou. B — « Et quel cose en est bonne à faire? » dist 5 Phelipes. Respondi Piètres : « Je le vous dirai : il nous faut segnefiier à tous nos diiens et nos cappitainnes que il soient demain tout apparilliet et venu ou marchiet des devenres, et se tiegnent dallés nous. Nous enterons en la halle, moi et vous, et cent des nostres, pour lo oïr ces traitiés. Dou sourplus laissiés moi convenir, mais avoés mon fait, se vous voilés demorer en vie et en poissance, car, en ceste ville et entre communs, qui ne s'i fait cremir, il n'i a riens. » Phelippes li acorda. Piètres don Bos prist congiet, et se parti et envoia ses lâ gens et ses vallès par tous les doiiens et cappitainnes desoulx li, et leur manda que à l'endemain eulx et leurs gens venissent tout pourveu ens ou marquiet des devenres, pour oïr des nouvelles. Il obéirent, car nuls ne l'eust ossé îaissier, et ossi il estoient tout 20 rebrachiet de mal faire.

§ 233. Quant che vint au matin à noef heures, li maieur, li eskevin et li riche homme de la ville vinrent ou marchiet et entrèrent en la halle, et là vinrent chil qui avoient esté au parlement à Harlebèque ; puis 25 vinrent Piètres dou Bos et Phelippes d'Artevelle, bien acompaigniés de ceux de leur sexte. Quant il furent tout asamblé et assis qui seoir volt, on regarda que li sires de Harselle n'estoit point là. On le demanda, mais on l'excusa, car il n'i pooit estre pour la cause 30 de che que il estoit dehetiés. Avant dist Piètres dou

Bos : « Vés me chi pour lui. Nous sommes gens assés : oons che que cil seigneur ont rapporté dou parlement de Harlebèque. »

Adont se levèrent comme li plus notable de le com- 5 paignie Ghisebrest Grute et Simons Bète, et parla li uns et dist : « Signeur de Gaind, nous avons esté au parlement de Harlebecque, et avons heu moult de paine et de travail , et ossi ont [eu] les bonnes gens de Braibant, don Liège et de Hainnau, de nous acor-

10 der envers Monsigneur. Toutesfois, fînablement, à la proiière de monsigneur et de madame de Braibant, qui là envoiièrent leur conseil, et de monsigneur le duc Aubert, [qui i envoia] le sien, la bonne ville de Gand est venue à paix et a acordé envers

15 nostre signeur le conte par un moien que deus cent hommes, [desquels] il nous envolera [les noms] dedens quinse jours par escript, iront en sa prisson ens ou castiel à Lille et se metteront en sa pure volenté. Il est bien si frans et si nobles que de cheulx

20 il ara merchi et pité. » A ces parolles se traist avant Piètres dou Bos, et dist : « Ghisebrest, comment estes vous si ossés que vous avés acordé che traitiet de mettre deux cens hommes en le vol lente de nostre ennemi? A très grant vitupération venroit à la ville de

25 Gand, et mieux vauroit que elle fust reversée che desoulx deseure, que ja à ceulx de Gaind fust reprociet que il euissent guerriiet par tel manière! Bien savons entre nous qui avons oï, que vous ne serés pas li uns de ces deux cens, ne ossi ne sera Simon

30 Bette. Vous avés pris et cuesi pour vous, mais nous taillerons et prenderons pour nous. Avant, Phelippe, à ces traiteurs qui voellent deshonnerer et trahir la

noble ville de Gaind ! » Tout en parlant, Piètres dou Bos trait sa daghe et vient à Ghisebrest Grute, et li fiert ou ventre et le reverse là, et l'abat mort, et Phelippes d'Artevelle la sienne, et fiert sire Simon Bette et l'ochist, et puis commenchent à criier : « Traï ! » 5 Il avoient leurs gens haut et bas dallés eux. Cil tout ewireus, com riche homme et comme enlinagiet que il fuissent en la ville, qui se peurent disimuller adont et bouter hors et sauver! Et ossi pour l'eure il n'en i ot plus de mors que ces deus ; mais pour le peuple lo apaissier et pour eulx tourner en droit, il envoiièrent leurs gens de rue en rue, criant et dissant : « Li faulx, li mauvais traiteur Ghisebrest Grute et sire Simon Bette ont volut trahir la bonne ville de Gaud. » Enssi se passa ceste cose, li mort furent mort, ne on n'en 15 eult el, ne nuls n'en leva l'amende.

Quant li contes de Flandres, qui se tenoit à Bruges, sceut ces nouvelles, si fu durement courouchiés, et dist adont : « A la priière de mes cousins de Braibant et de Hainnau et de ma suer de Braibant, je m'estoie 20 legierement acordés à la pais à cheux de Gand, et celle fois et aultre ont il enssi ouvré ; mais je voel bien qu'il sachent que jamais n'aront paix envers moi si en arai des leurs tant à ma volenté que bien me devera souffire. » 25

§234. Enssi furent mors et mourdrit en la ville de Gaind chil doi vaillant homme rice et sage, et pour bien faire à l'intencion de pluiseurs gens, dont cascuns des deus de leur patrimoine tenoient bien [mil] frans de revenue hiretable par an. Si furent plaint en 30 requoi : on n'en eut el, ne nuls n'en euist ossé par-

1er, se il ne vosist estre mors. La cose demora en cel estât, et la guerre plus felle que devant, car cil des garnissons autour de Gand estoient nuit et jour songneusement sus les camps, ne nulles pourveances ne 5 pooient venir à Gand, car nuls de Braibant ne de Hainnau ne s'i osoit aventurer, car, au mieux venir, quant les gens dou conte les trouvoient en leur présence, il ochioient leurs chevaulx et souvent eulx meismes, ou il les en menoient en Tenremonde ou en Audenarde

10 prisonniers et les renchonnoient. Dont toutes manières de gens vitailliers resongnoient che péril : si ne s'i ossoit nuls bouter.

En celle saisson ossi s'élevèrent et révélèrent ossi chil de Paris à l'encontre dou roi et de son conseil, car li

15 rois et ses consauix voloient remettre sus generalment parmi le roiaulme de France les aides, les fouages, les gabelles et les assisses qui avoient courut et estet levées dou tamps le roi Charle, père à che roi qui resgnoit pour ce tamps. Li Parisiien furent rebelle à tout ce,

20 et dissent que li rois Charles, de bonne mémoire, lui encores vivant, leur avoit quitté, et li rois, ses fils, à son couronnement à Rains , l'avoit accordé et confremé. Et convint le jone roi de France et son conseil vuidier Paris et venir demorer à Miaulx en Brie.

■25 Sitos que li rois fu partis de Paris, li commun s'esmurent et s'armèrent, et ochirenttousceulx qui avoient [censi] ces gabelles et ces débites, et rompirent et brissèrent les prissons et les maisons de la ville, et prisent et pillièrent tout ce que il trouvèrent; et vin-

30 rent en le maison de l'evesque de Paris en Citté, et rompirent les prisons et délivrèrent Hughe Aubriot, qui avoit esté prevos de Chastelet un grant tamps, le

roi Charle vivant, liqueis estoit par sentence condempnés en prison, que on dist l'Oubliette, pour pluiseurs grans mauvais fais que fais avoit et consentis à faire, et liquel, pluiseur en i avoit, demandoient le feu; mais chils peuples de Paris le délivrèrent. Geste aven- 5 ture li avint par l'esmeutin dou commun, de quoi il se parti au plus tost qu'il peut, afin que il ne fust repris, et s'en ala en Bourgongne, dont il estoit, et compta à ses amis sen aventure.

Chil de Paris, che jour et che terme que il resgnè- 10 rent en leur rébellion, fissent moult de desrois, dont il en anoioit à aucunes boines gens qui n'estoient pas de leur acord, car, se tout le fuissent, la cose euist trop mal aie. Et li rois se tenoit à Miaulx, et si oncle dallés lui, Ango, Berri et Bourgongne, qui estoient 15 tout courouchiet et esmervilliet de ceste rébellion. Si eurent conseil que il envoieroient le signeur de Couchi, qui sages chevaliers estoit, traitier devers eulx et apaissier, car mieulx les saroit avoir et mener que nuls autres ne feroit. 20

§ 235. Adont s'en vint li sires de Couchi, qui s'apelloit Enguerans, à Paris, non à main armée, mais tout simplement avoec ceuls de son hostel rieulet. Et descendi à son hostel ; et là manda ceuls qui de ceste besongne s'ensonnioient et estoient ensonniiet 25 le plus avant, et leur remonstra doucement et sagement que il avoient trop mal esret de che que il avoient ochis les otïiciiers et menistres dou roi et romput et brissiet les maisons et les prisons dou roi et delivret ses prisonniers, et que, se li rois et ses consaulx 30 voloient, il seroit trop grandement amendé. Mais

nenil, car sour toutes riens il amoit Paris pour tant qu'il i fu nés et que Paris est li chiés de son roiaulme : si ne le voloit pas confondre ne destruire, ne les bonnes gens de dedens, et leur monstroit comment il 5 estoit là venus comme par un moien pour eux mettre à acordé ; et il prieroit au roi et à ses oncles que che fourfait que il [fait] avoient, il leur vosissent pardonner. Il respondirent adont que il ne voloient ne guerre ne niautallent au roi, leur sire, mais il voloient que

10 ces impositions, aides, sousides et gabelles fussent nulles [et] Paris euxemté de tels coses ; et il aideroient le roi en autre manière. — « En quel manière? » respondi li sires de Couchi. — « En celle manière de une quantité d'or et d'argent que nous paierons toutes les

15 sepmaines à un certain homme qui le recevera, pour aidier à paiier, avoecq les autres cittés et villes dou roiaulme de France, les saudoiiers et les gens d'armes dou roi. B — « Et quelle somme voriés vous paiier toutes les sepmainnes? » — « Somme telle, respon-

20 dirent li Parisiien, que nous serons d'accord. » Là les mena li sires de Couchi par biau langage si avant que il se taillièrent et ordonnèrent de leur vollenté à dix mille frans le sepmainne et à paiier à un homme que il ordonneroi[en]t à rechepveur.

25 Sus cel estât se départi li sires de Couchi d'eus, et retourna à Miaulx en Brie devers le roi et ses oncles, et regarda et remonstra tous ces traitiés. Li rois fu adont consilliés pour le mieux que il prenderoit l'offre que li Parisiien li offroient, et que ceste cose estoit

30 entrée et commenchement de jeu, et que petit à petit on enteroit en eux, et enssi feroient les autres bonnes villes, puisque cil de Paris avoient commenchiet ; et,

quant on poroit, on aroit mieux. Si retourna li sires de Couchi à Paris et aporta de par le roi le paix as Parisiiens, mais que il tenissent les traitiés tels comme il avoient proposet. Il les tinrent trop volentiers et ordonnèrent un rechepveur qui recepveroit le somme 5 des florins toutes les sepmaines ; mais li argens ne devoit estre contournés ailleurs ne bougier de Paris fors en paiier gens d'armes, se on les metoit en besongne ; ne riens aultrement n'en devoit venir ne tourne[r] au pourfit dou roi ne à ses oncles. Enssi 10 demora la cose un tamps en cel estât, et li Parisiien en paix ; mais li rois ne venoit point à Paris, dont li Parisiien estoient courouchiet.

§ 236. Samblablement cil de la citté de Roem s'esmurent ossi, et se relevèrent et révélèrent par telle 15 incidense les menues gens de la ville, et ochissent le chastelain, qui estoit au roi et gardiiens dou castel, et tous les impositeurs et gabelleurs, qui ces aides avoient prises et censsies. Quant li rois de France, qui se tenoit à Miaulx, en fu infourmés, [ce] li vint à grant 20 desplaissance et à son conseil ossi, et se doubtèrent que parellement les autres villes et cittés dou roiaulrae de France ne fesissent enssi. Si fu li rois de France consilliés de venir à Roem ; et i vint, et apaisa le commun, qui estoit moult tourblés, et leur pardonna la 25 mort de son chastellain et tout ce que fait avoient ; et il ordonnèrent de par eulx un rechepveur, auquel il paieroient toutes les sepmaines une somme de florins, et parmi tant il demorèrent à paix. Or, regardés la grant deablie qui se commenchoit à eslever en 30 France : et tout prendoient piet et ordonnance sus les

Gantois, et dissoient les communaultés adont tout par le monde que li Gantois estoient bonnes gens et que vaillanment il soustenoient leurs franchisses, dont il dévoient de toutes gens estre amé, prisié et hon- 5 neré.

§ 237. Vous savés comment li dus d'Ango avoit une grande et haute imagination d'aller ens ou roiaulme de Napples, dont il s'escripsoit rois de Puille et de Calabre et de Sesille, car pappes Ciemens l'en avoit

10 ravesti et ahireté par la vertu des lettres que la roine de Naples et de Sesille l'en avoit douné. Li dus d'Ango, qui estoit sages et imaginaulx et de hault corage et de grant emprisse, veoit bien que, ou tamps à venir, selonc Testât que il avoit commenchiet à maintenir,

15 dont envis le veist afoiblir ne amenrir, seroit uns petis sires en France, et que cils haus et nobles hiretages de deus roiaulmes, Naples et Sesille, et trois ducés, Puille, Calabre et Prouvence, li venroient grandement bien à point, car en ces terres, dont il se tenoit

20 drois sires et hoirs par le vertu des dons qui fait l'en estoient, abondent toutes riquoises. Si mettoit toute sa cure et diligence nuit et jour comment il peuist parfurnir ce voiage, et bien savoit que il ne le pooit faire sans grant confort d'or et d'argent et grosse

25 route de gens d'armes, pour résister de force contre tous ceuls qui son voiage li volroient empechier. Si asambloit li dus d'Ango de tous lés, en instance de ce voiage, si grant avoir que mervelles, et tenoit à amour les Parisiiens che qu'il pooit, car bien savoit que

30 dedens Paris a grant misse d'argent. Et tant fist qu'il en et sans nombre et envoia devers le conte de Savoie,

ouquel il avoit très grant fiance, que à ce besoing il ne le vosist pas fallir, et, li venut en Savoie, il li feroit mettre en paiement aparilliet la somme de [cinc cens mil] florins pour mille lances ou plus, pour un an tout entier. Li contes de Savoie de ces nouvelles eut grant 5 joie, car moult amoit les armes et l'avancement de li et de ses gens : si respondi as mesages que volentiers il serviroit monsigneur d'Ango parmi le moiien que il mettoit. De che fu li dus d'Ango tous resjoïs, car il amoit moult la compaignie dou conte de Savoie. De 10 rechief li dus d'Ango retint tout partout gens d'armes et tant que il en trouva bien noef mil hommes d'armes tout en se obéissance, voire les deniers paians. Si fist, pour son corps et pour ses gens faire et ordonner et aparillier, à Paris le plus grant et le plus bel apareil, 15 que on avoit onques veu faire faire signeur, de tentes, de trefs, de pavillons, de cambres et de toutes ordonnances qu'à un roi appartient, qui voelt aler en un lontain voiage.

Nous cesserons un petit à parler de lui, et retou- 20 rons au conte de Cambruge et à ses gens, qui pour che temps estoient en Portingal dallés le roi.

§ 238. Li contes de Cambruge et ses gens se rafresquirent un grant temps à Lusebonne dallés le roi de Portingal, et avissoient li Englois et li Gascon le pais, 25 pour tant que il n'i avoient onques estet. En che séjour il me samble que uns mariages fu fais et acordés de la fille dou roi de Portingal, qui estoit adont e[n] l'eage de dix ans, et dou fil conte de Cambruge, qui pooit estre de cel eage. Bel enffant estoit et a[voit] 30 à nom Jehan, et la dame fille dou roi Betris. A ces

noces de ces deux eiiffans et grans festes et grans esbatemens, et i furent li prélat et li baron dou pais, et furent couchiet, comme jone qu'il fuissent, tout nu en un lit ensamble.

5 Ces noces faites et les festes passées, qui durèrent bien uit jours, li consaulx dou roi de Portingal ordonna que ces gens d'armes, qui se tenoient à Lusebonne et là environ, sedepartiroient etiroient d'autre part tenir leur frontière. Si fu li contes de Cambruge et ses hos-

10 tels ordonnés et assignés de aler en une belle ville en Portingal, que on dist Estremouse, et li Englès et li Gascon tout ensamble en une autre ville que on appelle ou pais Ville Vesiouse ; et Jehans de Cambruge demora dallés le roi et sa femme.

15 Quant li Canonnes de Roberssart et li autre chevalier englès et gascons se départirent dou roi et prissent congiet pour aler à leur garnisson, li rois leur dist : « Mi enffant, je vous commande que point vous ne chevauchiés sus les ennemis sans men sceu, car, se

20 vous le faissiés, je vous en saroie mauvais gré. » Il respondirent : « De par Dieu! » et que, quant il voroient chevaucliier, il li segnefieroient et en prenderoient congiet. Sus cel estât il se départirent et chevauchièrent à Ville Vesiouse, qui siet amont ou pais à deus

25 journées de Lusebonne et à otant de Seville, où li rois d'Espaigne se tenoit, qui ja estoit tous enfourmés et avissés de la venue des Englès et dou conte de Cambruge, et avoit cel estât segnefiiet en France as chevaliers et as escuiers dont il penssoit à estre ser-

30 vis. Et quant chevalier et escuier dou roiaulme le seurent et que fais d'armes apparoient en Espagne, si en furent tout resjoï ; et [se] aparillièrent li plui-

seur qui se desiroient à avanchier, et se missent au chemin pour aler en Espaigne.

§ 2139. Li Canonnes de Robersart, qui se tenoit en garnison en Ville Vesiouse avoecques ses compaignons englès et gascons, parla une fois à eulx et leur 5 dist : « Biau signeur, nous séjournons chi, che me samble, mal honnerablement , quant nous n'avons encores chevauchiet sus nos ennemis, et mains de bien il en tiennent de nous. Se vous le voilés et vous le consilliés, nous envoierons devers le roi en priant que 10 il nous donne congiet de chevauchier. » Il respondirent tout : a Nous le volons. » Adont fu ordonnés messires Jehans de [Sandevich] à faire che mesage ; il dist que il le feroit volentiers. Si vint à Lusebonne devers le roi et fist son mesage bien et à point et che 15 dont il estoit cargiés. Li rois li respondi que il ne voloit pas que il chevauchaissent ; ne onques li chevaliers ne le peut tourner en autre voie, et retourna deviers les signeurs et leur dist que li rois ne voloit point que il chevauchaissent. Adont furent il plus cou- 20 rouchiet que devant, et dirent entre eux que che n'estoit mies leurs estas ne ordonnances de gens d'armes de euls tenir si longhement en une garnisson sans faire aucun exploit d'armes, et convenenchièrent l'un à l'autre de chevauchier. Si se missent un jour as 25 camps bien quatre cens hommes d'armes et otant d'archiers ; et avoient empris en leur chemin d'aller à Seris, une grosse ville qui est au maistre de Saint Jaque ; mais il se ravissèrent et tournèrent une autre voie pour venir devant le castiel de la Fighière, où il 30 avoit environ soissante hommes d'armes espagnols en

garnison, dont Pières Gouses et ses frères estoient cappitaines.

Li Canonnes de Robertsart, qui se faissoit chiés de ceste chevauchie, car ossi l'avoit il esmeut et mis sus, 5 chevaucha tout devant. Là estoient messires Guillaume de Biaucamp, messires Mahieus de Gournai, Milles de Windesore, li sires de Tallebot, messires Adam Simon, messires Jehans Soudrée, frère dou roi d'Engletière bastart, li soudis de l'Estrade, h sires de Castiel N[o]ef,

10 li sires de la Barde, Rainmonet de Marsen et pluiseur autre. Et chevauchièrent tant ces gens d'armes que il vinrent devant le castiel de la Fighière, et l'environnèrent, et se missent en ordenance pour l'asaillir, et fissent toutes leurs livrées et parechons, enssi que à

15 faire assaut appartenoit.

Quant cil qui dedens estoient, perchurent que il seroient asailli, si se ordonnèrent de bonne fachon et se missent à deffense. Environ heure de prime, commencha li assaus fors et fiers et rades, et entroient cil

20 Englès ens es fossés où il n'avoit point d'aighe, et venoient jusques as murs, targiet et pavesciet pour le get des pières d'amont, et là hauoient et piquetoient de pis et de hauiaulx à leur pooir ; et on leur jettoit d'amont pières de fais et grans bariaux de fier, laquel

25 cose em blecha pluiseurs. Là estoit li Canonnes de Robersart qui bien avoit corps de chevalier, qui che jour i fist grant fuisson d'armes, et ossi fist Espérons, uns siens variés. Là estoient li archier d'Engletière arresté environnéement sus les fossés, qui traioient à

30 ceulx d'amont si roit et si ouniement que à paines osoit nuls apparoir as deffenses, et en i ot de ceus de dedens les deus pars navrés et blechiés, et i fu

mors dou trait li frères de Pière Gouse, cappitaine dou castiel, qui s'appelioit Betremieu, appert homme d'armes durement, et, par son appertisse et li trop follement abandonner, fu il mors.

§ 240. Enssi se continua chils assaulx de l'eure de 5 prime jusques à haute nonne, et vous di que li chevalier et escuier englois et gascon ne s'i espargnoient mies, mais asailloient de grant corage et de grant volenté, pour la cause de che que, sans le commandement et ordenance dou roi de Portingal, il avoient fait 10 ceste chevauchie. Si se mettoient en paine de conquerre le castiel, par quoi la renommée en venist à Lusebonne que il avoient à che commenchement bien exploitiet. Là estoit li Canonnes, qui bien avoit corps de chevalier et emprisse et fait de vaillant homme, 15 qui les ammonestoit de bien faire, et leur dissoit : « Hé ! signeur, nous tenra meshui cils fors tant de bonnes gens que nous sommes? Se nous mettons otant à conquérir toutes les villes et les castiaulx d'Espaigne et de Galise, nous n'en serons jamais signeur. » Adont 20 s'esvertuoient chevalier [et] escuier à ses parolles et faissoient mervelles d'armes; et vous di que dou jet d'amont li Canonnes, quoique il fust bien pavesciés, rechut tamaint dur horion, dont il fu durement froissiés et blechiés. Là avoit il dallés lui un jone escuier 25 de Hainnau, qui s'appelioit Froissart Meulier, qui vassauraent à l'assaut se porta ; et ossi fissent tout li autre. Li artellerie dou castiel, pières et bariaux de fier, commenchièrent moult à afoiblir à ceulx de dedens [et] eux lasser. Si regardèrent que de vint et cinc hommes 30 d'armes que il estoient, il n'en i avoit pas trois qui ne

fuissent navret et blechiet, et li aucun mis en péril de mort, et que longhement ne se pooient tenir que de force il ne fuissent pris, car ja veoient il mort le frère de leur cappitainne, par qui pluiseurs recouvrances se 5 pooient faire : si avisèrent que il prenderoient un petit de respit, et là en dedens il traiteroient de la paix. Si fissent signe que il voloient parler as Englès. Adont fist on cesser l'assaut, et se missent cil qui asailloient, tout hors des fossés; et, à voir dire, li

10 repos à aucuns besongnoit bien, car il en i avoit grant fuisson de blechiés et de lassés.

Adont se traissent avant messires Mahieus de Gournai, connestables de l'ost, et messires Guillaumes de Windesore, marescal, et demandèrent que il voloient

15 dire. La cappitainne dam Piètre Gousse parla enssi et dist : « Biau signeur, vous nous quoitiés de moult priés, et veons bien que vous ne vous partirés sans avoir la forterèce. Vous blechiés nos gens ; nous blechons les vostres : si avons conseil l'un par l'autre, je

20 pour tous, qui en sui cappitains, que nous vous renderons le fort, salve nos vies et nos biens. Si nous prendés enssi, car c'est droite parechon d'armes. Vous estes pour le présent plus fort que nous ne soions : ce le nous fait faire. » Li chevalier englès res-

25 pondirent que il s'en consilleroient, enssi qu'il fissent. Quant il furent consilliet, il fissent responsse, et fu dit que chil de dedens partiroient, se il voloient ; mais la garnisson, ensou point où elle estoit, il la[i]roient, ne riens, fors leurs vies, il n'en porteroient. Quant Piètres

30 Gousse vei que il n'en aroit autre cose, si eut plus chier à prendre che marchié que faire pieur : [si] s'i acorda. Enssi fu li castiaulx de la Fighière rendus et mis en le

main des Englès, et s'en partirent li Espagnol sus le sauf conduit des Englès, et s'en allèrent viers Sceris, où li maistres de Saint Jaque se tenoit; mais pointue l'i trouvèrent, car il avoit entendu que li Englès chevaucoient : si s'estoit trais sour les camps, et chevauchoit 5 à bien quatre cens hommes d'armes espagnols et castellains, car il esperoit que, se il pooit trouver les Englès sus son avantage, il les combateroit.

§ 241 . Quant cil chevalier d'Engletière, li Canonnes et sa route, furent saissi dou castiel de la Fighière, si en 10 eurent grant joie ; si le fissent remparer et remettre à point et repourveir d'artellerie, et i laissièrent quarante compaignons, archiers et aultres, et bon cappitaine pour le garder; et puis se consillièrent quel cose il feroient. Co'nsilliet fu que il se retrairoient vers 15 leurs logeis. Et se départirent li Englès et li Gascon, et fissent trois routes ; et la darainière des routes qui demora sus les camps, che fu celle dou Canonne. Et estoient aucun Englès et Gascon et Allemant, qui desiroient les armes, demoret avoec lui, et pooient estre 20 environ soissante lances et otant d'archiers ; et chevauchièrent ces gens en la route dou Canonne, un jour tout entier, en revenant vers Ville Vesiouse.

Le second jour au matin, à heure de prime, que les embusques se descuevrent, il chevauchoient tout 25 ensamble bien ordonnéement et estoient entre une grosse ville en Portingal que on dist [Olivence] et le castiel dou Conciel ; et droitement au dehors d'un bois, plus priés dou castiel dou Conciel que de [Olivence], estoit en embusque li maistres de Saint Jaque, à bien 30 quatre cens hommes d'armes. Sitost que li Englès les

perchurent, il se remissent tout ensamble et ne monstrèrent point de samblant d'effroi, et chevauchièrent le bon pas. Chil Espagnol, corn grant fuisson qu'il fuissent, ne monstrèrent nul samblant ne ne fissent de

5 iaulx desbusquier, mais se tinrent toudis en leur enbusque, et quidoient par imagination que li Englès eussent assés priés de là leur grosse bataille. Pour che ne les ossèrent il envaïr, car, se il seuissent justement leur convenant, il i eust eu hustin. Enssi se départirent

10 il li un de l'autre sans riens faire. Li Espagnol retournèrent che soir à [Seris], et li Canonnes à Ville Vesiouse, qui recorda à ses compaignons comment il avoient veu les Espaignols en embusque entre le Conciel et Olivence, et dist : « Se nous eussions esté tout

15 ensamble, nous les eussions combatus. » Si se repentoient li chevalier grandement de* ce que il avoient laissiet l'un l'autre. Enssi se porta ceste première chevauchie que li Englès et li Gascon fissent ; et quant les nouvelles en vinrent au roi de Portingal, si mons-

20 tra par samblant que il en fust courouchiés, et pour tant que il avoient chevauchié hors son commandement et ordonnance.

§ 242. Enssi se tinrent tout cel ivier li Englès et

Gascon en leurs garnissons, sans point chevauchier ne

25 à faire cose qui à recorder face, dont il leur anoioit

grandement, et ne demoroit pas à iaulx que il ne

fesissent armes.

Entrues se pourveoit li rois dans Jehans de Gastille,

et avoit envoiiet en France devers le roi et ses oncles

30 au secours, en iaulx segnefiant coument li contes de

Garabruge estoit venus et arivés en Portingal, et estoit

la vois par tout les roiaulmes de Castille et de Portingal que li dus de Lancastre, ses frères, poissament acompaigniés, venroit en leur aide à l'esté; pourquoi il requeroit au roi, selonc les aliances et confédérations que il avoient ensemble, France et Espagne, par 5 grant conjonction d'amour, que il fust sus le tamps d'esté confortés de bonnes gens d'armes, par quoi il peuist de force et de fait résister à ses ennemis. Li consaulx dou roi de France s'asentoit bien à tout che, et veoit clerement que li rois d'Espaigne requeroit 10 raisson. Si fu ordonné en France de donner grâce et congiet toutes manières de gens d'armes, chevaliers et escuiers qui avanchier se voloient, et leur faissoit li rois de France le premier prest pour passer oultre. Si me samble que messires Oliviers de Claiequin, 15 frères dou connestable Bertram qui fu, se ordonna pour aler che chemin sus le printamps. Ossi fissent pluiseur chevalier et escuier de Bretaigne, de France, de Biause et de Picardie, d'Ango, de Berri, de Blois et du Maine, et passoient par routes, pour mieux aler 20 à leur aisse, et avoient passage ouvert parmi leroiaume d'Arragon, et trouvoient pourveances toutes prestes parmi leurs deniers paians ; mais sachiés que il ne paièrent mie par as tout ce que il prendoient, quant il estoient ou plat pais, dont les povres gens le com- 25 paroient.

§ 243. Vous savés comment li rois Bichars d'Engletière avoit eu, un an et plus, traitiés devers le roi Cliarle d'Alemaigne, qui pour ce tamps en title s'escripsoit rois des Boumains, pour avoir sa soer, madame 30 Anne, en mariage, et comment mesires Simons Burlé,

uns siens chevaliers, en avoit moult travilliet, et comment li dus de Tassem, d'Alemaigne en avoit esté en Engletière, pour confremer le mariage.Tantavoient esté ces coses démenées que li rois des Roumains envoioit 5 sa soer en Engletière, le duc de Tassem en sa compaignie et grant fuisson de chevaliers et d'escuiers, de dames et de damoiselles en estât et en arroi, enssi comme à tel dame appartenoit ; et vinrent en Braibant et en le ville de Brousselles. Là requellièrent li dus

10 Wincelins de Braibant et la duccoise Jehane, sa femme, la jone dame et sa compaignie moult grandement, car li dus en estoit oncles : elle avoit esté fille de l'empereur Gharle, son frère. Et se tint madame Anne de Behaigne, à Brousselles, dallés son oncle et sa belle

15 ante plus d'un mois sans partir, ne bougier ne s'osoit, je vous dirai raison pour quoi. Elle fu segnefiie et ses consaulx, que il i avoit environ douse vaissaulx armés, plains de Normans, sus le mer, qui waucroient entre Callais et Hollandes, et pilloient et desreuboient sus

20 le mer tout ce que il trou voient, et n'avoient cure sur qui ; et aloit et couroit renommée sus les bendes de celle merde Flandres et de Zellandes que il se tenoient là en attendant la venue de la jone dame, et que li rois de France et ses consaulx voloient faire ravir la dame,

25 pour brisier clie mariage, car il se doubtoient grandement des aliances des Allemans et des Englès. Et dissoit on encores avant, quant on parloit que ce n'estoit pas honnerable cose de prendre ne de ravir dames en guerres de signeurs, en coulourant et en faissant le

30 querelle du roi de France plus belle : « Comment ne veistes vous pas que li princes de Galles, pères de che roi d'Engletière, que il fist ravir et consenti le fait de

madame de Bourbonnois, mère à la roïne de France, qui fu prise et emblée des gens dou prince, et tout de celle guerre, ens ou castiel de Belle Perce? [M'aïst] Dieu, si fu, et menée ent en Giane et rençonnée. Ossi par pareille cose se li François, pour eux contreven- 5 gier, prendoient le mouUier dou roi d'Engletière, il ne feroient à nuUui tort, s

Pour ces doubles et pour les apparans que on en veoit, se tint la dame et toute sa route à Brousselles un mois tout entier, et tant que li dus de Braibant, ses 10 oncles, en envoiia en France son conseil, le signeur de Rocelare et le signeur de Bou(|uehort, pour remonstrer ces coses au roi de France et à ses oncles, liquel estoient ossi neveut dou duc de Braibant et fils de sa soer. Cil chevalier de Braibant exploitièrent tant et 15 si bellement parlèrent au roi de France et à son conseil, que grâce li fu faite et bons sauf conduis donnés de passer où il li plaisoit, li et les siens, fust parmi le roiaulme de France ou sus les frontières, en allant jusques à Calais, et furent li Normant qui se tenoient 20 sus mer remandé. Tout ce raportèrent li dessus dit chevalier en Braibant au duc et à la ducoise, et leur escripsoient li rois et si oncle que, à leur priière et contemplation et nom d'autrui, il faissoient celle grâce à leur cousine de Behaigne. Ches nouvelles plaisirent 25 grandement au duc de Braibant et à la ducoisse et à ceulx qui passer le mer voUoient. Si se ordonnèrent et se départirent de Brousselles, et prist la dame congiet à son oncle et à sa belle ante, et as dames et damoisselles dou pais qui conipaigniet l'avoient, et [si] 30 le fist li dus convoiier à bien cent lances. Et passèrent tout parmi Gand et i reposèrent un jour, et fisent li

Gantois ce qu'il peurent d'onneur à la dame. Et vint de là à Bruges, et le rechut li contes de Flandres moult bellement, et s'i rafresquirent trois jours, et puis passèrent oultre et chevauchièrent tant que il vinrent 5 à Gravelines. Entre Callais et Gravelines estoient li contes de Sasleberi et li contes de Deuvesiere, à cinc cens lances et otant d'arcliiers, qui là l'atendoient. Si l'enmenèrent à Calais. Adont retournèrent li Braibençon, quant il l'eurent delivret as barons d'Engletière.

10 § 244. Geste jone dame ne séjourna gaires à Gallais, quant elle eut vent à volenté. Si entrèrent en leurs vaissaulx un merquedi au matin, apriès ce que li cheval furent escipet, et, che jour, il arivèrent à Douvres. Là se reposa et rafresqui la dame deus jours.

15 Au tierch jour, elle parti et vint à Saint Thomas de Cantorbie, et là trouva elle le conte de Bouquighen, qui le rechut moult grandement. Tant esploita celle dame que elle vint à Londres, où elle fu receue très honnerablement des bourgois, des dames et des damoi-

20 selles dou pais et de la ville, qui estoient là toutes asamblées contre sa venue. Si l'espousa li rois en le cappelle dou palais de Wesmoustier, au vintime jour dou Noël, et i furent au jour des espoussailles moult grandes les lestes. Et toudis fu en sa compaignie,

25 depuis que elle vint à Trec en Alemaigne, chils gentils et loiaulx chevaliers, messires Robers de Namur, jusques à tant que elle fu espousée, de quoi li rois d'Engletière [et li baron] li seurent grant gret. Ossi fist li rois d'Allemaigne. Si mena li rois d'Engletière

30 sa femme à Windesore, et là tint son hostel grant et bel : si furent moult joieusement ensamble, et

se tenoit madame la princesse dalés sa fille, la jone roïne.

Et ossi pour che tamps i estoit la ducquoise de Bretaigne, soer du roi Richart, que ses maris, li dus de Bretaigne, ne pooit ravoir ; ne li baron d'Engletière ne 5 li consaulx dou roi ne voloient nullement consentir que on li renvoiiast, pour tant que il estoit tournés françois. Et dissoient communément en Engletière li baron et li chevalier : a Chils dus de Bretaigne s'acquita lubrement et fausement envers le conte de Bouquighen 10 et nos gens dou derrenier voiage que il fissent en France, et il remande sa femme. Nennil, nous ne li renvoierons pas, mes envolons li ses deus ennemis, Jehan et Gui de Bretaigne, qui ont plus grant droit à l'hiretage de Bretaigne que il n'ait, car il en est dus 15 par nostre puissance, et mal le recongnoist : [si] li deveriens pareillement remonslrer sa vilonnie. » Voirs est que en ce tamps chil doi signeur, Jehan et Gui de Bretaigne, qui furent enfant à saint Charle de Blois, liquel estoient prisonnier en Engletière et enclos en un 20 castiel en la garde de messire Jehan d'Aubrecicourt, furent requis et appelle bellement et doucement dou conseil dou roi d'Engletière, et leur fu dit que, se il voloient relever la ducé de Bretaigne dou roi d'Engletière et recongnoistre en foi et en hommage dou roi, 25 on leur feroit recouvrer leur hiretage, et aroit Jehans, li ainsnés, en mariage madame Phelippe de Lancastre, fille dou duc que il eut de la ducoise Blance de Lancastre. Mais il respondirent que il n'en feroient riens et que, pour morir en prison, il demoroient bon Fran- 30 çois. Si demora la cose en cel estât, ne depuis, quant on sceut leur ferme entente, il n'en furent point requis.

§ 245, Vous savés comment li Parisiien s'estoient composé et acordé envers le roi à paiier une somme de florins toutes les sepmaines. Li florin estoient paiiet à un certain rechepveur que li Parisiien i avoient esta-

5 bli et ordonné, mais li rois n'en avoit nuls, ne riens ne s'en tournoit en son pourfit, ne riens ne partoit de Paris. Et avint, ce te[r]me pendant, que li rois eut grant besongne d'argent, pour paiier ces gens d'armes que il envoiioit en Caslille, car il voloit aidier et con-

10 forter à son besoing le roi dam Jehan de Castille, et tenus i estoit par les aliances de jadis faites. Si manda à che recheveur de Paris que il fesist la finance de cent mille frans, et monstroit tout clerement où il les voloit mettre. Li rechevères respondi as lettres du roi et as

15 messages moult bellement, et dist que voirement avoit il argent assés, mais il n'en pooit rien délivrer sans le congiet et consentement de la communauté de Paris. Ces responses ne plaisirent mies bien au roi, et dist que il i pourverroit de remède, quant il poroit, si qu'il

20 tist ; et tist finance ailleurs, parmi l'aide de ses bonnes villes de Picardie.

Enssi avoit un grant différent entre le roi de France et les Parisiiens; et ne venoit point à Paris, mais se tenoit à Miaulx, ou à Senlis, ou à Compiengne, ou là

25 environ, dont li Parisiien estoient tout courouchié. Et le plus grant resort de seurté qu'il avoient et le grigneur moien, c'estoit ou duc d'Ango, qui s'escripsoit rois de Sesille et de Jherusalem, et ja en avoit encargiet les armes. Chils dus se tenoit communément à

30 Paris, et subportoit desous ses elles les Parisiiens, pour la cause de ce que il avoient grant finance, et contendoit à ce que il en fust aidiés et départis, pour aidier

à faire son fait et son voiage ; car il asanibloil argent de tous lés et si grant somme, que on dissoit que il avoità Rokemore, dallés Avignon, l'argent de deus millions de florins. Si traita par devers les Parisiiens, et fîst tant par biau langage, enssi que cils qui bien le 5 savoit faire et qui bien estoit enlangagiés, et qui pour ce tamps de droit avoit le regart et l'amenistration deseure ses frères, car il estoit ainnés, du roiaulme de France, que il eut de celle somme de florins asamblés, à une seule délivrance, cent mille francs; et li rois n'en 10 pooit nuls avoir, ne si doi autre oncle, Berri et Bourgongne.

Quant li dus d'Ango eut fait toutes ses pourveances et ses ordonnances, à l'entrée dou printamps, il se mist au chemin en si grant arroi que merveilles, et 15 passa parmi le roiaulme, et vint en Avignon, où il fu grandement festiiés et requelliés dou pappe et des cardinaulx ; et là vinrent li baron et les bonnes villes de Prouvence tout et toutes, excepté Ais en Prouvence, qui le rechurent à signeur et li fissent feaulté et homage, 20 et se missent en son obéissance. Et là vint en Avignon devers li li gentils contes de Savoie, bien acompaigniés de barons et de chevaliers, qui fut ossi de son cousin le pape grandement bien venus et de tous les cardinaulx. Là en Avignon furent faites les finances et les 25 délivrances d'or et d'argent dou duc d'Ango au conte de Savoie et as Savoiiens, qui montoient grant fuisson.

Apriès toutes ces coses faites, li dus d'Ango et li contes de Savoie prissent congiet au pappe et se départirent d'Avignon, et prissent le chemin de la Daufiné 30 de Viane, et amena li contes le duc en Savoie, et là le honoura il en ses bonnes villes très grandement. Et

toudis passoient gens d'armes devant et apriès, et trouvoient Lombardie toute ouverte et aparillie. Si entra li dus d'Ango en Lombardie, et estoit, par toutes les cittés et les bonnes villes de Lombardie, trop gran-

5 dément recheux, et par especial à Mellans. Là fu il lionnourés oultre mesure de messire Galleas et de messire Bernabo, et eut de par iaulx si grans dons, au passer, de riches jeuiaulx et de chevaux de pris, que mervelles seroit à l'esmer. Et tenoit li dus d'Ango partout tel

10 estât comme rois, et avoit ses ouvriers de monnoie, qui forgoient florins et blances monnoies, dont il faissoient leurs paiemens, et passèrent enssi toute Lombardie et la Tosquane. Quant il vinrent en Toskane et que il aprochièrent Romme, si se remissent plus

15 ensamble que il n'euissent esté en devant, car li Rommain, qui bien savoient la venue dou duc d'Ango, s'estoient grandement fortefiiet à l'encontre de lui et avoient à cappitaine un vaillant chevalier d'Engletière, qui s'appelloit messire Jehan Haccoude, liquels avoit

20 de lonc tamps demoret en Rommagne et connissoit toutes les frontières. Si tenoit grant fuisson de gens d'armes sus les camps as saulx et as gages des Rommains et de Urbain, qui se dissoit pappes et que li Roumain et li Alemant et pluiseurs autres nations tenoient

25 à pappe. Et cils pour le tamps se tenoit en la citté de Romme, ne point ne s'effreoit de la venue dou duc d'Ango, et, quant on l'en parloit et que on fi remonstroit que li dus d'Ango venoit celle part, le conte de Savoie en sa compaignie [et] le conte de Genève, et que

30 il avoit bien noef mille lances de bonnes gens d'armes, et ne savoit on encores de vérité se il venroit de fait à Romme pour li osier de son siège, car il estoit tous

fl382J LIVRE DEUXIÈME, § 246. 173

Clenientins, il respondoit en dissant : « C7'ux Cristi, protège nos. » C'estoit tous li effrois que il en avoit, et lequel il respondoit à ceulx qui l'emparloient.

§ 246. Enssi passèrent ces gens d'armes, li dus d'Ango qui se dissoit et escripsoit rois de Naples, de Sesille et 5 de Jherusalem, dus de Puille et de Calabre, et li contes de Savoie et leurs routes, toute le [Lombardie et] la Toscane, en costiant la marce d'Anconne et la terre dou Patrimonne ; et point n'entrèrent ne aprochièrent Romme, car li dus d'Ango ne voloit nulle guerre ne 10 mautalent à Romme ne as Roumains, mais faire son voiage et son emprise deuement sus le point et Testât que il estoit partis de France. Et, partout où il passoit et venoit, monstroit estât très esloffet et puissance de roi; et se looient de lui et de son paiement toutes gens 15 d'armes, car bien savoit que il en aroit afaire.

En che tamps se tenoit en la citté de Napples ses aversaires, messires Charles de la Pais, qui se dissoit ossi et escripsoit rois de Naples, de Sesille et de Jherusalem, dus de Puille et de Calabre, et s'en tenoit 20 hoirs droituriers, puis que la roïne de Naples estoit morte, sans hoir avoir de se char par loiaulté de mariage. Et tenoit chils messires Charles en vain et à nul le don que la roïne en avoit fait au pappe, et i monstroit à son oppinion deus raisons : li une estoit 25 que il dissoit, soustenoit et voloit mettre oultre (et [li] Neapliien et li Sesiliien li aidoient à soustenir) que la roïne de Napples ne pooit donner ne reserver l'iretage d'autrui, et, se il estoit enssi que la réservation fust bonne et li dons utilles, par le [stille] de le court de 30 Romme et le droit des pappes, [si] dissoient il que

elle ne l'avoit pas fait deuement, car il tenoient Urbain à pappe et non Clément. Velà la question que il debatoient et proposoient, et les deffenses que messires Charles de la Pais i mettoit.

5 Cliils messires Charles de la Pais de commencement ouvra trop sagement, car il fist pourveïr le castiel de rUef, qui est uns des plus fors castiaulx dou monde, car il siet par encantement en mi le mer et ne fait mies à prendre ne à conquérir, se che n'est par nigremanche

10 ou par l'art dou diable ; et quant il l'eut fait pourveïr, pour vivre trois ou quatre ans une quantité de gens d'armes qui dedens se boutèrent avoec li, il laissa le pais convenir, et savoit bien la condition de ceulx de Napples que nullement il ne le relenquiroient , et là

15 s'enclost. Se Puille et Calabre se perdoient pour deus ou pour trois ans, ossi legierement il le raroit, car il imaginoit que li dus d'Ango se useroit de finance à tenir si longuement telle somme de gens d'armes sour les camps, que il avoit amenet oultre. Il n'estoit mies

20 en sa poissance : ou vivres leur fauroient, ou finance et paiement leur fauroit, par quoi il se taneroient, ou dedens deus ans ou trois, quant il seroient foullé, lassé et tané, il les combateroit à son avantage. Toutes ces imaginations eut Charlles de la Paix, dont desquelles

25 on en vei bien, en che terme que il i mettoit, [averir] aucunes, car voirement il n'est nuls sires crestiiens, excepté le roi de France et le roi d'Engletière, qui hors de leur pais peuissent, ne trois ans ne quatre, tenir tel peuple sus les camps de gens d'armes que li dus

30 d'Ango avoit et tenoit, et mist oultre les mons bien trente mille combatans, que il ne fust tous usés et minés de chavanche et de finance. Et tels coses, à

entreprendre un tel fait au commenchement font bien à glosser et à resongnier.

§ 247. Quant H dus d'Ango et ses routes entrèrent en Paille et en Calabre, li pais fu tantos tout leur, et monstroit li peuples que il ne desiroit autre signeur à 5 avoir que le duc d'Ango ; et vinrent sus un brief terme tout signeur, cittés et bonnes villes, en son obéissance. Or dient cil qui ont estet en ce paix là que c'est li une des plus crasses marches dou monde et que pour le grant plenté de biens qui habondent ou pais, les gens 10 i sont tout wisseux et n'i font point de labeur. Quant ces gens d'armes se trouvèrent en che bon pais et cras et raempli de tous biens, se tinrent tout aisse. Adont s'en vinrent li dus d'Ango et li contes de Savoie, li contes de Vendôme, li contes de Genève et la grant 15 chevalerie de France, de Bretaigne et de Savoie, et passèrent oultre et vinrent en la marce de Napples. Onques cil de Naples, pour la doutance de ces gens d'armes, ne daignièrent clore porte de leur ville, mais les tenoient toutes ouvertes. Bien penssoient que li dus 20 d'Ango ne se bouteroit jamais dedens hors de leur plaissance, car qui seroit dedens enclos, quels peuples que che fust, il seroit perdus, ne les maisons ne sont pas à prendre, car il i a planées que on hoste, quant on voelt, et là desouls c'est la mer où nuls ne s'oseroit 25 embatre.

Avint que uns encantères, maistre de nigremance, qui estoit en la marce de Napples et avoit conversé un lonc tamps, vint au duc d'Ango, et [si] li dist : a Monsigneur, se vous volés, je vous renderai le castiel de 30 l'Uef, et ceuls qui sont dedens, à vostre volenté. » —

« Et comment, dist li dus, poroit che estre? » — « Monsigneur, je le vous dirai, dist li encantères, je ferai par encantement l'air si espès, que dessus la mer il samblera à ceulx de dedens que il i ait un grant 5 pont pour aler dix hommes de front ; et quant cil qui sont ou castiel verront che pont, il seront si esbahi que il se venront rendre à vostre volenté, car il doubleront que, se on les assaut, que il ne soient pris de force. B Li dus ot de ceste parolle grant mervelle, et

10 appella de ses chevaliers le conte de Vendôme, le conte de Genève, messire Jehan et messire Pière de Buel, mesire Meurisse Mauvinet et les autres, et recorda che que chils maistres encantères dissoit, liquel de ceste parolle estoient tout esmervilliet et s'asentoient assés

15 à ce que on le cruist. Adont demanda li dus d'Ango à celli et li dist : « Biaux maistres, et sus ce pont que vous dites que vous ferés, se poront nos gens asseurer de aler sus jusques au castiel pour asaillir? » — « Monsigneur, respondi li encantères, tout ce ne vous

'20 oseroie je pas asseurer, car, se il i avoit nuls de ceulx qui sus le pont passeroient, qui fesist le signe de le crois, tout iroit à noient, et cil qui seroient sus, trebuceroient en la mer. » Adont commencha li dus à rire, et lors respondirent aucun jone chevalier et

25 escuier qui là estoient, et dissent : « Ha ! monsigneur, pour Dieu laissiés le faire. Nous ne ferons pas le signe de le crois, et plus legierement ne poons nous avoir vos ennemis. » Dist li dus d'Ango : « Je m'en consillerai. » Aces parolles n'estoit point li contes de Savoie,

30 mais il vint assés tost.

§ 248. Quant li contes de Savoie fu venus en la tente

dou duc d'Ango, li maistres encantères estoit partis. Adont li recorda li dus la paroUe dou maistre et quel cose il li ofFroit. Li contes de Savoie penssa un petit, et puis dist : « Envoies le moi en mon logis, et je le examinerai ; c'est li maistres encantères par lequel la 5 roine de Napples et messires Ostes de Bresuich, ses maris, furent jadis pris ens ou castiel de l'Uef, car il fist la mer si haute que il sambloit que elle montast desus le castiel : s'en furent si eshidé cil qui ou castel estoient, que il leur sambloit que il deuissent estre tout \o noiiet. On ne doit point avoir fiance trop grande en tels gens. Or regardés de la nature des malandrins de ce pais : pour seullement complaire à vous et avoir vostre bienfait, il voelt trahir ceulx à qui il livra une fois la roine de Napples et son mari à Charle de la 15 Pais. » Dist li dus d'Ango apriès : « Je le vous envoierai. » Adont entrèrent li signeur entre autres paroUes, et consillièrent un tamps de leurs besongnes li dus et li contes de Savoie, et puis retourna li contes à son logeïs. 20

Quant ce vint le jour, apriès que li signeur furent levet, li maistres encantères vint devers le duc et l'enclina. Sitos que li dus le veï, il dist à un sien varllet : a Va, [si] le mainne au conte de Savoie. » Li variés le prist par le main et li dist : « Maistres, monsigneur 25 voelt que vous venés parler au conte de Savoie. » Il respondi : « Dieux i ait part ! » Adont s'en vint il en la tente dou conte. Li variés li dist : a Monsigneur, vechi le maistre que messires vous envoie. » Quant li contes le veï, si en ot grant joie, et li demanda : 30 a Maistres, dites vous pour certain que vous nous ferés avoir le castiel de l'Uef à si bon marchié? » —

« Par ma foi, monsigneur, respondi H encantères, oïl, car par oevre pareille, je le fis jadis avoir à cellui qui est dedens, messire Charlle de la Pais, et la roïne de Naples, et sa fille et son marit, messire Robert 5 d'Artois, et messire Ostes de Bresuich; et je sui l'omme ou monde maintenant que messires Charles resongiie le plus. » — « Par ma foi, dist li contes de Savoie, vous dites bien ; et je voel que Charle de la Pais sache que il a grant tort se il vous crient, car je l'en

10 aseur[er]ai, ne jamais vous ne ferés encantement pour decepvoir lui ne autrui ; ne je ne voel pas que il nous soit reprochié, ou tamps à venir, que en si haut fait d'armes que nous sommes et tant de vaillans hommes, chevaliers et escuiers, asamblés, que nous ouvrons par

15 encantement ne que nous aions par tel art nos ennemis. » Adoiit appella il son varlet, et dist : « Prendés le bouriel, et li faites trenchier la teste. » Tantos que li contes de Savoie ot dit ceste parolle, che fu fait : on li trencha, au dehors des logeïs, la teste. Enssi fina

20 chils maistres encantères, et fu paiiés de ses leuwiers.

Nous nos soufferons à parler dou duc d'Ango et de

ses gens et de leur voiage, et retournerons as beson-

gnes de Portingal, et conterons comment li Englès et

li Gascon persévérèrent.

25 § 249. Quant che vint à l'entrée dou mois d'apvril, li chevalier qui estoient en garnison à Ville Vesiouse et qui avoient là séjourné tout le tamps [d'ivier] et n'avoient plus chevauchié, fors que quant il furent devant le Fighière, s'avisèrent l'un parmi l'autre que

30 il chevaucheroient. Et avoient entre iaulx grant merveilles à (]uoi li rois de Portingal ne li contes de Cam-

bruge pensoient, quant il avoient ja esté noef mois ou paisdePortingal, et n'avoient chevauchiet que une fois, et que il se portoient grant blasme. Si regardèrent que il envoieroient devers le conte Ainmon de Cambruge, pour remonstrer ces besongnes, et me samble que li 5 soudis de l'Estrade i fu envoiiés, et vint à Estremouse, où li contes estoit logiés. [Si] li dist : « Sire, li compaignon m'envoient devers vous à savoir quel cose vous voilés faire, car il ont grant mervelles pour quoi on les a amenés en che pais, quant tant i séjournent, 10 et que che leur tourne à grant despiaisance. Si me respondés que vous voilés qu'il facent, car il ont grant désir de chevauchier. » — a Soudis, dist li contes, vous savés que, quant je me parti d'Engletière, messires mes frères, li dus de Lanclastre, me proumist 15 par sa foi que, li revenu d'Escoce où il aloit, il venroit par de dechà à une grant quantité de gens d'armes de deus ou de trois milliers et otant d'archiers, et n'estoie dechà envoiiés sus Testât que je vins, fors que pour avisser le pais ; et temprement nous en deve- 20 riens oïr nouvelles, carossi ai jou grant mervelle pour quoi il séjourne tant. [Si] rae salués les compaignons, et leur dires che que je vous di. Au fort, je ne les puis ne ne voel mies tenir de chevauchier, se il i ont bonne affection ; mais vous savés que li rois de Portingal 25 paie les gages : si se doit on ordonner par li. » — « Par ma foi, dist li soudis, il paie mal, car ossi li compaignon se plaindent trop fort de son paiement : il nous doit encores tous les gages de siis mois, s — « Il vous paiera bien, dist li contes, toudis vient argens 30 à point, p Sus cel estât se départi li soudis dou conte, et retourna devers les compaignons. Si leur recorda

tout che que vous avés oi. « Signeur, dit li Canonnes, ja pour ce ne demeure. Je voi bien [que] on se disimuUe de nostre chevauchement; on ne voel[t] point que nous chevauchons, afin que nous n'aions cause 5 de demander argent, et je lo dont que nous chevauchons. » Là ordonnèrent et acordèrent entre iaulx que il chevaucheroient, et i preficièrent le jour.

Le soir dont il dévoient chevauchier à l'endemain et avoient leurs harnois tous près, vint messires Jehans

10 Frenande, uns chevaliers dou roi de Portingal, qui estoit enfermés que il voloient chevauchier, et aporta lettres au Canonne de Robersart. Li Canonnes les ouvri, et iissi comment li rois li deffendoit que point ne chevauchast, et que bien savoit que par li et par son

15 esmouvement se faissoient les emprisses et les chevauchies. De ces nouvelles fu li Canonnes courouchiés, et dist au chevalier : « Messire Jehan, je voi bien que li rois ne voelt point que je chevauche. Or prendés, biau sire, que je séjourne à l'ostel : pensés vous pour ce

20 que li autre, qui sont milleur chevalier et plus vaillant que je ne soie, doient pour ce demorer que il ne facent leur emprise? Par ma foi, nenil. Et vous le verres demain, car il se sont tout aresté et ordonné à chevauchier. » — « Sire, dist Frenando, commandés leur

25 de par le roi que point il ne chevauchent. » — « Par ma foi, sire, dist li Canonnes, je n'en ferai riens, mais commandés leur, qui estes au roi, sus cel escript. » La cose demora enssi la nuit.

Quant che vint au matin, on sonna les trompâtes

30 parmi la ville. Chevalier s'armèrent, et toutes gens s'aparillièrent et montèrent as chevaulx, et vinrent devant l'ostel le Canonne qui point ne s'armoit. Là

s'arestèrent tout li chevalier engiès et gascon. Il vint as phenestres parler à eux, et leur dist que li rois de Portingal ne voloit point que on chevauchast. « Par ma foi, respondirent il, nous chevaucherons, puisque nous sommes si avant, et ossi chevaucherés vous ; ne 5 ja ne vous sera reprochié que nous chevaucherons et vous reposerés à l'ostel. s Là convint le Canonne de Robersart armer et monter à cheval, et ossi fist le chevalier portingallois messire Jehan Frenande, dont il fu puis près pendus dou roi, car tant li priièrent li com- 10 paignon que il s'arma. Adont issirent il de le Ville Vesiouse, et se missent as camps, et estoient bien quatre cens lances et otant d'archiers, et prissent le chemin de Sebille et devers un castel et une bonne ville que on dist le Ban. 15

§250. Tant chevauchièrent Engiès et Gascon que il vinrent devant le Ban. Si l'environnèrent à l'une des pars là où elle estoit le plus prendable et le plus legière à l'asallir. Si descendirent toutes gens d'armes à piet, et se missent en arroi et en ordonnance d'assaut, et 20 entrèrent ens es fossés, où il n'avoit point d'aighe, et vinrent jusques as murs, et commenchièrent à pikier et à hauer et fort à assallir. Pour ce jour n'avoit en la ville dou Ban nulles gens d'armes fors que les hommes de la ville, qui estoient moult mal armet. Toutesfois il 25 estoient à leurs deffenses, et avoient lanches et gavrelos et archigai[e]s, dont il traioient et lanchoient, et se deffendoient che qu'il pooient ; mais il veirent bien que à le longhe il ne pooient durer ne contrester que il ne fuissent pris. Si commenchièrent à traitier à ceuls 30 qui les asalloient. Finablement il se rendirent sauve

leurs vies et le leur, et dirent que il se meteroient et demor[r]oient en l'obéissance dou roi Ferrant de Portingal. Enssi furent il rechut, et entrèrent en la ville toutes gens et s'i rafresquirent, et alèrent aviser et 5 regarder che jour comment il se poroient chevir dou castiel, et perchurent que il estoit bien prendables. Très le soir commenchièrent li aucun de l'ost à escarmuchier. Quant che vint au matin, on commencha à asaillirde grant ordonnance, et cil qui dedens estoient

10 à eux deffendre. Ens ou castiel estoit un gentil homme dou pais, qui en estoit cappitaine, et n'estoit mies trop bons homs d'armes, et bien le monstra : si se nommoit Piètres [Raconstes], car, sitrestos que il se veï asaillir et tant de bonnes gens d'armes devant li, il s'effrea

15 et entra en tretiés, et rendi le fort, salve se vie et ceulx qui dedens estoient. On le prist, et le rafreschist on de bonnes gens d'armes et d'archier[s], et puis s'en partirent et chevauchièrent devers un autre castiel à sis lieues de là que on dist la Courtisse. Quant il

20 furent venu jusques à là, si se missent en ordonnance d'assallir, et assallirent fort et roit. Chil qui dedens se tenoient estoient vaillans gens, et bien se deffendirent che qu'il peurent, et ne se daignièrent rendre. A l'assaut qui fu grans et fors, fu mors li cappitainne dou

25 castiel, qui s'appelloit Radighos. Soutis et apert homme d'armes estoit, et fu mors de trait de la flèche d'un archier d'Engletière, car il s'abandonnoit trop avant à la deffense. Depuis que il fu mors, li autre n'eurent point de durée, et fu li castiaux pris, et li plus de ceuls

30 (|ui dedens estoient, mort. Enssi eurent li Canonnes et ses gens le castiel de la Courtisse. Si le rafresquirent de nouvelles gens et le remparèrent biel et fort,

et puis passèrent oultreen aprochant la cittéde Sebille la grande.

§ 251 . Tant exploitièrent cil Englès et cil Gascon que il vinrent à Jafïre, à dis lieues de Sebille. Une ville est JaftVe mal fremée, mais il i a un grant moustier 5 assés fort, que cil dou pais et de la ville de Jaffre avoient fortefiiel, et là s'estoient retrait sus la fiance dou lieu. De venues, la ville de Jaffres fu tantos prise et toute arsse, et li moustiers asaillis, liquels à l'assault ne dura pas une heure que il ne fust pris ; et là eut grant pil- lo lage pour ceulx qui premiers i entrèrent, et moult d'ommes mors. Apriès il chevauchièrent oultre, car il furent enformé que ens uns grans mares qui là sont en une vallée, avoit la plus belle proie dou monde, plus de vint mille bestes, pors, buefs, vaces, moutons 15 et brebis. De celle proie eurent li signeur grant joie, et s'en vinrent de celle part et entrèrent en ces mares, et fissent toutes ces bestes vuidier par leurs gens de piet et cachier devant eulx. Adont eurent il conseil de retourner à Ville Vesiouse [là où] il logoient, et prisent 20 tout le retour et ce chemin, et vinrent là au soir, à l'endemain, eux et leur proie, dont il furent depuis moult largement pourveu et avitailliet. Enssi se porta ceste chevauchie.

Quant messires Jehans Frenande fu revenus à Luse- 25 bonne devers le roi, et il li eut recordé comment il avoient exploitié, et le chevauchie que leurs gens avoient fait sus les ennemis, et la belle proie que il avoient ramenet, il quida trop bien dire et que li rois l'en deust savoir trop grant gret, mais non fîst, car il 30 li dist : « Et comment, gars ordouls, as tu esté si ossés

que sus la deffense que je avoie fait, tu leur as consenti à chevauchier et as esté en leur compaignie? Par monsigneur saint Jacob, je te ferai pendre. » Adont se jetta li chevaliers en genoulx, et li cria merchi, et li 5 dist : « Monsigneur, la cappitainne d'eus, li Canonnes, s'en aquita à son pooir loiaument, mais de force li autre le tissent chevauchier, et moi aussi, pour enseignier le pais ; et quant leur chevauchie est à bien tournée, vous le nous devés pardonner. » Nonobstant 10 toutes ces parolles, li rois commanda que on le meïst en prisson. Et i fu mis, et i séjourna tant que li contes de Cambruge l'en fist délivrer, quant il vint à Lusebonne : vous orés sus quel estât.

§ 252. Apriès che que cil gentil englès et gascon

15 furent de leur chevauchie retourné à Ville Vesiouse, où il se logoient et estoient tenu toute la saisson, il regardèrent que il envoieroient devers le roi de Portingal, pour estre paiet de leurs gages. Si i envolèrent tout generaulment le signeur de Taillebot, un baron de la

20 marche de Galles. Quant li sires de Taillebot fu venus à Lusebonne, et il eut parlé au roi et remonstré ce pour quoi il estoit venus, li rois respondi follement que deus fois avoient chevauchiet oultre sa deffense, pour quoi il l'avoient courouchiet et atargiet leur paie-

25 ment, ne il n'en peut avoir adont autre cose ne autre response. Li sires de Taillebot se parti et retourna à ses compaignons et leur recorda la response du roi, dont il furent tout courouchiet.

En celle propre sepmainne se parti li contes de Cam-

30 bruge de Estremouse, et s'en vint à Ville Vesiouse logier en une église de Cordeliers au dehors de la ville.

Si en eurent li chevalier englès et gascon grant joie. Entre ces chevaliers i avoit des petis compaignons qui ne pooient pas atendre le lontain paiement dou roi, et dissent l'un à l'autre : « Nous sommes menet mervilleusement ; nous avons ja esté en che pais près d'un 5 an, et si n'avons point eut d'argent. Il ne puet estre que nostre cappitainne n'en aient receut, car jamais ne s'en fuissent souffert si longhement. » Ces parolles et murmurations montepliièrent entre iaux tellement que il dissent que il n'en voloient plus souffrir, et ordon- 10 nèrent une journée entre iaulx de parler ensamble et de estre en parlement en un bel moustier qui siet au dehors de la Ville Vesiouse, à l'opposite des Cordeliers, où li contes de Cambruge estoit logiés. Et dist li Canonnes de Robersart que il i seroit, et, au voir dire, 15 bien i besongnoit, car, se il n'i eust esté, la cose fust alée mauvai sèment.

§ 253. Quant che vint environ heure de tierche que tout furent là asamblé, excepté H Canonnes de Robersart, et encores n'estoit point venus, messires Guil- 20 laumes de Biaucamp, messires Mahieux de Gournai, ses oncles, li sires de Taillebot, messires Guillaumes Helmen, et li Gascon, li sires de la Barde, li sires de Castiel Noef, li soudis de l'Estrade et pluiseurs autres, si commenchièrent à parler et à faire leur plainte l'un 25 à l'autre. Et là avoit un chevalier bastart, frère au roi d'Engletière, qui s'appelloit messire Jehans Soutrée, qui estoit plus tenres en ses parolles que nuls des autres et dissoit : « Li contes de Cambruge nous a chi amenés, et tous les jours nous aventurons et volons 30 aventurer nos vies pour lui, et [si] retient nos gages :

je conseille que nous fuissiens tout de une aliance et d'un acord, et que nous eslevons de nous meïsraes le pennon Saint Jorge, et soions amit à Dieu et anemit à tout le monde ; autrement, se nous ne nous faissons 5 cremir, n'arons nous riens. » — « Par ma foi! respondi messires Guillaumes Helmen, vous dites bien, et nous le ferons. » Tout s'acordèrent à celle voix, et regardèrent qui il feroient leur cappitaine. Si avissèrent que pour tel cas il ne pooient avoir milleur cappitaine

10 que Soustrée, car il [aroit] de mal faire plus grant loisir et plus de port que nuls des aultres. Là boutèrent il hors le pennon Saint Jorge, et criièrent tout : « A Soustrée, che vaillant bastart ! Amis à Dieu et aneniis à tout le monde ! » Et estoient adont en volenté et tout

15 esquelliet de venir courir premièrement Ville Vesiouse et de faire guerre au roi de Portingal. Bien avoient messires Mahieux de Gournai [et] messires Guillaumes de Biaucamp [debatu] ces paroUes de non courir la ville, mais il n'en avoient point esté oï. A ces cops

20 que il avoient levé le pennon Saint Jorge et que il dévoient partir dou moustier, li Canonnes vint et ouvri la presse et entra ens, et s'aresta devant l'autel, et dist tout haut : « Biau signeur, que volés vous faire? Aiiés ordonnance et atemprance en vous. Je vous voi

25 durement esmeus. » Adont vinrent en sa présence messires Jehans Soustrée, messires Guillaumes Helmen et aucun des autres, et li remonstrèrent tout ce que il avoient fait et quel cose ossi il voloient faire. Adont les rafrena li Canonnes par biau langage, et leur dist :

30 « Signeur, penssés et imaginés bien vostre fait, avant que vous entrependés à faire nulle follie ne nul outrage. Nous ne nos poons mieux destruire que de nous

[1382] LIVRE DEUXIÈME, g 254. 187

meïsmes. Se nous guerrions che pais, nostre ennemi en aront nouvelles; si s'efforceront et i enteront de une part, et couront, quant il verront que point ne leur irons au devant. Enssi perderons nous en deus manières : nous resjoirons nos ennemis et aseur[e- 5 r]ons de ce qu'il sont en doubte, et si fauserons nostre loiauté envers monsigneur de Cambruge. » — « Et que volés vous dont, dist Soustrée, Canonnes, que nous fâchons? Nous avons despendu plus avant que nos gages, et si n'avons eu ne prest ne paiement nul, 10 depuis que nous venismes en Portingal. Se vous avés esté paiiés et nous ne le sommes point, vous avés biau souffrir. » — « Par ma foi, Soustrée, dist li Canonnes, je n'ai eut non plus avant paiement que vous, ne, sans vous, je n'en rechepverai riens. » Respondirent aucun 15 autre chevalier qui là estoient : « Nous vous en créons bien, mais il fault que les coses aient un coron. Monstres nous comment honnerablement nous puissons issir de ceste matère et avoir hastieue délivrance, car, se nous ne sommes paiiet briefment, les coses iront 20 mal. » Adont commencha li Canonnes de Robersartà parler, et dist :

§ 254. « Biau signeur, je conseille que de chi endroit, en Testât où nous sommes, nous alons parler au conte de Cambruge et li remonstrons nostre entente. » — 25 « Et liquels de nous li remonstera? dissent il entre eulx. » — « Je tous seulx, respondi Soustrée, mais avoés ma paroUe. » Tout li eurent en convenant de l'avoer. Adont se départirent il en Testât où il estoient, le pennon Saint Jorge devant eux que il avoient che 30 jour levet, et s'en vinrent as Cordeliers où li contes

esloit logiés et devoit aler disner. Tout cil compaignon, qui estoient plus de set cens uns c'aultres, entrèrent en la court. Il demandèrent le conte. Il issi hors de sa cambre et vint en la salle parler à eulx. Adont s'avan-

5 chièrent tout li chevalier qui là estoient, et Soustrée tout devant, qui remonstra de bon visage la parolle et dist : « Monsigneur, vous nous avés, qui chi sommes en vostre presensse, et encore assés d'autres qui sont là hors, atrait et mis hors de nostre nation d'Engle-

10 tière, et estes nos chiés ; et de nos gages dont nous n'avons eu nuls, nous ne nous en devons traire fors à vous, car pour le roi de Portingal nous ne fuissions jamais venu en che pais ne en son service, se vous ne nous deussiés paiier. Et, se vous volés dire que la

15 guerre n'est pas vostre, mais le roi de Portingal, nous nos paierons bien de nos gaiges, car nous courrons ce pais, et puis si en ait qui en poet avoir. » — « Soustrée, dist li contes, je ne di raies que vous ne soiiés paiiés ; mais de courir che pais vous me fériés blasme,

20 et au roi d'Engletière ossi, qui s'est par aliance conjoins avoec le roi de Portingal. » — « Et que volés vous, dist Soustrée, sire, que nous façons? » — « Je voel, dist li contes, que vous prendés trois de nos chevaliers, un Englès, un Gascon et un Alemant, et cil

25 troi s'en voissent devers le roi à Lusebonne, et li remonstrent ceste besongne et le lontain paiement que il fait as compaignons. Et quant vous l'en ares sommé, lors ares vous mieux cause de faire vostre entente. » — « Par ma foi, dist li Canonnes de Robersart, mon-

30 signeur de Cambruge dist bien et se parolle sagement et vaillanment. » A ce darrain pourpos s'acordèrent ; mais pour ce n'ostoient il pas le pennon Saint Jorge,

et dissent, puis que il l'avoient levé d'un acord en Portingal, que tant qu'il i seroient, point ne l'abateroient. Adont furent avisset qui iroient en che voiage devers le roi : si furent nommé messires Guillaumes Helmen pour les Englès, messires Thomas Simon pour les 5 estraingniers , et li sires de Castiel Noef pour les Gascons.

§2(55. Chil troi chevalier dessus nommé esploitièrent tant que il vinrent à Lusebonne et trouvèrent le roi, qui leur fist bonne chière et leur demanda des nou- 10 velles et que li compaignon faissoient. « Monsigneur, respondirent cil, il sont tout hetiet et en bon point, et chevaucheroient volentiers et enploieroient la saison autrement que il ne font, car li lontains séjours ne leur est mies agréables. » Che dist li rois : « Il chevauche- 15 ront temprement, et je en leur compaignie, che leur dires vous de par moi. » — « Monsigneur, dist messires Guillaumes Helmen, nous sommes chi envoiiet de par eux et chergiet que nous vous dissons que, depuis que il vinrent en che pais, il n'ont eut prest ne 20 paiement nul de par vous; dont il vous mandent par nous, qui generaulment sommes chi envoiiet, que ce n'est pas assés, car qui voelt avoir l'amour et le service des gens d'armes, il les faut autrement paiier que vous n'aiiés fait jusques à ores. Et s'en sont souffert 25 un grant tamps pour la cause de che que il ne savoient point en quoi il perissoit, et en ont encouppé nos cappitainnes, dont la cose a près mal aie ; mais il s'en sont excusé parmi che que on a bien sceu que il n'en ont riens eu ne receu ; et vous savés se il dient voir. Si 30 voellent estre paiet tout entirement de leurs gaiges,

se vous en voilés avoir le service ; et, se vous ne faites che, il vous acertefient que il se paieront dou vostre. Si aiiés conseil sur che, et [nous donnés] response que nous en puissons porter, car il n'atendent autre 5 cose que no retour. » Li rois penssa un petit, et puis dist : a Messire Guillaume, c'est raissons que il soient paiiet, mais il m'ont courouchiet de ce que il ont oultre ma deffence chevaucliié deus fois ; et, se chils mautallens n'eust esté, il fussent ores satisfait de tous

10 poins. B — « Sire, dist li chevaliers, se il ont chevauchiet, che a estet à vostre honneur et pourfit : il ont pris villes et castiaulx, et courut sus la terre de vos ennemis priés jusques à Sebille, pour quoi che a esté honnerablement esploitiet. [Sij n'en doivent pas perdre

15 leur saisson, et ossi il ne le voellent pas avoir perdu, car, nous retourné, il dient que il se paieront, se il n'ont certaine et courtoise response de par vous, autre que il n'ont eu jusques à ores. » — « Oïl, dist li rois, vous leur dires que dedens quinse jours au plus tart

20 je les ferai paiier et délivrer tous leurs gages, jusques à un petit denier, mais dites au conte de Cambruge que il viegne parler à moi. » — « Sire, dist messires Guillaumes, je le ferai, et vous dites bien. » A ces cops fu heure d'aler disner : si disnèrent ensamble, et les

25 festia li rois tous trois ensamble et fist seoir à sa table, et là furent che jour. Et à l'endemain il retournèrent devers leurs gens. Sitretos comme on sceut leur revenue, li chevalier se traïssent devers eulx, pour savoir quel cose il a voient trouvet. Si leur record [èr]ent la

30 response et la parole dou roi, et tant que tout s'en contentèrent. « Or regardés, ce dist Soustrée, se rihote n'a [à] le fois bien son lieu : encores avons nous

avanchiet nostre paiement par estre un petit remorous; bien ait qui on crient. »

§ 256. Li chevalier tout troi aièrent devers le conte de Cambruge et li recordèrent comment il avoient exploitié, et que li rois le mandoit. Li contes se parti 5 de Ville Vesiouse au matin, et chevaucha tant que il vint à Lusebonne. Si fu recheus de son fils et de sa fille et dou roi moult amiablement. Là eurent li rois et ils parlement ensamble et certain acord et arest de chevauchier. Si fist li rois un mandement par tout son 10 roiaulme à estre sus les camps, entre Ville Vesiouse et [Olivence], le setime jour de jun. Chils mandemens s'espandi parmi le roiaulme de Portingal : si s'ordonnèrent toutes gens d'armes [de cheval et] à piet, pour estre là à ce jour au plus estofféement comme cescuns 15 endroit de li poroit.

A la venue dou conte de Cambruge à Lusebonne fu délivrés messires Jehans Frenande de prison, sur lequel li rois pour ces chevauchies avoit esté durement courouchiés. Si prist li contes congiet dou roi, et s'en 20 retourna devers les compaignons à Ville Vesiouse, et leur recorda comment il avoit exploitié et que il chevaucheroient temprement. De ces nouvelles furent li compaignon tout resjoï, et s'ordonnèrent à estre tout prest sus cel estât. Assés tost apriès vint paiemens et 25 finance as compaignons, as cappitaines premièrement, et tant fissent que tout se tinrent pour content, mais tondis se tint li pignons Saint Jorge.

§257. Li rois dans Jehans de Castille, qui toute la saisson avoit fait son amas de gens d'armes qui li 30

estaient venu dou roiaulme de France, et tant que il en avoit bien deus mille lances, chevaliers et escuiers, et quatre mille gros vallès, sans ceulx de son pais dont il pooit bien avoir dis mille hommes à chevaux et otant 5 de geneteurs, seut ces nouvelles, car il estoit à Sebille, comment li rois de Portingal s'ordonnoit pour chevauchier. Si avisa pour plus honnerablement user de ceste guerre, ou cas que il se sentoit fors assés de gens et de poissance, que il manderoit au roi de Portingal la

10 bataille et que il vosist livrer pièce de tière en Portingal, pour combatre poissance contre poissance; et, se che ne voloit faire, il li liveroit en Espagne. Si en fu cargiés de porter ces nouvelles li hiraus dou roi ; et chevaucha tant que il vint à Lusebonne, et là trouva le

15 roi, et fist son message bien et à point. Li rois respondi et dist au hiraut que il en aroit avis et temprement conseil laquelle parchon il prenderoit, et que ce qui en seroit, il le remanderoit au roi d'Espaigne. Li hiraus, quant il eut fait sa semonse et il eut response,

20 il se départi dou roi en prendant congiet, et retourna à Sebille. Là trouva il le roi et les barons de France, d'Arragon et de Gallisse, qui l'estoient venu servir. Si recorda tout che que il avoit oi, veu et trouvé, et tant que il souffi à tous.

25 Depuis ne demora gaires de temps que U rois de Portingal fu consilliés, par l'avis que il eut des Englès, que il Uveroit en son pais place et terre pour combatre; et furent ordonné de l'aler aviser oii che seroit, de par le roi, messires Thumas Simons et li soudis

30 de l'Estrade, et avissèrent la place entre Elvès et [Badeloce], bon lieu ample et plentiveux pour bien combatre. Et vous di que chil doi chevalier et leurs

routes furent escarmuchiet , en alant avissant celle place, des géniteurs dou roi de Castille, et i ot grant hustin de mors et de blechiés d'une part et de l'autre. Toutesfois il retournèrent devers le roi de Portingal et les chevaliers, et recordèrent ù et comment il avoient 5 aviset plache et le nommèrent : ce souffi bien as dessus dis. Adont fu ordonnés uns chevaliers alemans qui s'appelloit messires Jehans Tieste d'or, de faire che message, avec un hiraut, au roi d'Espaigne. Si se départi li chevaliers et chevaucha tant que il vint à Sebille, et 10 là trouva le roi, et fist son mesage et conta tout ce que li rois de Portingal mandoit, et comment de grant volenté il acordoit la bataille et liveroit place entre Elvèset [Badeloce], et là dedens cinc jours, li retourné à Lusebonne, il trouveroit le roi de Portingal logiet 15 et toutes ses gens, qui ne desiroient el que le bataille. De ces nouvelles furent li Espagnol tout resjoï, et ossi furent li François, et prissent messires Tristrans de Roie, messires Jehans de Berghettes, messires Pières de Velinnes et autre le chevalier de Portingal 20 entre eux, et le festiièrent un jour tout entier moult grandement à Sebille et li fissent toute la bonne compaignie que on poeut faire à chevaher, et le reconvoiièrent jusques à Safre, et puis retournèrent arière à Sebille. Et li chevalier [s] chevaucha tant que il vint 25 devers le roi de Portingal et les signeurs, et recorda son mesage, enssi comme il l'avoit fait, et le response que on li avoit donné. De ce se contemptèrent li rois et li chevalier.

§ 258. Depuis ne demora gaires de tamps que li rois 30 de Portingal s'en vint logier en la place que ses gens

avoient aviset entre Elvès et [Badeloce], ens uns biaus plains desous les oliviers, et là amena le grigneur partie de ceulx de son roiaulme, dont il se pooit aidier, et estoient environ quinse mille hommes. Le 5 tierch jour apriès, vint li contes de Cambruge et tout li Englès moult ordonnéement, et estoient en compte environ sis cens hommes d'armes et otant d'archiers, et s'en vinrent logier en che propre lieu, et prissent place pour eux, et se severèrent des gens le roi et se 10 tinrent tout ensamble.

Quant U rois d'Espaigne sceut que li rois de Porlingal estoit venus et trais sour les camps où la bataille devoit estre, si en fu par samblant moult liés et dist : « Or avant! Nostre ennemi nous atendent; il 15 est heure que nous chevauchons. Nous leur mandâmes la bataille, il le nous ont acordé et tiennent la journée selonc leur convenant. Ne puet remanoir que il n'i ait besong^ne : traions nous tout de celle part. » Adont furent segnefiiet toutes gens d'armes à leurs livrées de 20 traire avant, car li rois voloit chevauchier. Si se départirent de leurs logis tout chevalier et escuier et gens d'armes, Genevois et géniteurs, et sieuirent toutes les banières dou roi dam Jehan de Castille, qui s'en vint logier francement à deus petites lieues de [Badeloce] et 25 des plains de Elvès; et avoit li rois d'Espaigne en sa compaignie plus de trente mille combatans, parmi les géniteurs ; et estoient en toute somme soissante mille hommes.

§ 239. En cel estât se tinrent ces deus hoos l'un 30 devant l'autre, et n'i avoit d'entre deus que la montagne de Badeloce, qui est une grosse ville dou roi

d'Espagne, et là s'aloient ses gens, quant il voloient, rafreschir; et la citté de Elvès siet d'autre part, qui est au roi de Portingal. Entre ces deus hoos et sus la montaigne de Badeloce avoit tous les jours fais d'armes, car li jone baceler, qui se desiroient à avanchier, 5 queroient là les armes et les faissoient, et escarmuchoient l'un à l'autre, puis retournoient en leur logeïs. En cel estât furent il quinse jours et plus, et ne fu mies la deffaut[ej dou roi de Castille que la bataille n'adrechoit, mais demoroit ou roi de Portingal pour lo tant que il ne se veoit pas fors assés de combatre les Espaignols et resongnoit le péril, car bien sentoit que, se il estoit desconfis, ses roiaulmes seroit perdus. Et toute la saison il avoit atendu le duc de Lancastre et le grant confort d'Engletière, que il esperoit à avoir 15 quatre mille hommes et otant d'archiers, car li contes de Cambruge en avoit certefiiet le roi de Portingal et ne pensoit point dou contraire, car li dus de Lancastre au départir li avoit juret par sa foi que, lui revenu d'Escoce, il n'entenderoit à autre cose si venroit en 20 Portingal si fors que pour combatre le roi d'Espaigne. Bien est vérités que li dus de Lancastre, li revenu d'Escoce, en fist son plain pooir de remonstrer toutes ces besongnes au roi et à son conseil, mais, pour le tourble qui estoit avenus en Engletière en celle raeismes 25 anée, et aussi pour aucunes incidensses de Flandres qui apparoient, dont li rois avoit besoing de avoir son conseil dalés lui et ses hommes, on ne consenti point che voiage pour celle saisson en Portingal, et demorèrent toutes gens d'armes en Engletière sans partir. 30 Et, quant li rois de Portingal veï che et que point ne seroit autrement confortés des Englès que il estoit,

si se ordonna par une autre voie, car li maistres de Caletrave et dans Piètres de Mondesque et dan Ferantde Valesque et li grans maistres de Saint Jaque, avoecques l'evesque [d'Esturges] et l'evesque de Luse- 5 bonne, traitoient de la pais entre Portingal et Espaigne ; et tant fu traitiet, parlementé et aie que paix i vint, ne onques li Englès n'i furent appelle, dont li contes de Cambruge se merancolia et euist volentiers fait guerre au roi de Portingal de ses gens, se il se sen-

10 tesist fors assés sus le pais, mais nenil. Et pour che li convint souffrir ceste paix, vosist ou non; mais li Englès dissoient bien que li rois de Portingal s'estoit lubrement aquités envers euls et que toudis de commenchement jusques en fin il s'estoit disimuUés as

15 Espagnos et que onques n'avoit eut volenté de euls combatre; et li rois de Portingal s'escusoit et dissoit que la deffaute venoit des Englès et dou duc de Lancastre, qui devoit venir et point n'estoit venus, et que pour celle fois il n'en pooit faire autre cose.

20 § 260. En l'ost le roi de Castille avoit un jone chevalier de France qui s'appelloit Tristran de Roie, liquels se desiroit grandement à avanchier. Quant il vei que pais seroit entre ces parties et que nulle besongne de bataille n'i aroit, si s'avisa que il n'isteroit pas d'Es-

25 paigne enssi sans faire quelque cose, et envoia un hiraut de leur costé en l'oost des Englès, en requérant et priant, puisque les armes par bataille de ces rois falloient, que on le vosist requellir de trois cours de fier de glaves devant la citté de Badeloce. Quant les

30 nouvelles vinrent en l'oost des Englès, si en parlèrent li compaignon li un à l'autre, et dissent bien que il ne

devoit pas estre refiissés. Adont s'avancha de parler et d'acorder les armes uns jones escuiers d'Engletière qui s'appelloit Milles de Windesore, fils à messire Guillaume de Windesore, qui voloit à son honneur estre chevaliers en che voiage, et dist au hiraut : « Amis, 5 retournés devers vos maistres, et dites à messire Tristran de Roie que Milles de Windesore li mande que demain devant la citté de Badeloce, ensi qu'il le requiert , il Tira délivrer. » Li hiraus retourna et recorda ces nouvelles à ses maistres et à messire Tris- 10 tran, qui en fu tous resjoïs.

Quant che vint au matin. Milles de Windesore parti de l'oost le conte de Cambruge, et s'en vint vers Badeloce, qui estoit moult priés de là (il n'i avoit que la montaigne à passer), bien acompaigniés de ceulx de 15 son costé, de messire Mahieu de Gournai, de messire Guillaume de Biaucamp, de messire Thomas Simon, de messire le Soudich, dou signeur de Castiel Noef, dou signeur de la Barde et des autres, et estoient bien cent chevaulx sus la place où les armes dévoient estre 20 faites. Et estoit ja venus messires Tristrans de Roie, bien acompaigniés de Franchois et de Bretons : ils et Milles de Windesore savoient bien quel cose il dévoient faire. Là fu Milles fais chevaliers de la main de messire le soudich de l'Estrade pour le milleur chevalier de la 25 place et qui le plus avoit travilliet et s'estoit trouvés en belles besongnes. Il estoient armés de toutes pièces et avoient leurs trois lances toutes prestes et leurs chevaux ossi et tout en plates selles. Adont esperonnèrent il l'un contre l'autre et abaissièrent les glaves, 30 et se consieuirent en venant l'un sus l'autre moult roidement, et rompirent contre leurs poitrines les

glaves, et passèrent oultre francement sans cheoir. Geste première jouste fu volentiers veue de tous ceulx qui là estoient, et prisiet li doi chevalier. A la seconde fois il recouvrèrent et s'entrecontrèrent de grant randon 5 et rompirent leurs lances, mais point de damage ne se portèrent. Adont recouvrèrent il la tierce lance, et se consieuirent enmi les escus si roidement que li bon fier de Bourdiaulx entrèrent ens et les pe[r]trusièrent et passèrent le pièche d'achier, les plates et toutes les

10 armeures jusques en char, mais point ne se blecèrent; et rompirent les lances en gros tronçons et volèrent par dessus les hiaumes. Geste jouste fu moult prisie des chevaliers de une part et d'autre, et adont prissent il congiet li un à l'autre moult honnerablement, et s'en

15 retournèrent cascuns devers son lés; ne depuis il n'i ot riens fait d'armes, car pais estoit entre les deus roiaulmes, et s'en rallèrent [li Espaignol] cascuns en leurs lieux, et li Portingallois ossi en leur lieu.

§ 261 . Enssi que vous poés oïr recorder, sedesrompi

20 en celle saison ceste armée et asamblée des Espagnols,

des Englès et des Portingallois. En ce tamps estoient

venues nouvelles en l'ost le roi d'Espaigne, que li rois

de Grenade avoit guerre contre le roi de Barbarie et le

roi de Tramesainnes : pour quoi toutes gens d'armes

25 qui celle part traire se vodroient i seroient receu à

saulx et à gages, et leur envoioit li rois de Grenade

bon sauf et seur conduit , et leur faissoit savoir par

leurs messages que eux venus en Grenade il leur

feroit prest pour un quartier d'an. Dont aucun cheva-

30 lier de France qui se desiroient à avanchier, tels que

messires Tristrans de Roie, messires Joft'rois de Garni,

fils au bon JofFroi de jadis, messires Pièresde Velinnes, messires Robers de Cleremont et pluiseurs autres prissent congiet dou roi dan Jehan de Castille, et s'en allèrent celle part pour trouver les armes. Et aussi i ot aucuns Englès, mais plenté ne fu ce pas, car li contes de Cambruge les ramena arière en Engletière et son til ossi ; et monstroit que il se departoit dou roi mal contemps, pour tant qu'il ramenoit son tîl arière en Engletière, qui avoit espousé la fille dou roi de Portingal, ne pour cose que li rois seuist dire ne faire, li contes ne le volt point laissier derière, et dissoit que ses fils estoit trop jones pour demorer encores en Portingal et que il ne poroit porter ne souffrir l'air dou pais : dont il en avint che que je vous dirai.

Environ un an apriès ce que la pais fu faite entre 15 Espaigne et Portingal et li contes de Cambruge et ses gens retourné arière en Engletière, la femme dou roi dan Jehan de Castille ala morir, qui estoit fille dou roi d'Arragon : enssi fu li rois d'Espaigne vesves. Si fu aviset et regardé de prelas et des haus barons de 20 l'un roiaulmeet de l'autre, d'Espaigne et de Portingal, que on ne pooit mieux ne plus hautement asener madame Betris de Portingal que au roi d'Espaigne, et pour entretenir les roiaulmes en pais. A ce mariage s'acorda legierement li rois de Portingal, et desmaria 25 sa fille dou fil dou conte de Cambruge par le dispensation dou pappe, qui confrema ce mariage. Enssi fu la dame fille au roi de Portingal roïne d'Espaigne, de Galisse et de Castille, par l'ordenance dessus dite ; et en ot li rois d'Espaigne, la première anée de son 30 mariage, un biau fil, dont on ot grant joie.

Depuis morut U rois Ferrans de Portingal, mais

pour ce ne vorent pas li Portingalois que li roiaulmes venist [à sa fille] ne au roi d'Espaigne, ancois se bouta en l'iretage uns siens frères bastars, qui s'apelloit dans Jehans, maistres de Vis. Chils dans Jehans estoit 5 as armes vaillans homs durement, et tousjours s'estoit fais amer des Portingallois et tant que il li monstrèrent, car il le couronnèrent à roi et le tinrent, pour sa grant vaillance, à signeur, pour quoi grans guerres s'esmurent depuis entre Espaigne et Portingal, sicom vous orés 10 recorder avant en l'istoire.

§ 2621. Quant li contes de Cambruge, li Canonnes de Robersart et li baron et chevalier d'Engletière, qui en che voiage de Portingal avoient esté, furent retourné arière en Engletière et venu devers le roi et le duc de

15 Lancastre, on leur fist moult bonne chière, che fu raissons, et puis leur demandèrent des nouvelles : il en dissent assés et toute l'ordenance de leur guerre. Li dus de Lancastre, auquel la besongne touchoit plus c'a nul autre pour la cause dou calenge de Caslille,

20 car il s'en dissoit hoirs de par sa femme madame Constance, qui fille fu jadis dou roi dan Piètre, demanda à son frère le conte moult avant des nouvelles et comment on s'estoit démené en Portingal. Li contes li recorda comment il avoient esté à hoost l'un devant

25 l'autre plus de quinse jours tous entiers. « Et pour ce, biau frères, que on n'ooit nulles nouvelles de vous, s'acorda li rois de Portingal legierement à la pais, ne onques ne le [peusmes] veir que il se vosist asenlir à la bataille, dont cil de nostre costé furent tout meran-

30 colieux, car voientiers il se fuissent aventuré. Et, pour celi cause que je n'i voi point de seur estât, je ai

ramené mon fil, quoique il ait espousé la fille dou roi de Portingai. » Che dist li dus : « Je croi que vous avés eu cause, fors tant que il poroient, se il leur venoit à point, rompre che mariage et donner d'autre part à leur plaissance. » — « Par ma foi ! dist li contes, 5 il en aviegne ce que avenir puet, mais je n'ai fait cose dont je me doie ja repentir. » Enssi finèrent leurs parolles li dus de Lancastre et li contes de Cambruge, et entrèrent en autres matères.

Nous nos soufFerons à parler de eulx et de leur 10 guerre, des Espaignos et des Portingallois, et retournerons as besongnes et as guerres de Gand, dou conte et dou pais de Flandres, qui furent grandes.

§ 263. Toute celle saison, depuis la destrution et arsin de la ville de Grammont et le département dou 15 siège de Gand, qui se desfist pour le courons que li contes de Flandres ot de son cousin le jone signeur d'Enghien, qui fu ochis par enbusque devant Gand, enssi comme il est recordé chi dessus en l'istoire, ne guerriièrent li Flament, chevalier et escuier et bonnes 20 villes, les Gantois, fors que par garnisons, et estoit tous li pais à l'encontre de ceulx de Gand pour le conte, excepté les Quatre Mestiers, dont aucunes douceurs venoient en la ville de Gand, et ossi faissoient de la conté d'Alos. Mais li contes de Flandres, quant il 25 sceut que de bures, de lais et de froumages, qui aloient à Gand de la conté d'Alos et des villes voisines, il estoient rafresqui, si i mist remède, car il manda à ceux de la garnisson de Tenremonde que cils plas pais fust tous ars et exilliés. Ce fu fait à son commande- 30 ment, et convint adont les povres gens, qui vivoient

de leurs bestes tout parperdre et enfuir en Braibaiit et en Hainnau, et la grigneur partie mendiier. Encores demora uns pais pour ceulx de Gand, qui s'appelle les Quatre Mestiers, car on n'i pooit avenir et toute 5 la douceur que il avoient leur venoit de ce costé. Tout cel ivier, li contes de Flandres avoit si astrains ceulx de Gaind que nuls blés ne leur venoient ne par terre ne par aiguë, car il avoit tant exploitié envers ses cousins, le duc de Braibant et le duc Aubert, que

10 leur pais estoient clos à l'encontre de ceulx de Gaind, ne riens ne leur venoit, fors en larechin et en grant péril pour ceulx qui s'aventuroient de mener vivres. Dont il estoient en Gand moult esbahit, et dissoient li sage que ce ne pooit longuement demorer que il ne

15 fuissent tout mort par famine, car li grenier estoient ja tout vuit ne on n'i trouvoit nuls blés, et ne pooient trop de peuple avoir point de pain pour leur argent. Et, quant li fournier avoient quit, il convenoit garder leurs maissons à force de gens : autrement li menus

20 peuples, qui moroient de faim, eussent efforciet les lieus. Et estoit grans pités dou veoir et oïr les povres gens ; et proprement hommes, femmes et enffans bien notables ceoient en ce dangier, et tous les jours en venoient les plaintes, li plour et li cri à Phelippe d'Artevelle,

25 qui estoit leurs souverains capitains, liquels en avoit grant pité et grant compacion, et i mist pluiseurs bonnes ordonnances, dont il fu moult agraciiés, car il fîst ouvrir les greniers des abbeies et des rices hommes et départir le bled parmi un certain pris d'argent et

30 fuer que il i fist mettre. Che reconforta et mena moult avant la ville de Gand.

A le fois leur venoient en larechin de Hollandes et de

Zellandes vivres en tonniaux, farines et pains quis, qui moult les reconfortoient, et eussent esté trop plus tos desconfit que il ne fuissent, se chela n'euist esté et li reconfors des pais dessus dis. Il estoit deffendu en Braibant de par le duc que sus la teste on ne leur 5 menast riens, mais, se il le venoient querre à leur péril, on leur pooit bien vendre ou donner. Dont il avint ens ou quaresme que il furent en Gand à trop grant destroit, car des vivres de quaresme n'avoient il nuls. 10

Si s'en partirent en une compaignie bien douse mille saudoiiers et gens qui n'avoient de quoi vivre et qui estoient ja tout taint et velu de famine, et s'en vinrent devers la bonne ville de Brouxelles. On leur cloï les portes au devant, car on se doubla d'eus, ne 15 on ne savoit à quoi il pensoient. Quant il se trouvèrent en la marce de Brouxelles, il envoiièrent de leurs gens tous desarmés devant l'amant de Brouxelles et les jurés, en dissant, pour Dieu, que on eust d'eus pité et que il eussent des vivres pour leur argent, car 20 il moroient de fain et ne voloient que tout bien au pais. Les bonnes gens de Brouxelles en eurent pité et leur portèrent des vivres assés pour eulx passer. Et se rafresquirent là ou pais environ trois sepmaines, mais point n'entroient ens es bonnes villes, et furent 25 jusques à Louvaing, liquel [de Louvaing] en eurent grant pité et leur fissent moult de biens. Et estoit leurs souverains cappitains et menères François Acremen, qui les consilloit et faissoit pour eux les traitiés as bonnes villes et sur ce voiage. Entrues que cil 30 Gantois séjournèrent et se rafresquirent en le marce de Louvaing, [s'en] vinrent François Acremen lui dou-

sime, en le citté de Liège, où il se remonstrèrent as maistres de Liège et parlèrent si bellement que cil de Liège leur eurent en convenant, et ossi eut li evesques, messires Ernouls [de Hornes], de envoiier devers le 5 conte de Flandres et tant faire que il les metteroient à paix devers lui, et leur dissent : « Se chils pais de Liège vous fust ossi prochains de vi[s]nage comme sont Braibans et Hainnau, vous fuissiés autrement confortés de nous que vous ne soiiés; car nous savons bien que

10 tout ce que vous faittes, c'est sus vostre boin droit et pour garder vos francisses; et, nonobstant tout ce, si vous aiderons nous et conforterons che que nous porons, et volons que présentement vous le veés. Vous estes marcheant, et marcandisses doivent et

15 pueent par raison aler en tous pais. Quelliés et levés en che pais chi jusques à le somme de cinc cens ou de sis cens chars chargiés de blés et de farines, nous le vous acordons, mais que les bonnes gens dont les pourveances venront soient satisfait. On laissera bien

20 nos marcheandisses passer parmi Braibant. Li pais ne nous voelt nul mal, et ossi ne faissons nous à lui; et, quoique Brouxelle vous soit close, si savons nous bien que c'est plus par constrainte que de vollenté, car de vos anois li Brouselois ont grant compation ;

25 mais li dus de Braibant et la ducoise, par priière de leur cousin le conte de Flandres, s'enclinent plus à lui que à vous, et c'est raisons, car tousjours sont li signeur l'un pour l'autre. » De ces offres et de ces amours que li Liegois offroient de bonne volenté as

30 Gantois furent il tout resjoï, et les en remerchiièrent grandement, et dissent bien que de tels gens et de tels amis avoit bien la ville de Gand à faire.

§ 264. François Acreman et li bourgois de Gand, qui estoient venu avoecq lui en la citté de Liège, quant il eurent fait che pour quoi il estoient là venu, prissent congiet as maistres de Liège, liquel ordonnèrent avoecq eux certains hommes pour aler sour le pais, 5 pour requellier chars et harnois ; et en eurent sus deus jour six cens cars tous chergiés de blés et de farines, car tels pourveances leur estoient plus nécessaires que autres. Si se missent ces pourveances au chemin, et passèrent tout li char entre Louvaing et Brouxelles. 10 Au retour que François Acremen fist à ses gens qui estoient sus le frontière de Louvaing, il leur recorda l'amour et le courtoisie que cil de Liège leur avoient fait et offroient encores à faire, et leur dist que il iroit à Brouxelles parler à la ducoise de Braibant et li 15 remonsteroit en priant, de par la bonne ville de Gand, que elle vosist descendre à ce que de envoiier devers le conte de Flandres, leur signeur, par quoi il peussent venir à paix. Il respondirent : « Dieux i ait part! » François se parti de [Villevort], et s'en vint à Brou- 20 xelle. Pour ce tamps estoit li dus de Braibant pour ses besongnes en Lusenbourc. François, lui troisime tant seullement, entrèrent en Brouxelles, par le congiet de la ducoise qui les volt veoir, et vinrent cil troi en l'ostel de la ducoise à Coleberghe. Là avoit la ducoise 25 une partie de son conseil dalés li. Cil troi se missent en genoulx devant la dame, et parla François pour tous, et dist : « Très honnourée et chière dame, par vostre grant humilité, plaise vous à avoir pité et compation de ceulx de la ville de Gand qui ne pueent venir 30 à merchi ne à paix deviers leur signeur, ne nuls moiens ne s'en ensongnie. Et vous, très chière dame,

se, par un bon moiien, il vous plaissoit à entendre par quoi nos sires li contes vosist descendre à raison et avoir pité de ses gens, vous fériés grant aumosne, et nos bons voisins et amis de Liège i entenderont 5 volentiers, là où il vous i plaira à ensonnier. » Dont respondi la ducoise moult humblement, et dist que de la dissention qui estoit entre son frère le conte et eulx elle estoit courouchie, et que volentiers, de grant tamps avoit, i eust mis atemprance, se elle peuist ne

10 seuist. « Mais vous l'avés par tant de fois courouchie et avés tant de mervilleuses oppinions tenu contre lui que che le soustient en son air. Nonobstant tout ce, pour Dieu et pour pité, je m'en ensonniierai volentiers, et envoiierai devers lui en priant que il voelle

15 venir à Tournai ; et là je envolerai de mon plus especial conseil, et vous ferés tant ossi que vous ares le conseil de Hainnau avoec celli de Liège, que vous dites qui vous est apparilliés. » — « Oïl, madame, che respondirent il, car il le nous ont proumis. » — « Or

20 bien, dist la ducoise, et je en esploiterai tant que vous vos en perceverés. » Et cil troi respondirent : « Madame, Dieux le vous puist merir et valloir au corps et à l'ame ! » Adont prissent il congiet à la ducoise et à son conseil, et se partirent de Brouxelles, et s'en vinrent vers leurs gens et leur charoi qui les

25 souratendoit. Si esploitièrent tant que il aprochièrent le bonne ville de Gand.

§ 265. Quant les nouvelles vinrent en la ville de

Gand que leurs gens retournoient et amenoient plus

30 de sis cens chars chargiés de pourveances, dont il

avoient grant nécessité, si en furent moult resjoï,

quoi que toutes ces pourveances, qui venoient dou pais de Liège, n'estoient pas fortes assés pour soustenir la ville de Gand quinse jours, mais toutesfois as desconfortés chc fu uns grans confors. Et se départirent de Gant trop grant fuisson de gens à manière et en orde- 5 nance de pourcession contre che caroi, et à cause de liumelité il s'engenillèrent à l'encontre, et joindirent leurs mains vers les marcheans et les charetons, en dissant : s Ah ! bonnes gens, vous faites grant aumosne, qui reconfortés le povre menu peuple de Gand, qui 10 n'avoient que vivre, se vous ne fuissiés venus. Grâces et loenges à Dieu premièrement et à vous ossi! » Enssi furent convoiies de pluiseurs gens de la ville ces pourveances jusques ou marchié des venredis, et là deschergies. Si furent ces blés et ces farines par fuer 15 ordonné, que on i mist, et départi as plus diseteurs, et furent de eux cinc mille tous armés de la ville de Gaind raconvoiié li char jusques en Braibant et hors dou péril.

De toutes ches besongnes et affaires fu li contes de 20 Flandres, qui se tenoit à Bruges, enfourmés, et comment chil de Gand estoient si astraint et si menet que il ne pooient longhement durer. Si poés croire et savoir que de leur povreté il n'estoit mies courouchiés ne ossi n'estoient cil de son conseil, qui la destrution 25 de la ville de Gand veissent volentiers, Ghisebrest Mahieu et si frère, et U doiiens des menus mestiers de Gand, et li prevos de Harlebecque. Toutes ces coses avinrent en quaresme, ou mois de march et d'apvril l'an mil trois cens quatre vins et un. Si ot li contes de 30 Flandres pourpos et conseil que de venir, plus poissanment que onques n'euist en devant fait, mettre le

siège devant Gand, et se dissoit bien si fors que pour entrer de poissance ens es Quatre Mestiers et tout ardoir et destruire, car trop a voient esté soustenu li Gantois de ce costé. Si senefia li contes se intention et 5 pourpos à toutes les bonnes villes de Flandres que il fuissent tout prest, car, le jour de le Pourcession de Bruges passée, il se departiroit de Bruges et venroit mettre le siège devant Gand pour eux pardestruire. Et escripsi devers tous cbevaliers et escuiers qui de li tenoient en la conté de Hainnau, que, dedens che jour 10 ou uit jours devant, il fuissent devers lui à Bruges.

§ 266. Nonobstant ces semonses, mandemens et ordenances que li contes de Flandres faissoit et aproprioit, si travilloient madame la ducoisse de Braibant,

15 li evesques de Liège et li dus Aubers que une asamblée de leurs consaulx sur traitiés de pais fust assignés et mis en la citté de Tournai. Li contes de Flandres, à la priière de ces seigneurs et de madame de Braibant, quoi que il pensoit bien à faire tout le con-

20 traire, s'i acorda à estre pour ses raisons tourner en droit, et furent cil parlement assis à la Close Pasque, en la chité de Tournai, l'an mil trois cens quatre vins et deus. Si i vinrent de l'evesquiet de Liège des bonnes villes, jusques à douse hommes des plus notables, et

25 messires Lambers [d'Oupé] , uns chevaliers moult sages . Ossi la ducoise de Braibant i envoia son conseil et des bonnes villes de Braibant des plus notables. Li dus Aubers i envoiia ossi de la conté de Hainnau son conseil, messire Simon de Lalain, son baillieu, et des

30 autres ; et furent ces gens tout venu à Tournai très le sepmaine de la Pasque. Ghil de Gand i envoiièrent

douse hommes des leurs, desquels Phelippes d'Artevelle fu tous chiés; et estoient cil de Gand adont si bien d'accord que pour tenir ferme et estable tout che que chil douse raporteroient , excepté que nuls de Gand ne rechust mort. Mais, se il plaissoit au conte, 5 leur signeur, que chil qui estoient demorant en la ville outre sa volonté fuissent pugni par ban [et] bani de Gand et de la conté de Flandres à tousjours sans nul rappel ne espérance de ravoir la ville ne le pais, sus cel estât estoient il tout fondé ; et voloit bien Plie- lo lippes d'Artevelle, se il avoit courouchié le conte, quoi que moult petit euist esté encore en l'office de estre cappitaine de Gaind, [estre] li uns de ceulx qui perderoient la ville et le paix, pour la grant pité que il avoit dou menu peuple de Gand ; et comment, quant 15 il se départi de Gand pour venir à Tournai, hommes, femmes et enffans sus les rues se jetèrent en genoulx devant lui en joindant les mains et em priant, à quel meschief que ce fust, que à son retour il raportast la pais, pour celle pité ot il si grant compasion que il 20 voloit faire che que je vous ai dit.

§ 267. Quant chil de Braibant, de Hainnau et de Liège, qui là estoient envoiiet à Tournai en cause de estre bons moiiens, eurent séjourné en la citté de Tournai trois jours, en atendant le conte qui point ne 25 venoit ne apparant n'estoit de venir, si en furent tout esmervilliet, et eurent conseil et accord l'un par l'autre (jue il envoiieroient à Bruges devers li, enssi comme il tissent; et i envoiièrent messire Lambiert [d'Oupé], et de Braibant le seigneur de Grupelant, et de Hainnau 30 messire Guillaume de Herimés et sis bourgois des trois

pais. Quant H contes de Flandres vei ces chevaliers, il les festoia par raisson assés bien, et leur respondi que il n'estoil point aissiés tant que à présent de venir à Tournai, mais, pour la cause de che que il s'estoient 5 travilliet de venir à Bruges et pour l'onneur de leurs signeurs et dame, madame de Braibant, sa suer, le duc Aubert, son cousin, et l'evesque de Liège, il envoieroit à Tournai par son conseil hastéement response finable et ce qu'il en avoit en pourpos de faire.

10 Chil troi chevalier ne cil bourgois n'en peurent avoir autre cose. Si retournèrent à Tournai, et recordèrent ce que il avoient oï dou conte et trouvé.

Siis jours apriès vinrent là à Tournai de par le conte li sires de Ramseflies, li sires de Grutus, messires

15 Jehans Villains et li prevos de Harlebèque. Cil escusèrent le conte envers les consaulx des trois pais de che que point n'estoit venus ne ne venoit, et puis dissent et remonstrèrent se intention que cil de Gand ne pooient venir à pais envers lui, se tout li homme

20 generaulment de Gand, dessus l'eage de quinse ans jusques à soissante ans, ne wuidoient tout de la ville et tout nu chief et en pur leurs chemises, les hars ou col; et enssi venroient entre Bruges et Gand où li contes les atenderoit, et là feroit de eulx sa pure

25 volonté dou mourir ou dou pardonner. Quant ceste response fu faite et la connissance en fu venue à ceulx de Gand par le relation faite de ceulx des consaulx des trois pais, il furent plus esbahi que onques mais. Adont leur dist li baillieux de Hainnau : « Biau

30 signeur, vous estes tout en grant péril, et cascuns de li meismes. Si aiiés avis sur ce, car ce que li contes nous a daraine[ment] estroitement segnefiiet, nous le vous

ferons plainenient acertefiier, et, quant vous vos serés mis plainement par che parti en sa volenté, il ne fera pas morir tous ceux que il vera en sa présence, mais aucuns qui l'ont plus courouchié que li autre ; et i ara tant de bons moiiens, avoec pité qui s'i metera, que, 5 espoir, cil qui se quideront ou péril et ou dangier de la mort, venront à merchi. Si prendés ceste offre avant que vous le refussés, car, quant vous Tarés refussé, espoir, n'i pores vous retourne[r]. » — « Sire, respondi Phelippes d'Artevelle, nous ne sommes 10 pas chargiet si avant que les bonnes gens de la ville de Gand mettre en ce parti, ne ja ne le ferons ; et, se li autre qui sont en Gand, nous revenu vers eux et remonstré le pourpos de Monsigneur, [le voellent], ja pour nous ne demo[r]ra que il ne se face. Si vous remercions grandement de la bonne diligence et dou grant traveil que vous avés eu en ce pourcas. » Adont prissent cil congiet as chevaliers et as bourgois des bonnes villes des trois pais, et monstrèrent bien par samblant que il n'acorderoient pas ce darainier pour- 20 pos ne traitiet. Si vinrent Phelippes d'Artevelle et si compaignon à leurs hostels, et paiièrent partout, et s'en retournèrent par At en Braibant à Gand.

§ 268. Enssi se départi icils parlemens fais et assamblés en istance de bien à Tournai, et retournèrent 25 cascuns en son lieu. Encores a li contes de Flandres à demander quel cose cil de Gand avoient respondu ; si petit les amiroit ne prisoit il, ne pour riens adont il ne vosist nul traitiet de paix, car bien savoit que il les avoit si avant menés que il ne pooient plus et que 30 nullement il ne pooit [demorer] que temprement il

n'euist fin de guerre honnerable pour lui, et metleroit Gand en tel parti que toutes autres villes se exemplieroient.

En ce temps se révélèrent encores ceulx de Paris 5 pour tant que li rois de France ne venoit point à Paris, mais aloit tout à l'environ prendre ses esbatemens, sans entrer en Paris. Si se doubtèrent que de nuit par gens d'armes il ne feïst enforchier Paris et courir la citté et faire morir lesquels que il voroit; et, pour la

10 doutance de ce péril et de ceste aventure, dont il n'estoient pas bien asseuré, il faissoient dedens Paris toutes les nuis par rues et par quarfors grans gais et levoient toutes les quaisnes, adfin que on ne peuist chevauchier ne aler à piet entre eux ; et, se nuls estoit

15 trouvés puis le son de noef heures, se il n'estoit de leur connissance ou de leurs gens, il estoit mors. Et estoient, en la citté de Paris, de rices et poissans hommes armet de piet en cap, la somme de trente mille hommes, ossi bien ar[re]és et aparilliés de toutes

20 pièces comme nuls chevaliers poroit estre, et avoient leurs variés et leurs maisnies armés à l'avenant, et avoient et portoient maillés de fier et d'achier, perilleus bastons pour effondrer hiaumes et bachinès ; et dissoient en Paris, quant il se nombroient, que il

25 estoient bien gens, et se trouvoient par paroces, tant que pour combatre de eux meismes, sans autre aide, le plus grant signeur dou monde. Si appelloit on ces gens les routiers et les maillés de Paris.

§ 269. Quant Phelippes d'Artevelle et si compai-

30 gnon rentrèrent en Gand, moult grant fuisson de menu

peuple qui ne desiroit que paix furent moult resjoï

de leur venue, et quidoient oïr bonnes nouvelles. Si vinrent à l'encontre de li, et ne se peurent astenir que il ne li demandaissent, en dissant : « A ! chiers sires Phelippes, resjoissiés nous. Dittes nous comment vous avés exploitié. » A ces paroUes et demandes ne res- 5 pondoit point Phelippes, mais passoit oultre et baisoit la teste ; et plus se taissoit, et plus le sieuoient et le pressoient d'oïr nouvelles. Une fois ou deus, en alant jusques à son hostel, il leur respondi et leur dist : « Retournés à vostres hostels maishui. Dieux nous 10 aidera; et demain, à noef heures, venés ou marchiet des devenres; là orés vous toutes nouvelles. » Autre response n'en peurent il avoir ; et vous di que toutes manières de gens est oient moult eshahi. Quant Phelippes d'Artevelle fu descendus à son hostel, et cil qui 15 à Tournai avoient estet avoec li râlé as leurs. Piètres dou Bos, qui desiroit à oïr nouvelles, s'en vint à l'ostel Phelippe et s'encloï en une cambre avoecques lui, et li demanda des nouvelles et comment il avoit exploitié. Phelippes li dist, qui riens ne li volt celler : « Par 20 ma foi. Piètres, à ce que messires de Flandres a respondu par ceulx de son conseil que il a envoiiet à Tournai, il ne prendera en la ville de Gand nullui à merchi, non plus l'un que l'autre. » — « Par ma foi! dist Piètres dou Bos, il a droit et est bien consilliés de 25 tenir ce pourpos et de enssi respondre, car tout i sont participant otant bien li un que li autre. Or sui je venus à me entente et à celle de mon bon maistre Jehan Lion qui fu, car la ville est si entoueillie que on ne le scet par [quel] coron destouellier. Or nous faut 30 prendre le frain as dens; or vera on les sages et les hardis. En dedens briefs jours, la ville de Gand sera

la plus honnourée ville des crestiiens ou li plus abatue. A tout le mains, se nous morons en ceste querelle, ne morons nous pas seulx. Or penssés anuit, Phelippe, comment vous leur puissiés demain faire relation de 5 che parlement qui a esté à Tournai, par telle manière que toutes gens se contentent de vous, car vous estes grandement en la grâce de tout le peuple par deus voies : li une si est pour la cause dou non que vous portés, car moult amèrent jadis en ceste ville Jaque-

10 mart d'Artevelle, vostre père ; et li autre est que vous les aparlés doucement et sagement, sicom il le dient communalment parmi la ville ; pour quoi il vous creront, pour vivre et pour mourir, de tout che que vous leur remonsterés et que en fin de conseil vous

15 leur dires : « Pour le milleur, je feroie enssi. » Pour tant vous faut il que vous aiiés bon avis et seur de remonstrer paroUe où vous aiiés honneur au tenir. » — « Piètres, dist Phelippes, vous dites vérité, et je pensse tellement à parler et à remonstrer les besongnes

20 de Gand que entre nous, qui en sommes gouvreneur à présent et cappitainnes, i morons ou viverons à honneur. » Il n'i eut pour celle nuit plus dit ne fait, mais prissent congiet l'un à l'autre. Piètres dou Bos retourna à son liostel, et Phelippes d'Artevelle demora

25 ou sien.

§ 270. Vous devés savoir et croire véritablement que, quant chils jours désirés fu venus que Phelippes d'Artevelles deut gênerai lement recorder les nouvelles telles que raportées avoit dou parlement de Tour- 30 nai, toutes gens de la ville de Gaind se traïssent ou marchiet des devenres; et fu par un merquedi au

fl382] LIVRE DEUXIÈME, § 270. 215

matin. Dou peuple qui là estoit asamblés, fu li marchiés tous plains. Droit à noef heures, Phelippes d'Artevelle, Piètres dou Bos, Piètres le Vintre, François Acreman et les cappitaines vinrent : si entrèrent en la halle et montèrent amont. Adont se amonstra Phe- 5 lippes as phenestres, qui commencha à parler et dist : « Bonne gent de Gent, il est bien voirs que, à la priière et traitié de très honnourée, haute et noble dame madame deBraibantet de nos chiers et nobles signeurs monsigneur le duc Aubert, bail de Hainnau, de Hol- 10 lande et de Zellande, et de monsigneur l'evesque de Liège, uns parlemens fut assignés et acordés à estre à Tournai les jours passés ; et là devoit estre personnellement nos sires, monsigneur de Flandres, et l'avoit acertefiiet as dessus dis, liquel s'en sont grandement 15 aquité, car il ont là envoiiet notablement de leur plus especiaulx consaulx, chevaliers et bourgois des bonnes villes, eux, et nous de par la ville de Gaind. Nous et eux fumes là et avons esté tous les jours, atendans monsigneur de Flandres, qui point n'i est appa- 20 rus ne venus. Et quant on veï que point n'i apparoit ne venoit ne n'envoioit, troi chevalier des trois pais et sis bourgois des bonnes villes se travillèrent tant pour l'amour de nous que il allèrent à Bruges, et là trouvèrent Monsigneur qui leur fist bonne chière, sicom il 25 dient, et les oi volentiers parler. Il respondi à leur parolle, et dist que, pour l'onneur de leurs signeurs et de sa belle suer, madame de Braibant, il envoieroit de son conseil à Tournai, dedens cinc jours ou sis, si bien fondé de par lui que cil diroient et remonsteroient 30 plainement se intention et ce que arestéement il en feroit. Il ne peurent avoir autre response : bien leur

souffi, il retournèrent. Ou jour que messires i assigna, vinrent à Tournai de par lui li sires de Ramseflies, li sires de Grutus, messires Jehans Villains et li prevos de Harlebecque. Chil remonstrèrent moult bellement la 5 volenté [de Monsigneur] et le certain arrest de ceste guerre comment pais i puet estre entre Monsigneur et la ville de Gand. Il voelt, et determinéement il dist que autre cose il n'en fera, que tout homme de la ville de Gand, excepté les prelas d'église et les religieux, dessus

10 l'eage de quinse ans et desouls l'eage de soissante ans, soient tout nu en leur lingues draps, nus chiefs et [nus] pies, et, les hars ou col, partent et vuidentde la ville de Gand et voissent jusque à Douze et oultre ens es plains de Burlesquans ; et là sera mesires de Flandres et ceuls

15 que il li plaira à amener. Et, quant il nous vera en ce parti tout en genoulx et mains jointes crians merchi, il ara pité et compasion de nous, se il li plaist ; mais je ne puis pas veoir ne entendre par le relation de son conseil que il n'en conviengne morir honteusse-

20 ment, par pugnition de justice et de prisons, la grigneur partie dou peuple qui là sera venu en ce jour. Or regardés se vous voilés venir à pais par ce parti. »

Quant Phelippes ot parlé, ce fut grans pités de veoir hommes, femmes et enffants plorer et tordre leurs

25 poins pour l'amour de leurs maris, de leurs pères, de leurs voisins, de leurs frères. Après ce tourment de noisse, Philippes reprist la paroUe et dist : « Or paix ! paix! » Et on se teut tout, sitretos comme il recommencha à parler et dist : « Bonnes gens de Gand,

30 vous estes en ceste place la grigneur partie dou peuple de Gand chi assamblé. [Si] avés oï che que jou ai dit : [si] n'i voi autre remède ne pourveance nulle que brief

conseil, car vous savés comment nous sommes menet et astraint de vivres ; et il i a tels trente mille testes en ceste ville qui ne mengièrent de pain, passet a quinse jours : [si] nous faut faire des trois coses l'une. La première si est que nous nos encloons en ceste ville 5 et entièrons toutes nos portes, et nous confessons à nos loiaux pooirs et nous boutons en églises et en moustiers, et là morons confès et repentans, comme gens martirs de qui on ne voelt avoir nulle pité. En cel estât, Dieux ara merchi de nous et de nos âmes, 10 et dira on, partout où les nouvelles en seront oies et scènes, que nous sommes mort vaillanment et comme loial gent. Ou nous nos mettons tout en tel parti que hommes, femmes et enffans alons criier merchi, les hars ou col, nus pies et [nus] chiefs, à monsigneur de 15 Flandres : il n'a pas le coer si dur ne si oscur que, quant il nous vera en cel estât, que il ne se doie humelier et amoliier et de son povre peuple il ne doie avoir merchi ; et je tous premiers, pour li oster de sa felonnie, présenterai ma teste et voel bien morir pour 20 l'amour de ceulx de Gand. Ou nous nos eslissons en ceste ville cinc ou sis mille hommes les plus aidables et les mieux armés, et Talons quérir hastéement à Bruges et l'i combatre. Se nous sommes mort en che voiage, che sera honnerablement, et ara Dieux pité de nous 25 et li mondes ossi ; et dira on que loiaument et vaillanment nous avons soustenu et parmaintenu nostre querelle. Et, se en celle bataille Dieux a pité de nous, qui anchiennement mist puissance en le main de Judith, ensi [que] nos pères le nous recordent, qui 30 ochist Olifernès qui estoit desous Nabugodonosor dus et maistres de sa chevalerie, par quoi li Asseriien

furent desconfit, nous serons li plus honnourés peuples qui ait resgné puis les Roumains. Or regardés laquelle des trois coses vous voilés tenir, car l'une faut il faire. »

5 Adont respondirent cil qui plus prochain de lui estoient et qui le mieux sa parolle oï avoient : « Ha ! chiers sires, nous avons tout en Gant grant fiance en vous que vous nous consillerés : si nous dites lequel nous ferons. » — « Par ma foi! respondi Phelippes,

10 je conseille que nous alons tout à main armée devers Monsigneur. Nous le trouverons à Bruges, et, lorsque il sara nostre venue, il istera contre nous et nous combatera, car li orgoes de ceux de Bruges, qui nous het, est avoec lui ; et cil qui nuit et jour l'enfourment sur

15 nous li consilleront de nous combatre. Se Dieux ordonne par sa grâce que la place nous demeure et que nous desconfîssons nos ennemis, nous serons recouvré à tousjours mais et les plus honnerées gens dou monde ; et, se nous sommes desconfi, nous morons

20 honnerablement, et ara Dieux pité de nous. Et parmi tant li demorans de Gand se passera, et en ara merchi li contes nos sires. »

A ces paroUes respondirent il tout de une vois : « Et nous le volons, ne autrement nous ne finerons. »

25 Lors respondi Phelippes : « Or, [beaulx] signeur, puisque vous estes en celle volenté, or retournés en vos maissons, et apparilliés vos armeures, car demain dou jour je voel que nous partons de Gand, et en alons vers Bruges, car li sejourners ichi ne nous est point

30 pourfîtables. Dedens cinc jours, nous sarons se nous viverons à honneur ou nous morons à dangier, et je envoiierai les connestables des parosces de maison en

maison pour prendre et eslire à eues les plus aidables et les mieux armés. »

§ 271 . Sus cel estât se départirent en la ville de Gand toutes gens qui à ce parlement avoit estet dou marchiet des devenres, et retournèrent en leurs maisons; et se apparillièrent, cascuns endroit de li, de ce que à lui appertenoit, et tinrent che merquedi leur ville si close que onques homs ne femme n'i entra ne n'en issi jusques au joedi à heure de relevée, que cil furent tout prest qui partir dévoient. Et furent environ cinc mille hommes et non plus, et cargièrent environ deus cens chars de canons et d'artellerie, et set chars seuUement de pourveances, cinc chars chergiés de pain quit et deus chars de vins; et tout partout n'en i avoit que deus tonniaulx, ne riens n'en demoroit 15 en la ville. Or regardés comment il estoient astraint et menet. Au département et au prendre congiet, che estoit une pités de veoir ceulx qui demoroient et ceuls qui s'en aloient, et dissoient li demorant : « Bonnes gens, vous veés bien à vostre département que vous 20 laissiés derrière. N'aiiés nulle espérance de retourner, se ce n'est à vostre honneur, car vous ne trouveriés riens, et, sitos que nous orons nouvelles se vous estes mort et desconfi, nous bouterons le feu en la ville, et nous destruirons nous meïsmes, ensi que 25 gens désespérés. » Chil qui s'en aloient dissoient, en iaulx reconfortant : « De tout che que vous dites, vous parlés bien. Priiés pour nous à Dieu : nous avons espoir que il nous aidera et vous ossi avant nostre retour. » Enssi se départirent cil cinc mille hommes de 30 Gand et leurs petites pourveances; et s'en vinrent ce

joedi logier et jesir à une heure et demie de Gand, et n'amenrirent de riens leurs pourveances, mais se passèrent de ce que il trouvèrent sus le pais. Le venredi tout le jour il ch[e]minèrent, et encores n'atouchièrent 5 il de riens à leurs pourveances, et trouvèrent li fourageur sus le pais aucunes coses, dont il passèrent le jour ; et vinrent che venredi logier à une grande lieue de Bruges, et là s'arestèrent, et prisent place à leur avis et pour atendre leurs ennemis, et avoient au de- 10 vaut d'eus un grant plachiet plain d'aighe dormant. De che lés là se fortefiièrent il à l'une des pars, et à l'autre lés de leur charroi, et passèrent enssi la nuit.

§272. Quant che vint le samedi au matin, il fist moult bel et moult cler, car che fu le jour Sainte Elaine et

15 le tierch jour dou mois de mai. Et che propre jour siet la feste et le pourcession de Bruges, et à che jour avoit plus de peuple en Bruges estragniers et autres, pour la cause delasolempnité de la feste et pourcession, que il n'eust en toute l'anée. Nouvelles avolèrent à

20 Bruges en dissant : a Vous ne savés quoi? Li Gantois sont venu à nostre pourcession. » Dont veïssiés en Bruges grant murmure et gens resvillier et aler de rue [en rue] et dire l'un à l'autre : « Et quel cose atendons nous que ne les alons nous combatre? » Quant

25 li contes de Flandres, qui se tenoit en son hostel, en fu enfourmés, [si] li vint à grant mervelle, et dist: a Velà folle gent et outrageus ! La maie mescance les cache bien. De toute le compaignie jamais pies n'en retournera. Or arons nous maintenant tin de guerre. » Adont

30 01 li contes sa messe; et toudis venoient chevalier de Flandres, de Hainnau et d'Artois, qui le servoient.

devers li, pour savoir quel cose il voroit faire. Enssi comme il venoient, il les requelloit bellement, et leur dissoit : « Nous irons corabatre ces mesceans gens; encores sont il vaillant, disoit li contes : il ont plus chier à morir par espée que par famine. » 5

Adont fu consilliet que on envoiieroit trois hommes d'armes chevaucheurs sour les camps, pour aviser le convenant de ceux de Gand et comment il se tenoient ne quelle ordonnance il avoient. Si lurent dou mareschal de Flandres ordonné troi vaillant homme d'armes 10 escuier, pour les aler aviser : Lambert de Lambres, Damas de Bussi [et] Jehans du [Beart] ; et partirent tout troi de Bruges et prissent les camps, montés sus fleurs de coursiers, et chevauchièrent vers les ennemis. Entrues que chil troi fissent che dont il estoient car- 15 giet, [s'ordonnèrent] en Bruges toutes manières de gens en très grant volenté que pour issir et venir combatre les Gantois, desquels je parlerai un petit et de leur ordenance.

Che samedi au matin, Phelippes d'Artevelle ordonna 20 que toutes gens se meissent envers Dieu en dévotion, et que messes fuissent en pluiseurs lieux cantées, car il avoient là en leur compaignie des Frères Religieux, et que ossi cascuns se confessast et adrechast à son loial pooir et [mesist] en estât deu, enssi que gens 25 qui atendoient la grâce et la mesericorde de Dieu. Tout che fu fait : on célébra en l'ost en set lieux messes, et à cascune messe ot sermon, liquel sermon durèrent plus de heure et demie. Et là leur fu remonstré par ces clers. Frères Menours et autres, comment il se figu- 30 roient au peuple d'Israël que li rois Faraon d'Egipte tint lonc tamps en servitude, et comment depuis, par la

grâce de Dieu, il en furent delivret et menet en tère de promision par Moïse et Aaron, et H rois Pharaon et li Egiptiien mort et péri. « Enssi, bonnes gens, dissoient chil Frère Preceur en leurs sermons, estes 5 vous tenu en servitude par vostre signeur le conte et vos voisins de Bruges, devant laquelle ville vous estes venu et arresté, et serés combatu, il n'est mie doubte, car vostre ennemi en sont en grant volenté, qui petit amirent vostre poissance. Mais ne regardés pas à cela,

10 car Dieux, qui tout puet, tout set et tout congnoist, ara merchi de vous ; et ne penssés point à cose que vous aiiés laissiet derière, car vous savés bien que il n'i a nul recouvrier ne restorier, se vous estes desconfi. Vendes vous vaillanment, et morés, se morir con-

15 vient, honnerablement, et ne vous esbahissiés point, se grans peuples ist de Bruges contre vous; car la victoire n'est pas ou [grant] peuple, mais là où Dieux l'envoie et maint par sa grâce; et trop de fois on a veu, par les Macabiiens ou par les Roumains, que

20 li petis peuples de boine volenté et qui se confioit en la grâce de Nostre Signeur, desconfissoit le grant peuple. Et en ceste querelle vous avés bon droit et juste cause par trop de raisons : si en devés estre plus hardi et mieux conforté. » De telles parolles et de

25 pluiseurs autres furent [par] les Frères Preceurs che samedi au matin li Gantois prechiet et remonstré, dont moult il se contentèrent; et se acumeniièrent les troi pars des gens de l'oost, et se missent tout en grant dévotion, et monstrèrent tout grant cremeur avoir à

30 Dieu.

§ 273. Appriès ces messes, tout se missent ensamble

en un mont, et là monta Phelippes d'Artevelle sur un char pour li monstrer à tous et pour estre mieus ois. Et là parla de grant sentement, et leur remonstra de point en point le droit que il penssoient à avoir en ceste querelle, et comment par trop de fois la ville de Gand 5 avoient requis et priiet merci envers leur signeur le conte, et point n'i avoient peut venir sans trop grant confusion et damage de ceulx de Gand . Or estoient il si avant trait et venut que reculler il ne pooient, et aussi au retourner, tout considéré, riens il ne gaigne- lo roient, car nulle cose derière fors que povreté et tristrèce laissiet il n'avoient. [Si] ne devoit nuls pensser après Gand ne à femme ne [enfans que il eusist, fors que tant faire que li honneurs fust leur. Pluseurs belles paroUes leur remonstra Phelippes, car bien fut 15 enlangaigiés et moût bien sçavoit parler, et bien lui avenoit, et, sur la fin de sa parole, il leur dist : « Biaulx seigneurs, vous veés devant vous toutes vos pourveances; si les vuelliés bellement départir l'un à l'autre, ensi que frères, sans faire nuls outraiges, car, 20 quant elles seront passées, il vous fault conquérir des nouvelles, se vous voulés vivre. »

A ces paroles se ordonnèrent il moût humblement, et furent les chars deschargiés et les sachiées de pain données et départies par connestablies et li tonnel de 25 vin tourné sus le fons. Là desjeunèrent il de pain et de vin raisonnablement et en heurent pour l'eure chascuns assés, et se trouvèrent après le desjunner fors et en bon point et plus aidables et mieux aidant de leurs membres que se il eussent plus mengié. 30 Quant [ce] disner fu passés, il se misent en ordonnance de bataille et se catirent entre leurs ribaudiaux.

Ces ribaudiaux sont brouettes haultes, bendées de fer, à longs picos de fer devant en la pointe, [qu'il] font par usage mener et brouetter avoec eulx ; et puis les arroutèrent devant leurs batailles, et là dedans s'[en- 5 cloïrent]. En cel estât les veirent et trouvèrent les trois clievaucheurs dou conte, qui i furent envoiié pour aviser leur convenant, car il les approcliièrent de si près que jusques à l'entrer en leurs ribaudiaux, ne oncques les Gantois ne s'en esmeurent, et mons- 10 trèrent par saniblant que il feussent tout resjouï de leur venue.

§ 374. Or retournèrent chil coureux à Bruges devers le conte, et le trouvèrent en son hostel à grant fuison de chevaliers qui là estoient, qui attendoient leur

15 revenue pour oir nouvelles. Il rompirent la presse et vinrent jusques au conte, et puis parlèrent tout hault, car li contes volt que il fussent oï des circonstans qui là estoient, et remonstrèrent comment il avoient chevauchié si avant que jusques ou trait des Gantois, se

20 trairent volsissent, mais tout paisiblement il les avoient laissié approuchier, et comment il avoient veu leurs banières et comment il s'estoient repeus et quatis entre leurs ribaudiaux. « Et quel quantité de gens, dist li contes, puent il estre par ad vis? » Ceulx res-

25 pondirent, selon leur advis au plus justement qu'il peurent, que il estoient de cinc à sis mille. Adont dist li contes : « Or tost, faittes apparillier toutes gens; je les vueil aller combatre, ne jamais dou jour ne partiront sans estre combatu. » A ces parolles sonnèrent

30 trompettes parmi Bruges, et s'armèrent toutes gens et se assemblèrent sur le marchié. Et ensi comme il

venoient, il se traioient tous et mettoient dessoubs les banières, ensi que par ordonnance et connestablies il avoient eu de usaige. Pardevant l'ostel dou conte se assembloient barons, chevaliers et gens d'armes. Quant tous furent apparilliés, li contes vint ou marché et veï 5 grant fuisson de peuple rengié et ordonné, dont il se resjoï : adont commanda il à traire sus les champs. [A son commandement nuls ne désobéi, mais se départirent tous de la place et se mistrent au chemin par ordonnance et se traïrent sus les champs], et gens 10 d'armes après.

Au vuider de la ville de Bruges, ce estoit grant plaisance dou veoir, car bien estoient quarante mil testes armées. Et ensi tout ordonnéement à cheval et à pies il s'en vinrent assés près dou lieu où li Gantois estoient, 15 et là se arrestèrent. A celle heure, quant li contes de Flandres et ses gens vinrent, il estoit haulte remontée et le souleil s'en alloit tous jus. Bien estoit qui disoit au conte : « Sires, vous voies vos ennemis; il ne sont au regard de nous que une pungnée de gens. Il 20 ne puent fuir; ne les combatons meshui. Attendes jusques à demain que le jour venra sur nous ; si verrons mieux quel chose nous devrons faire et se seront plus affoiblis, car il n'ont riens que mangier. » Li contes s'acordoit assés à ce conseil, et eust voulentiers 25 veu que on eust ensi fait, mais chil de Bruges par grant orgueil estoient si chaulx et si hastifs de eulx combatre que il ne vouloient nullement attendre, et disoient que tantost les aroient desconfis, et puis rctourneroient en leur ville. Nonobstant ordonnance 30 de gens d'armes, car li contes en avoit là grant fuison, plus de uit cens lances, chevaliers et escuiers, ceulx

de Bruges approchèrent et commencèrent à traire et à jetter de canons. Adont ceulx de Gand se misent tous en ung mont et se recueillirent tous ensamble et fîsent tous à une fois desclicquer plus de trois cens 5 canons, et tournèrent autour de ce plasquier, et misent ceulx de Bruges le souleil en l'ueil, qui moût les greva, et entrèrent dens eulx en escriant : « Gand! » Sitost que ceulx de Bruges oirent la voix de ceulx de Gand et les canons desclicquer, et que il les veirent venir

10 de front sur eulx et assaillir aspreraent, comme lasches gens et plains de mauvais convenant, il se ouvrirent tous et laissièrent les Gantois entrer dens eulx sans deffence, et jettèrent leurs bastons jus, et tournèrent le dos.

45 Les Ganthois, qui estoient fors et serrés et qui congneurent bien que leurs ennemis estoient descontis, commencèrent à abatre devant eulx à deux costés et à tuer gens, et tousjours aller devant eulx, sans point desrouter, le bom pas, et crier : « Gand ! Gand ! » et

20 à dire entr'eux : a Avant ! avant ! suivons chaudement nos ennemis, il sont desconfîs, et entrons en Bruges avoecq eulx. Dieu nous a ce soir regardés en pitié. » Et ensi fisent il tous. Il poursuivirent ceulx de Bruges asprement, et, là où il les raconsuivoient, il les aba-

25 toient et occisoient, ou sus eulx il passoient, car point il n'arrestoient ne de leur chemin il n'issoient ; et ceulx de Bruges, ensi que gens mors et desconfîts, fuioient. Si vous di que en celle chace il en i ot moût de mors et de desconfits et d'abatus, car entr'eux point de def-

30 fence il n'avoient, ne onques si meschans gens que ceulx de Bruges ne furent ne qui plus recreanment ne laschement se maintinrent scelon le grant bobant que

au venir sus les champs fait il avoieot. Et veulent li aucun dire et supposer par imagination que il i avoit traison, et les autres disent que non heut, fors povre defïence et infortunité qui cheï sur eulx.

§ 275. Quant li contes de Flandres et les gens 5 d'armes qui estoient sus les champs veïrent le povre arroi de ceulx de Bruges et comment d'eulx meismes il estoient desconfi ne point de recouvrer il n'i veoient, car chascuns qui mieux mieux fuioient devant les Gantois, si furent eshahis et eshidé de eulx meismes, et se 10 commencèrent ossi à desrouter et à saulver et à fuir l'un sa et l'autre là. Il est bien vrai que, se il eussent point veu de bon convenant ne d'arrest de retour à ceulx de Bruges sur ceulx de Gand, il eussent bien fait aucun fait d'armes et ensonniet les Gantois, par quoi, 15 espoir, il se fussent recouvrés ; mais nennil, il n'en i veoient point, mais s'enfuioient chascuns qui mieux mieux vers Bruges, ne le tils n'attendoit mie le père ne le père le fils. Adont se desroutèrent ossi ces gens d'armes et ne tinrent point d'arroi, et n'eurent li plu- 20 seurs talant de traire vers Bruges, car la foule et la presse estoit si très grande sus les champs et sur le chemin en venant à Bruges que c'estoit grant hideur à veoir et de oïr les navrés et les blechiés plaindre et crier, et les Gantois aux talons de ceulx de Bruges 25 crier : « Gand! Gand! » et abatre gens et passer oultre sans arrester. Ces gens d'armes le plus ne se fussent jamais boutés en ce péril. Meïsmement li contes fu conseilliés de retraire vers Bruges et de entrer premiers en la porte, et de faire garder la porte ou 30 clorre, par quoi les Gantois ne l'esforchassent et feus-

sent seigneurs de Bruges. Li contes de Flandres, qui ne veoit point de recouvrer de ses gens sus les champs et que chascuns fuioit et que ja estoit toute noire nuit, creï ce conseil et tint ce chemin et tîst sa banière che- 5 vaucher devant lui, et chevaucha tant qu'il vint dedans Bruges, et entra en la porte auques des premiers, espoir, lui quarantime, ne plus ne se trouva il. Adont ordonna il ses gens pour garder la porte et pour clorre, se les Gantois venoient, et puis chevaucha li 10 contes vers son hoslel et envoia par toute la ville gens, et [fist] commandement que chascuns sus la teste perdre se traisist vers le marché. L'intention dou conte estoit telle de recouvrer la ville par ce parti, mais non fist, sicomme je vous recorderai.

15 § 276. Entretemps que li contes estoit en son hostel et que il envoioit les clers des doiens des mestiers de rue en rue, pour traire sur le marché et [recouvrer] la ville, li Gantois qui entrèrent en la ville de Bruges en poursuivant asprement leurs ennemis, le premier che-

20 min qu'i fisent sans tourner chà ne là, il s'en allèrent tout droit sus le marchié, et là se rengièrent et arrestèrent. Messires Robert Mareschaux, ung chevalier dou conte, avoit esté envoie à la porte pour sçavoir comment on s'i maintenoit, entretemps que li contes fai-

25 soit son commandement qui cuidoit recouvrer la ville, mais il trouva que la porte estoit volée hors des gons et que li Gantois en estoient maistre ; et proprement il trouva de ceulx de Bruges qui lui disent : « Robert, Robert, retournés et vous sauvés, car la ville est con-

30 quise de ceux de Gand. » Adont retourna li chevaUers au plus tost qu'il peut devers le conte, qui se partoit

de son hostel tout à cheval et grant fuison de falots devant lui, et s'en venoit sus le marchié. Si lui dist ce chevalier ces nouvelles. Nonobstant, li contes, qui vouloit tout recouvrer, s'en vint vers le marchié ; et, ensi comme il i entroit à grant fuison de falots, en escriant : 5 « Flandres au lion au conte ! » ceulx qui estoient à son frain et devant lui regardèrent et veïrent que la place estoit toute chargée de Gantois ; si lui disent : « Monsigneur, pour Dieu, retournés. Se vous aies plus avant, vous estes mors, ou pris de vos ennemis au 10 mieux venir, car il sont tous rengiés sus le marchié et vous attendent. » Et ceulx lui disoient vérité, car li Gantois disoient ja, si trestost comme il le veïrent naistre d'une ruelle : « Veci Monsigneur, veci le conte ! Il vient entre nos mains. » Et avoit dit Phelipes 15 d'Artevelle et fait dire de renc en renc : « Se li contes vient sus nous, gardés bien que nuls ne lui face mal, car nous l'enmenrons vif et en sancté à Gand, et là arons nous paix à nostre voulenté. » Li contes, qui venoit et qui cuidoit tout recouvrer, encontra, assés 20 près de la place où li Gantois estoient tous rengiés, de ses gens qui lui disent : « Ha ! Monsigneur, pour Dieu, n'aies plus avant, car li Gantois sont seigneurs dou marchié et de la ville; et, se vous entrés ou marchié, vous estes mort; et encores en estes 25 vous en aventure, car ja vont grant fuison de Gantois de rue en rue, querant leurs ennemis, et ont mesmement assés de ceulx de Bruges, qui les mènent quérir d'ostel en hostel ceulx qu'i veuUent avoir ; et estes [tous] ensonniés de vous sauver, ne par 30 nulles des portes de Bruges ne vous poués [issir ne partir que vous ne soies ou mors ou pris, car] li Gan-

lois en sont seigneur, ne à vostre hostel ne poués vous retourner, car il i vont une grant route de Gantois. »

Quant le conte entendi ces nouvelles, si lui furent 5 très dures, et bien i ot raison, et se commença grandement à eshider et à imaginer le péril où il se veoit, et creut conseil de non aler plus avant et de lui saulver, se il pouoit. Et fu tantost de lui meismes conseilliés : il fist estaindre tous les falots qui là estoient, et dist

10 à ceulx qui dalés lui estoient : « Je voi bien qu'il n'i a point de recouvrer. Je donne congiet à tout homme, et chascuns se saulve qui puet ou scet. » Ensi comme il ordonna, il fu fait; les falots furent estaints et gettés dedans le[s] russiaux, et tantost s'espardirentet demu-

15 chièrent ceulx qui là estoient. Si se tourna li contes en une ruelle, et là se fist desarmer par ung sien varlet et jetter toutes ses armeures aval, et vesti la hoppelande de son varlet, et puis li dist : « Va t'an ton chemin, et te saulve, se tu pues. Aies bonne bouche : se

20 tu eschiés es mains de mes ennemis et on te demande de moi, garde bien que tu n'en dies riens. » — « Monsigneur, respondi chil, pour mourir ossi ne ferai je. » Ensi deniora li contes de Flandres tout seul, et pouoit bien adont dire que il se trouvoit en grant aventure,

25 car, à celle heure, [se] par aucune infortunité, il fust escheus eus es mains des routes qui aval Bruges estoient et alloient et qui les maisons serchoient et les amis dou conte occisoient ou ens ou marchié les amenoient, et là tantost devant Phelippc d'Artevclle et les

30 cappitaines il estoient mort et esservelé, sans nul moien ou remède il eust esté mort. Si fu Dieu proprement pour lui, quant de ce péril il le délivra et saulva, car

onques en si grant péril en devant n'avoit esté ne ne fu depuis, sicomme je vous recorderai présentement.

§ 277. Tant se deraucha, à icelle heure, environ mienuit ou ung peu oultre, li contes de Flandres par rues et par ruelles que il le convint entrer de nécessité, 5 autrement il eust esté trouvé et pris des routiers de Gand et de Bruges ossi qui parmi la ville aloient, en l'ostel d'une pouvre femme. Ce n'estoit pas hostel de seigneur, de sales, de cambres ne de manandries, mais une povre maisonnette enfumée, ossi noire que lo arremens de fumiere de tourbes, et n'i avoit en celle maison fors le bouge devant et une povre tente de vièle toille enfumée pour esconser le feu, et pardessus un povre solier ouquel on montoit à une eschelle de set eschellons. En ce solier avoit un povre litteron où 15 li povre enfant de la femmelette gisoient.

Quant li contes fut, tout seul et tout esbahi, entré en celle maison, il dist à la femme, qui estoit toute effreé[e] : « Femme, sauve moi ! Je suis tes sires le conte de Flandres, mais maintenant il me fault repourre 20 et mussier, car mes ennemis me chassent, et dou bien que tu me feras je t'en donrai bon guerdon. » La povre femme le recongneut assés, car elle avoit esté plusieurs fois à l'aumosne à sa porte : si l'avoit veu aller et venir, ensi que ungs sires va en ses déduis, et fu tan- 25 tost avisée de respondre, dont Dieu aida au conte, car elle n'eust peu si petit detrier que on eust trouvé le conte devant le feu parlant à elle : « Sire, montés amont en mon solier, et vous bout[és] dessoubs un lit où mes enfans dorment. » Il le fist, et entretemps la 30 femme se essonia en son hostel entour le feu et à ung

autre petit enfant qui gisoit en ung repos. Li contes de Flandres entra en ce solier et se bouta, au plus bellement et souef que il pot, entre la coûte et l'estrain de ce povre literon ; et là se quati et fist le petit : faire li 5 convenoit.

Evous ces routiers de Gand qui routoient, qui entrent en la maison celle povre femme, et avoient, ce disoient aucuns de leur route, veu un homme entrer ens. Il trouvèrent celle povre femme séant à son feu,

10 qui tenoit son enfant. Tantost il lui demandèrent : « Femme, où est uns homs que nous avons veu entrer seans et puis reclorre l'uis? b — « Et, par ma foi, dist elle, je n'i vei de celle nuit entrer homme céans; mais j'en issi, n'a pas granment, et jettai hors un pou

15 d'eaue, et puis recloï mon huis. Ne je ne le sçaroie où mussier ; vous veés toutes les aisemences de céans ; velà mon lit, là sus gisent mes enfans. » Adont prist li uns une chandelle, et monta amont sus l'eschellette et bouta sa teste ou solier, et n'i veï autre chose que

20 le povre litteron des enfans qui dormoient. Si regarda il bien partout hault et bas. Adont dist il à ses compaignons : « Alons ! alons ! nous perdons le plus pour le mains. La povre [femme si] dist voir : il n'i a ame céans fors elle et ses enfans. » A ces parolles issirent

25 il hors de l'hostel de la femme et s'en allèrent router autre part. Onques puis nuls n'i rentra qui mal i voulsist.

Toutesfois ces paroles avoit oies li contes de Flandres, qui estoit couchés et catis en ce povre litteron.

30 Si poués bien imaginer que il fu adont en grant effroi de sa vie. Quel chose pouoit il là, Dieux, penser ne imaginer? Quant au matin, il pouoit bien dire : « Je

suis li uns des grans princes dou monde des crestiens, B et la nuit ensuivant il se trouvoit en telle petitesse, il pouoit bien dire et imaginer que les fortunes de ce monde ne sont pas trop estables. Encores grant heur pour lui, quant il s'en pouoit issir saulve sa vie. 5 Toutesfois ceste périlleuse et dure aventure lui devoit bien estre ung grant mirouer et doit estre toute sa vie.

Nous lairrons le conte de Flandres en ce parti, et parlerons de ceulx de Bruges et comment les Gantois 10 persévérèrent.

§ 278. François Acremen estoit li ungs des plus grans capitaines des routiers, et envoies de par Phelippe d'Artevelle et Piètre dou Bois, pour cherchier et router en la ville de Bruges; et il gardoient le marchié 15 et gardèrent toute la nuit et au landemain, quant on se vei comme seigneur de la ville. Bien estoit deffendu aux routiers que il ne portassent nul dommaige ne nul contraire aux marchans ne bonnes gens estrangiers qui pour ce temps estoient à Bruges, car il n'avoient 20 que faire de comparer leur guerre. Chils commandemens fut assés bien tenu et gardés, ne oncqiies François ne sa route ne fîsent nul dommaige à nul homme estrange. La buschette cheue estoit et jettée des Gantois sus les quatre mestiers de Bruges, coUetiers, vies- 25 wariers, bouchiers et poissonniers, à tous occire sans nul déport quanques on en trouveroit, pour tant que tondis il avoient estes de la faveur dou conte et devant Audenarde et ailleurs. On alloit par ces hostels querre ces bonnes gens, et, là où il estoient trouvé, [il es- 30 toient] mort sans merci. Celle nuit en i ot occis plus

de douse cens, que ungs que autres, et fais plusieurs autres murdres, larrechins et autres mauvais fais qui point ne vinrent tous à congnoissance, et mont de maisons et de femmes robées et pillées et destruittes et de 5 coffres effondrés, et tant fait que les plus povres de Gand furent tous riches.

Le dimanche au matin, à set [heures], vinrent les joieuses nouvelles en la ville de Gand que leur gens avoient desconfi le conte, sa chevalerie et ceulx de

10 Bruges, et estoient par conquest seigneurs et maistres de Bruges. Vous poués bien croire et savoir que, à ces nouvelles à Gand, ce fu uns peuples resjouïs, qui en transses grandes et tribulations avoient esté, et fisent par les églises plusieurs processions et afflictions, en

15 louant Dieu, qui tellement les avoit gardés et tellement reconfortés que envoie ha à leurs gens victoire. Plus leur venoit li jours avant, plus leur venoit bonnes nouvelles, et estoient si tresperchié de joie que il ne sçavoient auquel entendre; et je le di pourtant que, se li

20 sires de Harselles, qui demorés estoit en Gand, heust prins, ce dimanche ou le lundi ensuivant, trois ou quatre mil hommes et si s'en fust venu à Audenarde, il eust la ville à sa voulenté, car chil de Audenarde estoient si esbahi, quant ces nouvelles oirent, que à

25 paines pour la paour de ceulx de Gand que il ne vuidoient leur ville et fuioient à sauveté en Hainnau ou ailleurs, et furent tous apparilliés, mais nouvelles n'en ooient . Si recuillirent couraige et confort, quant il veïrent que [ceulx de Gand ne venoient point ne] nulles nouvelles

30 n'en oirent, et ossi trois chevaliers qui là estoient et qui s'i boutèrent, messires Jehans Barnages, messires Thierrisd'Anvaing et messires Florens de Heule, chil troi che-

valier gardèrent, conseillièrent et confortèrent les gens d'Audenarde jusques à tant que messires Daniaux de Halwin i vint depuis et i fu envoies de par le conte, ensi que je vous recorderai , quant je serai venus jusques à là.

§ 279. Oncques gens qui sont au desure de leurs 5 ennemis, ensi que ceulx de Gand furent adont de ceulx de Bruges, ne se portèrent ne passèrent plus bellement de ville que ceulx de Gand lisent adont de ceulx de Bruges, car oncques il ne lisent mal à nul homme des menus mestiers, se il n'estoit trop villainement accu- 10 ses. Quant Philippes d'Artevelle, Piètres dou Bois et les cappitainnes de Gand se virent au deseure de la ville de Bruges, et que tout estoit en leur commandement et obéissance, on fist un ban de par Philippe d'Artevelle, Piètre dou Bois et les bonnes gens de Gand, 15 que sur la teste toutes manières de gens se traïssent bellement à leurs hostels, et que nuls ne pillast ne efForsast maisons ne ne presist riens de l'autrui, se il ne le paioit, et que nuls ne se logast ou logement d'autrui, et que nuls ne esmeut meslée ne debas sans com- 20 mandement, et tout sus la teste.

Adont fu demandé se on sçavoit que li contes estoit devenus. Li aucuns disoient que il estoit issus de la ville très le samedi, et li autres disoient que encores estoit il à Bruges et repus quelque part où on le por- 25 roit trouver. Les capitaines de Gand n'en lisent compte, car il estoient si resjoïs de la victoire que il avoient et de ce que au dessus de leurs ennemis se veoient, que il n'acontoient riens à conte ne à baron ne à chevalier qui fust en Flandres, et se tenoient si grant que tout 30 venroient, se disoient il, en leur obéissance. Et regar-

dèrent Phelippes d'ArtevelIe [et Piètres dou Bos] que, quant il se partirent de Gand, il l'avoient laissiée desgarnie et despourveue de tous vivres tant que de vins et de blés il n'i avoit riens. Si envoièrent tantost une 5 quantité de gens au Dan et à l'Escluse, pour estre seigneur de ces villes et des pourveances qui dedans estoient, et repourveïr la ville de Gand. Quant ceulx qui envoies i furent vinrent au Dam, on leur ouvri les portes, et fu toute la ville et les pourveances mises en

10 leur commandement. Adont furent trais de ces biaux celliers au Dam tout le vin qui là estoit de Poitou, de Gascoingne, de la Rochelle et des loingtaines marches, plus de sis mil tonniaux, et mis à voitures et à nefs, et envoies à Gand par chars et par la rivière, que on dist

15 le Lieve. Et puis passèrent ces Gantois oultre, et vinrent à l'Escluse, laquelle ville se ouvrit contre eulx et se mist en leur obéissance ; et là trouvèrent il grant fuison de blés [et] de farines en tonniaux, en nefs et en greniers de marchans estrangiers. Tout fu mis pour

20 ceulx de Gand à voiture et envoie à Gand tant par chars comme par eaue. Ensi fu la ville de Gand rafreschie et repourveue et délivre de misère par la grâce de Dieu. Autrement ne fut che mies, et bien en deubt souvenir à ceulx de Gand que Dieu leur avoit aidié

25 plainement, quant de cinc mil hommes tous affamés avoient devant leurs maisons desconti quarante mil hommes. Or se gardent de eulx enorgueillir et leurs cappitaines ossi ! Mais non feront : il s'enorgueilliront tellement que Dieu s'en courroucera et leur remons-

30 trera leur orgueil avant que l'an soit oultre, sicomme vous recorderons en l'istoire, et pour donner exemple à tous autres.

§ 280. Je fus adont informés, et je le vueil bien croire, que le dimanche de nuit le conte de Flandres issi de la ville de Bruges. La manière, je ne le sçai pas, ne ossi se on lui fîst voie à aucune des portes ; je croi bien que oi, mais il issi tout seul et à pies, vestu d'une 5 povre et simple hoppelande. Quant il se trouva aux champs, il fu tout resjoïs, et pooit bien dire que il estoit issus de grant péril, et commença à cheminer à l'aventure, et s'en vint desoubs ung buisson pour aviser quel chemin il tenroit, car pas ne congnoissoit 10 les chemins, car oncques à pies ne les avoit allés. Ensi que il estoit desoubs ce buisson et là quatis, il entent et oi parler ung homme ; et c'estoit un sien chevalier qui avoit espousée une sienne fille bastarde, et le nommoit on messire Robert Marescaut. Le conte le recon- 15 gneut au parler; si lui dist en passant : « Robin, es tu là? » — « Oi, Monseigneur, » dist li chevaliers qui tantost recongneut le conte; « vous m'avés hui fait biaucop de paine à serchier autour de Bruges. Comment en estes vous issus? » — « Allons, allons, dist 20 li contes, Robin, il n'est pas heure de chi recorder ses aventures. Fai tant que je puisse avoir un cheval, car je suis ja las d'aller à pies, et prens le chemin de Lisle, se tu le scés. » — « Monseigneur, dist Robin, oi, je le sçai bien. » Adont cheminèrent il toute ceste nuit 25 et le landemain jusques à prime, ainchois que il peussent recouvrer d'ung cheval. Et, le premier que le conte heut, ce fu une jument que il trouvèrent cheux ung preudomme en ung villaige. Si monta sus H contes sans selle et sans painel, et vint ensi ce lundi au soir, 30 et se bouta par les champs, ou chastiau de Lisle. Et là se retrouvoient la greigneur partie des chevaliers qui

estoient eschappet de la bataille de Bruges et s'estoient sauvet au mieux qu'il avoient peu, li aucuns à pies et les autres à cheval. Et tous ne tinrent mie ce chemin, mais s'en allèrent li aucuns par mer en Hollande et en 5 Zelande, et là se tinrent tant qu'il oïrent autres nouvelles. Messires Guis de Ghistelles arriva à boin port, car il trouva en Zelande en l'une de ses villes le conte Ghui de Blois, qui lui fîst bonne chière et lui départi de ses biens largement, pour lui remonster et remettre 10 en estât deu, et le retint dalés lui tant que il volt demeurer. Ensi estoient li desbareté reconfortés par les seigneurs de là où il se traioient, qui en avoient pitié, et c'estoit raisons, car noblesse et gentillesse doivent estre aidies et conseillies par gentillesse.

15 § 2181 . Ces nouvelles s'espardirent en trop de lieux et de pais, et de la desconfiture de ceulx de Bruges et de la desconfiture leur seigneur, comment les Gantois les avoient desconfis. Si en estoient toutes manières de gens resjoï, et especiallement communautés, tant

20 ceulx des bonnes villes [que autres; mesmement celles] de l'eveschié de Liège en estoient si lies qu'il sambloit proprement que la besoingne fust leur. Ossi furent ceulx de Rouam et de Paris, se plainement en osassent parler. Quant pape Clément oit les nouvelles, il pensa

25 ung petit et puis dist que celle desconfiture avoit esté une verge de Dieu pour exemplier le conte, et que il lui envoioit celle tribulacion pour la cause de ce qu'il avoit esté rebelles à ses oppinions. Aucun autre grant seigneur disoient en France et ailleurs que li contes ne

30 faisoit que ung peu à plaindre, se il avoit ung petit à porter et à souffrir, car il avoit esté si presumptueux

que il n'amiroit nul seigneur voisin que il eust, ne roi de France ne aultre, se il ne venoit bien à point audit conte ; pour quoi il le plaindoient mains de ses persécutions. Ensi avient, et que li proverbes soit voirs que on dist, car, à cellui à qui il meschiet, chascuns lui 5 mesoffre. Par especial, ceulx de Louvaing furent tout resjoï de la victoire des Gantois et de l'anoi dou conte, car il estoient en différend et en dur parti envers le duc Wincelin de Braibant, leur seigneur, qui les vouloit guerroier et abatre leurs portes ; mais ores s'en 10 tenra il mieux en paix. Et disoient ensi en la ville de Louvaing : « Se Gand nous estoit ossi prochaine sans nul contredit que la ville de Brouxelles est, nous serions tout ung avoecq eulx, et eulx avoecq nous. » De toutes leurs devises et leurs paroUes estoient informet li dus de Braibant et la duchesse, mais il convenoit clugnier 15 leurs ieulx et baissier les chiefs, car pas n'estoit heure de parler.

§ 282. Ceulx de Gand, eulx estans en Bruges, i fisent moult de nouvelletés, et avisèrent que il aba- 20 troient au lés devers eulx deux portes et les murs, et feroient emplir les fossés, affin que ceulx de Bruges ne fussent jamais rebelles envers eulx, et, quant il s'en partiroient, il enmenroient cinc cens hommes bourgois de Bruges des plus notables avoecq eux en la ville 25 de Gand, pour quoi il fussent tenu en plus grant [cremeur et] subjection.

Entretemps que ces capitaines se tenoient à Bruges et que il faisoient abatre portes et murs et remplir fossés, il renvoièrent à Ippre et à Courtrai, à Berghes 30 et à Cassiel, à Propringhe et à Bourbourcq, par toutes

les villes et chasteleries de la conté de Flandres sus la marine et dou Franc de Bruges, que tous venissent à l'obéissance à eulx et leur apportassent ou envoiassent les clefs des villes et des chastiaux, en remons- 5 trant service, à Bruges. Tous obéirent, ne nuls n'osa adont contrester, et vinrent tous à obéissance à Bruges à Phelippe d'Artevelle et à Piètre dou Bois. Ces deux se nommoient et escripsoient souverains capitaines de tous, et par especial Phelippes. Celui estoit qui le plus

10 avant s'en ensonnioit et se chargoit des besoingnes de Flandres ; et, tant que il fu à Bruges, il tint estât de prince, car tous les jours par ses raenestrés il faisoit sonner et corner devant son hostel ses disners et ses souppers, et se faisoit servir en vaisselle couverte

15 d'argent, ensi comme s'il fust conte de Flandres; et bien pooit tenir cel estât, car il avoit toute la vesselle d'or et d'argent au conte de Flandres et tous les joiaux, cambres et sommiers qui avoient esté trouvés en l'ostel dou conte à Bruges, ne riens on n'en avoit sauvé.

20 Encores furent envoie une route de Gantois à Maie, un très bel hostel dou conte à demie lieue de Bruges. Ceux qui i allèrent i fisent moût de desrois, car il deschirèrent tout l'ostel et abatirent, et effondrèrent les fons où li contes avoit esté baptisés, et misent à voiture

25 sus chars tous les biens, or, argent et joiaulx, et envoièrent tout à Gand. Le terme de quinse jours, avoit, allant de Bruges à Gand et de Gand à Bruges, tous les jours charians, deus cens chars qui menoient or, argent, vessellemenche, joiaux, draps, pennes et

30 toutes richesses prises et levées à Bruges, de Bruges à Gand; ne dou grant conquest et pillaige que Phelippes d'Artevelle et li Gantois prisent là à celle prise

de Bruges, à paines le polroit on prisier ne extimer, tant i eurent il grant proufit.

§ 283. Quant chil de Gand heurent fait tout leur bon de la ville de Bruges, il envolèrent de Bruges à Gand cinc cens bourgois des plus notables pour là 5 demorer en cause d'ostagerie, et François Acremen et Piètre le Wintre et mil de leurs hommes, qui les convolèrent. Et demora Piètres dou Bois capitaine de Bruges, tant que chil mur, ces portes et chil fosset furent tous mis à l'onni, et adont se départi Phelippes 10 d'Artevelle à quatre mil hommes, et prist le chemin d'Ippre et fist tant qu'il i parvint. Toutes manières de gens issirent au devant de lui et le recueillirent ossi honnourablement comme se ce fust leurs sires naturels qui venist premièrement à terre, et se misent 15 tous à son obéissance; et renouvella maïeurs et eschevins et fîst toute nouvelle loi. Et là vinrent ceulx des chastelleries d'[oultre] Ippre, de Gassiel, de Berghes, de Furnes et de Propringhe, qui tous se misent en son obéissance et jurèrent foi et loiaulté à tenir ossi bien 20 comme à leur seigneur le conte de Flandres. Et, quant il heut ensi exploitié et que il heut de tous l'asseurance, et heut séjourné à Ippre huit jours, il s'en parti et s'en vintàCourtrai, oùil futreceu à grantjoie, ets'i tintcinc jours et envola ses lettres et messages à la ville d'Au- 25 denarde, en eux mandant que il venissent devers lui à obéissance et que trop i avoient mis, quant il veoient que tous li pais se tournoit avec ceulx de Gand, et il demoroient derrière ; et , se che ne faisoient , il se pooient bien venter que temprement il aroient le siège, 30 et jamais de là ne se partiroient si aroient la ville et

la metroient tout à l'onni et à l'espée tout ce que dedans trouveroient.

Quant ces nouvelles vindrent en Audenarde de par Phelippe d'Artevelle, encores n'i estoit point venus 5 messire Daniaux de Halluin, qui en celle saison en fu cappilaine, et n'i estoient que les trois chevaliers dessus nommés, qui respondirent franchement que il ne faisoient compte des menaches d'u[n] varlet, fils d'un brasseur de miel, et que l'eritaige de leur seigneur le 10 conte de Flandres il ne pooient ne voloient pas donner ne amenrir, mais le deffendroient et garderoient jusques au morir. Erisi retourna li messages jusques à Courtrai, et recorda à Phelippe d'Artevelle ceste response.

15 § 284. Quant Philippes d'Artevelle ot oï son message ensi parler que ceulx de la garnison de Audenarde ne faisoient compte de lui ne de ses menaces, si en fu grandement courrouciés et jura que, quoi que il deust couster au pais de Flandres, il n'entendroit jamais à

20 autre chose si aroit pris et rué par terre toute Audenarde ; et disoit que de tout ce faire estoit bien en sa poissance, puis que le pais de Flandres estoit enclins à lui.

Quant il heut séjourné cinc ou sis jours à Courtrai

25 et renouvellée la loi et de tous pris le fcaulté et l'ommage, ossi bien que se il fust conte de Flandres, il s'en parti et retourna à Gand. A l'encontre de lui, on issi à procession et à si grant joie que oncques li contes leurs sires en son temps ne fu de trop receu ossi hon-

30 nourablement comme il fu; et l'aouroient toutes gens comme leur Dieu, pour tant qu'il avoit donné le con-

seil dont leur ville estoit recouvrée en estât et en poissance, car on ne polroit mie dire la grant foison de biens qui leur venoit par terre et par eaue de Bruges, dou Dam et de l'Escluse. Uns pains, n'avoit pas trois sepmaines qu'il i valoit un vies gros, n'i valoit que 5 quatre mittes; li vins, qui valloit vint et quatre gros, n'i valloit que deux gros. Toutes choses estoient à Gand à meilleur temps que à Tournai ou à Valenchiennes.

Phelippes d'Artevelle encharga un grant estât de 10 biaux coursiers et destriers, et avoit son séjour comme uns grans princes, et estoit ossi estofféement dedans son hostel que li contes de Flandres estoit à Lisie, et avoit parmi Flandres ses officiers, baillifs, chastelains, recepveurs [et] sergens, qui toutes les sepmaines rapor- 15 toient la mise très grande devers lui à Gand, dont il tenoit son estât, et se vestoit de sanguines et d'escarlattes, et se fourroit de menu vairs, ensi que faisoit li dus de Braibant ou li contes de Hainnau, et avoit sa chambre aux deniers où on paioit ensi comme li 20 contes ; et donnoit aux dames et aux damoiselles disners, souppers, banquets, ensi comme avoit fait dou tamps passé li contes, et n'espargnoit non plus or et argent que se il lui pleust des nues, et se escripsoit et nommoit en ses lettres Phelippes d'Artevelle, regars 25 de Flandres.

§ 285. Or a li contes de Flandres, qui se tient ens ou chastel de Lisle, assés à penser et à muser, quant il voit tout son pais plus que onques mais rebelle à lui, et ne veoit mie que de sa puissance singulière il 30 le puist recouvrer, car toutes les villes sont si en unité

et d'un accord que on ne les en puet jamais roster, se ce n'est par trop grant poissance, ne on ne parle par tout son pais de Flandres de lui non plus en lui honnourant ne recongnoissant à seigneur, que dont que il 5 n'eust oncques esté. Or lui reviendra l'aliance que il a au duc de Bourgongne, liquels a sa fille madame Marguerite en mariage, dont il a des biaux enfans, bien à point. Or est il heureux que H rois Charles de France est mort et que il i a un jeune roi en France ou gou-

10 vernement de son oncle le duc de Bourgoigne, qui le menra et ploiera du tout à sa voulenté, car, ensi comme de l'osier que on ploie jeune autour de son doi, et, quant elle est aagée, on n'en peut faire sa voulenté, ensi est il dou jeune roi de France et sera,

15 sicomme je croi, car il est de si bonne voulenté, et si se désire à faire et à armer si croira son oncle de Bourgoingne, quant il lui remonstrera l'orgueil de Flandres et comment il est tenus de aidier ses hommes, quant leurs gens veullent user de rébellion. Mais li rois

20 Charles, ce supposent li aucun, n'en heust riens fait; et, se aucune chose en eust fait, il eust attribuée la conté de Flandres au demaine du roiaume de France, car li contes n'estoit point si bien en sa grâce que il heust riens fait pour lui, se il ne sceust bien comment.

25 Nous nous souffrerons à parler de [ces] devises, tant que temps et lieux venrra, et dirons que li contes de Flandres, qui se tenoit à Lisle depuis la grant perte que il avoit eue devant Bruges et dedans Bruges, fist. Il entendi que messires Jehans Bernages, messires

30 Thierris d'Anvaing et messires Florens de Heule tenoient la ville d'Audenarde et avoient tenu depuis la dure besoingne de Flandres avenue devant Bruges, et

bien sçavoit que [ces] trois chevaliers n'estoient mie fors assés de résister contre la poissance de Flandres, se il venoient là pour mettre le siège, ensi que on esperoit que ossi feroient il hastivement. Adont, pour rafreschir la ville d'Audenarde et repourveoir de toutes 5 choses, li contes appella messire Daniel de Halluvin et lui dist : « Daniel, vous en irés en Audenarde, je vous en fois cappitaine, et aies de vostre route cent et cinquante lances de boines gens d'armes, cent arbalestriers et deus cens gros varlets à lances et à pavois. Si sonni[és] 10 de la garnison, car je vous en charge feablement, et le faittes hastivement pourveoir de blés, d'avaines, de chars sallées et de vins par nos bons amis et voisins de Tournai. Il ne nous faulront point sceloncq nostre espoir. » — a Monsigneur, respondi li chevaliers, à 15 vostre ordonnance tout sera fait, et je en prans le faix et la paine de la garde d'Audenarde liement, ne ja mal n'i aviendra par moi ne par ma songne. » — « Je le sçai bien, » dist li contes.

§ 286. Ne demora gaires de temps puissedi que 20 messires Daniel de Halluin, establis capitaine souverain d'Audenarde, s'en vint, à toute la charge que avoir deubt et que baillie lui fu de par le conte, bouter dedans la ville d'Audenarde, dont ceulx qui i estoient furent tous resjoïs ; et i entrèrent le dis et setime jour 25 dou mois de mai et s'i tinrent toute la saison très honnourablement, ensi que vous orrés recorder avant en l'istoire.

Avoec messire Daniel de Halluvin estoient de gens d'armes messires Lois et messires Ghillebers de Lieu- 30 reghien, messires Jehans de Helle, messires Florens

de Heule, messires Blanchars de Galonné, li sires de Rassenghien, messires G[e]rars de Marqueillies, Lambrot de Lambres, Enguerrammet Zendequin, Morelet de Hallwin, Hanghenardin et plusieurs autres cheva- 5 liers et escuiers de Flandres, d'Artois et de la chastelerie de Lisle, et tant que il se trouvoient bien cent et cinquante lances de bonnes gens d'armes, hardis et entreprendans et tous reconfortés d'attendre le siège. Messires Daniel de Halluvin, qui cappitaines estoit, 10 n'encloï en la ville d'Audenarde avoec lui fors toute fleur de gens d'armes, et bien li besoingna.

§ 287. Quant Phiiippes d'Artevelle, qui se tenoit à Gand, enlendi que ceulx d'Audenarde estoient ensi rafreschi de gens d'armes et de pourveances, si dist

15 que il i pourverroit de remède et que ce ne faisoit mie à souffrir, car c'estoit trop grandement ou préjudice et [des]honneur dou pais de Flandres que celle ville se tenoit là ensi ; et dist que il i venroit mettre le siège et jamais ne s'en partiroit si l'aroit abatue et tous ceulx

20 mors qui dedans estoient, chevaliers et autres. Adont fist il un mandement par tout le pais de Flandres que tous feussent apparilliés et venus le nuevime jour du mois de juing devant Audenarde. Nuls n'osa désobéir; tous s'apparillièrent des bonnes villes de Flandres et

25 dou Francq de Bruges, et vinrent mettre le siège devant Audenarde, et s'estandirent par champs, par prés, par mares tout à l'environ. Et là estoit Phiiippes d'Artevelle, leurs souverains cappitaines, par qui il s'ordonnoient tous, qui tenoit grant estât devant Aude-

30 narde. Adont fist il une taille en Flandres que chascuns feus toutes les sepmaines pai[er]oit quatre gros; [si

porteroit le riche le povre]. De ceste taille acquist et assembla Philippes grant argent, car nuls ne nulle n'[estoit] excusés ne déportés que il ne paiast; car il avoit ses sergens espars parmi Flandres pour faire paier povres et riches, volsissent ou non. Et disoit on 5 que il avoit à siège devant Audenarde, quant il furent tout assemblé dou pais de Flandres, plus de cent mille hommes, et fisent ces Flamencq au dessus d' Audenarde en l'Escaut fichier et planter grans [et] gros mairiens, par quoi point de navire de Tournai ne peust venir en 10 Audenarde. Et avoient de toutes choses en l'ost à planté, halles de draps, de pelleteries et de merceries et marchié tous les samedis ; et leur apportoit on des villages environ toutes choses de doulceurs, fruits, beurres, laitaiges, fromages, poullailles et autres 15 choses, et avoit en l'ost tavernes et cabarès ossi boins et ossi plantureux comme à Bruges ou à Bruxelles, et vins de Rin, de Poitou, de France, garnaces, malevaisées et autres vins estranges et à bon marchié. Et pouoit on aler, passer, venir et retourner parmi leur 20 host saulvement et sans péril, voires ceulx de Hainnau, de Braibant, d'Alemaigne et dou Liège, mais non ceulx de France.

§ 2188. Quant messires Daniaulx de Hallwin, capitaine d' Audenarde, entra premièrement en la ville, il 2S fist toutes les pourveances départir onniement et donner à chascun, scelon lui et à sa charge, sa portion, et renvoia tous les chevaulx sur quoi il estoient venu, et fist toutes les maisons près des murs abatre ou couvrir de terre pour le trait dou feu des canons, car en 30 l'ost il en avoient merveilleusement grant fuison ; et

248 CHRONIQXJES DE J. FROISSART. [1382]

fist toutes les femmes et les enfans et les anchiennes gens logier ens es moustiers et plusieurs vuider la ville; et ne demora gaires de chiens en la ville que tous ne feussent mors ou jettes ens es fossés ou en la 5 rivière. Si vous di que les compaignons qui là estoient en garnison faisoient souvent de belles issues dou soir et dou matin, et portoient à ceulx de l'ost grant domaige. Et là avoit entre eulx deux escuiers d'Artois, frères, Lambrot de Lambres et Tristan. Cliil doi

10 par plusieurs fois i lisent de grans apertises d'armes, et ramenoient souvent des pourveances de l'host et des prisonniers, voulsissent ou non leurs ennemis. Ensi se tinrent il tout l'esté, et estoit l'intention de Philippe d'Artevelle et de son conseil que il seroient là tant que

15 il les affameroient, car à l'assaillir il leur cousteroit trop grandement [de leurs gens] , et fisent faire ceulx de Gand, ouvrer et charpenter à force sur le mont d'Audenarde un engin merveilleusement grant, liquels avoit vint pies de large et vint pies jusques à l'estaige et quarante

20 pies de long, et appelloit on cel engin un mouton, pour jetter pierres de fais dedans la ville et tout effondrer. Encores de rechief, pour plus esbahir ceulx de la garnison d'Audenarde, il firent faire et ouvrer une bombarde merveilleusement grande, laquelle avoit cin-

25 quante et trois pois de bée et jetloit quarreaux merveilleusement grans, gros et pesans; et, quant celle bombarde desclicquoit, on l'ooit par jour bien cinq lieues loing et par nuit de dix, et menoit si grant tempeste au desclicquer que il sambloit que tous les dea-

30 blés d'enfer feussent sur le chemin. Encores fisent faire ung engien les Gantois et assoir devant la ville, qui jetloit vint croiseules de cuivre tout boulant. De

tels engiens, de canons, de bombardes, de truies et de moutons se mettoient en paine ceulx de Gand de adomagier ceulx de Audenarde ; et de tout ce se confortoient bellement les compaignons qui dedans estoient, et remedioient à l'encontre, et faisoient des issues 5 trois ou quatre la sepmaine, dont il avoient plus d'onneur que de blasme et de proufit que de domaige.

§ 289. Entretemps que on seoit devant Audenarde, se départirent bien douse cens hommes de l'ost et s'avisèrent que il iroient voir là le plat pais et abatre et fus- 10 ter les maisons des chevaliers qui issus de Flandres estoient et venus demorer en Hainnau, en Braibant et en Artois, eulx, leurs femmes et leurs enfans. Si acomplirent tous leurs propos chil routier et lisent moût de desrois parmi Flandres, et ne laissièrent oncques mai- 15 sons ne ostels de gentils hommes, que tous ne feussent ars et rués par terre. Et s'en vinrent de rechief à Maie, l'ostel dou conte, et le parabatirent, et trouvèrent le repos où li contes avoit esté mis d'enfance, et le despechièrent par pièces, et le cuvelette où on l'avoit bai- 20 gnié et la despechièrent ossi toute. Et abatirent la chappelle et aportèrent la cloche, et puis s'en vinrent à] Bruges, et là trouvèrent il Piètre dou Bos et Piètre le Wintre, qui leur fissent bonne chière, et, de ce que il avoient fait, il [leur] dissent que il avoient trop 25 bien exploitiet.

Quant chil routier se furent rafresqui quatre jours, il prissent leur chemin vers le pont à Warneston, et passèrent le rivière dou Lis et s'en vinrent devant le ville de Lille, et abatirent aucuns moulins à vent et 30 boutèrent le feu en aucuns villages devers Flandres.

Adont s'armèrent cil de Lille et s'en vuidièrent à piet et à cheval plus de quatre mille ; et en i ot ratains de ces Flamens : si en i eut des mors et des pris à qui on trencha depuis à Lille les testes, et, se il euissent esté 5 bien poursieui, ja pies n'en fust escapés. Toutesfois, cil routier de Gand entrèrent en Tournesis et i fissent moult de desrois et ardirent la ville de Helchin et des autres villages environ qui sont dou roiaulme de France, et retournèrent à tout grant proie au siège

10 d'Audenarde.

Ces nouvelles vinrent au duc de Bourgongne, qui se tenoit à Bapaumes en Artois, comment li Gantois avoient courut, ars et pilliet sour le roiaulme de France. Si en escripsi tantos tout le convenant li dus

15 de Bourgongne devers son nepveut le roi de France, qui se tenoit à Compiègne, et aussi au duc de Berri, son frère, et au duc de Bourbon et au conseil dou roi, afin que il en euissent avis, et ne vosist mie li dus de Bourgongne que ce ne fust avenut et que li Flament

20 euissent autrement fait, car il suposoit bien que encores en conven[r]oit ensonniier le roi de France : autrement ses sires li contes ne revenroit jamais à l'iretage de Flandres; et ossi, tout considéré, ceste guerre le regardoit trop grandement, car il estoit de par sa

25 femme, après la mort de son signeur le conte, hiretiers de Flandres.

§ 290. En che tamps se tenoit li contes de Flandres

à Hesdin. [Si] li fu recordé comment li routier de Gand

avoient esté à Malle et abatu l'ostel ou despit de lui,

30 et le cambre où il fu nés arse, et les fons où il fu

batissiés rompus, et le repos où il fu conciliés enffes,

armoiiés de ses armes, qui estoit tout d'argent, et la cuvelette ossi où on l'avoit d'enffanche bagniet, qui estoit d'or et d'argent, toute deschirée et aporté[e] à Bruges, et là fait leurs galles et leurs ris; [ce] li vint et tourna à grant desplaissance. 5

Si eut li contes, lui estant à Hesdin, tamainte imagination, car il veoit tout son pais perdu et tourné contre lui, excepté Tenremonde et Audenarde, et ne veoit nul recouvrier de nul costé, fors de la poissance de France. Si s'avisa, tout considéré, que il venroit 10 parler à son fil le duc de Bourgongne, qui se tenoit à Bappaumes, et li remonstrer ses besongnes. Si se départi de He[s]din et s'en vint à Arras, et là se repossa deus jours. A l'endemain il vint à Bappaumes; si descendi à l'ostel dou conte, qui estoit siens, car 15 pour ce tamps il estoit contes d'Artois, car sa dame de mère estoit morte. Li dus de Bourgongne, ses fils, eut grant compation de lui et le reconforta moult doucement, quant il l'eut oï complaindre, et li dist : « Monsigneur, par la foi que je doi à vous et au roi, je 20 n'entenderai jamais à autre cose si serés resjois [de vos] mescances, ou nous parperderons tout le demorant, car ce n'est pas bon ne cose deue de tel ribaudaille, comme il sont ores en Flandres, laissier gouvrener un pais, et toute chevalerie et gentillèce en 25 poroit estre honnie et destruite, et en conséquent sainte crestiennetlé. » Li contes de Flandres se reconforta parmi tant que li dus de Bourgongne li eut en convenant de aidier, et prist congiet à lui et s'en revint en la chitté d' Arras. A ce jour i tenoit li contes de 30 Flandres plus de deus cens hommes des bonnes villes de Flandres [ostagiers], et estoient au pain et à l'aighe

en diverses prisons, et leur disoit on tous les jours que on leur trenceroit les testes, ne il n'en atendoient autre cose. Quant li contes fu venus [à] Arras, il les fist en l'onneur de Dieu et de Nostre Dame tous délivrer, 5 car bien veoit, à ce qui avenoit en Flandres, que il n'avoient nulles coupes, et leur fist jurer à estre bons et loiaux envers lui, et puis leur fist délivrer à cascun or et argent pour aler à Lille ou à Douai ou ailleurs, là où mieux leur plairoit, dont li contes acquist grant 10 grâce. Et puis se départi li contes d'Arras, et s'en retourna à He[s]din, et là se tint une espasse.

§ 291 . Li dus de Bourgongne ne raist mies en oubli les convenances qu'il avoit eues à son signeur de père, le conte de Flandres. Si se départi de Bappaumes,

15 messire Gui de la Tremoulle en sa compaignie et messire Jehan de Viane, amiral de France, qui rendoient grant paine de conseil à ce que li contes fust confortés ; et cil doi estoient li plus grant et li plus haut de son conseil. Tant chevaucha li dus de Bourgongne

20 avoecques sa route que il vint à Senhs, où li rois estoit et si doi oncle, Berri et Bourbon. Si fu là recheus à joie et puis demandés des nouvelles de Flandres et dou siège d'Audenarde. Li dus de Bourgongne, à ces premières paroUes, en respondi moult

25 sagement au roi et à ses oncles; et, quant che vint au loisir, il traist à une part son frère le duc de Berri, et li remonstra comment cil Gantois orgilleux se mettoient en paine de destruire toute gentillèce, et ja avoient il ars et pilliet sus le roiaulme de France, qui

30 estoit une cose moult préjudiciable, à la confusion et vitupère dou roiaulme, et que on ne leur devoit mies

souffrir. « Biaux frères, li dist li dus de Berri, nous en parlerons au roi. Nous sommes, je [et] vous, li doi plus hault de son conseil : le roi enfourmé, nuls n'ira au devant de nostre entente ; mais , à esmouvoir guerre le roi de France et le roiaulme à Flandres, qui 5 ont esté en bonne pais ensamble, il convient que il i ait title et que li baron de France i soient conjoint. Autrement nous en seriens demandé et encoupé, car li rois est jones, et sévent bien toutes gens que il fera en partie ce que nous vorons et li consillerons. Se biens 10 l'em prendoit, la cose se paseroit en bien ; se maus li en venoit, nous en seriens demandé et trop plus blasmé que li autre et à bonne cose, et diroit on partout : « Veés les oncles dou roi, le duc de Berri et le duc de Bourgongne, comment il l'ont consilliet jove- 15 nement ! Il l'ont bouté en guerre et le roiaulme de France, dont il n'eust que faire. » Pour quoi je di, biau frère, que nous mêlerons ensamble le grigneur partie des prelas et des nobles dou roiaulme de France et leur remonsterons, le roi présent, vous personnel- 20 lement à qui il en touche pour l'iretage de Flandres, toutes ces incidensses. Nous [verrons] tantos la générale volenté dou roiaulme. » Respondi li dus de Bourgongne : « Biaux frères, vous parlés bien, et ensi sera fait com vous le dittes. » 25

A ces parolles evous le roi, qui entra en la cambre où si doi oncle estoient, un esprivier sus son puing, et se feri en leurs parolles, et leur demanda moult liement en riant : « De quoi parlés vous maintenant, mi bel oncle, en si grant conseil? Je le saroie volentiers, 30 se c'est cose que on puist savoir. » — « Oïl, Monsigneur, dist li dus de Berri, qui fu avissés de parler,

car à vous en apartient de ce conseil grandement. Veschi vostre oncle, mon frère de Bourgongne, qui se complaint à moi de ceulx de Flandres; car li villain de Flandres ont bouté hors de leurs hiretages le conte de 5 Flandres, leur signeur, et tous les gentils hommes, et encores sont il à siège devant la ville d'Audenarde plus de cent mille Flamens, qui ont là assis grant fuisson de gentils hommes, et ont un cappitaine qui s'appelle Phelippes d'Artevelle, pur Englois de corage,

\0 liquels a juret que jamais de là ne partira si ara sa volenté de ceulx de sa ville, se vostre poissance ne l'en liève, tant i a il réservé. Et vous, qu'en dites? Volés vous aidier vostre cousin de Flandres à raquerir son hiretage, que chil villain par orguoel et cruaulté

15 li tollent et efforcent? » — « Par ma foi, respondi li rois, biaus oncles, oïl, je en sui en très grant volenté, et, pour Dieu, que nous i alons : je ne désir autre cose que moi armer, et encores ne m'armai je onques. [Si] me fault il, se je voel resgner en poissance et en hon-

20 neur, aprendre les armes. »

Chil doi duc regardèrent l'un l'autre, et leur vint grandement à plaissance la parolle que li rois avoit respondu; et dist encores li dus de Berri : « Monsigneur, vous avés bien parlé, et à ce faire vous estes

25 tenus par pluiseurs raisons. On tient la conté de Flandres dou demaine de France, et vous avés juré, et nous pour vous, à tenir en droit vos hommes et vos lièges, et ossi li contes de Flandres est vos cousins, et si portés de ses cauches, par quoi vous li devés

30 amour; et, puisque vous en estes en boine volenté, ne vous en ostés jamais, et en parlés enssi à tous ceulx qui vous en parleront, car nous asamblerons

hastéement les prelas et les nobles de vostre roiaulme, et leur remonsterons, présent vous, toutes ces coses. Si parlés ensi hault et cler que vous avés ichi parlé à nous, et tout dirons : « Nous avons roi de haulte emprise et de bonne volenté. » — « Par ma foi ! 5 biaux oncles, je voroie que che fust à dematin aler celle part, car, de or en avant, che sera le plus grant désir que je arai que je voise en Flandres abatre l'orgoel des Flamens. » De ceste response orent li doi duc grant joie. 10

Adont vint là li dus de Bourbon. Si fu appelles des deus dus, et li recordèrent toutes les parolles que vous avés oies et la grant volentet que li rois avoit d'aler en Flandres, dont li dus de Bourbon ot grant joie. Si demorèrent les coses en cel estât, mais li rois escripsi, 15 et si oncle ossi, à tous les signeurs dou conseil dou roiaulme de France, que il venissent sus un jour, qui asignés i estoit, à Compiengne, et que là aroit parlement pour les besongnes dou roiaulme de France. Tout obéirent, che fu raisons, et sachiés que li rois estoit 20 si resjois de ces nouvelles et si pensieus en bien [acomplir son plaisir], que il n'en pooit hors, et disoit trop souvent que tant de parlemens tenoit on pour faire bonne besongne : « Il me samble que, quant on voelt faire et emprendre aucune besongne, que on ne le 25 doit point tant démener, car, au detriier, on avisse ses ennemis. » Et puis se dissoit encores oultre, quant on li metoit devant les périls qui venir en pooient : « Oïl, oil ; qui onques rien n'enprist riens n'achieva. » Enssi se divissoit li jovenes rois de France, et gengloit 30 à le fois as chevaliers et as escuiiers de sa cambre, qui dalés lui estoient et qui le servoient. Or vous voel jou

recorder de un songe qui lui estoit avenu en celle saisson, lui estant en la citté de Senlis, et sur quoi il s'ordonna de sa devise dou cerf voilant, sicom je fui adont enfourmés.

5 § 292. Advenu estoit, point n'avoit lonc terme, au jone roi Charle de France, entrues que il sejournoit en la citté de Senlis, que, en dormant en son lit, une vission li vint, et li estoit proprement avis que il se trouvoit en la citté d'Arras, où onques à che jour

10 n'avoit esté, et là estoit et toute la fleur de la chevalerie de son roiaulme, et là venoit li contes de Flandres à lui, qui li aseoit sus son poing un faucon pèlerin moult gent et moult biel, et li dissoit enssi : a Monsigneur, je vous donne à bonne estrine ce faucon pour

15 le milleur que je veisse onques, le mieux volant, le mieux et le plus gentieument cauçant et le mieux abatant oisiaux. » De ce présent avoit li rois grant joie, et disoit : « Biaux cousins, grant merchis. » Adont estoit il avis au roi que il regardoit sus le con-

20 nestable de France, qui estoit dalés li, messire Olivier de Clichon, et li disoit : « Connestables, alons, vous et moi, as camps pour esprouver che gentil faucon que mon cousin de Flandres m'a donné. » Et li connestables respondoit : a Sire, alons. » Adont montoient

25 il as chevaulx entre eus deus seulement, et venoient as camps, et prendoit li connestables ce faucon de la main dou roi, et trouvoient moult bien à voler et grant fuisson de hairons. Adont dissoit li rois : a Connestables, jettes l'oiseil, si verons comment il cachera

30 et volera. » Et li connestables le jettoit; et cils faucons montoit si haut que à paines le pooit il cuesir en l'air,

et prendoit son chemin sus Flandres. Adont disoit li rois au connestable : « Connestables, chevauchons après mon oiseil; je ne le voel pas perdre. » Et li connestables li acordoit, et chevauchoient, cheestoitil vis au roi, au ferir des espérons parmi uns grans mares, 5 et trouvoient un bois trop durement fort et drut d'espines et de ronses et de mauvais bos à chevauchier. Là dissoit li rois : « A piet! à piet! nous ne poons passer che bos à cheval. » Adont descendoient il et se mettoient à piet; et varlet venoient, qui prendoient lo les chevaulx, et li rois et li connestables entroient en che bos à grant paine, et tant aloient que il venoient en une trop ample lande, et là veoient le faucon qui cachoit hairons et abatoit, et se combatoit à eulx et eulx à lui; et sambloit au roi que ses faucons i faisoit 15 très grant fuisson d'apertisses et cachoit oisiaulx devant lui et tant que il en perdoient la veue. Adont estoit li rois trop courouchiés que il ne pooit sieuir son oisel, et dissoit au connestable : « Je perderai mon faucon, dont je avérai grant anoi, ne je n'ai loire 20 ne ordenance dont je le puisse réclamer. » En che sousi que li rois avoit, li estoit vis que uns trop biaux chers qui portoit douse [rains], et à elles, apparoit à iaulx en issant hors de ce fort bois et venoit en celle lande, et s'enclinoit devant le roi ; et li rois dissoit au connes- 25 table, qui regardoit ce cerf à mervelles et en avoit grant joie : « Connestables, demorés ichi; je monterai sus che cerf qui se représente à moi, et sieurai mon faucon. » Li connestables li acordoit. Là montoit li Jones rois de grant volenté sus che cerf volant, et 30 s'en aloit à l'aventure après son faucon ; et chils chers, comme bien dotrinés et avissés de faire le plaisir dou

roi, le portoit par desus les grans bois et les haulx arbres. Et veoit que ses faucons abatoit oisiaux à si grant plenté que il en esloit tous esmervilliés comment il pooit ce faire, et sambloit au roi que, quant cils 5 faucons ot asés volet et abatu de hairons et de oisiaux tant que bien devoit souffire, li rois reclama son faucon; et tantos cils faucons, comme bien duis, s'en vint assir sus le poing dou roi. Et estoit vis au roi que il reprendoit le faucon par les longues et le metoit

10 à son devoir, et cils cers ravaloit par desus ces bois et raportoit le roi en la propre lande là où il l'avoit encargié et où li connestables de France le atendoit, qui avoit grant joie de sa venue. Et, sitos comme li rois fu là venus et descendus, li cers s'en raloit et

15 rentroit au bos, et ne le veoient plus ; et là recordoit li rois au connestable, che li estoit vis, comment il li estoit avenu, et dou cerf comment il l'avoit doucement porté. « Ne onques, dist li rois, je ne chevauchai plus aise. » Et li recordoit encores la bonté de

20 son faucon, comment il avoit abatu tant d'oisiaulx que il en estoit esmervilliés, et li connestables l'ooit volentiers. Adont venoient li varlet qui les poursieuoient, qui raraenoient leurs chevaulx; si montoient sus, et trouvoient un chemin bel et ample qui les ramenoità

25 Arras. Adont s'esvilloit li rois, et avoit grant mervelle de celle vission, et trop bien li souvenoit de tout, et le recorda à aucuns de ceulx de sa cambre, qui le plus prochain li estoient; et tant li plaissoit li figure de che cerf que à paines en imaginations il n'en pooit

30 partir, et fu li une des incidenses premiers, quant il descendi en Flandres combatre les Flamens, pour quoi le plus il encarga en sa devise le cerf voilant à porter.

Nous nos Boufferons un petit à parler de li, et parlerons de Phelippe d'Artevelle et des Flamens qui se tenoient à siège devant la garnisson et ville d'Audenarde.

§ 293. Phelippe d'Artevelle, quoi que il li fust bien 5 avenu en son commenchement de la bataille de Bruges et que il euist eu là celle grâce et celle fortune de desconfire le conte et ceulx de Bruges, n'estoit mies bien soutils de guerres ne de faire sièges, car de jonèche il n'i avoit point esté nouris ne introduis, 10 mais de pesquier à le verghe as pissons en la rivière dou Lis et de l'Escaut. De cela faire avoit il estet grans coustumiers, et bien le monstra, lui estant devant Audenarde, car onques ne sceut la ville assir et quidoit bien, par grandeur et présomption qui 15 estoit en lui, que chil d' Audenarde se deuissent de fait venir rendre à lui; mais il n'en avoient nulle volenté, ainçois se portoient comme très vaillans gens, et faissoient souvent [de belles] issues, et venoienl escarmuchier as barrières à ces Flamens, et en 20 ochioient et mehaignoient, et puis si se i^etraioient en leur ville sans damage; et de ces apertisses, issues et envaïes Lambert de Lambre et Tristrans, ses frères, et li sires de L[ieur]eghien en avoient grant renommée.

Li Flament regardèrent que li fosset d'Audenarde 25 estoient larghe et rempli d'iaue : [si] ne les pooit [on] aprochier pour asalir fors à grant paine. Si fu consilliet et avisset entre iaulx que il asambleroient sus les fossés grant fuisson de fagos et d'estrain, pour raemplir les fossés et pour venir jusques as murs et 30 combatre à eux main à main. Ensi comme il fu

ordonné, il fu fait. On ala as bos lontains et prochains, et commença on à fagoter fagos à grant plenté et à aporter et à chariier sus les fossés et là faire moies, pour plus esbahir ceulx de la garnison ; mais li com- 5 paignon n'en faissoient compte, et disoient que, se traison ne couroit entre eulx de ceulx de la ville, il n'avoient garde pour siège que il veissent ; et de ce trait, messires Daniaux de Haluin, qui capitaine en estoit, pour li oster de toutes doubtes, estoit si au

10 desus de ceulx de la ville nuit et jour que il n'avoient poissance, ordonnance ne regard [nul] sus eux, et n'osoit nuls homs de la nation d'Audenarde, nuit ne jour, aler sus les murs de la ville sans la compaignie des saudoiiers estragniers : autrement, qui i fust trou-

15 vés, il estoit de corection ou point de perdre la teste.

Enssi se tint là li sièges tout che tamps, et estoient

li Flament en leur ost moult au large de tous vivres

qui leur venoient par mer et par les rivières, car il

estoient signeur de tout le pais de Flandres, et avoient

20 ouvert et aparilliet les pais de Hollande, de Zellandes et de Braibant et ossi une partie de Ilainnau, car toudis en larechin li villain et li paissant de Hainnau, pour gaegnier, leur menoient en leur ost assés de vivres.

25 ChilsPhelippes d'Artevelle avoit le corage trop plus englois que franchois, et euist volentiers veu que il se fuissent ahers et aloiiet avoecques le roi d'Engletière et les Englois, par quoi, se li rois de France ne li dus de Bourgongne venoient sus eux à main armée

30 pour recouvrer le pais, il en fuissent aidiet et confortet et consilliet. Et ja avoit Phelippes en son ost bien deus cens Englès, archiers d'Engletière , liquel s'es-

[1382] LIVRE DEUXIÈME, § 29'l. 261

toient emblet de leurs gages de Calais et là venu pour gaegnier, desquels archiers il avoit grant joie, et estoient cil très bien paiiet toutes les sepmaines.

§ 294. Phelippes d'Artevelle, pour coulourer son fait et pour veoir quel cose on disoit et diroit de lui 5 en France, se avisa que il escriproit et feroit escripre le pais de Flandres au roi de France, en eux humeliant et en priant que li rois se vosist ensonniier de eux remettre en parfaite paix et amour envers leur signeur le conte. De ceste imagination il fu creux sitretos 10 comme il en parla à ses gens, et escripsi unes lettres moult douces et moult amiables devers le roi de France et son conseil; et les baillièrent [à] un mesagier à cheval Phelippes et ses consaulx, et li disent (jue il s'en alast devers le roi de France et li baillast ces 15 lettres. Chil respondi que volentiers, et chevaucha tant par ses journées que il vint à Senlis. Là trouva il le roi et ses trois oncles; si délivra ses lettres. Li rois les prist et les fist lire, présent ses oncles et son conseil. Quant on les ot lentes et entendues, on n'en 20 fist que rire, et fu adont ordonné de retenir le mesagier et dou mettre em prison pour tant que il estoit venus en la présence dou roi sans sauf conduit; et lors fu mis en prison et i demora plus de sis sepmaines, Phelippes d'Artevelle le sceut, car ses mesa- 25 giers point ne retournoit : si le prist en grant indination, et fist venir devant lui toutes les cappitaines de l'ost, et leur dist : « Or, veés vous quelle honneur li rois de France nous fait, quant si amiablement nous li avons escript, et sur ce il a retenu nostre mesagier! 30 Certainement, nous mettons trop longuement à nous

fortefiier dou costé d'Engletière; [si] nous en poront bien maulx prendre, car ne pensés ja dou contraire que li dus de Bourgongne, qui est tout en France maintenant et qui maine le roi enssi comme il voelt, 5 car c'est uns enffes, doie laissier les besongnes avenues en cel estât; certes nenil, et exemple par nostre mesagier que il a retenu. Et si avons trop bien cause et matère de envoiier en Engletière, tant pour le commun pourfit de Flandres que pour nous mettre à seur et

10 donner double à nos ennemis. Je voel bien, dist Phelippes, que nous envoions en Engletière dis ou douse de nos hommes des plus notables, par quoi la congnissance en viengne en France, et que li rois et ses consaulx quide que nous nos volons aloiier au roi

15 d'Engletière, son aversaire; mais je ne voel mies que tels aliances soient sitretos faites, se il ne nous besongne autrement que il ne face encores ; mais voel que nos gens demandent au roi d'Engletière et à son conseil d'entrée, et de ce avons nous juste cause de deman-

20 der, la somme de deus cens mille vies escus que Jaquemes d'Artevelle, mes pères, et li paix de Flandres prestèrent jadis au roi d'Engletière, lui estant devant Tournai, pour aidier à paiier ses saudoiiers, et que on die au roi d'Engletière et à ses oncles et à

25 tous leurs consaulx que la conté de Flandres generallement et les bonnes villes de Flandres qui jadis fissent ce prest, font de tout ce ravoir requeste et demande. Et, quant on nous ara rendu et restitut; che en quoi li rois d'Engletière et li roiaulmes est par debte endeb-

30 tés et tenus et obligiés envers nous, li rois d'Englelère et ses gens aront belle entrée de venir en Flandres. Encores vault mieux, che dist Phelippes, que nous nos

aidons dou nostre que H estragnier, et jamais ne le poons ravoir plus legierement que maintenant, car H rois d'Engletière et li roiaulmes d'Engletière ne se eslongeront mie de avoir l'entrée, l'amour, le confort et l'aliance d'un tel pais comme à présent est la conté 5 de Flandres, car encores n'ont li Englès dessus les bendes de mer mouvant de l'Escluse jusques à Bourdiaux, excepté Callais, Chierebourc et Brest, nulle entrée par où il puissent passer en France. [Si] leur venra li pais de Flandres grandement à point, car 10 Bretaigne, excepté Brest, leur est toute close, et est li dus de Bretaigne jurés à estre bon François, et, se il ne l'estoit, [sij le devenroit il pour l'amour de son cousin germain, no signeur le conte de Flandres. » Adont respondirent tout cil qui entendu l'avoient et 15 qui à ce conseil estoient, et dissent : « Phelippe, vous avés très bien dit et sagement parlé, et nous volons que il soit enssi que vous l'avés ordonné et devisé, et qui ordonneroit dou contraire, il ne voroit pas le pourfit de Flandres. »

§ 295. Phelippes d'Artevelle ne séjourna pas adont longhement, mais ordonna sus che conseil et pourpos, et en escripsi à Piètre dou Bos et à Piètre le Wintre, qui estoient à Bruges cappitaines, et ossi à ceulx de Ippre et de Courtrai. Il sambla à cascun bon de enssi 25 faire : si furent esleu et avisé des bonnes villes de Flandres de cascune un bourgois ou deux, et de la ville de Gand sis. Et tout premiers François Acremen i fu esleux. Basses de le Vorde, Lois de Vos, sire Jehan Scotelare, Martin Vandreware, Jacob de Brouère 30 et uns clers qui estoit esleus à estre evesques de

Gand de par Urbain, car maistres Jelians de West, qui avoit esté doiens de l'église Noslre Dame de Tournai, avoit aviset en son tamps que on feroit un evesque en Gand, qui posesseroit des pourfis que li evesques 5 de Tournai i devoit avoir, mais en ce procurant il estoit mors. Or estoit revenus avant uns clers de la ville de Gaind et de très bon linage en Gand, qui s'appelloit [Baude Quintin], et cil s'en ala avoecques leurs gens en Engletière, et l'i envoia Phelippes d'Artevelle,

10 pour aidier à faire ces traitiés, car il estoit de son linage. Quant cil douse bourgois de Gand et de Flandres furent tout ordonné et apparilliet et cargiel et enditté de ce que il dévoient faire et dire, si prissent congiet à leurs gens et se départirent dou siège d'Au-

15 denarde environ l'entrée dou mois de jullet, et chevauchièrent vers Ippre et de là à Bourbourc, et puis à Gravelines, et esploitièrent tant que il vinrent à Calais. Le capitaine de Calais, messires Jehans d'Ewrues, les requella liement quant il sceut que il voloient aler en

20 Engletière, et les pourveï de nefs pasagière[s], et ne séjournèrent à Calais que trois jours. Quant il se partirent, et eurent [vent à] volenté et furent tantos à Douvres, et chevauchièrent tant parmi Engletière que il vinrent à Londres. Et partout estoient bien venut,

25 cspecialment dou commun d'Engletière, quant il dissoient que il estoient de Gaind, pour tant que li Gantois s' estoient si bien porté que il avoient descontît le conte et se poissance et estoient signeur dou pais ; et dissoient que Gantois estoient bonnes gens.

30 En che tamps que chil de Gand arivèrent à Londres, estoit li rois d'Engletière et ses consaulx messires Jelians de Montagut, messires Simons Burlé et mes-

sires Guillaumes de Biaucamp à Westmoustier, pour ahireter messire Perducas de Labreth de toute la tère et baronnie de Chaumont en Gascongne, laquelle tère estoit en la main dou roi pour fair[e] eut sa volenté, et je vous dirai par quel manière. Messires Jehans de 5 Chaumont et messires Alixandres, ses frères, estoient, grant temps avoit, mors sans hoirs; si estoit leurs hiretages, selonc l'usage de Gascongne, retournés à leur liège signeur, le roi d'Engietière. Li rois Edouwars dou tamps passet l'avoit donnet à messire Jehan Cam- 10 dos, et le tint tant comme il vesqui. Après sa mort, il le rendi à messire Thumas de Felleton. Or estoit nouvellement messires Thumas mors; si estoit la terre en la main dou roi d'Engietière, laquelle terre ne pooit longhement estre sans gouvreneur demorant 15 sus, car elle joinst et marchist à la tère le signeur de Labreth, qui pour che tamps estoit bons Frans. Si fu regardé et avisé dou conseil le roi d'Engietière que messires Perducas de Labreth, qui avoit servis les rois d'Engietière Edouwart et Richart et le prince et le 20 pais de Bourdelois bien et loiaument plus de trente ans, estoit bien mérites de avoir telle terre, et que il le garderoit bien et deffenderoit contre tout homme.

§ 296. Messires Perducas de Labreth, quant il rechut le don de la terre de Chaumont en Gascongne, dist 25 enssi au roi qui l'en pourveoit et ahiretoit, présent les nobles de son pais : « Sire, je preng et rechoi cel hiretage pour moi et pour mon hoir, à condition telle que contre tous hommes je vous servirai et ferai servir de mon hoir ensieuant, excepté contre l'ostel de 30 Labreth ; mais contre cellui dont je sui issus ne

ferai je ja guerre tant que on m'i voelle laissier mon hiretage en paix. » Li rois et ses consaulx respondirent que Dieux i eust part, et que enssi on li deliveroit.

5 Or vous dirai, puis que en ceste matère je sui, que il avint de raessire Perducas de Labreth. Quant il fu venus en Gascongne et il eut pris la posession de la terre, et que messires Jehans de Noefville, senescaulx de Bourdiaulx et de Bourdelois pour le tamps, l'en

10 ot mis en posession par la vertu des lettres dou roi d'Engletière que il monstra, li sires de Labreth en ot grant joie, car bien savoit que ses cousins ne li feroit point de guerre. Et demorèrent ces terres de Labreth et de Caumont toutes en paix, et tenoit à amour li

15 sires de Labreth grandement son cousin, car il contendoit à ce que après son dechiès il le vosist mettre en posession des castiaulx qui sont en la baronniie de Chaumont ; mais Perducas n'en avoit nulle volenté, et avint que il s'acoucha malades au lit de le mort.

20 Quant il vei que morir le convenoit, il appella tous les hommes de la terre et fîst devant lui venir un sien cousin, un jone escuier et bon homme d'armes, qui s'appelloit [Perducet], et li dist : « [Perducet], je te raporte, en la présence de mes hommes, toute la terre

25 de Chaumont. Si soies bons Englès et loiaus envers le roi d'Engletière, dont li dons m'en vient, mais je voel que à l'ostel de Labreth, dont nous issons, tu ne faces point de guerre, se il ne te sourquièrent ou efforcent. » Li escuiers respondi liement, qui tint à grant che don :

30 « Sire, volentiers. » Enssi fu [Perducès] de Labreth sires de Chaumont en Gascongne, et morut messires Perducas, qui en son tamps avoit esté uns grans capi-

tains de gens d'armes et de routes ; de li ne sai je plus avant.

§ 297. Quant cil Gantois furent venu à Londres, leur venue fu tantos segnefie au roi et à son conseil. On envoia devers eux pour savoir quel cose il voloient 5 dire. Il vinrent tout en une compaignie au palais à Wesmoustier, et là trouvèrent premièrement le duc de Lancastre, le conte de Bouquighen, le conte de Saleberi, le conte de Kemt, messire Jehan de Montagut, maistre d'ostel dou roi, messire Simon Burlé, 10 messire Guillaume de Windesore et la grigneur partie dou conseil dou roi ; et n'estoit mies li rois presens à celle première venue. Ces gens de Gand et de Flandres enclinèrent ces signeurs d'Engletière , et puis commencha li clers esleux de Gand à parler pour tous, 15 et dist enssi : « Mi signeur, nous sommes chi venu, et envoiiet de par le bonne ville de Gand et tout le pais de Flandres, pour avoir conseil, confort et aide dou roi d'Engletière sus certains articles et bonnes raisons que il i a de aliances anchiennes entre Engletière et 20 Flandres. Si le[s] voilons renouveller, car il besongne au paix de Flandres à présent, car il est sans signeur et n'ont les bonnes villes et li paix que un regard, c'est uns homs qui s'appelle Phelippes d'Artevelle, liquels princhipaument se recommende au roi et à 25 vous tous qui estes de son conseil, et vous prie que vous requelliés ce don en bien, car, où li rois d'Engletière voira ariver en Flandres, il trouvera le pais ouvert et aparilliet pour reposer, rafresquir et demorer tant comme il lui plaira, lui et ses gens, et pour 30 mener avoecques lui dou paix de Flandres cent mille

hommes tous armés. Mais oultre, li paix fait requeste que de deus cens mille vies escus que jadis Jakemes d'Artevelle et les bonnes villes de Flandres prestèrent au roi Edouwart de boine mémoire au siège de Tour- 5 nai et ensieuant au siège de Calais, il les voellent ravoir, et est li intention des bonnes villes de Flandres, anchois que les aliances passent oultre, que la somme que dit est soit misse avant, et, là où elle le sera, li rois d'Engletière et tout li sien pueent bien dire que

10 il sont amit as Flamens et que il ont entrée à leur volenté en Flandres. » Quant li signeur eurent oï ceste paroUe et requeste, il regardèrent l'un l'autre et commenchièrent li aucun à sousrire. Adont parla li dus de Lanclastre, et dist : « Biau signeur de Flandres, vostre

15 parolle demande bien à avoir conseil, et vous vous retrairés à Londres, et li rois se consillera sur vos requestes, et vous en responderons tellement que bien vous devera par raison souffire. » Chil Gantois respondirent : « Dieux i ait part! » Adont issirent il

20 hors de la cambre, et li signeur dou conseil demorèrent qui commenchièrent à rire entre eux et à dire : « Et ne avés vous oï ces Flamens et les requestes que il ont faites? Il prient à estre consillié, conforté et aidié, et dient que il leur besongne, et [si] demandent

25 avoec tout ce à avoir nostre argent. Ce n'est pas requeste raisonnable que nous paions et si aiderons. » Lors se départi li consaulx sans riens plus avant adont consillier, et assignèrent journée de estre de rechief ensamble. Et li Gantois s'en retournèrent à Londres,

30 et là se logièrent et s'i tinrent un grant tamps, car il ne pooient estre respondu [du] roi ne de son conseil, car li conssaus d'Engletière sus leurs requestes estoit

en grant difFerent et [tenoit] les Flameiis à orguilleux et presomptieux, quant il demandoient à ravoir deus cens mille escus, si anchienne debte que de quarante ans. Onques cose ne cheï si bien à point pour le roi de France, qui voloit venir sus Flandres, que ceste 5 cose fist qui fu enssi démenée, car, se li Flament n'euissent point demandé la somme des florins dessus dis et n'euissent singulièrement fors requis le roi d'Engletière de confort et de aide, li rois d'Engletière fust venus en Flandres ou euist envoiiet si poissanment que 10 pour atendre à bataille, avoecques l'aide des Flamens qui estoient adont tout ensamble, la poissance dou plus grant signeur dou monde ; mais il ala tout autrement, dont il leur en mesvint, sicom vous orés recorder avant en l'istore. 15

§ 298. Nouvelles vinrent en France au conseil dou roi que Phelippes d'Artevelle, qui avoit le corage englois, et li pais de Flandres avoient envoiet en Engletière une quantité de homes des villes de Flandres, pour faire aliances au roi d'Engletière et as 20 Englès ; et couroit vois enssi que li rois d'Engletière à poissance venroit en celle saisson ariver en Flandres, et se tenroit en Gand. Ces nouvelles et ces coses estoient assés à soustenir et à croire que li Flament se fortefieroient en aucune manière. Adont fu avissé ou conseil 25 dou roi que le messagier Phelippe d'Artevelle, que on tenoit en prison, on deliveroit, et que au voir dire on n'avoit nulle cause dou tenir. Si fu délivrés et renvoiiés en Flandres et devant Audenarde, où li os estoit. 30

En che tamps avoient cil de Bruges pris des bour-

gois de Tournai et retenu et mis en prison, et monstroient H Flament que il avoient ossi chier la guerre as François comme la pais. Quant cil de Tournai veirent ce, si fissent tant que il atrapèrent et retinrent devers 5 eux des bourgois de Courtrai, et les amenèrent prisonniers à Tournai. Enssi se nourissoient haines entre les Tournisiens et les Flamens. Toutesfois li signeur de Tournai, qui ne voloient mies de leur fait avoir title de guerriier les Flamens qui estoient leurs voi-

10 sins, sans avoir commandement dou roi de France, dont il n'avoient encores nul, avisèrent que il envoieroient deus de leurs bourgois devant Audenarde parler à Phelippe d'Artevelle, pour savoir se intention et pour ravoir leurs bourgois et rendre ossi en escange

15 ceulx qu'il tenoient. Si i furent esleu de aler, et i alèrent, Jehan Bonenffant et Jehan [Pietart], et vinrent au siège devant Audenarde, et parlèrent à Phelippe, liquels, pour l'onneur de la citté de Tournai, non pour le roi de France, sicomme il leur dist, les

20 requelloit amiablement, « car li rois ne l'avoit pas deservi ne aquis envers le pais de Flandres, quant un mesagier pour bien envoie devers lui on avoit retenu et mis en prison. » — « Sire, respondirent li doi bourgois, vostre mesagier, vous le raves. » — « C'est

25 voirs, dist Phelippes, le plus par cremeur que autrement. Or me dites, dist Phelippes, pour quelle besongne vous venés maintenant ichi. » — « Sire, respondirent li bourgois, c'est pour ravoir nos bonnes gens de Tournai que on tient en prison à Bruges. » — « Ha!

30 respondi Phelippes, se on les i tient, ossi tenés vous de ceulx de Courtrai par devers vous. Vous ne devés pas perdre à vostre venue ; rendes nous les nostres.

VOUS rares les vostres. » Respondirent cil de Tournai : « Vous parlés bien, et nous le ferons enssi. » Là fu acordé de faire cel escange, et en escripsi Phelippes à Piètre dou Bos et à Piètre le Wintre, qui se tenoient à Bruges, que on delivrast les bourgois de 5 Tournai que on tenoit en la Pière en prisson, et on deliveroit à Tournai ceulx de Courtrai, car il s'en tenoit bien à ce que la citté de Tournai en avoit ordonné et escript. Enssi exploitièrent li doi bourgois de Tournai, et vous di que, quant che vint au congiet prendre, 10 Phelippes d'Artevelle leur dist enssi : « Entendes, signeur, je ne vous voel mie trahir; vous estes de Tournai, laquelle ville est toute liège au roi de France, auquel nous ne volons avoir nul traitiet jusques à tant que Audenarde et Tenremonde nous seront ouvertes, 15 et ne revenés plus par devers nous ne renvoiiés, car cil qui i venroient demor[r]oient; et contregardés vos gens et vos marcheans de aler ne venir ne envoiier ne marcander en Flandres, car, se il i vont, il seront retenu et li leurs pris, combien que il vaille ; et, se li 20 nostre i vont, nous [les] abandonnons à estre pris et retenus sans nul pourcas, car bien savons, quoi que nous atendons, que li rois de France, vostres sires, nous fera guerre. » Chil bourgois de Tournai entendirent bien ces paroUes ; si les retinrent et glosèrent, et 25 dissent que de tout ce, iaulx revenu à Tournai, il en aviseroient la bonne ville et les gens. Si se départirent dou siège d' Audenarde et retournèrent à Tournai ; si recordèrent tout ce que vous avés oi. Adont fu faite une deffense que nuis n'alast ne marcandast à ceulx 30 de Flandres sus à estre esclieu en le indination dou roi. Toutesfois li bourgois de Tournai, qui esloient

prisonnier à Bruges, revinrent, et cil de [Courtrai] furent renvoiiet. Enssi n'ossoit nuls marchans de Tournai marchander as Flamens, mais, quant il leur convenoit [avoir] des marcheandisses de Flandres, il les 5 venoient quérir ou acater à ceulx de Valenchiennes, car cil de Hainnau, de Hollande et de Zellandes et de Braibant et dou Liège pooient seurement aler demorer et marchander par toute Flandres.

§ 2199. Ensi se tint li sièges devant Audenarde

40 grans et biaux, et toute celle saisson Phelippes d'Artevelle et cil de Gand estoient logiet sus le mont d'Audenarde, au lés deviers Hainnau ; et là seoient li engien et li grande bombarde qui jettoit les grans [quariaux] et qui rendoit tel noise au descliquier que

15 on l'ooit de sis lieues loing. Ens es prés desoulx avoit on fait un pont sus l'Escaut de nefs et de cloies, couvert d'estrains et de fiens, et par delà che pont estoient logiet chil de Bruges, en remontant sus les camps oultre le porte de Bruges. Après estoient logiet

20 cil de Ippre et de Courtrai, de Popringhe et de Cassel et dou Franc de Bruges, et comprendoient le tour de la ville en rallant jusques à l'autre part de l'Escaut. Enssi estoit toute la ville de Audenarde environnée, et quidoient bien par tel siège li Flament afamer ceulx

25 de dedens, mais à le fois li compaignon issoient et faissoient des envaïes. Une eure perdoient, l'autre gaagnoient, ensi comme à tels besongnes li fait d'armes aviennent; mais toutesfois d'assaus n'i avoit nuls fais, car Phelippes ne voloit pas follement aventurer ses

30 gens, et dissoit que tout sans asallir il aroient la ville et que par raison elle ne se pooit tenir longhement ,

quant il n'estoient conforté ne ne pooient estre de nul costé, ne à paines uns oisellès ne [volast] mies en Audenarde que il ne fust veus de ceulx de l'ost, tant bien avoient il environné la ville à tous lés.

§ 300. Or retournons au roi de France et à son con- 5 seil. Li oncle dou roi et li consaulx de France avissèrent pour le mieux que il envoieroient à Tournai aucuns prelas et chevaliers dou roiaulme, pour traitier à ces Flamens de Flandres et pour savoir plus plainement leur entente. Si furent esleu et ordonné 10 de venir à Tournai messires Milles des Dormans, evesques de Biauvais, li evesques d'Auchoire, li evesques de Laon, messires Guis de Honcourtet messires Tristrans dou Bos ; et vinrent chil à Tournai comme commissaire de par le roi de France, et là s'arestèrent. 15 Quant il furent venu , asés nouvellement estoient retourné de l'ost de devant Audenarde Jehan Bonenfant et Jehans Pietars, qui remonstrèrent à ces prelas et chevaliers commissaires dou roi comment Phelippes d'Artevelle, au congiet prendre, leur avoit dit et que 20 HFlament n'entenderoient jamais à nul tretiet jusques à tant que Audenarde et Tenremonde leur seroient ouvertes. « Bien, respondirent li commissaire, se chils Phelippes, par orguoel et beubant dont il est plains, fait sa grandeur, espoir, che n'est pas li acors 25 des bonnes villes de Flandres. Si escriprons à Bruges, à Gand, à Ippre, et envolerons de par nous à cascune ville une lettre et un mesagier. Par aucune voie faut il entrer ens es coses, puis que on les voelt commenchier, et nous ne sommes pas chi venut pour guerriier, mais 30 pour traitiier envers ces maleois Flamens. » Adont

escripsirent cil commissaire trois lettres as trois villes et princhipaux de Flandres, et i mettoient en cascune Phelippe d'Artevelle en ligne et ou premier chief. Si contenoient les lettres enssi :

5 § 30 1 . « A Phelippe d'Artevelle et à ses compaignons et as bonnes gens des trois bonnes villes de Flandres et le Franc de Bruges.

« Plaise vous savoir que li rois, nostres sires, nous a envoiiés en ces parties en espèce de bien, pour paix

10 et acord faire, comme souverain signeur, entre noble prinche, son cousin, monsigneur de Flandres, et le commun pais de Flandres ; car renommé[e] queurt que vous querés à faire aliance au roi d'Engletière et as Englès, laquelle cose seroit contre raison et ou pre-

15 judice dou roiaulme de France et de la couronne, et ne le poroit le roi souffrir aucunement. Pour quoi nous vous requérons de par le roi que vous voelliés à nous baillier sauf conduit, alant et venant, pour ceste pais faire amener à bonne conclusion, sique le roi vous en

20 sache gré, et nous rescripsiés response de vostre intention. Nostres Sires vous voelle garder. Escript à Tournai, le sesime jour de octembre. »

§ 302. Quant ces trois lettres, toutes contenans une meïsmes cose, furent escriptes et scellées, on les

25 bailla à trois hommes, et leur fu dit : « Vous irés à Gand, et vous à Bruges, et vous à Ippre, et nous rapporterés response. » Il respondirent : « Volentiers response vous rapporterons nous, se nous le poons avoir. » A ces mos il partirent, et ala cascuns son

30 chemin. Quant cil de Gand vint à Gand, pour ce jour

Phelippes d'Artevelle i estoit ; autrement cil de Gand n'euissent point ouvert la lettre sans lui. Il l'ouvri et le lissi; et, quant il l'eut leu, il n'en fist que rire et se parti assés tos de Gand, et s'en retourna devant Audenarde, et enporta la lettre avoecques li ; mais li 5 mesagiers demora em prison à Gand. Et, quant il fu venus devant Audenarde. il appella le signeur de Harselles et aucuns de ses compaignons, et leur lissi la lettre des commissaires, et dist : « Il samble que ces gens de France se truffent de moi et dou paix de io Flandres. Ja avoie je dit as bourgois de Tournai, quant il furent avant hier chi, que je ne voloie mais oïr nulles nouvelles de France ne entendre à nul traitié que on me peuist faire , se Audenarde et Tenremonde ne nous estoient rendues. » A ces mos vinrent nouvelles 15 de Bruges et de Ippre des cappitainnes qui là estoient, comment ossi on leur avoit escript, et que briefment li mesagier qui ces lettres avoient aportées estoient retenu ens es villes et mis en prison. « Ce est bien fait, » che dist Phelippes. Adont busia il sus ces 20 besongnes un petit, et, quant il eut merancoliet une espasse, il s'avisa que il rescriproit aus commissaires dou roi de France. Si rescripsi unes lettres; si avoit en le superscrision : « A très nobles et discrés signeurs les signeurs commissaires dou roi de France. 25

§ 303. « Très chiers et poissans signeurs, à vostres très nobles discreptions plaise vous savoir que nous avons recheu amiables lettres à nous envoiies de très exellent signeur Charles, roi de France, faissans mention comment vous, très nobles signeurs, estes envoiiet 30 de par lui par dechà pour traitier de paix et d'acord

entre nous et haut prince monsigneur de Flandres et son pais, et par le roi devant dit et sen [conseil] aians plaisance de ce conduire et acomplir, siques ceux de Tournai, nos chiers et boins amis, nous tesmongnent 5 par leurs lettres patentes par nous veues. Et, pour ce que li rois escripst que à lui moult desplaist et a despleut que li discors ont si longhement esté et encores sont, dont nous avons grant mervelle comment che puet estre, en tamps passé, quant la ville de Gand fu

40 asisse et la paix d'Audenarde n'estoit de nulle valeur, et ossi quant nous dou commun conseil des trois bonnes villes de Flandres à lui escripsimes, sicom à nostre souverain signeur, que il vosist faire la paix et acord, que adont ne li pleut en otant faire enssi que il

15 nous samble maintenant que volentiers feroit. Et aussi en telle manière avons receu unes lettres patentes contenans que deus fois nous avés escript que vous estes venu, dou roi devant dit chargiet, sicomrae chi dessus est declairiet; mais il nous samble que, selonc nostre

20 response à vous sur ce envoie, que nous avons volenté d'entendre au traitiet ce que fermement nul traitiet n'est à querre entre nous et le pais de Flandres, se ce n'est que les villes et forterèches, à la volenté de nous, regars de Flandres et de la dite ville de Gaind,

25 fremée[s] contre le paix de Flandres et nomméement et expresséement contre la bonne ville de Gand, dont nous sommes regard, seront descloses et ouvertes à la volenté de nous, regars, et de la dite ville. Et, se ce estoit, nequedent ne poriens nous traitier à la

30 manière que vous le requerés, car il nous samble que li rois ou nom de vous a et puet asambler en l'aide de son cousin, nostre signeur, grant poissance, car nous

savons et veons que fauseté i a, enssi comme autrefois i a eu. Dont nostre intention est de ce estre seur et sur nostre garde et deffence, sicomme nous sommes après atendans. Il trouvera l'ost apparilliet pour lui deffendre contre ses ennemis, car nous espérons, à 5 l'aide de Dieu, avoir victore, enssi comme autrefois avons eu à vous, oullre donnant à entendre que renommée est que vous avés entendu que nous ou aucuns de Flandres traitent aliances envers le roi d'Engletière, et que nous esrommes pour ce que nous 10 sommes subjet à la couronne de France et que li rois est nostre signeur souverain à qui nous sommes tenu de nous i aquiter; ce que fait avons, en tant que en tamps passé à lui avons envoiiet nostres lettres, ensi comme à nostre signeur souverain, enssi que il vosist 15 faire la pais; et sur quoi il pas ne respondi, mais nos mésagiers fu pris et détenus, ce que grant blasme nous sambloit de tel signeur. Et encores li est plus grans blasmes [et fait] à blasmer que desour ce il a à nous escript sicomme souverain signeur, et il ne nous daigna 20 envoiier response, quant à lui escrisimes comme à nostre souverain signeur. Et, pour tant que adont che ne li pleut à faire, pensâmes nous à quérir le pourfit dou pais de Flandres à qui que ce fust à faire, sicomme fait avons. Nientmains que aucune cose en est encore, 25 pora li rois bien venir à tamps à manière que toutes forterèces soient ouvertes, et pour ce que nous deffendesimes ceux de Tournai , quant darrainement furent en nostre ost, que nuls ne venroit mais en telle manière cargiés de lettres ne de bouce sans avoir sauf 30 conduit, et oultre se sont venut portant lettres, sans sent ne consent de nous, à Gand et à Bruges [et à

Ippre], si avons les mesagiers fait prendre et détenir, et leur aprenderons à porter lettres tellement que autres i prenderont exemple, car nous sentons que traïson aquerés, especiaulment pour moi, Phelippe 5 d'Artevelle, dont Dieux me voelle deffendre, et aussi faire et mettre discord ou pais. Pour quoi nous vous laissons savoir que de ce ne vous travilliés plus, se ce n'est que les villes devant dites soient ouvertes, che que briefment, à l'aide de Dieu, elles le seront, liquels 10 vous ait en sa sainte garde. Escript devant Audenarde, le vintime jour dou mois d'octembre, l'an mille trois cens quatre vins et deus. Phelippe d'Artevelle, regard de Flandres, et ses compagnons. »

§ 304. Quant Phelippes d'Artevelle eut enssi escript,

15 présent le signeur de Harselles et son conseil, [si] leur sambla que riens n'i avoit à amender, et scellèrent la lettre, et puis regardèrent [à] qui il le bailleroient. Bien savoient que, se nuls de leur costé apa[r]tenans à eulx portoit ces lettres à Tournai, il seroit

20 mors ou retenus, pour tant que il tenoient les trois mesagiers des commissaires en trois villes en prison. Si demanda Phelippes : « Avons nous nul prisonnier de ceulx d' Audenarde? » On li respondi : « Oïl, nous avons un vallet qui fu hier pris à l'escarmuce, mais il

25 n'est pas d'Audenarde; il est d'Artois, vallès à un chevalier d'Artois, messire G[e]rart de Marquillies, sicomme il dist. » — « Tant vault mieux, dist Phelippes, faites le venir avant; il portera ces lettres, et parmi tant il sera délivrés. » On le fist venir avant.

30 Adont l'appella Phelippes et li dist : « Tu ies mon prisonnier, et te puis faire morir, se je voel, et tu en as

esté en grant aventure; et, puis que tu es chi, tu seras délivrés parmi tant que tu m'aras en convenant sour ta foi que ces lettres tu me porteras à Tournai et les bailleras as commissaires dou roi de France que tu trouveras là. » Li variés, quant il l'oi parler de sa 5 délivrance, ne fu onques si liés, car il quidoit bien raorir ; si dist : « Sire, je vous jure par ma foi que je les porterai là où vous volrés, se ce estoit pour porter en infier. » Et Phelippes commenclia à rire et dist : « Tu as trop bien parlé. » Adont li fîst il baillier deux lO escus et le fist convoiier tout hors de l'ost et mettre ou chemin de Tournai.

Tant exploita li variés et tant chemina que il vint à Tournai et entra ens es portes, et demanda où il trouveroit les commissaires ; on li dist que il en oroit 15 nouvelles sus le marchiet. Quant il fu venus sus le marchiet, on li enseigna l'ostel de l'evesque de Laon : il se traïst celle part, et fist tant que il vint devant l'evesque, et se mist en genous et fist son mesage bien et à point. On li demanda des nouvelles de Audenarde 20 et de l'ost. 11 respondi ce qu'il en savoit et compta comment il estoit prisonniers, mais on l'avoit en l'ost delivret pour tant que il avoit aporté celle lettre. On li donna à disner ; entrues que il disnoit, il fu très bien examinés des gens de l'evesque. Quant il ot à grant 25 loisir disné, il se parti. Li evesques de Laon ne volt mies ouvrir ces lettres sans ses compaignons, et envoia devers eux ; et, quant il furent tout troi li evesque et li chevalier ensamble, on ouvri ces lettres : si furent lentes à grant loisir, et bien examinées et considérées. 30 Adont parlèrent il ensamble, et dissent : « Cils Phelippes, à ce que il monstre, est plains de grant orguoel

et présomption, et petitement amire la majesté roial de France ; il se confie en la fortune que il eut pour li devant Bruges. Quel cose est il bon, ce dissent il, en chechi à faire? » Lors consillièrent il longhe- 5 ment, et, eux consilliet, il dissent : « Li prevos et li juret et li consaulx de Tournai, en quelle citté nous sommes, sevent bien que nous avons envoiiet à Phelippe d'Artevelle et aux villes de Flandres : s'est bon que il oent la response telle que Phelippes nous fait. »

10 Chils consaulx fu tenus. Messires Tristrans dou Bos, gouvernères de Tournai, envoia quérir les prevos [et jurés] ; on ouvri la halle, on sonna la cloque : tout cil dou conseil vinrent. Quant il furent venu, on lissi et relissi par deus ou par trois fois tout généralement

15 ces lettres. Li sage se mervilloient des grosses et presomptieuses paroUes qui dedens estoient. Adont fu consilliet que la copie de ces lettres [demorroit] à Tournai, et li commissaire dedens deus ou trois jours s'en retourneroient devers le roi et i reporteroient ces

20 propres lettres scellées dou seel Phelippe d'Artevelle. Atant se départi cils consaulx, et s'en retourna cascuns en son hostel.

§ 305. Phelippes d'Artevelle, qui se tenoit à host devant Audenarde, enssi comme vous savés, ne se

25 repentoit mies de ce se durement et poindanment il avoit escript en aucunes manières aux commissaires dou roi de France, mais il se repentoit de ce que parellement ou plus doucement il n'avoit escript aux prevos et jurés de Tournai, en faindant et en mons-

30 trant amour, quoique petit en i eust. Par voie de disimulation il dist que il i escriroit, car il n'i voroit

mie nourir toute le haine ne maie amour que il poroit bien. Si escripsi Phelippes en le fourme et manière comme chi s'enssieut, et fu !i supercription telle : « A honnerables et sages nos chiers et bons amis les prevos et jurés de la ville et cité de Tournai. 5

§ 306. « Très chier et bon ami, vous plaise savoir que nous avons recheu unes lettres mention faissant de deus vos bourgois et manans, portant lettres à Gand et à Bruges des commissaires dou roi de France, pris et détenus par nous, pour avoir hors de pri- 10 son à la prière de vous, par quoi la bonne amour et afection qui est, et, se Dieux plaist, perseve[r]ra entre vous et le commun paix de Flandres, soit de tant plus perseverée; laquelle amour, très chier amit, nous samble bien petite, car à nostre connissance est 15 venu que li rois de France, li dus de Bourgongne, li dus de Bretaigne et pluiseur autre grant signeur assamblent forment pour venir en l'aide de monsigneur de Flandres sour le pais de Flandres et pour avoir le dit pais pour combatre, nonobstant les lettres 20 que il à nous envoyèrent pour traitier pais et acord : ce que à nous ne samble pas voie faisable, à ceux appartenant : dont nous sommes sour nostre garde et deffence, et serons d'ores en avant de jour et de nuit. Et tant que des prisons vos bourgois, si sachiés 25 que nous les detenrons devers nous tant que nous sarons le vrai de l'asamblement des signeurs et que à nous aplaira de eux délivrer, car vous savés que, quant vos bourgois furent darainement en Flandres pour trouver la pais, que là fu dit, ordonnet et com- 30 mandet que on n'envoieroit mais nulle personne, ne

par lettres ne autrement, à savoir est sans sauf conduit, che que li signeur commissaire là estant ont fait, pour faire discort et content ou dit paix. Si vous prions, chiers amis, que ne voelliés plus eiivoiier nulle 5 personne en Flandres de vos bourgois ne de autres de par les dis signeurs ; mais, se aucune cose vous plaist, à vous touchant ou à vos bourgois, ce que nous porons faire, nous rechepverons vos besongnes en telle manière comme nous voiriens que les nostres

10 fuissent recheues par vous, en qui nous avons aucunement, en ce cas et en plus grant, fiance, sicom on doit avoir en ses bons voisins; et est nostre intention , et generallement dou paix de Flandres, que tout marceant et leurs marceandisses passent

15 et voissent sauvement de l'un pais en l'autre, sans eux ne aux marceandisses riens fourfaire. Et Dieux vous gard ! Escript en nostre ost devant Audenarde, le vint et troisirae jour dou mois d'octembre, l'an mil trois cens quatre vins et deus. Phelippes d'Arte-

20 VELLE, regard de Flandres, et ses compaignons. »

§ 307. Au chief de trois jours apriès ce que la première lettre fu envoiie aux commissaires dou roi, enssi que li seigneur de Tournai estoient en [la] halle asamblé en conseil, vinrent ces secondes lettres, et

25 furent aportées par un varlet de Douai, sicom il disoit, que cil de [Gand] estant au siège devant Audenarde leur envoioient. Les lettres furent recheues et portées en halle, et li commissaire appellet, et là furent leutes à grant loisir et consillies. Finablement li commissaire

30 dissent ensi as provos et jurés de Tournai , qui demandoient conseil de ces besongnes : « Signeur,

nous vous dissons pour le mieux que vous n'aiiés nulle aquintance ne canlandisse à ceux de Flandres, car on ne vous en saroit gret en France; ne ne ouvrés ne rechevés mais nulles lettres que on vous envoie de che lés là, car, se vous le faites et on le scet au conseil 5 dou roi, vous en recheverés blasme et damage, et sera grandement ou préjudice dou roiaulme. GhilsPhelippes d'Artevelle monstre et nous enseigne par ses escripsions que il ne fait pas grant compte dou roi ne de sa puissance ; mais se laira trouver au debout de 10 la conté de Flandres, qui est hiretages au conte, à toute sa poissance. Che sont parolle[s] impétueuses et orguilleuses, et li rois et monsigneur de Bourgongne en aront à nostre retour grant indignation ; si ne demo[r]ront pas les coses longhement en cel estât. » 15 Et cil de Tournai respondirent que par leur conseil il perseve[r]roient et que, se à Dieu plaisoit, il ne feroient ja cose dont il fussent repris. Depuis ne demora que trois jours que li commissaire partirent de Tournai, et s'en retournèrent devers le roi, et le 20 trouvèrent à Peronne, et ses trois oncles les dus dallés lui, Berri, Bourgongne et Bourbon.

§ 308. Le jour devant estoit là venus li contes de Flandres, pour remonstrer ses besongnes au roi et à son conseil, et pour relever la conté d'Artois, en quoi 25 il estoit tenus, car encores ne l'avoit il point relevée. Si en estoit il contes par la sucession de la contesse d'Artois, sa mère, qui estoit morte en l'anée. Quant cliil commissaire furent venu, li consaulx dou roi se mist ensamble, présent le jone roi, et là furent lentes 30 les deus lettres dessus dites que Phelippes d'Artevelle

et cil de Flandres avoient envoiies à Tournai. De ce que on les converti en grant mal et que il fu dit que, en le nouveleté dou roi de France, si grans orgieux qui estoit en Flandres ne faissoit mies à souffrir ne à 5 soustenir, de ce ne fu pas li contes de Flandres courouchiés, che fu raisons, car bien veoit et congnissoit que, sans l'aide et poissance dou roi de France, il ne pooit jamais retourner à son hiretage de Flandres. Si fist là li contes de Flandres au roi, présent son conseil,

10 ses complaintes bien et à point, et fu bien ois et respondus en dissant des dus : « Cousins, des Flamens ne poés vous à présent dire ne parler de nul raisonnable traitiet, sicom il appert par leurs [lettres] scellées, et sont orgilleux et presomptieux et trop fourfait,

15 quant il querent aiiances à estragne signeur tel comme le roi d'Engletière, qui est nostres aversaires; et ce ne sera point soustenu, mais les ira li rois hastéement combatre, et de che soies tous asseurés. s Lors se ofFri et présenta li contes de Flandres au roi de relever la

20 conté d'Artois, enssi comme à son naturel signeur et que il le devoit faire. Li rois fu consilliés de respondre et dire enssi : « Contes, vous retournerés en Artois, et tremprement nous serons à Arras, et là ferés vous vostre devoir, presens les pers de France, car mieux

25 ne poons nous monstrer que la querelle est nostre que de aprochier nos ennemis. »

Li contes se contempta moult de ceste response, et se parti de Peronne trois jours après, et s'en retourna en Artois, et vint à Hesdin. Et li rois de France, comme

30 chils qui de grant volenté voloit venir en Flandres et abatre l'orgoel des Flamens , enssi que autrefois si predicesseur avoient fait, mist clers en oovrc à tous

lés et envoiia lettres et mesagiers et mandemens qui s'estendirent par toutes les parties de son roiaulme, en mandant que tantos et sans délai cascuns venist vers Arras pourveux au mieux que il peuist, car au plaisir de Dieu il voloit aler combatre les Flamens en 5 Flandres. Nuls sires tenant de lui n'osa désobéir, mais tissent leurs mandemens de leurs gens, et s'aparillièrent et se départirent li lontaing d'Auvergne, de Roerghue, de Quersin, de Toulousain, de Gascongne, de Limosin, de Poito, de Sainctonge, de Bretaigne et 10 d'autre part, de Bourbonnois, de Forois, de Bourgongne, de la Daufiné, de Savoie et de Loeraingne, de Bar et de tous les circuités et chaingles dou roi[aurae] de France et des tenances. Et tout avaloient aval vers Artois : là se faissoit 11 amas des gens d'armes 15 si grans et si biaux que mervelles estoient à considérer.

§ 309. Li contes de Flandres, qui se tenoit à He[s]din et qui tous les jours ooit nouvelles dou roi et dou duc de Bourgongne et dou grant mandement qui se 20 faissoit en France, fist une defïense par tout Artois ou plat pais que nuls, sus à perdre corps et avoir, ne traisist ne mesist hors de son hostel, en forterèce ne en bonne ville, cose que il euist, car il voloit que les gens d'armes fuissent aissiet et servit de ce qui estoit ou 25 plat pais. Adont s'en vint li rois en Arras, et là s'aresta ; et les gens d'armes de tous lés venoient et aplouvoient tant et si bien estofé que ce estoit grant biauté dou veoir, et se logoient enssi comme il venoient sus le plat pais, et trouvoient les granges toutes plaines et 30 bien pourveues, lesquels pourveances leur venoient

bien à point, car tout estoit abandonné, et li corps des grans signeurs se logoient ens es bonnes villes. Adont vint li contes de Flandres en Arras, et conjoï grandement le roi et les signeurs qui là estoient venu, 5 et fist là hommage au roi, présent les pers qui là estoient, de la conté d'Artois, et li rois le rechut à homme, et li dist : « Biaux cousins, se il plaist à Dieu et à saint Denis, nous vous remeterons temprement en l'iretage de Flandres, et abaterons tellement l'or-

10 guoel de ce Phelippe et de ses Flamens que jamais [n'aront] cure ne poissance de eulx révéler ne relever. » — « Monsigneur, dist li contes, je i ai bien fiance, et vous i aque[r]rés tant d'onneur et de grâce que à tous les jours dou monde vous en serés prisiés,

15 car maintenant voirement est li orgieux moult grans en Flandres. »

§ 310. Phelippes d'Artevelle, lui estant [au siège] devant Audenarde, estoit tous avisés et enfermés comment li rois de France voloit à poissance venir sur

20 lui. Par samblant il n'en faissoit compte, et disoit à ses gens : « Mais par où quide cils roitiaux entrer en Flandres? Il est encores trop jones d'un an, quant il nous quide esbahir par ses asamblées. Si ferai tellement garder tous les passages et les entrées de Flandres

25 que il ne sera mies en leur poissance que il se voient de ceste anée dechà le rivière dou Lis. » Adont manda il à Gand le signeur de Harselles que il venist devant Audenarde : il vint. Quant il fu venus, Phelippes li dist : « Sires de Harselles, vous savés bien et enten-

30 dés tous les jours comment li rois de France se apparelle pour nous destruire ; il faut que nous aions avis

et conseil sur ce. Vous demor[r]és chi et tenrés le siège, et je m'en irai à Bruges et à Ippre aprendre encores mieux des nouvelles, et rafresquirai , par paroUes et monitions de bien faire et de eux encoragier, les bonnes gens des bonnes villes, et establirai 5 sus la rivière dou Lis aux passages tant de gens que H François ne poront oultre. » A tout ce s'acorda bien li sires de Harselles. Lors se départi Phelippes dou siège, et s'en chevauca vers Bruges; et chevauchoit comme sires , et faissoit porter son pennon 10 devant lui tout desvolepet, armoiiet de ses armes, et portoit de noir à trois cappiaulx d'argent.

Quant il fu venus à Bruges, il trouva Piètre dou Bos et Piètre le Wintre, qui là estoient gardiien et cappitaines de Bruges. Si parla à eulx et leur remons- 15 tra comment li rois de France atout sa poissance voloit venir en Flandres, et que il convenoit aler au devant pour i remediier et garder les passages : « Si voel, Piètre dou Bos, que vous allés au pas à Commines : vous garderés là la rivière. Et vous. Piètre le 20 Wintre, vous irés au [pont] à Warneston et là garderés vous le passage. Et faites tous les pons en dessus la rivière jusques à la Gorge et à Estelles et à Menreville rompre, et en desous jusques à Courtrai. Par enssi ne poront li François passer, et je m'en 25 irai à Ippre parler à ceux de Ippre et eux en amour rafresquir et reconforter, et remonstrer comment nous sommes conjoint ensamble par une unité, et que nuls ne se fourvoie ne isse de ce que nous avons juret ensamble à tenir. Il n'est mies en la poissance dou roi 30 de France ne de ses François que il puisent passer la rivière dou Lis ne entrer en Flandres, puis que li pas

seront gardé, se il ne vont au lonc de la rivière querre passage vers Saint Orner etBerghes. Et, se il faissoient che chemin, il trouveroient tant d'empecemens , de crolières et de mauvais pas que il ne se poroient tenir 5 ensamble, avoec ce que il est iviers et que il fait fresc et mauvais chevauchier, que il seroient tout perdu d'avantage. » Che respondirent cil doi Piètre : « Phelippe, vous dites voir, et nous ferons ce que vous dites. Et de nos gens qui sont en Engletière,

10 avés vous 6i nulles nouvelles? » — « Par ma foi ! respondi Phelippes, nenil, dont je m'esmervelle. Li parlement sont maintenant à Londres, si en deverons temprement oir nouvelles. Li rois de France ne se puet jamais tant haster que nous ne soions conforté

15 des Englès, anchois que il nous porte point de contraire. Espoir, fait li rois d'Engletière son mandement, et venront Englois à l'Escluse sus une nuit, quant nous ne nos en donrons garde, car il ont vent pour issir hors d'Engletière à volenté. » Ensi se devisoient chil

20 troi compaignon ensamble. Auques pour ce tamps toute Flandres estoit en obéissance à eux, excepté Tenremonde et Audenarde.

§311. Entrues que ces ordonnances se faissoient, et que li rois de France sejournoit à Arras, et que

25 gens d'armes s'amassoient en Artois, en Tournesis et en le castelerie de Lille, se avissèrent aucun chevalier et escuier qui sejournoient à Lille et là environ, par l'emprise et ennort dou Halse de Flandres, que il feroient aucun exploit d'armes, par quoi il seroient

30 renommé. Si se quellièrent un jour environ sis vins hommes d'armes, chevaliers et escuiers, et vinrent

passer la rivière dou Lis au pont à Menin, à deux lieues de Lille, liquels pons n'estoit point encores deffais, et chevauchièrent en la ville et l'estourmirent moult grandement, et tuèrent et decopèrent en la ville et là près grant fuisson de gens, et les cachièrent 5 priés tous hors de leur ville. Li haros commencha à monter; les villes voisines commenchièrent à sonner leurs cloques à herlle et à traire vers Menin, car li haros venoit de là. Si s'[as]amblèrent grant fuisson de gens, et se requellièrent tout ensamble en Menin. 10 Quant li Halses, messires Jehans de Jeumont, li castelains de Buillon, messires Henris de Dufle et li chevalier et escuier eurent bien esmeu le pais et leur fu vis que il estoit tamps dou retourner, il se missent au retour pour rapasser à ce pont la rivière, enssi que il 15 avoient passé ; et ja le trouvèrent il fort et pourveu de Flamens qui le deffaissoient ce qu'il pooient, et, quant il en avoient rosté une ais, il le couvroient de tiens, afin que on ne veist point le mehaing. Evous chevaliers et escuiers retourner, montés sur fleurs de cour- 20 siers et de chevaux, et truevent en la ville plus de deus mille de ces païssans qui là s'estoient requelliet, liquel se mettent tout en bataille pour venir sus eux. Quant cil gentil homme en veirent le convenant, si dissent : « Il nous faut, par force de chevaux, rompre 25 ces villains, ou nous sommes atrapet. » Adont se missent il tout ensamble, et abaissièrent les lances et les espées roides de Bourdiaux, et esperonnèrent les chevaux de grand randon, et missent devant les plus fors montés, et commenchièrent à huer. Chil Flament 30 s'ouvrirent qui ne les osèrent atendre, et li autre dient que il le fissent tout par malisse, car il savoient

bien que li pons ne les poroit porter; et dissoient entre eux li Flament : « Paissons leur voie; vous verés ja biau jeu. » Li Halse[s] de Flandres, li chevalier et li escuier qui se voloient sauver, car li sejourners 5 leur estoit contraires, fièrent chevaux des espérons sus ce pont, liquels n'estoit pas fors pour porter un si grant fais. Toutesfois li Halses de Flandres et aucun autre eurent l'eur et l'aventure de passer oultre, et passèrent environ trente, et, enssi que li autre voloient

10 passer, li pons rompi desous eulx. Là eut des chevaus enrasquiés, qui ne se peurent ravoir, qui i furent nnort et leurs maistres. Chil qui estoient derière veirent che meschief : si furent moult esbahi et ne sceurent où fuir pour eux sauver. Si ferirent li

15 aucun en la rivière, qui le quidoient noer, mais il ne pooient, car elle est parfonde et de hautes rives où cheval ne se pueent aherdre ne [rescoure] . Là eut grant meschief, car li Flament venoient, qui les encauchoient et oclîioient à volenté et sans merchi, et les faissoient

20 saillir en l'aige, [et] là se noioient. Là fu messires Jehans de Jeumont en grant aventure d'estre perdus, car li pons rompi desous li, mais, par grant apertisse de corps, il se sauva. Toutesfois, il fu navrés dou trait moult durement ou chief et ou corps, dont il jut

25 puis plus de sis sepmaines et ne se peut armer en grant tamps. A che dur rencontre furent mort li castelains de Buillon el [Bouchars] de Saint Hilaire et pluiseur autre, et noiiés messires Henris de Dufle; et en i eut que mors que noiiés plus de soissante, et cil

30 tout ewireux qui sauver se peurent, et grant fuison

de blechiés et de navrés. Enssi ala de ceste emprisse.

Les nouvelles en vinrent as signeurs de France qui

estoient à Arras, comment leurs gens avoient perdu, et comment follement h Halses de Flandres avoit chevauchiet. Si furent des aucuns plains, et des autres non ; et disoient cil qui le plus estoient usé d'armes : « Il ont fait une folle emprisse de passer une rivière sans gué et aler courir une grosse ville, et entrer ou pais, et retourner au pas par où il avoient passet, et non [garder] che pas jusques à leur retour; che n'est pas emprise faite de sages gens d'armes qui voellent venir à bon chief de leur besongne, à faire enssi, et pour ce que outrequidiet il ont chevauchiet, leur en est il mal pris. »

§ 31 2. Cheste cose se passa ; on le mist en oubliance, et Phelippes d'Artevelle se départi de Bruges et s'en vint à Ippre, où il fu requelliés à grant joie. Et Piètres 15 dou Bos s'en vint à Commines, où tous li plas pais estoit asamblés, et là entendi as besongnes et fîst toutes les ais dou pont de Commines desclauer et desquevillier, pour estre tantos, se il besongnoit, [deffait] ; mais encore ne vaut il mies le pont condempner de tous 20 poins, pour l'avantage de ceulx dou plat pais requellier, qui passoient tous les jours leurs bestes à grant fuisson et mettoient oultre le Lis à sauveté et cachoient ens es bos et ens es praieries sus le pais et environ Ippre. Si en estoit li païs si cargiés que à grans mer- 25 velles.

Che propre jour que Phelippes d'Artevelle vint à Ippre, vinrent les nouvelles, comment, au pont à Menin, li François avoient perdu et li Halses avoit esté priés atrappés. De ces nouvelles fu Phelippes tous res- 30 jois, et dist en riant, pour rencoragier ceulx qui dallés

lui estoient : « Par la grâce de Dieu et le bon droit que nous avons, tout li autre venront à celle fin, ne jamais cils rois de France, jonement consilliés selonc che qu'il est d'eage, se il passe la rivière dou Lis, 5 ne retournera en France. »

Phelippes d'Arlevelle fu cinc jours à Ippre, et preecha em plain marchiet pour rencoragier son peuple et tenir en leur foi; et leur remonstra comment li rois de France, sans nul title de raison, venoit

10 sus eux pour eux destruire : a Bonnes gens, dist Phelippes, ne vous esbahissiés point se il viennent sur vous, car ja n'aront poissance de passer la rivière [dou Lis]. J'ai fait tous les pas bien garder, et est ordonnés à Commines Piètres dou Bos atout grant

15 gent, qui est uns loiaux homs et qui aime l'onneur de Flandres; et Piètre le Wintre est à Warneston, car tout li autre passage [sus] la rivière dou Lis sont romput, ne il n'i a passage ne gué fors à ces deus villes là où il puissent passer. Et si ai oit nouvelles

20 de nos gens que nous avons envoiiet en Engletière. Nous arons temprement un très grant confort des Englès, car nous avons bonnes aliances à eux : il se sont ahers avoecq nous pour aidier à faire nostre guerre contre le roi de France qui nous voelt heriier.

25 Si vives loiaument en cel espoir, car li honneurs nous demor[r]a, ettenés che que vous avésjuret et promis à moi et à la bonne ville de Gand, qui tant a eu de paine et de frait pour soustenir et garder les droitures et les francisses des bonnes villes de Flandres.

30 Et tout cil qui voellent demorer dalés moi, enssi comme il l'ont juret, [lièvent] le main vers le chiel en segnefiant loiauté. » A ces mos, tout cil qui ou mar-.

chiet esloient et qui oit l'avoient levèrent le main araont, et le aseurèrent que tout demor[r]oient dalés lui. Adont descendi Phelippes de l'escafaut où il avoit pre[e]chiet, et s'en vint fendant parmi le marchiet jusques à son hostel, et se tint là tout ce jour. A l'endemain, il monta à cheval et retourna à toute sa route vers Audenarde, oii li sièges se tenoit, qui point ne se deffaissoit pour nouvelles que il oissent ; mais il passa parmi Courtrai, et reposa là deus jours.