Mss. B 1, 3, 4 : « qui se tcnolt. » Mauvaise leçon
lippes de Bourgongne, pour ce temps conte d'Artois et de Boulongne, et cousins germains au dit duch de Normendie, liquelz estoit uns moult jones chevaliers et de grant volenté, ensi que là le moustra. Car si tretos 5 que li escarmuce fu commencie, il ne volt pas estre des darrains, mes se arma et monta sus un coursier fort et rade malement, et de grant haste, pour plus tost estre et venir à l'escarmuce. Li dis messires Phelippes prist une adrèce parmi les camps, et brocha
10 coursier des esporons, liquelz coursiers, qui estoit grans et fors, s'escueilla au cours et emporta le chevalier maugré lui : si ques, en traversant un fosset, li coursiers trébucha et chei et jetta le dit monsigneur Phelippe desous lui. Onques il ne peut estre aidiés ne
15 secourus si à tans que il ne fust si confroissiés que onques puis n'eut santé, et morut de ceste bleceure : dont li dus de Normendie fu durement courouciës, ce fu bien raisons.
Assés tost apriés ceste aventure et le trespas de
10 monsigneur Phelippe, les nouvelles vinrent en l'ost de le desconfiture de Creci. Et remandoient li rois et la rovne de France leur fil le duch de Normendie, et li enjoindoient très especialment que, toutes parolles et ensongnes mises jus, il se partesist et defFe-
25 sist son siège et retournast en France, pour aidier à garder son hiretage que li Englès li destruisoient. Et encores li segnefioient il clerement le grant damage des nobles et proçains de son sanc qui demoret estoient à Creci.
30 Quant li dus de Normendie eut leu ces lettres, si pensa sus moult longement, et en demanda conseil as contes et as barons qui dalès lui estoient, car moult
[1346] LIVRE PREMIER, g 289. S
envis se partoit, pour le cause de ce que il avoit parlé si avant dou siège tenir. Et ossi il n'osoit aler contre le mandement et ordenance dou roy son père. Et me samble que adonc il fu si consilliés des plus especiaulz de son conseil que, ou cas que li rois ses 5 pères le remandoit si especiaument, il se pooit bien partir sans nul fourfait. Si fu adonc ordonné et arresté que à l'endemain on se deslogeroit et s'en retourroit on en France. Quant ce vint au point dou jour, on se commença à deslogier et à tourser tentes 10 et très et toutes aultres ordenances, et à recueillier moult hasteement et mettre à voie et à chemin.
Li compagnon, qui dedeiis Aguillon se tenoient, furent durement esmervilliet pour quoi si soudainement li François se deslogoient. Si se coururent ar- 15 mer au plus lost qu'il peurent, et montèrent sus leurs chevaus, le pennon monsigneur Gautier de Mauni devant yaus; et s'en vinrent bouter en l'ost le duch, qui tout n'estoient mies encores deslogié ne mis à voie. Si en ruèrent par terre pluiseurs, et occirent et 20 decopèrent, et fisent un grant esparsin, et en prisent d'uns et d'aultres plus de soixante, que il ramenèrent arriére en leur forterèce.
Et entre les aultres prisonniers, il y eut un grant chevalier de Normendie, cousins dou due, et moult 25 proçain de son conseil, auquel messires Gantiers demanda pour quel cause li dus de Normendie si soudainnement se partoit, et quel cose estoit avenu là entre yaus. Li chevaliers moult à envis le dist. Toutes fois il fu tant aparlés et démenés dou dit monsigneur 30 Gautier, que il recorda la besongne ensi comme elle aloit, et comment li rois d'Engleterre estoit arrivés
en Normendie, et tout le voiage que il avoit fait, et les passages où il avoit passés, et en le fin à Creci en Pontieu desconfi le roi de France et toute se poissance. Et li compta par nom les princes et les signeurs 5 qui mort y estoient, et comment encores, en fin de voiage, li rois d'Engleterre ot assis le forte ville de Calais. Quant messires Gautiers de Mauni entendi ce, si en fu grandement resjois; et ossi furent tout li compagnon, et en fisent pour ces nouvelles milleur 10 compagnie à leurs prisonniers. Et li dus de Normendie s'en revint en France devers le roy Phelippe son père et la royne sa mère, qui moult volentiers le veirent.
§ 290. Depuis ne demora gaires de temps que li
15 dis messires Gautiers de Mauni, qui grant désir avoit de venir devant Calais et de veoir son signeur le roy d'Engleterre, mist en parolle le chevalier normant qu'il tenoit pour son prisonnier, et li demanda quèîe quantité d'argent pour sa raençon il poroit paiier.
20 Cilz respondi, ensi comme cilz qui volentiers veist sa délivrance, que jusques à trois mille escus paieroit il bien. Dont dist messires Gautiers moult courtoisement : « Sire, je sçai bien que vous estes dou sanch dou duch de Normendie, et moult amés de lui et très
25 especiaulz en son conseil : si vous dirai que vous ferés. Je vous recrerai sus vostre foy, et vous par tirés de ci, et irés devers le duch vostre signeur, et me impeterés un saufconduit, pour moi vingtime tant seulement, à chevaucier parmi France, paiant cour-
30 toisement tout ce que je despenderai. Et se ce me poés impetrer dou duch ou dou roy, je n'ai cure
douqiiel, je vous quitterai vostre raençon et vous en sarai gré. Car je désire tant à veoir mon ehier signeur le roy d'Engleterre que ce me tourra à grant plaisance, se le saufconduit vous me raportés. Et que bien l'entendes, je ne voeil jesir en une ville que une seule 5 nuit, tant que je serai venus devant Calais. Et se ce vous ne poés faire, vous revenrés dedens un mois tenir prison en ceste forterèce. »
Li chevaliers respondi qu'il en feroit son plain pooir; si se parti de Aguillon. Et le recrut li dis 10 messires Gantiers sus sa foy. Si chevauça tant li dis chevaliers que il vint à Paris, là où il trouva le duch de Normendie, son signeur, qui li fist grant cière et li demanda de son estât, et comment il avoit finet. Li chevaliers li conta toute la besongne, et comment 15 messires Gautiers de Mauni li voloit quitter sa raençon, mes que il ewist un saufconduit que il peuist paisieulement , lui vingtime , chevaucier parmi le royaume de France jusques à Calais. Li dus li acorda, et li fist escrire tout tel que il le volt prendre et 20 avoir; et le prist desous le seelë dou dit duch et s'en passa atant. Et esploita depuis tant par ses journées que il retourna en Aguillon , et moustra au dit monsigneur Gautier tout ce que il avoit fait et esploitié. Douquel esploit et saufconduit messires Gautiers 25 de Mauni eut grant joie, et quitta tantost le dit chevalier normant de sa foy et de sa raençon, et se ordonna pour passer parmi le royaume de France sus le confort de sa lettre.
§ 291 . Aisés tost apriès , se parti li dis messires 30 Gautiers de Mauni de le ville et dou chastiol d'A-
guillon à tout vingt clievaus seulement , ensi que sa lettre parloit, et se mist au chemin parmi Auvergne. En chevauçant le royaume , li gentilz chevaliers ne se faisoit point celer, mes se nommoit partout. Et 5 quant il estoit arrestés, il moustroit sa lettre et tantost estoit délivrés. Ensi chevauça il tant que il vint jusques à Orliens^ et fu là arrestés, et ne peut estre desarrestës pour lettres que il moustrast ; mes fu amenés à Paris et là mis en prison en Chastelet,
10 comme cilz qui estoit des François grandement hays, pour les grans proèces dont il estoit renommés.
Quant li dus de Normendie le sceut, il en fu durement courouciés; si s'en ala tantost par devers le roy son père, et li requist si acertes qu'il peut, que il
15 volsist le chevalier délivrer pour l'amour de lui , ou il seroit deshonnourés. Et diroit on que il l'aroit trahi, car il l'avoit asseguret par bonnes lettres seelées de son seel, par tel raison. Et compta li dis dus au roy la cause, ensi que vous l'avés oy. Li rois n'en
20 volt riens faire, pour requeste ne pour priière que li dus ses filz en fesist; mes respondi que il le feroit mettre à mort, et qu'il le tenoit pour son trop grant anemi. Dont respondi li dus, se il en faisoit ensi, il fust certains que il ne s'armeroit jamais contre le roy d'En-
25 gleterre, ne tout cil qui destourner il en poroit. Et eut adonc entre le roy de France et le duch de Normendie grosses parolles, et s'en parti li dus par mautalent. Et dist li dus, au partir, que jamès en l'ostel dou roy il n'enteroit, tant que messires Gau-
30 tiers de Mauni seroit en prison.
Ensi demora ceste cose un grant temps, et pourcaçoit le dessus dit uns chevaliers de Haynau, uns
[1346] LIVRE PREMIER, g 291. 9
siens cousins , qui se appelloit messires Mansars d'Esne. Cils en eut moult de painne et de travel pour aler et pour venir devers le duch de Normendie. En le fin^ li rois de France fu si consilliés que il délivra le dit monsigneur Gautier de prison, et li fist 5 paiier tous ses frès. Et le volt veoir li rois; et disna messires Gantiers de Mauni dalès lui, en l'ostel de Nielle à Paris. Et li fist adonc li rois presens de dons et de jeuiaulz qui bien valoient mil florins. Li dis messires Gantiers, pour l'onneur dou roy qui li faisoit 10 présenter, les rechut par condition que, lui venut devant Calais, il en parleroit au roy d'Engleterre son signeur; et se il li plaisoit, il les retenroit, ou aultrement il les renvoieroit. Geste response plaisi bien au roy de France et au duch de Normendie, et di- 15 sent que il avoit parlé comme loyaus chevaliers.
Depuis ce fait , il prist congiet d'yaus et chevauça tant par ses journées que il vint en Haynau. Si se rafreschi en Valenciènes trois jours, et puis s'en parti et esploita tant que il vint devant Calais, où il fu 20 receus à grant joie dou roy et de tous les barons, ce fu bien raisons. Et là leur recorda toutes ses avenues, depuis que partis s'estoit d'Aguiîlon. Et remoustra au roy son signeur les biaus jeuiaus que li rois de France li avoit fait présenter. Et demanda fiablement 25 au roy quel cose en estoit bonne à faire; car il les avoit receus par manière que, se il plaisoit à lui, il les retenroit, ou aiiltrcment il les renvoie^^oit. Si me saml)le que li rois d'Engleterre li dist adonc : « Messire Gautier, vous nous avés tous jours loyaument 30 servi jusques à ores, et ferés encores, si com nous espérons : renvoiiés au roy Phelippe ses presens;
vous n'avés nulle cause dou retenir. Nous avons, Dieu merci ! assés pour nous et pour vous ; et sons en grant volenté de vous bien faire, selonch le bon service que fait nous avés. » — « Monsigneur, ce 5 respondi messires Gantiers, grans mercis ! »
Tantost apriès ces parolles, il prist tous ces jeuiaus et presens, et carga à son cousin monsigneur Mansart, et li dist : « Clievauciés en France devers le roy et me recommendés à lui moult de fois ; et li dittes que
10 je le mercie grandement des biaus presens que il m'a présenté. Mais ce n'est mies li grés ne la pais * dou roy d'Engleterre, mon signeur, que je les retiegne. » Ce dist messires Mansars : « Tout ce ferai je volentiers, w Si se parti atant de monsigneur Gautier et
15 dou siège de Calais, les dis jeuiaus avoecques lui. Et esploita tant par ses jomniées qu'il vint à Paris; si fist son message bien et à point. Li rois ne volt nulles nouvelles oïr de reprendre les jeuiaus, mes les donna, ensi qu'il estoient, au dit monsigneur
20 Mansarl, qui en remercia le roy, et n'eut nulle volenté contraire dou prendre.
§ 292. Vous avés bien clii dessus oy reeorder comment li contes Derbi s'estoit tenus toute le saison en le cité de Bourdiaus, le siège pendant des François 25 devant Aguillon. Si tost qu'il sceut de vérité que li dus de Normendie avoit deffait son siège et estoit retrais en France, il s'avisa que il feroit une chevaucie en Poito; si fist son mandement de tous les barons, les chevaliers et les escuiers de le Gascongne
