Mss. B 4, 3, fo 142 v». — Ms. B 1, t. II, f» 30 (lacune
Si metoit toutes ses ententes et imaginations au regarder comment il le peuist ravoir. Et sentoit pour ce temps un capitainne en Calais , qui n'estoit mies trop haus homs ne de l'estration d'Engleterre.
Si s'avisa li dis mesires Joffrois que il feroit assaiier 5 au dit cbapitainne, qui s'appelloit Aymeris de Pavie, se pour argent il poroit marchander à lui, par quoi il reuist en se baillie la ditte ville de Calais. Et s'i enclina, pour tant que cilz Aymeris estoit Lombars, et Lombart sont de leur nature convoiteus. Onques 10 de ceste imagination li dis messires Joffrois ne peut issir ; mes procéda sus et envoia secrètement et couvertement trettier devers cel Aymeri, car pour ce temps triewes estoient. Si pooient bien cil de Saint Omer aler à Calais^ et cil de Calais à Saint Orner ; et 15 y aloient les gens de l'un à l'autre faire leurs mar chandises. Tant fu trettiet, parlé, et li affaires démenés secrètement que cilz Aymeris s'enclina à ce marchiet; et dist que, parmi vingt mil escus qu'il devoit avoir au livrer le chastiel de Calais dont il estoit 20 chastelains, il le renderoit. [Et se tint li dis messires Joffrois de Cargni pour tous asseurs de ce marchiet'].
Or avint ensi que li rois d'Engleterre le sceut, je ne sçai mies comment ne par quèle condition; mais il manda cel Aymeri qu'il venist à lui parler à Lon- 25 dres. Li Lombars , qui jamais n'euist pensé que li rois d'Engleterre sceuist cel afaire, car trop secrètement l'avoient demenet , entra en une nef et arriva à Douvres, et vint à Londres à Wesmoustier devers le roy. 30
1. Mss. B k, 3, 1° U2 V". — Ms. B 1, t. II, f" 30 v» (lacune).
Quant li rois vei son Lombart, il le traist d'une part et dist : «Aymeri, vien avant. Tu scès que je t'ay donnet en garde la riens ou monde que plus avme apriès ma femme et mes enfans, le chastiel et 5 le ville de Calais; et tu l'as vendu as François et me voelz trahir : tu as bien desservi mort. )) Aymeris fu tous esbalîis des paroles dou roy^ car il se sentoit fourfais; si se getta en genoulz devant le roy et dist, en priant merci à mains jointes : « Ha ! gentilz sires,
10 pour Dieu merci, il est bien voirs ce que vous dittes. Mes encores se poet bien 11 marchiés tous desrompre, car je n'en receu onques denier. »
Li gentilz rois d'Engleterre eut pité dou Lombart, que moult avoit amet, car il l'avoit nouri d'enfance;
15 si dist : « Aymeri, se tu voes faire ce que je te dirai , je te pardonrai mon mautalent. » Aymeris, qui grandement se reconforta de ceste parole, dist : « Monsigneur, oil. Je ferai, quoique couster me doie, tout ce que vous me commanderés. » — « Je voeil, dist
50 li rois, que tu poursieves ton marchiet; et je serai si fors en le ville de Calais, à le journée, que li François ne l'aront mies, ensi qu'il cuident. Et pour toy aidier à esc user, se Diex me vaille, j'en sçai pieur gré messire JofFroy de Chargni que toy, qui en bonnes triewes
25 a ce pourchaciet. »
Aymeris de Pavie se leva atant de devant le roy, qui en genoulz et en grant cremeur avoit esté; si dist : « Chiers sires, voirement a ce est[é] par son pourcac, non par le mien, car jamais je n'i euisse
30 osé penser. » — « Or va, dist li rois, et fai la besongne ensi com je t'ay dit; et le jour que tu deveras délivrer le chastiel, si le me segnefîe. »
En cel estât et sus le parole dou roy se départi Aymeris de Pavie, et retourna arrière à Calais. Et ne fist nul samblant à ses compagnons de cose que il euist empensé à faire. Messire Joffrois de Chargni, qui se tenoit pour tous assegurés d'avoir le chastiel 5 de Calais, pourvei l'argent. Et eroy que il n'en parla onques au roy de France, car li rois ne li euist jamads consilliet à ce faire, pour la cause des triewes qu'il euist enfraintes. Mes li dis messires Joffrois de Chargni s'en descouvri bien secrètement à aucuns cheva- 10 liers de Pikardie, qui [tous '] furent de son acort, car la prise de Calais lor touclioit trop malement, et à telz que monsigneur de Fiennes, à monsigneur Ustasse de Ribeumont, à monsigneur Jehan de Landas, au signeurdeKreki, à monsigneur Pépin deWere, à monsi- 15 gneur Henri dou Bos et à pluiseurs [aultres"]. Et avoit sa cose si bien apparillie que il devoit avoir cinq cens lances; mes la grigneur partie de ces gens d'armes ne savoient où il les voloit mener, fors tant seulement aucun grant baron et bon chevalier, as quelz il en 20 touchoit bien dou savoir. Si fu ceste cose si approcie que, droitement le nuit de l'an, la cose fu arreslée de estre faite. Et devoit li dis Aymeris délivrer le chastiel de Calais en celle nuit par nuit. Si le segnefia li dis Aymeris, par un sien frère, ensi au roy d'Engle- 25 terre.
§ 318. Quant li rois sceut ces nouvelles et le cerlainneté dou jour qui arrestés y estoit, si manda
