CONTRAT DE BIGOT

AVBG LA VILLB DB MONTAUBAN

L'an mil cinq cens cinquante et le sceziesme jour du moys de décembre a Montaulban et régnant Henry II, ez présences, etc. Establiz en personnes honnorables hommes mess" maistre Jehan Constans le vieulx licencié ez droictz^ Nicholas Mabrun merchant et maistre Gerauld Vaucelle notaire consulz de ladite ville de Montaulban pour la présente année mil cinq cens cinquante et maistre Ramond Scorbiac notaire et secrétaire de Révérend père en Dieu monseig' Jehan de Letez *, evesque de Montaulban etc. faisant pour et au nom dudit Seigneur par lequel a promys do faire ratiffier le contenu du présent instrument quant en sera requiz sur ypothecque de ses biens propres et particuliers. Lesquelz Consulz pour soy et les aultres Consulz leur compagnons absens et pour et au nom de l'université et communauté de ladite ville Et ledit Scorbiac au nom dudit seigneur Ont baillé a Monsieur Maistre Guillaume Bigotius docteur en médecine et maistre ez artz illec présent et acceptant : La charge de lecteur à faire chacun jour une lecture d'une heure en philosophie dans les scelles publicques d'icelle ville ou aultre lieu que luy pourra estre baillé Sauf et réservé audit Bigotius la vaccation du jour de jeudy de chasque sepmaine et les jours des festes du dimanche et solempnes de nostre Seigneur, Nostre Dame et des appostres et Evangeiistes; et aultres festes que la court de parlement de Tholose n'entre point ' et les mois de juillet et aoust. Et ce pour

' Jehan de Lettea des Prés, coadjuteur à Tévêqae Jehan des Prés en 1517, évêque lui-même du 30 octobre 1539 au mois de novembre 1556; plus tard prolestant, marié et réfugié à Genève. (Gallia ChrisHana.)

* En séance.

le terme de deux ans et demy, encommancez du premier jour du moys de janvier prochainement venant et finissans lesdits deux ans et demy revolutz et complcctz. Et pour ce faire lesdits Mess" Consulz et Scorbiac aux noms que dessus respetivement luy ont constituez gaiges de quatre cens livres torn. pour an, poyables chesque moys la doulziesme partie de laquelle somme ledit Scorbiac au nom que dessus a promys. payer audit Bigotius la somme de cent cinquante livres torn. pour la première année et pour lautre année et demye cent cinquante livres torn., et lesdits Consulz le restant de ladite somme ausdit s termes. Oultre a part cinq soulz torn. que ledit Bigotius prendra de chascun scoulier de ses auditeurs pour moys, sens y comprendre les enfans ou aultres domiciliez et comptables de la ville et sa juridiction. Et a esté pactisé et convenu que au cas que a ladite cité de Montaulban survint dangier de peste pour raison duquel faulsist fermer les scolles, en ce cas ledit Seigneur evesque et Consulz seront tenuz de payer lesdits gaiges audit Bigotius durant ledit danger pourveu que ledit Bigotius sera t«nu de aller lisre ailleurs hors icelle la ou lesdits Seigneur evesque et consuls adviseront. Et pendant le temps dudit bail ledit Bigotius sera tenu de faire lesdictes lectures et, le dcbvoir d'un bon lecteur, cessant ompeschemcnt pour raison de maladie. Et d'abondant s'il estoit distraict par autres cas urgens et nécessaires, en sorte que pour iceux cas urgens et nécessaires feust contrainct obmectre quelques leçons sera tenu quictc refaisant aultant de leçons quil en auroit cessé et obraiz pour lesdits cas urgens & nécessaires. Et à tenir et garder tout ce dessus lesdites parties respectivement, c'est assavoir lesd. Consulz ont oubligez et ypothecquez les biens communs et esmolumens de lad. ville et ledit Scorbiac les biens dudit Seigneur evesque et les siens propres pour le faire ratiffier et jusques a ce que ledit Seigneur ayt ratifôé envers led. Bigotius, et aussi led. Bigotius les siens propres envers lesd. Seigneurs evesque et Consulz et la ville. Et lesquelz ont soubmyz, etc. Renuncant, etc., avec serement que lesdites parties ont preste respectivement ez présences

de mess" maistres Guillaume de Vanes docteur de ladite ville, Jehan de La Roche aussi docteur de Tholoze, Pierre del Tilh prebstre de Yllemade et de moy, Arnauld Puget notaire royal habitant de ladite ville de Montaulban, qui requiz, en ay retenu le présent instrument lequel en tesmoing de ce et pour plus grand fermeté d'iceluy lesdites parties et tesmoings ont ensemble moy soubz signé

CoNSTANS consul Mabrun consul

G. Vaucel consul G. Bigotius

Sgorbiac pour ledit La Roche

seigneur evesque Devanes

Du TiLL presbtre

POGETI

Lesdits Scorbiac et Bigotius et chacun d'eulx en ont retiré ung double. ,

lie xxij« jour de février an mil v« 51, lieu et an que dessus ez présences de damoiselle Jehanne de Galle femme et ayant procure dudit Bigotius comme illec en personne establie a dit et confessé avoir esté payé et satisfaict entièrement de la part dud. Seigneur evesque de Montaulban presens et estipulans pour luy ledit Scorbiac son secrétaire et F. Nicholas Mabrun son tresourier tant de la tierce partie de la somme contenue audit instrument comme de l'accord qui a esté depuys faict entre lesdits Mess" Consulz et Scorbiac d'une part et ledit Bigossius d'aultre avec l'instrumentum passé retenu par M* Berenguier Beronnis notaire tellement que ladite de Galle a consenti que tant que touche la part dud. Seigneur evesque lesdits Instrumens soyent cancellez en présence de S' Bernard Gaussât merchant, Jacques Pons, Jean Heans? de LaParvilleet de moi Arnauld Pogeti notaire royal Susdit qui requiz en ay retenu acte En tesmoing de quoy me suys cy soubzsigné

POGETl

Le cinquiesme jour du mojs de mars an susdit mil vc y en ladite ville ledit Bigotins illec estably requis par Monsieur le Consul Bironis illec présent acceptant et estipulant pour le sindic de ladite ville suivant la tranzsaction entre eulx faicte le iiij» novembre an susdit s'est debmys et desparty du présent bail (?) moyennant ce qu'il a du avoir receu des S'* Consulz et sindic par les mains de S' Jehan Fies leur tresourier illec aussi paie en plusieurs solutions la somme de troys cens soixante quatre livres huit soulz dix deniers tourn. tant en solution de la quotité de lad. somme jusques ledit même nombre que eux tiers de cent escuz sol. qui par ladite transsaction luy seroient accourdez. En maintenant que s'en est contenté et a consenti que lesdits instrumens soyent cancellez et resindez comme a esté faict,presens Jehan Chambolive vieulx merchant et M* Anthoine Robbert escoulier a présent habitant de lad. ville. Ensemble moy susdit Pogeti notaire qui requiz en ay retenu cestuy acte en tesmoing dequoy me suys cy soubz signé

POGBTI.

(Archives munîcipaleB de Montauban, série GG, année 1550, 16 décembre. — Communiqué par M. le professeur Nicolas.)