LA SECONDE PARTIE
Le maistre. Mon filz, as tu apris comment il fault prier? Lenfant. Ouv.
Ci 4
Le maistre. Qu'est ce que prier?
Lenfant. Cest inuoquer Dieu auecques vne tresgrand'afTection pour impetrer ayde et pardon des péchez.
Le maistre. Tu dis bien; mais comment pries tu?
Lenfant. Ainsi qu'il nous est erdonne' de nostre seigneur Ihesu.
Le maistre. Recite le.
Lenfant. Nostre Pere qui es es cieux, ton nom soit sanctifié, ton règne aduienne, ta volunté soit faicte en la terre comme au ciel. Donne nous auiourd'liuy nostre pain quotidian, et nous pardonne nos offences, ainsi que nous pardonnons à ceux qui nous ont offencez. Et ne nous induys pas en tentation, mais deliure nous du maling; car à toy est le royaulme et la puissance et la gloyre es siècles des siècles. Amen.
Le maistre. Pourquoy appelles tu Dieu ton pere céleste?
Lenfant. Alïin que ma pensée s'appuye mieux et se confyc à son ayde paternel et céleste.
Le maistre. Pourquoy pries lu Dieu?
Lenfant. Aflin quil nous donne toutes choses lesquelles nous sont bonnes ot nécessaires, et quil nous deliure de toutes misères cl langueurs. Le maistre. Quel bien demandes tu premièrement?
Lenfant. Le bien céleste.
Le maistre. Quel est il?
Lenfant. En lamour et cognoissance du Pere céleste. Le maistre. De quelles parolles vses tu en priant?
Lenfant. Ton nom soit sanctifié. Ton royaulme aduienne. Ta volunté soit faicte ainsi en la terre comme au ciel.
Le maistre. Par quel moyen est sanctifié le nom de Dieu enuers les hommes?
Lenfant. Par la congnoissance de Dieu, laquelle leuangile nous donne, et aussi par oraison, laquelle est conioincte auecques foy et constance.
Le maistre. Tu as bien dict, car en cecy est le premier fruict de leuangile. Or comment est ce que le royaulme de Dieu nous aduient?
Lenfant. Il nous aduient alors que nous obéissons à leuangile, et que Dieu nous gouuerne en lassemblée des fidèles par sa parolle et son esprit.
Le maistre. Il est ainsi. Car leglise de Christ est le royaulme de Dieu. Mais comment ce faict sa volunté en la terre comme au ciel?
Lenfant. Quand nous faisons voluntiers ce quil nous a commandé et endurons paciemment ce quil nous enuoye.
Le maistre. Affin que tu puisse apprendre cecy, il te fault employer tout le temps de la vie. Et pour ce que tu doibs estre incité en l'église de Christ pour paruenir à ceste perfection. Mais que requiers tu dauantaige?
Lenfant. Les choses qui nous sont nécessaires en ceste vie présente.
Le maistre. Par quelles paroles?
Lenfant. Par celles cy : Donne nous auiourd'huy nostre pain quotidian? Le maistre. Mais pourquoy dys tu du pain; pourquoy quotidian; pourquoy auiourd'huy?
Lenfant. Affin que ie ne désire rien sinon ce qui m'est nécessaire, et que ie m'abstienne de toute superfluité, et ce qui m'est nécessaire que ie lattende du seul Dieu.
Le maistre. Tu dys tresbien. Car sa bénignité nous donne toutes choses, combien quil semble que les hommes y mettent grandes peines. Que pries tu oultre plus?
Lenfant. Quil me donne remission de mes péchez. Le maistre. Par quelle oraison?
Lenfant. Par ceste cy : Et nous pardonne noz offences ainsi que nous pardonnons à ceux qui nous ont offencez.
Le maistre. Pourquoy dys tu : Ainsi que nous pardonnons?
Lenfant. Pour autant quil nous conuient vrayement pardonner à tous hommes quand nous requérons à Dieu quil nous soit miséricordieux.
Le maistre. Mais que requiers tu oultre?
