CHAPITRE XXVII

De plusieurs ècarmouches , et rencontres , entre le duc de Bourgong?ie , comte de Flandres, et les Gandois.

Or deviseray je de Tan i453, et des aventures d'iceluy, en continuant mon œuvre et ma matière : qui vaut bien d'estre perséveree. Si fut vray que l'an 53, le troisième jour d'avril , après Pasques , Pierre Moireau, dessusdict, soy voulant venger du reboute-

(0 Méliaignant : fatigant, maltraitant.

l3o MEMOIRES

ment que luy fit (0 le bastard de Bourgongne, a sa première conduite des Gandois , assembla desdicts Gandois tant et si-largement qu'il en pouvoit finer : et marcha de-rechef contre Terremonde : et croy qu'à celle heure n'y estoit point le bastard de Bourgongne : mais estoit en Court, devers le duc. Si fut messire George de Rosimbos , signeur de Fillames , averti (lequel estoit lieutenant du bastard de Bourgongne) et feit entrer au boulovart d'outre l'eaue , trois cens archers et cinquante hommes -d'armes, et aprester l'artillerie : et les Gandois marchèrent moult-fiërement : et vindrent de tel courage, que pour doute du traict à poudre ils ne laissèrent qu'ils ne veinssent livrer l'assaut audict boulovart, main à main : et dura ledict assaut, aspre et fier, bien trois heures : et furent ceux du boulovart une fois ou deux rafreschis et renforcés de ceux de la garnison : et finalement se partirent Gandois : et se retraïrent à leur grande perte. Car les archers saillirent sur les levées de la rivière : et moult en occirent : mais la chace ne fut pas longue : pource que moult-grand nombre furent les Gandois : et doutoyent les capitaines de la garnison qu'il n'y eust embusche.

Le lendemain ( qui fut le quatrième jour d'avril ) les Gandois firent une autre emprise, et à grosse puissance coururent en Hainaut, jusques au plus-près d'Enguyen, passèrent près de Tournay, firent moult de maux et de dommages en leur chemin , et s'en retournèrent sans nul contredict : et bien le peinent faire : car les mesnagers avoyent abandonné leurs

(0 Du rcboulement que luy jil : cle la victoire quavoit remporlct sur lui.

d'olivier de la marche. i3i

garnisons , pour aler visiter leurs maisons et leurs mesnages : et n'y avoit nuls gens-d'armes assemblés au païs , qui eussent peu faire à la puissance des Gandois nulle résistance. Quand le duc de Bourgongne veit la continuation de ses ennemis et rebelles, il fit de nouvel son mandement : et manda gens-d'armes par tous ses païs, pour estre prests au quinzième jour de may : et en ce temps, à la requeste des nations à Bruges demourans, le duc acorda une journée à Tlsle : où furent des plus-notables de Gand : et fut la paix comme conclue : mais le peuple n'en voulut rien tenir : et crioyent, parmy Gand, La guerre , la guerre. L'on verra qui seront les loyauoc Gandois , qui combatront pour leur franchise.

En ce temps aucuns Luxembourgeois, qui tousjours avoyent tenu en leur courage le parti du roy Lancelot de Hongrie (0, voyans le duc empesché contre les Gandois , malicieusement cuidérent faire leur profit , et prendre le temps à leur avantage : et pourtant s'emeurent et rebellèrent : et firent rebeller aveques eux la vile de Tionville (qui est la meilleure de la duché, après la vile de Luxembourg) et mirent les officiers du duc de Bourgongne dehors, et ceux qu'ils pensèrent qui estoyent du parti du duc. Si fut avisé d'envoyer devant, pour le secours du païs : et, pource que par le trépas du noble chevalier messire Cornille , bastard de Bourgongne , le signeur de Crouy avoit eu le gouvernement d'icelle duché, fut

(') Lancelol de Hongrie : les historiens contemporains ne parlent pas de l'intervention de Ladislas, roi de Hongrie, dans l'affaire du duclié de Luxembourg, dont il est question dans les chapitres précédons.

avisé que l'on y envoyroit deux des neveux dudict signeur de Crouy , moult -bons chevaliers : et fut l'un messire Anthoine de Rubempré, et l'autre messire Jehan de Rubempré, signeur de Biévres : et leur furent bâilles cinq cens archers, et soixante lances : et gardèrent la frontière à Arlon, et à Vireton , et à autres places voisines : et, à l'aide du signeur de Souleuvre , du signeur de Rollers , de Bourset , et d'autres, qui ne tindrent point, le parti des rebelles, se conduisirent iceux deux chevaliers, frères, si-notablement en leur commission , qu'il n'y eut depuis rien conquis, ne perdu, sur le duc de Bourgongne : et à Luxembourg se tenoit messire Guillaume de Sainct-Songne , et Guillaume de Grevant : pource que ledict messire Guillaume y avoit eu gouvernement, et estoit congnu des signeurs, nobles hommes du pais, et autres, du temps du bastard de Bourgongne, messire Cornille, trépasse' : dont ledict messire Guillaume avoit le gouvernement : et l'avoyent trouvé sage et véritable % et à celle occasion par bons moyens il entretint plusieurs bonnes maisons, viles, et personnes, qui ne se tournèrent point : et (qui plus fut) il ramena des plus-obstinés à la mercy du duc : et fit moult de biens, à l'avantage du duc, pendant iceluy temps : et nous tairons pour le présent d'icelle guerre , pour retourner à celle de Gand.

Pour continuer ma maliére commencée, les Gandois, perséverans en leur obstination, firent tousjours la guerre, à leur pouvoir, à-rencontre de leur prince et signeur : et firent moult d'emprises, de courses, d'entrefaictes, et de maux au plat-païs de leurs voi-

sins : et tousjours perdoyent gens, par cens et par miliers : et le vingtcinqiéme jour de juin (0 s'assemblèrent ceux de la Verde-tente, en grand nombre : et coururent à-1'entour d'Allost, et boutèrent feux, tuans et pillans. Si furent rencontres par le signeur de Cimay, grand bailly de Hainaut (qui avoit assemble' aucunes garnisons aveques les siens) lequel les deffit, et en fit telle occision, que, depuis, la Verdetente ne fut si forte qu'elle estoit par-avant.

Quand le bon duc eut essayé le courage et l'intention des Gandois, ses rebelles, l'une fois par ambassadeurs françois, et autre fois par ambassades, à leur mesme requeste envoyés par les nations estranges, et par les viles voisines (qui tous se meslérent, à leur pouvoir, de trouver paix et apointement en ceste matière) et que tousjours fut trouvé le droit pour le duc, et la roupture par les Gandois mal-conseillés , le duc congnut évidemment qu'il falloit , par l'espee et par le sang, abaisser cest orgueil déreiglé. Si eut fait ses mandemens par ses pais : et se tira au lieu de Courtray : et se partit de l'Isle : où il avoit longuement séjourné à grand triomphe : et fut le vingtième jour de juin : et, le vingtcinqiéme jour d'iceluy, le duc (qui avoit séjourné à Courtray, quatre jours entiers : durant lequel temps l'armée et les garnisons s'estoyent assemblées autour de Grammont, et l'artillerie s'estoit aprochee) en partit, avec son fils : et alérent mettre le siège devant une place , qui se nomme Squandebecque 0) : laquelle place les Gandois tenoyent, et s'y retrayoyent : et fut à l'occasion d'i-

(>) Le vingtcinqiéme jour de juin : Monstrelet dit que ce fut le j5. — {*] Squandebecque : lisez Schenddbeke. L.

celle place moult de maux par le plat-païs de Hainaul faict : et furent enclos en ladicte place bien deux cens Gandois : et assez pies de là y avoit une autre tour, petite, close d'eaue : en laquelle s'estoyent retraits environ vingt compagnons.

Tandis que le mareschal de Bourgongne ordonnoit le siège et les approches, aucuns aventuriers furent avertis d'i celle tour, et des Gandois retraicts en i celle- Si leur fut prestement livré l'assaut par plusieurs hommes-d'armes : qui prestement entrèrent au fossé, et commencèrent à assaillir : et les Gandois se deffendirent moult-hardiment. Les archers tiroyent flèches si dru, et si-souvent, que les Gandois pouvoyent à grande peine venir à leurs deffenses : mais , nonobstant, ils se deffendoyent asprement. Les hommesd'armes estoyent en lieu, tous armés, qu'ils ne leur pouvoyent rien faire, si-non recevoir les coups de pierres, et de bricques, que leur ruoyentlesdicts Gandois : car en la tour n'avoit qu'une entrée, d'un huis tresestroit, haut en la tour, bien clos, et bien serré. Si fut une eschelle aportee, et drecee devant la porte, en intention de la rompre : et le premier, qui monta dessus, fut Jaques de Falerans, un moult vaillant escuyer : et monta jusques à la porte : mais, par une fente, un Gandois luy donna si-grand coup d'une picque , qu'il l'emporta jus de l'eschelle, et l'abatit tout plat au fossé : mais il fut par ses compaignons tantost relevé : et n'eut autre mal , ne bleceure. Si monta incontinent l'eschelle Estienne de Sainct-Moris , cousin germain dudict Jaques de Falerans. Il avoit l'espee au poing : et monta jusques au plus-haut : et contendoit de couper ladicte picque, dont ledict Gandois

d'olivier de là marche. i 35

defFendoit moult- fièrement la porte. Plusieurs coups d'aguet et d'avis rua le Gandois, de la picque, pour cuider l'escuyer atteindre : qui se soustenoit vaillamment , et contendoit d'entrer en la tour , et de gaigner l'entrée à son pouvoir : mais le vilain ( qui combatoit à son avantage) rua un coup de toute sa force, et atteindit ledict escuyer au visage , et lui perça la jolie, et la teste, en costiére : et porta l'escuyer au fossé, tel atourné, que l'on cuidoit qu'il fust mort. Finalement l'assaut dura si-longuement, que le signeur de Montagu , et autres capitaines vindrent à l'assaut : et fut deffendu que plus nully ne montast l'eschelle : pour ce que trop grand desavantage avoyent les assaillans : et fut l'eschelle ostee : et fit on aporter largement paille : et soustenoyent les hommes- d'armes, à leurs lances, les faix de la paille, liés, et allumés de feu : parquoy l'on brulla ladicte porte : et tandis un escuyer, nommé Jehan de Florey , leva l'eschelle , d'un autre quarre de la tour : et du bout d'une hache mina tellement les bricques de la tour qu'il y fit un trou si grand, qu'il valoit un nouvel huis : et, quand les Gandois, qui avoyent deffendu plus de trois heures, se veirent ainsi pressés de toutes pars , ils monstrérent signe de parler : et finalement se rendirent à voulonté : et furent mis es mains du prevost des mareschaux , et depuis pendus à un arbre.

Ainsi fut le siège mis devant le chastel de Scandebecque , la tour prise : et se logea le duc , les princes , et gens-d'armes de toutes pars : et fut l'artillerie afustee, et les aproches faictes : et auxdictes aproches fut tiré du traict , tout outre le visage d'un escuyer, nommé Jehan Rasoir, serviteur de messire Jaques de

Lalain : et n'en mourut point. Aussi fut blece' un moult bel et vertueux jeune chevalier, nomme' messire Jehan du Bois, signeur de Hannekin : et eut le pie senestre percé d'une coulevrine. Plusieurs y eut blecés et navrés ( qui sans grande cause s'approchoyent, et découvroyent devant le traict) dont je me passe pour abréger : et fut l'artillerie du duc sibien diligentee, que les Gandois, eux voyans enclos de toutes pars, commencèrent à parlementer : et firent traiter par leur curé : et se rendirent à la voulonté du duc, corps, vie, et biens : et ne demoura le siège que cinq jours entiers : et furent tous pendus, réservé le prestre, leur curé, et un, qui se disoit capitaine de Gavre : qui fut gardé, pour les causes, que vous pourrez ouir cy-apres : et fut le capitaine pendu au pont-levis : qui estoit noble homme, et l'un des beaux hommes que l'on pouvoit veoir : et ainsi prit le duc le chastel de Scandebecque,

Le duc fit retourner son artillerie : et prit conseil d'aler assiéger le chastel de Poucques : et tira celle part : et le mareschal de Bourgongne, acompaigné des Bourgongnons, de messire Jaques de Lalain, des signeurs de Beauchamp, et d'Emeries, et autres capitaines, tirèrent contre le chastel de Gavre : pource que celuy, qui se disoit capitaine de Gavre ( comme dict est) promit audict mareschal , de luy faire rendre la place. Si fut mené parler à ses compaignons : mais ils tindrent petit de compte de luy , et de son pouvoir : et tirèrent après luy canons, et autres traicts : et s'en revint le mareschal de Bourgongne sans autre chose exploiter pour cel!e fois : si non qu'il fit pendre le Gandois à un arbre : et coucha celle nuict, et la corn-

d'olivier de la marche. i 3^

paignie, en un vilage, assez près dudict lieu de Gavre : et le l'endemain retourna l'avantgarde devers le duc de Bourgongne. Le bon duc ( qui desiroit de soy venger de ses rebelles , et qui vouloit exécuter Testé : qui estoit bel et sec ) se tira, au départir de Scandebecque, devant le chastel de Poucques. Si fut le chastel environne' de toutes pars , et de plaine venue la basse-court brulee et arse , voire leur pont, gisant jusques au pont levis , qu'ils avoyent à grande haste drecé contre , et pour la defFense de leur porte : comme afin que Ton n'entrast peslemesle par le pont. Si fut l'artillerie drecee grosse et petite, contre un pan de mur , entre deux tours : lequel pan de mur estoit maçonné d'une sale et autres chambres : et voyoit on bien, par les fenestrages, que celuy pan ne pouvoit avoir guéres grand force : et aussi le lieu et le terroir estoit convenable à asseoir artillerie , au regard des marescages des autres costés : et furent en peu de temps les tours et les murailles fort empirees.

En faisant icelle baïeure , il avint que par un matin messire Adolf de Cléves , le bastard de Bourgongne, et autres jeunes signeurs, alérerrt visiter l'artillerie, et une bombarde, nommée le Bergère, qui moultbien faisoit la besongne : et se tenoyent pavesés et couverts du mantel de celle bombarde : et vint celle part le bon chevalier messire Jaques de Lalain : qui se tira hors de la couverte, et voulut regarder du convive, de la place (0, et de la bateure : et se bouta derrière deux tonneaux , pleins de terre : et par-dessus avoit deux pavais drecés. Le chevalier estoit grand : et re-

(') Regarder du convive , de la place: examiner la situation de la place.

1 38 2UEMOIHE3

garda entre les deux pavais : et à ce moment ceux du chastel boutèrent le feu en un veuglaire (0, qu'ils avoyent nouvellement afusté au plat de la porte. Si fut la fortune telle, que la pierre rompit les deux pavais : et assena le noble chevalier en la teste : et luy emporta tout le front, depuis le nez en sus : et cheut mort le chevalier à la terre : et de ce coup et douloureuse atteinte n'oublia pas Fortune sa diverse nature : qui est telle, qu'elle ne peut souffrir les fleurs, ne les fruits, sur la terre souvent venir à meurison, ou profit, sans leur envoyer vents , gelées, vermines , ou temps impétueux , tendant tousjours à ses fins tresmaudictes : qui est de prendre la fleur sans fruit, ou le fruit sans meurison, et finalement de tout arruiner et destruire ce, qui naist, et croist, entre le ciel et la terre. Mais , celle fois , cette maudite forsenee Fortune , faillit à son atteinte : car elle heurta au front du noble chevalier , à telle heure et à tel bruit, que la renommée de ses vertus et de son sens , et de sa chevalerie vivra et demourera en estre et en mémoire, non pas seulement par les souvenances des vivans et de leurs recors , mais autant que les escritures faictes , et à renouveler , auront cours et durée en ce monde. Car je sçay bien que le royd'armes de la Toison d'or , George Chastelain , nostre grand historiographe, ne plusieurs autres, qui se meslent et entremettent d'escrire, n'oublieront point, en leurs ramentevances et escrits , cestuy messire Jaques de Lalain : dont l'employ de leur récit, en ceste partie, fera honneur et profit à leurs œuvres et matières.

(0 Veuglaire : canon.

d'olivier de la marche. i3oy

Ainsi mourut messire Jaques de Lalain : dont l'ame, par la miséricorde de Dieu , et par l'apparence de la vie du bon chevalier, donne espoir de prendre le chemin de Paradis : et fut le corps emporté en une église, et ensevély, et mis sur un chariot, le mieux et le plus-honnorablement que l'on le peut faire : et l'acompaignérent les nobles hommes de sa compaignie : et chevauchoyent après le corps, à cornette dépleyee , comme s'ils fussent par luy conduits et menés en bataille : et aveques gens-d'eglise fut mené à Lalain, en Hainaut : où estoit messire Guillaume de Lalain, père dudict messire Jaques, un ancien notable chevalier, chevalier d'honneur de la duchesse de Bourgongne, et madame Jehannette de Crequi, sa mère : qui piteusement recueillirent leur fds : mais toutesfois se monstrérent sages et constans , en portant leur deuil patiemment , congnoissans que du plaisir de Dieu chacun se doit contenter. Si fut enterré en l'église de Lalain : où depuis j'ay veu sa sépulture, moult-solennelle : et ne fait pas à demander si le duc de Bourgongne et le comte de Charolois furent déplaisans de ceste male-aventure, avec toute la chevalerie et communauté de l'armée : car il fut mesmes regreté et plaint de tous les lieux, où il estoit en congnoissance. Or ici finit ce, que je puis réciter, et mettre par mémoire, du tresvertueux chevalier, messire Jaques de Lalain priant Dieu, par sa grâce, qu'il veuille que je le voye escrit au livre de vie , aveques les parfaicts.

Le siège de Poucques dura neuf jours : et fut abatu un grand pan de mur, rez à rez du fossé : et le fossé estoit de petite eaue. Si se rendirent les Gandois à la

l4-0 MEMOIRES

voulonté dû duc : et furent pris et liés, et tous pendus , sans rançon , ou répit , ou miséricorde : excepté un ladre (qui leans se trouva enclos) et deux ou trois jeunes enfans, et les gens-d'eglise : et, ce faict, fit le duc remonter son artillerie et tira à Courtray, pour prendre conseil qu'il estoit de faire : et là séjourna douze jours, cuidant trouver manière que son fils Charles n'allast plus-avant en icelle guerre : pource qu'il congnoissoit la fiére obstination des Gandois, et esperoit avoir la bataille, et doutoit pour son seul fils et héritier : et pource l'envoya visiter la duchesse, sa mère : qui de le retenir fit son devoir, luy remonstrant qu'elle en estoit requise du duc, et de ses païs. Mais il respondit courageusement qu'il ne demoureroit point, et qu'il vaudroit mieux à ses païs, avenir, le perdre jeune, que d'avoir signeur sans courage : et finalement revint le jeune comte à Courtray, avant le partement du duc son père.

Le seizième jour de juillet le duc de Bourgongne se partit de Courtray : et ala devant Gavre : et l'assiégea, et l'environna de toutes pars : et fit descendre bombardes , mortiers , et engins volans : et furent les aproches faictes, si -près que faire se peut : et à la vérité la place de Gavre ne fut guéres erapiree de bombardes ne d'engins, fors le dessus des pans, et des tours, qui furent abatus : et avint, après avoir duré le siège six ou sept jours, que le capitaine du chastel (qui se nommoit Jehan de Bos (0) voyant

(0 Selon Monstrelet, il y avoit dans cette place deux capitaines anglais nommés Jehan de Vos , et Jehan de Hont. Meyer prétend que le capitaine qui s'enfuit vers Gantl , s'appeloit Amoul Vandei Speecken.

d'olivier de la marche. i4f

que pour monstrer feu, ou enseignes, son secours ne venoit point de Gand , congnoissant la variation du peuple gandois, et se sentant batu et étonné de toutes pars, s'appensa d'aventurer son cas : et prit aveques luy six ou sept hommes, ses feables, et gens de faict : et fit une saillie par le plus-obscur de la nuict, et frapa hardiment sur les premiers qu'il trouva es tranchées , et es aproches ( qui furent en petit nombre, et qui ne se doutoyent de rien) et finalement mit iceux en fuite et desroy : et feit un grand efFray sur l'artillerie : mais luy ( qui avoit ailleurs son emprise progettee) ne poursuyvit point : ains passa la rivière de l'Escaud à nou, et ses gens : et s'en tira à Gand sauvement : et n'est pas à oublier comment il amassa ceux de la vile, et leur dît qu'il s'estoit aventure' pour sauver ses compaignons, qui estoyent assiégés à Gavre, et qui desja estoyent en grande nécessite' de vivres et de bateures , et n'y avoit moyen pour les secourir, que par bataille, qui leur estoit par eux promise : et leur dît que le duc de Bourgongne n'avoit guéres de gens , et que son armée estoit moult amoindrie par ses gens, qui l'abandonnoyent, et se déroboyent tous les jours de la compaignie : dont il estoit bien acertené par prisonniers, qu'il avoit pris sur le sie'ge.

Là fut un Anglois nommé Jehan Ost. Iceluy Anglois avoit grande authorité aveques les autres Anglois, tenans le parti de Bourgongne : et avoit promis d'amener les Gandois en bataille : car le duc de Bourgongne voyoit moult son profit de les combatre aux champs : et desiroit moult de les y trouver, pour soy venger, et abréger sa guerre. Si dît cest Anglois tout

l42 MEMOIRES

haut, que pieça il leur avoit bien dit que le duc de Bourgongne n'avoit guéres de gens, et que l'on ne devoit point laisser perdre ceux qui estoyent assiégés à Gavre , n'une si bonne place : et leur dît qu'il vouloit estre le premier au front de la bataille : et les asseura moult de la victoire. Si fut le peuple léger à émouvoir : et saillirent hors de la vile de Gand en deux compaignies : dont en la première compaignie eut vingt-cinq mille hommes, éleus et nombres, sans les gens-de-cheval, Anglois, et autres: et conduisoit les chevaucheurs d'icelle première compaignie ledict Jehan Ost, pour les Anglois, et un jeune homme gandois , nommé Jehan Van Nielle , pour lesdicts Gandois : et avoyent canons et serpentines à chariots , et artillerie à poudre assez , et largement. Apres iceux saillirent une grosse compaignie de gens, où il pouvoit avoir vingt mille hommes, et plus. Ceux saillirent sans ordre , et sans commandement : et marchèrent après les premiers , comme une arriéregarde.