CHAPITRE LXXVIIL
Comment monsieur de UEscun , mareschal de France ^ tint Parme contre toute V armée du Pape et des Espcàgnob,
Tandis que toutes ces choses se faisoient en France par les frontières, tant en Ardenne qu'en Guyenne, oh estoit monsieur l'admirai de France , et monsieur de Guise, frère de monsieur de Lorraine, chef général des lansquenets, les Espaignols eurent en penser, pour faire tirer le Roi et son armée et la guerre hors leur pays, qui feust bien pensé à eulx , qu'ils fairoient une armée avecques le Pape , et l'envoy croient en Italie : laquelle feust bientost preste, et commença à marcher droict à Parme. Et, incontinent que monsieur de Lautrec, qui estoit lieutenant général du Roy à Milan, sceut ces nouvelles, il despescha son frère, qui estoit mareschal de France, monsieur Lescun, qui àvoit laissé le bonnet rond, et estoit evesque de Tarbes au commencement , mais il se sentit trop gentil compaignon pour se mettre d'Eglise ; aussi je vous asseure qu'il estoit tel , et fist tant honnestement en toutes choses , là où il eust afiairp , qu'il feust, avecques l'ayde de ses bons amis et amies, mareschal de France. Et, pour ce que l'Italie estoit pour l'heuie biçn desgarnie de gens
.DE TLEURANGl. 38 t
de guerre, et spécialement de gens de pied, feust forcé que fist soudainement un nombre de piétons, qui feurent environ six ou. sept mille hommes , et les mena audict Parme, avecques quatre cent hommes d'armes et quelque artillerie. Et,, subit qu'il y feust arrivé, les Espaignols le vindrent assiéger, et fisrent merveilleusement diligence à la batterie, qui estoit grande comme de cinquante ou soixante pieds de long; et la ville ne valoit rien, ny les fossés, ni. les murailles, et n'estoit remparée. Le premier jour, ils donnèrent ung ass^ult qui feust gros et rude ; mais ils feurent repoussés bien rudement; et, pour ce jour, n'y eust aultre chose faicte. Les gens de pied italiens que lédict sieur de Lescun avoit amenés avecques luy se commencèrent à mutiner, veu la foiblesse de la place, et qu'on les assailloit si rudement. Mondict sieur de L'Escun estant adverty de cette mutinerie, feust bien esbahy et marry, et, en toute diligence, envoya par toute la ville sçavoir qui estoient les mutins; et lui feust rapporté qu'ils estoient six ou sept capitaines italieps, qui s^voient bien deux mille hommes soubs leurs charges. Laquelle chose entendue par luy, tout maintenant envoya quérir lesdicts capitaines, et, voyant qu'ils avoient le cœur failly, ne les voullust plus avoir en sa compaignie , quelque faulte de gens qu'il eust , et au plus gros affaire qu'il eust j et les fist jetter hors la ville, eulx et leurs gens, et leur dict qu'il ne vouUoit point qu'ils feissent peur aux aultres ; et ne luy demeura que quatre mille hommes dans la ville , qui est d'une merveilleuse grandeur. Les Espaignols, sçachant l'allée desdicts gens de pied, voullurent efforcer la ville, et y fisrent grand effbçt, et
382 MEMOIRES DE FLEITRÀirGEi
plus que jamais , par quoy ils doublèrent leur baitterie. Et y feust donné Tassaùlt fort et rude , tellement que ce jour en donnèrent cinq, et tousjours gens frais et gros; et, quand ce vint au dernier assault, ils feurent si bien repoussés , que les gensd'armes qui estbîent à pied, et les piétons, passèrent la bresche, les fossés, en les menant et les battant jusques outre lesdicts fossés. Et y perdirent beaucoup de gens les Espaiguols ; et. s'y eschaufferent tellement, que ledict sieur de L'Escun ne les sçavoit faire retirer dedans la ville ; toutesfoisen la fin se retirèrent, en faisant bonne chère et bon guet. Les Espaignols voyant cette mine, visrent bien que ce n'estoit viande pour eulx, et eurent conseil dès le lendemain lever leur siège, et se retirèrent un peu à Tescart , en voulant marcher vers Milan. Et monsieur le mareschal de Foix se mist à la queue, avecquesce qu'il avoitdegens, et leur rompist vivres; et leur faisoit tout le mal qu'il pouvoit. Or je laisseray icy le mai^eschal de Foix et ses gens , pour retourner à nostre matière et aux choses qui se fisrent^ cependant, sur les frontières de France (0.
(t) La fin de ce chapitre fait conjecturer que Fauteur n'a point acheTÔ son traTail, ou bien que la fin a été perdue. Quoi qu'il en soit, toutes les éditions des Mémoires de fleurange ne contiennent rien de plus que celle-ci.
FIN DES MEMOIRES DE FLEURAlfGE.
