CHAPITRE LXXVI

Comment j au partir deJametSj monsieur de Nassau alla assiéger Fhranges ; et comment les lansquenets vendirent monsieur de Jamets ^ qui estoit dedans,

Ledict sieurs de Nassau, poui*suiyant son entreprise, marcfaoit tousjours avecques son arm^e, tirant le chemin à Florange ; et demeura huict à dix jours à aller depuis Jamets jusques4à, pour le grand charoy d'artillerie qu'il avoit , qu'il regardoit de diligenter. Or estoit dedans Florange le sieur de Jamets , frère de TAdvantureux \ et y avoit déjà quatre ou cinq mois qu'il y estoit, et avoit avecques lui six cent lansquenets et quinze ou seize hommes d'armes , et quelques advanturiers rassemblés avecques ceulx de la ville. Et audict Florange y a ville et chasteau \ mais ils ne sont pas grands, et bons fossés, et bonnes douves à doubles fossés; et les avoit bien faict accoustrer ledict sieur de Jamets, depuis qu'il y estoit : la ville et le chasteau estoient merveilleusement bien artillés, autant que'place que l'on ait long-temps veue* Et avoient lesdiçts lansquenets desja quatre ou cinq mois de service , et tousjours bien payés, et avoient force vivres pour ung an dedans. Monsieur de Nassau, de prime arrivée , ne se jetta point dedans, et alla séjourner ung petit à une ville qui est à l'Empereur , à une lieue près de Florange , nommée Thionville. Or il s'estoit faict, dedans deux ou trois jours devant, quelques escarmouches, là où avoient esté aucuns lansquenets de ladicte ville de Flo«

range, et estoient compaignons qui avoient crédit avecques la commune des lansquenets : Fung desquels lansquenets prisonniers feust mandé par le sieur de [Nassau, pour faire practique avecques luy, pour le renvoyer dans la ville avecques quelque argent qu'on Jui avoit donné pour faire une menée secrette, pour faire mutiner les lansquenets, en leur disant qu'ils Seroient tous pendus, pour ce qu'ils estoient du pays de l'Empereur. Monsieur de Nassau, ayant response dudict lansquenet, fist marcher son armée et assiéger la ville. Les lansquenets qui estoient dedans commencèrent d'avoir peur, avecques la bonne volonté qu'ils avoient de ne rien faire; car ils ne tirèrent jamais quatre ou cinq coups d'artillerie. Et vindrent au sieui" de Jamets , en lui demandant querelle d'eulx pouvoîx^ honnestement partir; et luy disrent : «Monsieur, 1^ « coustume des lansquenets est que quand il sont assié- « gés dedans une ville, on leur baille double paye pour .« ung mois. » Laquelle chose ledict sieur de Jamets leur fist incontinent bailler, nonobstant qu'ils feussent payés pour deux mois davantage qu'on ne leur devoit ; dequoy feurent bien esb^his; car ils pènsoierit que ledict sieur de Jamets n'eust point d'argent; mais le sieur de Sedan et l'Advantureux luy en avoient envoyé, voyant l'affajre que luy estoit à venir. Le lendemain disrent a^u sieur de Jamets lesdicts lansquenets : « Mon- « sieur, si vous ne vous rendes , nous vous rendrons; » car toute la nuict ils n'avoient faict que mutiner avecques ceulx de la ville; et estoit déjà à l'une des portes le comte Félix, qui attendoit qu'ils se rendissetit avecques tous les lansquenets de son parti, en bataille. Cela faiçt, feust pris d'euJx le sieur de Jamets , et livré entre

DE FLEUBÀNGE. 3n5

les mains du comte de Nassau ; et tous les Allemands qui estoient dedans Florange passèrent tous dessoubs une picque, en sortant de la portf , là oii les lansquenets de l'Empereur les dépouillèrent tous, en leur disant qu'ils estoient meschans, et qu ils avoient faulcé leur serment^ et qu'ils n'estoient pas dignes d'estre ja* mais aoubs enseignes, ny avecques gens de bien. Et^ à cette heure là, avoit le roy de France dix -huit mille lansquenets en son camp d'Attigny, là où une partie de ceux-là se vindrent rendre ; et incontinent que TAdvantureux le sceut, les en advertit, et tous ceul^ qu'on peut attraper passèrent les picques. Le sieur de Jamets feust mené à Thionville^ auquel mon* sieur de Nassau promist le traicter en homme de guerre; et le fist rançonner à dix mille escus de rançon y et mener au chasteau deNamur, en prison. De là mondict sieur de Nassau fist raser la ville, et, ce faict, se retira vers les Ardennes, pour rafreschir son armée, et assemblei" encore plus de gens qu'il 11 avoit.