CHAPITRE XVIIL
Comment la paix fut faicte entre le roy de Cypre et le mareschcU; ei comment il voulut aller devant Alexandrie.
Quand le mareschal se retira en ses galées, luy veindrent nouvelles que paix estoit faicte entre luy, les Genevois et le roy de Cypre , si la manière des convenances luy plaisoit. Si appetla son conseil , et feut veu que les conditions des dictes convenances estoyent toutes telles que ils demandoient. Si agréa la paix, de laquelle avoir fut assez joyeux, afin de mettre à effect le bon désir qu'il avoit d^ porter dommaige au$ mescreans ; et fut son intention d'aller en Egypte devant Alexandrie.
Adonc manda quérir tous ses patrons de naves et de galées. Si leur dict l'intention qu'il avoit, et ce qu'il voyoit à faire , si vouloit que partie du navire allast devant. Les dicts patrons luy respondirent que à partir de là pour prendre leur adresse tout droict en Alexandrie, le vent leur estoit trop contraire : par-
DU MARESCHAL DE BOUGICAUT. ^y
quoy ils ne pourroient nullement prendre le port d'Alexandrie ; mais leur convenoit retourner à Rhodes , et de là prendre l'adresse du vent. De laquelle chose faire leur en donna le maresohal licence. Et luy à tout ses galées s'en retourna vers Cypre^ pour certifier et confirmer la paix, telle que le gi^nd maistre de Rhodes Tavoit bastie et faicte avec le roy de Cypre. Si alla tant qu'il arriva à un port de galées qui s'appelle Pan- -dée, où le dict grand maistre de Rhodes et le conseil du roy de Cypre l'attendoient. Et fut là jurée et confirmée la dicte paix. Et quand ce feut faict, par la prière du dict grand maistre, et aussi des gens du roy de Cypre, il alla plus oultre, où le roy de Cypre et luy se trouvèrent ensemble. Et luy veint le dict Roy au devant, lequel le receut à très-grand honneur et chère, et le mena en ses chasteaux et citez , oii il avoit faict grand appareil pour sa venue. Si voulut donner de très-grands dons au mareschal, et vingt-cinq mille du^ cats comptant* Mais il ne les voulut oncques prendre , ains l'en remercia grandement, en disant que il ne l'avoit point desservy, et qu'il n'en avoit pas besoin, car le roy de France son souverain seigneur luy donnoit assez. Mais s'il luy plaisoit l'aider de ses gens d'armes, et des souldoyers qu'il avoit en son pays, et de «es galées luy voulust prester pour aller avec luy sur les mescreans, que ce prendroit-il volontiers, et grand gré luy en sçauroit. Et le Roy luy respondit que ce feroit«il volontiers. Si luy bailla deux de ses galées chargées de gens d'armes, combien que l'une s'enfuit: car c'estoient cout^saires.
Là avoit esté le mareschal quatre jours. Si ne voulut plus séjourner, adonc preint congé du Boy, et s'en-
48 LIVRE DES FAIGT&
tredoniierent de leUrs joyaulx. Si eiitra à toute sa gent en ses galées^ en intention d'aller droict en Alexan« drie. Tost feurent en mer; mais n eurent pas grande* ment erré, comme les mariniers tiroient à tourner environ l'isle de Cypre, pour tenir leur chemin en Alexandrie, après les naves que le mareschal y avoit devant envoyées, qu'il commença un vent contraire si très-grand, que. pour sens et puissance que mettre y sceussent, ne pou voient avant aller, combien que de tout leur pouvoir s'en efforçassent et estrivassent. Ne leur dura pas petit cest estrif (0 , ains y feurent trois jours entiers; et si n'avoient mie à aller plus de six milles à estre en l'adresse du vent qui les conduisit droict en Alexandrie.
Quand les mariniers veirent que de toute leur puissance ne pouvoient avant aller, dirent au mareschal que oncques en leur vie telle chose n'avoient veu; et quant estoit d'eulx , ils pensoient que c'esloit miracle de Dieu, qui ne vouloit mie pour aulcun grand bien, ou pour le sauvement de luy et de ses gens , que il allast celle part: car, selon qu'il leur sembloit, ce vent n'estoit taillé de cesser d'un grand temps. Si eut en conseil que il laissast ce'ste voye, et allast aultre part. Adonc eut advis d'aller en Syrie devant Tripoli : car là seroit ce voyage bel et bon , et si avoit en poupe vent propice. Si voulut là aller , nonobstant que les Genevois lui conseillassent de s'en retourner à Gennes, et disoient que il avoit assez faict. Mais ce ne voulut -il mie faire. Si alla tant que il arriva à Famagouste : mais pour celle fois gueres n'y arresta. Si prit là une galée, et le lendemain au pfiatin arriva devant Tripoli.
(>) Kstri/: obstacle, combat.
tV Kik«BSGHA.I. ]>S BOUGICAUT. 49
