CHAPITRE VIII

Cy du les saiges establissemens et ordonnances que le ràareschal feit a Gennes.

Sï feit tantost le saige gouverrieur ses establissemens, et ordonna que sur la place de la ville, la-

aO LIURE DES FAICTS

quelle est grande et belle, devant le palais, auroit jour et nuict, soubs diverses bannières et capitaines, gens d'armes en suffisante quantité pour la garde du palais et de la ville. Apres ce fut bien informé quels estoyent tenus les plus saiges et plus preud'bommes de la ville, et iceulx establit sur le faict de la justice. Et bien leur enchargea que sans espargner homme quel qu'il feust, grand ou petit, justice gardassent par telle règle de droict qu'il n'y peust appercevoir nulle fraude , ne que plainte en ouist. Et si en aulcun d'eulx pouvoit appercevoir faveur nulle à une partie plus que à l'autre, feussent tous seurs que il les en puniroit ; que les autres y prendroient exemple. Et avec ce, afin que fraude n'y peust avoir, ordonna que on peust appeller du juge devant luy.

Ja avoit estably ceulx qui seroient de son conseil, où il preint des plus saiges anciens et des plus authorisez, et par iceulx se conseilloit , selon leurs statuts et anciennes manières de gouverner, le faict de la police à leurs coustumes. Item, feit crier par toute la ville, et faire deffence sur peine de mort, que nul ne feust si hardy de courir sus l'un à l'autre , ne mouvoir sédition pour cause des parts de guelphes et de guibelins; mais feist chascun sa marchandise et son mestier , vescussent en paix , et n'eussent autre soing. Et que si nul leur faisoit tort, s'en plaignissent à la justice; et si justice ne leur faisoit droict, veinssent à luy , et droict leur seroit faict.

Adoncques veissiez les bons marchans et hommes de bonne volonté, qui souloient musser le leur de peur d'estre robez de mauvaise gent, mener grand joye, et mettre hors leurs marchandises à plain, et

DU MAR£SCHAI« DE BOUGIGAUT. 21

par mer et par terre. Et les changeurs , qui leur argent souloient tenir musse, et leur change clos (car s'ils les eussent ouverts, tantost eussent esté robez), prirent à ouvrir changes, et leurs finances mettre dehors, et le faict des monnoyes tenir, comme il est de raison, apertement et à plain, sans peur ne crainte d'estre desrobez; et leurs riches joyaulx mettre en public sur celle belle place où ces belles haultes tours , et maisons toutes de pierres de marbre, sont à Tenviron. Et veissiez ouvrir de tous costez boutiques de toutes marchandises, et mettre dehors les trésors qui avoient esté mussez par grand pièce. Et ceulx de mestier , dont les plusi^rs souloient estre robeurs, conveint, s'ils vouloient vivre, eulx prendre à leurs labeurs et mestiers. Et ainsi se preint chascun à faire ce qu'il sçavoit. Et par celles voyes et ces règles la justice bien gardée, et le tout bien ordonné par le sens et preud'hommie du bon gouverneur, se preint tantost la police à bien amender.