CHAPITRE CXLVII
La printe de Théronann*.
Sallbzar ,. fort expérimenté en la guerre, hardi, entreprenant et subtil conducteur de gens d'armes , adverti aulcunement de la disposition et conduite de la cité de Thérouanne , délibéra pour passetemps en lieu d'oiseuse , de faire une emprinse sur ladicte cité > et desployer force , savoir gens et avoir, pour la conquerre au proufit du roi des Romains, et de la retirer hors des mains du roi de France , qui par le trespas du duc Charles , que Dieu absolve ! l'avoit occupée et destenue par l'espace de neuf ou dix ans. Dont, pour achever ceste emprinse , ledit Sallezar assembla de quatre à cinq cents combattants 9 assez vaillants et fort aventureux , lesquels montèrent sur mer en bateaux couverts, feindant que c'estoit sel , pour mieulx celer faict, et par un soir arrivèrent àGravelinghes; et pour ce que si petit nombre de gens ne souffisoit point à si grosse besoingne faire, il s'accompagna de quatre cents Angles que le roy d'Angleterre a voit fait chasser hors de la garnison de Calaix, desquels le souverain conducteur estoit Thomas d'Amont , fort expert et bien renommé au mestier d'armes.
Ces deux bandes ensemble unies , firent provision d'eschelles , engiens , cordes et instruments convenables à telle besoigne , et à moins de bruict et le plus secrètement que possible leur fut, par aine obscure nuict et fort pluvieux, qui fut par un vendredi le neuvième de juing, an quatre-vingtsix, se trouvèrent vers Thérouanne; et au quartier vers l'église de Saint-Nicolas se dévalèrent es fossés* Se vindrent à la muraille, dressèrent leurs esch elles, et sans avoir aulcun entendement avec ceubc de léans, montèrent vigoureusement en hault. Le seigneur des Querdes sentant les courses prinses et attentées qui lors se faisoient sur les frontières de France par ceux du parti du roy des Romains, afin de prévenir au dommaige qui s'ensuy vit, pressa fort ceulx de Thérouanne de re* cepvoir garnison ; et nonobstant leur refus y les fourriers Fr&nchois estoient venus ce mesme jour pour diviser les quartiers ; et de faict retindrent son logis , où se logèrent aultres hostes qu'ils ne pensoient.
Quand la partie des Angles et la partie des Bourguignons , fiers comme luppars et hardis comme lions, se trouvèrent par moyen de leurs eschelles à peu de noise sur les murailles de la ville, tous résolus de la prendre ou d'estre prins , de tout perdre ou de tout gaigner , ils ne trouvèrent de prime face guaires de résistance, car pour l'horrible temps qui lors estoit impétueux tant de vent comme de pluie , le guet de la nûict qui ce quartier avoit en
(i486) db JEA h M0L1WET. 89
charge , s'estoit retiré es tours prochaines ; si ne povoit garder le fort ni regarder l'effort de ses ennemis , lesquels , à peu de gré et de grâce d'eux, sans crainte de doubte, de tempeste ou d'oraige , s'estoient travaillés et venus de loing pour esveiller leur guet; et de faict, ce que deb voient faire^trois ou quatre de ceulx du guet de la ville, retirés au quoi arrière des oresteaulx , pour la dureté du temps , oyantsla froisse de ceulx qui montaient, demandèrent qui vive ! et ceulx qui montés estoient respondirent de vif estomacq , vive Bourgogne ! à quoi ledit guet répliqua par manière de truffe* C'est bon à savoir que Bourguignons se trouvèrent à ceste heure sur les champs par ce beau harle. À ces mots n'y eut plus de response ; mais mirent leur entente Bourguignons et Angles de ramper à mont tellement , qu'ils se trouvèrent à la muraille en assez bon nombre ; et quand le guet se sentit avj* ronné et approchié de tous costés d'aultre manière de gens que de ceulx de sa sorte , il volut eslever un grand effroi ; dont l'un entre les aultres s'advancha de crier alarme ! mais il fut incontinent féru par un Bourguignon , et tant angoisseusement navré , que tost après il rendit l'a me. A l'exemple duquel les aultres eurent conseil et advis de eulx taire ; et furent tellement menachés , sur paine de mort , que oncques puis mot ne sonnèrent. Lorsque Bourguignons et Angles se trouvèrent sur la muraille et au-dessus du guet, ils descendirent en la ville , et se tirèrent au marché , où
go caaoniQUES (4*$)
ils crièrent . «Vive Bourgogne ! tuez tout et mettes » tout à feu et à l'espée.* Ceulx de la ville, qui pair siblement dormoient en leurs lits, cuidans d'estre bien gardés , non advertis de ceste verde empriuse, furent grandement esbahis, et non sans cause, de voir ce criminel resveil. Geulx qui s'advanchoient de mestre teste à fenestre pour enquerre des nouvelles , estoient rudement salués de viretons et traits à poujdre, qui les firent à cop se retirer; et comme saiges et bien ad visés, serrèrent leurs huys y et ne widèrent de leurs maisons jusques à ce que l'effroi fut passé. Les chanoines de Nostre- Dame firent difficulté d'ouvrir leurs ckristres, mais à la fin furent ils convaincus; et Sallezar s'aida des siens ; et à peu de résistance , se trouva maistre de Therouanne.
Il la fit diviser par quartier , et un chacun d'eux print logis selon son assentir. Il fit convenir devant lui les principardx de la ville , et faisoit l'or, l'argent, les jojaulx et vasselles des manans-, pour les distribuer aux compagnons qui ceste emprinse avoient furoi , car ainsi leur avoit promis ; mais les robes- et meilleurs vêstements desdits ma* nants , furent mis en réserve et par inventaire , pour en faiçe le bon plaisir du roj des Romains*
Peu de jours après, vingt-quatre ou trente Angles chargèrent sur charriots la part du butin qui leur fut distribué , et tournèrent les timons dever s Saint-Omer. Quand ils se trouvèrent emprès la justice > chautans et fort jojeulx qu'ils estoient
(i486) de j BAH moiiInet. 91
venus si près de ville sans avoir dure rencontre ni griefve fortune , uneembusche de François chargea sur eux, qui en occit trois , saisit aulcuns d'eux, et ravit leurs proyes ; et partie de l'artillerie du roy de France > comme bastons et grosses pierres , furent trouvés alors à Thérouanne , frontière du pays , pour en besoingner à temps opportun ; de quoi les Bourguignons se réputoient plus joyeulx de les avoir conquis que d'y avoir trouvé ung grand riche trésor; etd'aultre.part, la perte de ladicte artillerie, estait dure à porter aux Frpnchois, souverainement au seigneur des Querdes , qui lors tenoit la monarchie de Picardie en sa domaine ; et cuida. recouvrer par finesse et cautelle , ce qu'il avoèt perdu par mal garde ; et de faict , l'un de ses capitaines nommé Perrot , gascon fort subtil et cauteleux, accompagné de vingt ou trente complices de mesme , les persuada tellement par aolcune intelligence,, qu'ils conclurent ensemble que ledit Perrotet ses adhérents, faindansde se vou loir rendre du parti des Bourguignons, forent recensa Théwraanoe, et s'adressèrent à Sallezar; lesquels, comme les doulces sireines endorment de leurs chants armonieulx les patrons de égalées , il fut ' enveloppé , séduict et achermé de leurs doux affaictez languaiges , mixtionnés toutefois de fraudes et déceptions ; et tant bien patelinèrent, que ledit Sallezar bailla au capitaine Perrot l'une des portes de la ville. '
Le seigneur des Querdes, adverti que son Perrot
9* CHRONIQUES f l 4^
estoit en estât et ea train de parvenir à ses attainctes, fit loger secrètement une fifere embusche auprès de ladite porte ,- afiu de recouvrer la ville ; et ce mesme soir Perrot tint la porte plus longuement qu'il n'estoitde coustume, et fit mettre aulcuos engiens hors , de quoi le peuple estoit mal contenta Sallezar, adverti de ces manières de faire , assembla à toute diligence la pluspart de ses gens, et les fit tirer es portes, et charger sur ces pèlerins. Quant Perrot et les siens se trouvèrent surprinsen leurs mesus, et qu'il estoit en danger de sa vie, il saillit par-dessus les murs et eschappalui dixième; puisjses compagnons, quinze ou seize, coupables de son maléfice , furent à mort exécutés ; mais du parti des Bourguignons y morut le seigneur de Pierues ; se fut bruslée une malheureuse qui conduisoit la trahison ; et pour ce que pendant le temps de cet alarme , les grosses cloches de la ville sonnoient à cause d'un grand oraige qui lors s'estoit eslevé, l'embûche dés François cuidant estre découverte et que l'on sonnast les cloches de l'effroi, se deslogea soubdainement , et tourna en desroi ; se fut rudement poursuivie par Sallezar et les siens.
(i486) DB JEAN MbLIflET. g3
