CHAPITRE CLIX

Ravitaillement de Théronanne faict par monseigneur Philippe de Clèves , monseigneur de Gueldres et le comte de Nassoa

Thérouànb , voyant Sainct-Omer qui lui soloit favoriser, le contrarier, le chasteau de Remesture qui lui fut ennemi mortel, fat en grande

( ! 4^7) DE JEAN MOLINET. l57

désolation , prochaine de tous ses ennemis, lointaine de ses bienveuillans , comme une brebette familleuse en la gueule de loups , esgarée des biens et du bon pastoureau . Les Franchois , au-dehors de son fort , lui faisoient grand travail , et la famine , par dedans , lui faisoit grand réveil \ car chevaulx , chiens, rats et souris estoient livrés aux familleuses dents des corps humains; et plus chièrement vendusque gras bœufs , mis sur les estaux des bouchiers. Le roi des Romains , considérant l'extrême nécessité dont elle estoit oppressée, ensemble la dommageuse perte que ce seroit, si les ennemis la recouvroient , veu la chière coustance de son entretenement , délibéra, par le conseil des nobles princes de son sang , de lui donner confort et brief subside. Et pour ce que l'œil, la main, et la puissance des Franchois, estoient plus aspres, promps et diligents de l'a gueter que oncques , mais, le roy print le choix de sa chevalerie, pour la secourir de vivres, et pour hurter aux adversaires, se le cas s'y donnoit. Provision fut faicte de toutes choses nécessaires à ravitaillement, jusques à trois cens chariots , les deux cens pour la ville , et l'aultre cent pour l'armée; et estoit chef de ceste emprinse monseigneur Philippe de Cièves, accompagné de monseigneur de Gueldres, du comte de Nassou , le bastard Bauduin de Bourgogne , le seigneur d'Isestain , le seigneur de Valckestain, le seigneur de Meurs, souverain de Flandre , le comte de Sorre , messire Charles

l58 CHRONIQUES (^ 8 7)

de Saveuse , le seigneur de Croy , le seigneur de la Boutillerie, Sallezar, le seigneur de Lassaras, le seigneur de Montfalcon, Jacques de Foucquesolle , Hugues de Meleun , et aultres chevaliers et escuyers, jusques au nombre de deux cents; et avec ce une grosse et forte bende d'Allemans et de sept à huit cent Flamens ; et menèrent quinze ou vingt pieches d'artillerie voilant, dont il y avoit trois bonnes serpentines.

Le roy estant en Zellande , les seigneurs, leurs séquelles, les vivres , leurs chariots et les engiens se partirent de Bruges le dix-septième de juing, et passèrent au Nœ-Fossé sans empesche. Lors estoit le seigneur des Querdes à Sainct-Omer , accompagné de quatre cens lanches, le bastard Gardon et Querqueleuvent est oient en la ville d'Aire ; et se logea sur Blancquemont à plain champ ,1'ost des Bourguignons, à une petite lieue près d'Aire , où ils prindrent de quarante k cinquante pièces de vin que ceulx d'Aire envoyoient à ceulx de Sainct-Omer. De la prinse desdits vins firent les Flamens grand feste, et le buvoient en lieu de cervoise, à longs baseaux, et rondeloient les poinçons à force de brachs. Le lendemain, tost après qu'ils furent deslogés, vindrent nouvelles aux princes, par les avant -coureurs des Franchois ; qui toujours les cottoyoient si donnèrent à entendre que jamais homme n'en reschapperoit, ne retourneroit à port de saint, ainchois seroient combattus; et lesdits coureurs respondirent joyeu-

(»4 8 7) DE JEAN MOLINET. t5g

sèment : «À ce faire sommes \ nous venus; c'est le marché que nous demandons » . Et lorsqu'ils furent à demie lieue de Thérouane , leur fui rapporté par les avant-coureurs que , aux ra vains à l'environ , estoienl grosses embusches des Franchois pour les ruer jus, et aulcuns aultres, en nombre de mille chevaulx , se préparaient pour les recepvoir, desquels l'on perchevoit les estandards et enseignes. De ce rapport estoient les Bourguignons non espantez, mais plus encouragez et joyeulx que devant ; car fort désiroiént se joindre aux ennemis. Et comme ceux qui cuidoient avoir un grand et merveilleux rencontre furent tous délibérés de combattre , et monseigneur Philippes ordonna les batailles par le conseil des princes, qui tous se mirent à pied , cfyacuri une picque en la main , et laissèrent leurs chevaulx aux pages fort arrière d'eulx, afin de non avoir espérance, sans victoire. Ils se cloyrent de leur charroy , mirent trois serpentines en front et trois en queue , mirent gens de cheval sur aesles, pour escarmucher et avant-courir , et eurent si bon ordre, que l'un ne passoit i'aùltre ; chaseun scavoit ce qu'il debvoit faire. Et lors les Allemands, qui estoient la plus forte bende environ de deux mille , cuidans ce jour avoir hurt de la bataille , se mirent à genoulx , selon la manière du pays , et baisèrent la terre, et monseigneur Philippes, par doulces et aimables paroles, les admonesta de bien besongner , priant qu'ils fussent loyaulx

ÎÔO CHRONIQUES 04*7)

au roy des Romains et à ceulx de son parti; et ils respondirent de vif et joyeux couraige qu'ils viveroient et mourroient pour lui, et avec ce si ne l'abandonneroient jusques au dernier homme; et quand ainsi seroit que les Frauchois seroient dix mille ^ se ne redoutoient-ils les assaillir. Geste response espresse d'un hardi courage resjoït tous ceulx de l'armée, desquels aulcuns, voyans leur bonne affection larmoyoient par pitié , considérais que d'estranges marches ils estoient venus es pays au service du roy , libéralement euhc offrir au dangier de mort. Et jà soit ceque toutes ces préparatoires de batailles, furent subtillement ordonnées , tant pour combattre que * pour estre combattu , et que en ceste notable ordonnance ils marchassent auprès de la ville, toutes fois la bataille des Franchois n'approcha plus prés d'un ject de veuglaire ; et firent aulcun seigne de planer et de non combattre ; car ils ne se sentoient fors a?sez pour ce faire, à cause qu'ils attendoient la compagnie du maressal de Goy, du bastard de Bourbon , du seigneur de Sainct- Pierre et du grand escuyer de France , lesquels arrivèrent trois jours après le ravitaillement, cuidans que, deux jours après leur venue , il se deusist faire.

Ainsi doncques lesdits princes, ensemble l'armée, sans quelque ahurt ou dur rencontre d'ennemis, se trouvèrent à la porte de Thérouane, entre cinq et six heures du soir , le jour-Saint

04*7) DE JEAN MOLINET. l6l

Jean -Baptiste, an mille quatre cents quatre vingt et sept. La pluspart de l'armée fut logée pour ceste nuictau monastère de Saint- Augustin; monseigneur Philippes et aulcuns princes entrèreot en la ville , et conduirent leurs vivres, qui furent recueillis à grant joie. Les gens du capitaine Alinerade, qui illecq estaient en garnison , en grant perplexité et perchiés de famine , en widèrent ; et pour estre rafreschiés de nouvelles gens y entrèrent le seigneur de Croy, Jacques le bastard de Saint-Pol , le seigneur de la Boutilierie, accompaignés de deux cents chevaulx , payés pour un mois, avec aulcuns aultres, qui paravant y estoient. Ils avoient vivres à larjesse pour trois mois , mais les mesnagiers de la ville estoient tous deffigurés de la grand oppresse de famine dont ils estoient aguillonnés. Les chariots qui les Tictailles amenèrent , afin d'employer leur voyage et de non retourner à Videngen , chargèrent illecq diverses fâchons d'artillerie, dont les Franchois avoient faict leur amasse, comme de bouilets de fer, manteaux^ taudis , petits bacquets de bois et de cuivre.

Le ravitaillement achevé , les princes , l'armée et le carroy, retournèrent en notable ordonnance, fort désirants de trouver. leurs adversaires, qui de paroles les avoient fort menachés , mais riens ne les admiroient ; car en passant saluèrent de traict à poudre ceulx d'Aire , et eulx leur firent le pareil, sans quelque attaincte d'un costé ne

Chroniques. T. XLV. — J. Molinet ///. 1 1

d'aultre. Advint qu'au destroict d'un pont , quant partie des gens de guerre et de carroy furent * passés, les Franchois survindrent par une estroiete voie couverte, pour cuider desfaire le demeurant; mais les Bourguignons monstrèrent si bon visaige , qu'ils retournèrent confus par la bonne et saige conduite des princes , lesquels, à grand honneur, louange et gloire se trouvèrent à Noeffossé , où jà soit ce que le pont fu&ist rompu par les ennemis , toutes foi s il fut soudainement refaict , si que chacun y passa à son aise , et furent receus à grand joie en la comté de Flandres.