CHAPITRE CLX

Le dur rencontre des Bourguignons', devant Bcthune , qae aal canes gens

noihmèrent la journée dés Fromaiges.

N'est merveilles, si le seigneur des Querdes , et plusieurs de sa bende natifs de Picardie, sont Cauteleux, fort subtils et ingénieux, caries anchiennes histoires nous enseignent que les Piéars descendirent des Grégeois, qui; sur toutes nations en science, en art et en arihes, furent les plus recommandés; et que ainsi soit qu'ils soient imitateurs des Grégeois ,' leurs prôgéhiteurs, le Vrai s'en apperra en l'exécution de cestebesongne.

Le seigneur des Querdes, voyant que la noblesse du roy des Romanis, llôurissant en honneur et prouesse , aspiroit de prendre quelques villes en frontière , pour avoir entrée eh France , délibéra , long-tfeirips avant la délivrance de Thérouane, de àttràpper là 'fleur et le choix de sa chevalerie par quelque inalicieuitour. Dont, pour achever son etnprinsè, à peu de travail de corps, et à grand gaigne, il forgea médiateurs de tnesmes, lesquels il envoya vèrS îceulx auxquels il espéroit que volontiers ils teiidroient les oreilles ; et entre les aultres utog compaigrion aventureux ,

0487) DE JEAN MQLINET. 167

nommé Ruelle , natif de Lisle , ayant un sien frère au chasteau de Be thune, conduisit la fraudulente déception , et s'adrescha au lieutenant de la gouvernance de Lisle, à messire Bauduin de Laonoy ; et finablement à monseigneur Philippe de Clèves* auquel, pour agencier son fait, disoit que les villes des frontières estoient fort dépopulées de gensd'armes , à cause des garnisons qui s'esloient tirées au siège de Nantes, et que jamais l'on n'aroit si belle au jeu ; et se faisoit fort de leur livrer, se l'or* y vouloit entendre, le chasteau et la ville de Be thune. Plusieurs gens expérimentés des fraudes etbersauldés des grands déceptions eussent beaucoup pesé le faict avant de lui donner crédence ; mais il estoit tant bien enlangaigé, son langaige si bien instruict; son instruction si bien coloprée et sa couleur tant apparante, que fort leur fut de le croire, et que, après plusieurs çivis el; consultations, journée fut prinse que le marchand devait livrer ledit chasteau par un mardi vingtquatrième de juillet, à l'heure de douze heures à la nuict. Du pris qu'il en pooit avoir je n'en fus jamais adverti. Et lors si les Bourguignons firent grans appreste d'avoir leur marchandise , les Frçinchois. d aultre part , informés de la vendition, firent grande diligence de les recueillir et de les payer d'aultre monnoie qu'ils n'entend oient à recepvoir. Mais pourtant que le seigneur des Querdes avoit mandé aij prévost de Paris et aultres capitaines qu'ils leur envoyassent gens d'ar-

l68 CHRONIQUES (»4*7)

nies pour recouvrer Thérouane , lesquels passèrent par Cambresis en diverses compagnies , la journée du mardi fut rompue , et fut remise au vendredi par nuict, dont sabmedi ajourna.

En ce temps pendant, Thérouanne fut reconquise, puis le seigneur des Querdes entendit au faict de Béthuoeet disposade ses embusches. Monseigneur Philippe de Clèves, fort désirant d'achever son emprinse , fit amas de gens de guerre, fit sçavoir son intention au duc de Gueldres et au comte de Nassou, quiestoient à Bruges, et les avisa qu'il entendoit que les Franchois seussent son emprinse , ou que vraisemblable il y auroit débat ; et lui offrant la part qu'il donna à monseigneur de Nassou, qui est de grand corraige, désirant d'aller à l'emprinse avec monseigneur Philippes, et de y mener monseigneur de Gueldres , qu'il tenoit en singulière affection , qui de bon cœur l'accompagnèrent, pareillement , au seigneur de Boussu , déjà fort avant en son eage et très fort travaillié de gouttes. N'y avoit toutesfois nuls d'eux qui doubtast de la faulseté des Franchois, espérans qu'ils estoient ailleurs empeschés; et leur sembloit bien qu'ils parviendroient légièrement à leur entente ; mais pour estre noblement accompaignés , et aussi pour doubtes de rencontres, ils appelèrent leurs plus léaux et f amilliers amis , nobles chevaliers et puissans conducteurs, fort expérimentés delà guerre; et y furent le seigneur de Molenbais , lequel conduisit ceste emprinse sous monseigneur Philippe

0487) DE JEAN MOLÎNET. 169

de Ravestain , le seigneur d'Estrées ,ie seigneur de Cambra j , le seigneur de Lens , le seigneur de Forest; le seigneur de Trellon, Lamant deBruxelles, le seigneur de Lassaras, le seigneur de Famars, le seigneur de Montfaulcon , Jacques de Foucquesolle , La Mouche , Gennet de Habart , Estienne de Ghastalle , le bastard Gérasme, Chariot de Menneville, Ferry de Nouvelle, Ànthoine de Masthain , Ànthoine de Fontaines , Anthoine de Longheval, Anthoine de Longchamps, Ànthoine de Sains, Claude de Zurre , Pierre de Gaure , Belle- Forrière , aulcunes escades de la garde , cinq cent piétons de Werny et des villages à l'environ , et aultres, jusques au nombre de seize cents à dix-sept cents , et de douze à treize cents chevaulx , avec certain carroi garni de bateaux artificieux, cordes et instrumens à ce servans.

Quant le seigneur des Querdes , ensemble les Franchois, furent au-dessus de Thérouanne, bien advertis de la marchandise qui se debvoit livrer aux Bourguignons, le vendredi par nuict ils garnirent le chasteau de Béthune de deux cents crenequiniers , et la ville de deux cents lances ; - puis assirent six ou sept embusches , et ordonnèrent les aulcuns pour donner dedans les Bourguignons , se ils trou voient avantaige, les aultres pour les mettre en desroy , les aultres pour donner la chasse ? les aultres pour garder les passaiges, et les aultres pour secourir au plus foible quartier. Et furent lesdites embusches tant secrètement assises, que

I7O CHRONIQUES "( l 4^7Î

oncques ne se perche urent les Bourguignons , du maintien desquels le seigneur des Querdes, par ses espies, avoit nouvelles d'heure çn heure» Les Bourguignons en notable ordonnance, comme tous asseurés, sans crainte d'ennemis , et non sachans l'atrappe qui se faisoit sur eux, passèrent au pont à Merinville, et en approchant de nuict la ville de Béthune , à moins de noise que faire se povoit , regardant au hault et voyant plusieurs impressions au ciel à manière d'estoiles chéanfes sur la ville, pronostiquèrent aucuns que p'estoit signe qu'il 7 auroit grand boucherie de Franchois ; et de faict déjà partissent les quartiers , et se logoient es maisons des riches bourgeois dont ils avoient congnoissance ; et leur sembloit bien qu'ils estoient seigneurs et maistres de Béthune ; mais Dieu et fortune en disposèrent autrement. Le guide des Bourguignons menoit les piétons autour de la ville, en laquelle l'on n'ooit noise n effroi non plus que s'il n'y eussist eu a me. \

Après ce.long pourmeuaige, lçs cordeliers sonnèrent leurs matines, puis douze heures sonnèrent., et tou tesfois il estoit plus de deux, heures et demi ; et se fit cedesroyd'orloge par l'entendementque lesFranchois avoient avec l'un des facteurs qui conduisait la sonnerie. Lequel se mist hors de Ja voie , si que oncques depuis n'en fust nouvelles. Il y avoit certains signes qui se debvoient faire au chasteau, de la part des marebans , lesquels ne furent ni veus ni appercheus; mais pourtant ne délaissèrent à pour-

('4*7) DE JEAW MOLITVKT. I7T

chasser leur adventure. Les seigneurs ordonnèrent six ou huit nobles hommes pour faire leur emprinse , gens sans paôur et bien asseurés , c'est afs* savoir : Jacques de Foucquesolle , Ferry de Noutelle , le bastard de Thérasme , La Mouche et Chariot de Menneville , et chacun peint dix hommes à son commandement , pour porter bacquets de cuir , eschielles , cordes et instrumens à ce propice ; et ainsi qu'ils faisoient leurs préparatoires pour taster les fossets,'et entrer au chas* teau , ainsi qu'il estoit devisé , survint d'aventure ung homme Franchois, auquel ils demandèrent : » Qui vive? V Et il respcmdit :■ ct-Le roy ! » Les aultres demandèrent : « Quel roy ? » ^t celui dit : « Le toy de France! n'eates^ous p&s Frari- » chois comme moi? Né save»-vous pas que les » seigneur des Querdes a mandé gens d'armes »à tous lëz ,; jusque* au nombre de quinze à » seize cents éhevàulx, eft tes a* mis en diverses » embusches pour ruer jus les Etour guignons , » qui cuident prendre et embler le chasteau et la » ville de Béthune. »

De ces nouvelles furent les compaignons tant fort esbahis que rien plus. Se fut ledit Franchois amené devant les capitaines, auxquels il' récita ce que dessus est dict , et persistant tousjours en son ferme propos* Àulcuns disoient : « Possible est qu'il dit » vérité; » Les aultres disoient: « Possible qu'il ment, » et qu'il est ici envoyé pour rompre nostre faict; ne » sefaultarrester à la voix d'un homme. aToutesfois

172 CHBONIQOBS 04*7)

le desreglement de l'horloge , la faulte des signes qui ne furent desmontrés qu'à Tapproche du jour, il futconeluddelaissier l'emprinse ; et les nobles hommes qni premiers en firent l'essai, firent hastivement rapporter leurs baequets, el recoeilièrent aulcunes de leurs baghues, et puis retournèrent en leur compagnie > fort desplaisans de la malicieuse et faulse déception où leurs ennemis les a voient attirés ; et entre les aultres ceulx à qui l'ennui en gissoit au plus près du cœur , estoient ceulx à qui les fins et malicieux garnements s'estaient adressiés pour baslir la matiëte ; et est à présupposer qu'ils eurent des Bourguignons plus de dix mille malédictions.

Quant ceste noble chevalerie, qui estoit le chois, le pris ; le bruict ^t la riche espargne du ro y des Romains, se vist tant eau leleusement séduicte, abusée et déceue , n'est à doubter qu'il y eut plusieurs cœurs dolens ; et furent tellement aguillonnés de tristesse, qu'à peu qu'ils n'avoient force ne hardement ; et avec ce , et les hommes et les chevaulx estoient tant travaillés par longues veilles, parce qu'on les avoit chariés du long de la sepmaine, que plusieurs en estoient foullés etamatis ; et pour ce qu'ils ne se doubtoient de leurs ennemis, ils n'estoient armés qu'à demi.

Quant la noblesse se veit malheureusement frustrée de son emprinse,la conclusion porta de retourner, et de soi monstrer en bataille devaot la ville ; et quant l'aube du jour fut crevée, pour congn bistre la

(»487) DE JEAH M0L1JNET. \j5

vérité de ce que les Franchois a voient mis avant des ambassades du seigneur desQuerdes, l'on envoya pour descouvrir quatre hommes d'armes et douze crenequiniers , lesquels se tirèrent vers un molin à vent , ou riens ne percheurent ; puis allèrent à une maladrie, où un ladre, qui desjà estait sur pied, leur certifia , après brefve inquisition , que rien ne scavoit des Franchois ne de leur venue, estât ne de leur embusche. Mais après qu'ils furent un petit eslongiés d'illecq, ils percheurent vingt ou trente chevaulx des avant-coureurs des François , et s'en vindrent dire les nouvelles à la seigneurie, qui tantost y envoya Claude de Zurre , accompaignié de soixa nte ou quatre-vingt chevaulx. Et lors s'amonstra une puissance de Franchois en une vallée, qui verdement, comme fresques et bien reposés, chargèrent sur les Bourguignons ; et les Bourguignonsd'aultre part, sans les craindre ni barguigner, donnèrent dedans puissamment. Là furent d'un costé et d'aultre lanches brisées , chevaulx esfondrés et hommes abattus ; et en fut le hurt fort dur et bien attainct ; si que chascun eut honneur ; mais la force des Franchois es multiplia par les ambassades qui les secouraient , et la puissance des Bourguignons s'affeiblia par les fuitifs qui s'en couroient, tellement que Franchois furent les mais très , et Bourguignons mis en desroi, qui donnoient les fuites par grosses compaignies ; et abandonnèrent les piétons, comme brebis sans pasteur, en la gueule des loups. Mais monseigneur le comte

174 CHKQJtfïQUES 04&7)

de Nasscu , et avec lui le duc de Gi^eldres, et les nobles chevaleuroux corraiges , dirent que mieulx aimeraient à mourir que bleschier leur honneur ; et bien qu'ils fussent séduicts et trahis plainement , ne voulurent abandonner les nobles hommes, ains recoeiUèrent les piétons et les consolèrent à leur povoir, pendant le temps queFranchois donnoient la chasse aux Bourguignons jusques auprès de Bailleul ; et lors le seigneur de Boussu , comme preux et vaillant chevalier, radouboit les fcom* paignonset appeloitles fnyans, les uns par don lces paroles aimables , les aultres par dures et aigres repréhensions. Anthoine de Fontaine disoit aux fuitifs : « noblesse de Bourgogne, seras -tu » maintenant foullée ? Où est ta force ? Où est ta » grande et renommée prouesse ! » Et d'aultre part le duc de Gueldres , le comte de Nassou , Ferry de Nouvelle , et aultres nobles hommes vaillans , offrirent leurs corps à tout périls mortels , pour recoeillir et entretenir les piétons ; ensemble disoient qu'ils vivraient et mourraient avec eulx. Et entre les aultres, le seigneur de Lassaras, noble chevalier de Savoie , faisoit merveilles d'armes en soi deffendant comme un petit Ogier , d'une grande espée qu'il avoit es mains ; mais il fut tellement aggressé des Franchois , qu'il fut navré à mort ; se rendit l'âme peu de jours après. Le comte de Nassou estant à pied , qui chevàleureusement se maintint, fut attainct en la joue d'un coup de lanche, dnquèl il fut abattu par terre ; et lui abattu , fut

(i4»7) DE JEAN MOLINET. ly$

perchié et en dangier de mort. Et si les puissants princes , très nobles chevaliers , et vaillans barons/ espandoient sang et sueur de corps et de bras y en la protection des piétons , n'est à dbubter que les piétons , voyans leur hault vouloir et admirables proesses, s'employèrent à leur povoir ; car ainsi qu'ils estoient tirés trois quarts de lieue arrière de Béthune, en un villaige nommé Huignes, ils se porèreot et deffendirent tant vaillamment, qu'ils tinçlrent une bonne demi heure , avant que l'on les . peusist deffaire ; mais , sans la grosse bande et puissante multitude des Franchois qui les avironnèrent de tout lez , ils fussent demourés sur pieds ; mais avec ce qu'ils estoient lassés, travaillés, annoyés , sçdùicts ? et amatis , ils furent tant vigoureusement entamés et enchargiés , qu'ils ne peulrent soustenir le faict , ains furent mis à desconfiture ; si qu'il y en eut de compte faict, morts sur la place, parmi aulcuns Franchois , le nombre de deux cent vingt-neuf, et environ autant que noyés que tués en la chasse ; et furent détenus prisonniers monseigneur de Gueldres, le comte de Nassou , le seigneur de Boussu , le seigneur de Forest, le seigneur d'Endisselle , Anthoine de Masthain , Anthoine de Fontaine , Ferry <le Nouvelle , Claude de Zurre , les frères de Morbecque , Estienne de Chastelre^ et aultres nobles hommes de nom et d'armes , jusques au nombre de quarante et plus.

Pendant la chasse , Anthoine de Long-champs

176 CHRONIQUES ^ * d4&7)

esloit au pont de Morenville , qui à force de bras feit saillir aucuns Franchois en la rivière, déchassant les fuyans ; il se lancha en l'église, dont il wuida honnoratlement sans fortune.

Ainsi , parla subtilité des Franchois , furent les Bourguignons malheureusement déceus, et puis prins augluis, comme oiselets à la pipée, à leur grand ommaige et esclandre. Merveille fut que tant de subtils esprits comme sont les Bourguignons, donnèrent crédence aux (acteurs des Franchois, qui tant de fois les avoient abusés; ils cuidoient prendre les regnars 'fins , mais ils furent chassés et prins. Merveille fut que tant de nobles personnages se mirent sus pour emporter de nuict une ville à quoi un aventurier de guerre n'estoit que trop honorable à ce faire. Merveille fut que tel amas de Franchois se logea à peu de noise auprès des Bourguignons, sans ce que de riens s'en peussent appercevoir ; mais quoi? brief conseil les surprint , convoitise la main y tint, oultrecuider y laboura, et peu de sens les abusa.