CHAPITRE CLXIIL

lia prinse de Courtray par les Ganthois, et la mort du seigneur de

Heule.

Les Ganthois , en nombre de trois mille testes armées, desquels, entre les aultres estoit principal ducteur Adrien de Lickerke, assemblèrent cbaroy, engiens, artillerie , eschelles, aisselles et cloyes, et certains instrumens propices à donner Tassault ; et par une longue nuict d'hiver, dont le neuvième de janvier adjourna, s'approchèrent de la ville de Courtray sur espérance de la gaigner ; et en-

203 CHftOHlQUES (,$87)

viron six heures du matin se trouvèrent es faufxbourgs de la porte ; mais afin que i le train de leur charroy menas* moins de bruit et que leur venue fust mieulx celée, iltf espardirent estrain en grande abondance au long de la chaussée. Le guet de la ville, qui de riens ne se doubtoit , oyant ceste approche , demanda comme fort esbahi, d'où venoient les chariots si matin, et aulcuns respondirent : « Ce sont les paysans , les- » quels amènent leurs biens à saulveté de paour » des Ganthois.» Etn'yprindrentaultrementgarde. Les Ganthois toutes fois passèrent les barrières , et devallèrent en bas, et pour ce que l'eau des fossés estoit engellée, et que les glaces n'estoient rompues ^ ils se join dirent facilement à la muraille , dreschèrent leurs eschelles, et montèrent à mont; et quand ceulx Je la ville boutoieat testes aux cresteaux pour eulx deffendre , ils estoient rudement reboutés de hacquebutes , viretons et sagettes. Et à cause de la gelée le pontlevis ne s'estoit clos pour ceste nuict à son appartenir ; se fut par un seul cop de serpentine légièreinent abattu ; se donna ouverture a la ville et entrée au£ Ganthois. L'assault fut aspre et soudain , et dura environ heure et demie , auquel il n'y eut que un seul homme de la ville mort, lequel estoit l'bostellain de la Comaille.

Le bailly de Courtray et le seigneur d'Estrées, qui illec estoient en garnison , oyrent cest impétueux effroi se furent fort esbahis; dont, pour

04&7) DE JEAN MOLIKET. 3q3

seureté de leurs vies saillirent hors de la ville , et • tirèrent vers Lisle. La ville de Courtray ainsi prinseet conquise, les seigneurs, bourgeois et manans firent serment au duc Philippe et aux Ganthois; Cornille de la Barre, et le seigneur de Heule avec certain nombre de compaignons de guerre, estoient au chasteau, lesquels par appointèrent se rendirent le lendemain , et firent aulcuns serment comme dessus ; Cornille se partit, et le seigneur de Heulle demoura capitaine du chasteau.

La renommée de la prinse de Courtray fut tost espandue par la comté de Flandre , laquelle venue à la congnaissance du roy des Romains , cuidant que le chasteau que Ton estimoit imprenable deussist tenir, monseigneur Philippe de Clèves se partit de Bruges , le vendredi ensuivant , print trois cents piétons , et s'achemina vers Courtray , espérant donner secours audit chasteau, qui desjà s'estoit rendu. Il se tira vers Ypres et laboura d'y bouter les piétons en garnison ; mais ceulx de la ville ne s'y voulurent assentir, parquoi il s'en retourna en Bruges r jà soit ce que le seigneur de Heulle eusist faict fe serment au duc Philippe et aux Ganthois, et fusist capitaine du chasteau* Toutes fois, Adrien de Lickerke avoit la clef de l'artillerie en garde , dont le seigneur de Heule estoit fort desplaisant; et comme repentant de son faict , coipmencha à aspirer après l^e roy des Romains, leqjiel, comme aulcuns tiennent,

2o4 " CHRONIQUES (,487)

fut adverti clé son intention, car, ce temps pendant, lui estant en Bruges, il envoya deux cents et cinquante piétons , archiers , picquaires et hallebardiers , sous la conduite de This son escuyer d'escuyerie et aultres, pour donner secours audit capitaine ; mais les murmures des Brugelins rompirent et retardèrent l'emprinse du roy et de ses nobles, si que le seigneur de Heulle perdit la vie. Et advint par un dimanche deuxième de février, que Adrien^de Liefcerfce, capitaine de la ville de Courtray, fit assembler multitude de gens sur le marchié, pour faire exécution d'un malfaicteur; en laquelle multitude éstoient aulcuns hacquebutiers et canonniers de la garnison du chasteau; Le seigneur de Heulle voyant le peuple amassé sur le marché, Adrien et aultres fort embesongnés, pensa d'achever son èmprinse, et envoya ses paiges à l'assembler pour quérir ses souldoiers illecq amassés avecq les aultres, et lui mesmes alla à l'hostel d'ung maressal quérir aulcuns marteaux et instrumens , et fit rompre et desserrer les huys des prisons, où éstoient aucuns compaignons que l'on prétendoit à exécuter , lesquels, délivrés de ce dangier , se tirèrent audit chasteau; et combien que Adrien Lickerke fusist fort embesôngné et ententif à faire l'exécution du malheureux, néantmoins il percheut les paiges du seigneur de Heulle, qui appeloient îesdits hacquebutiers , et les faisoient tirer vers le chasteau , et se doufta que ledit de Heulle ne pour-

(i487) DB JEÀW MOLTNET. 2o!>

cfaassast quelque folle emprinse ; pourquoi, sans plus N ayant procéder en l'exécution du malfaicteur , lequel il fit rebouter en prison , il appela ses gens en di^ sant : « Le seigneur de Heulle content à moi desfaire ; » les prisonniers sont eschappés, mais il luicoustera » chiere.» Adoncq à toute diligence fit ses préparatoires , assaillit le chasteau , fit rompre les ponts et les places par lesquelles il pensoit que secours pooit venir et fit publier qu'il donnerait trois marcs d'argent à sixh ommes qui les premiers entreroient , • à six en suivant deux marcs et à six aultres un marc.

Le seigneur de Heulle , sa femme et sa maisnée estoit audit chasteau , accompagné de dix-huict à vingt hommes de deffçnse , lequels boutèrent hors la bannière au roy des . Romains ; ,1'assault fut donné aspre et puissant ; eschielles furent dreschiées, chargiées de gens, ralongiéeset reloyées de leurs propres chaintures , quand trop courtes estaient ; et jà soit ce que les deffendans n'eussissent guaires de traict qui peusîst grever les assaillans, à cause que ledit Adrien avoit la clef de l'artillerie , toutesfois ils résistèrent vigoureusement à leurs adversaires, si en bleschèrent et navrèrent plusieurs; mais finablement ils furent vaincus ; car après que l'assault eut duré environ trois heures , le chasteau fut prins , le seigneur de Heulle fut navré d'un vireton , et il se tira en sa chambre. Adrien de Lickerke entra audit chasteau ; si le trouva couché sur trois ou quatre coussins

et en présence, de la dame son espeuse qui le condoloit à son pooir, lui féru d'une espée trois cops en la teste , tellement qu'il morut illec sans confessiop, qui fut chose piteuse et lamentable.