CHAPITRE CLXXIV
La mort de messire Mathis Payait et d'aulcuns antres , décollés en la
ville de Gand.
Messire Mathis Payart , en son temps grand doyen de Gand , pendant la dernière guerre qui fut Tan quatre-vingt et cinq , favorisoit à la querelle du roy des Romains, qui le fit chevalier; et quant vint le temps de reconciliation et appoinctement de ladite guerre , et qu'il fut conclu que le roy entreroit en Gand , comme il fit , sire Mathis Payart promit aux Ganthois qu'il y entreroit accompagné de six cents hommes seulement ; mais il y entra à puissance d'Aile m an s ; pourquoi les Ganthois oncques depuis n'aimèrent ledit Payart. Si le recoeillèrent en grand haine ; car toûsjours maintenoient qu'il avoit mis la ville de Gand en grand hransle d'estre bruslée, pillée, périe, et menée de finale destruction par lesdits Allemans, Bourguignons, Picquars , Haynuiers, qui lors se'trouvoient avec le roi. Advint que quant les Ganthois commenchèrent à haigner contre le roi , et que commotion des jà toute esprinse se commencha à allumer , messire Mathis Payart , cuidant estre mieux assuré à Bruges que Gand , se partit dès le mois de septembre assez soubdainement de Gand , craindant fureur populaire qui le vouloit
(i488) DE j BAW MOLINET. 265
homicider ; fit enmener ses biens et se tira en Bruges, où il a voit une fille mariée; et illecq, sentant le cours de la terrible division lor& régnant, voyant aussi le roi détenu , ses nobles en captivité , et les gouverneurs des finanches expulsés , bannis , emprisonnés , ou décollés , languissoit en grand mélancolie, craindant tousjours ce qui lui mésadvint. Et quand vint le cinquième de mars , il fut saisi prisonnier, an pourchas des Ganthois y par les Brughelins, et livré aux députés de Gandqui le menèrent en leur ville où il fut inhumainement géhenne deux ou trois jours entiers , si que le convint reporter en prison, à force de gens. Aulcuns dirent qu'on lui fit faire procès ; mais, quoiqu'il en soit, saulve ses bonnes raisons, il fut décollé en Gand et escartelé comme traictre. Sa teste fut mise sur la porte tirant vers Bruges , et ses membres pendus en divers quartiers et lieux ; et pour l'angoisseux tourment des tortures qu'il eut à souffrir il accusa et chargea aulcuns notables bourgeois de Gand, etaultres, parchonniersdèson mésus, comme Ton disoiu Pour plus subtilement appréhender lesdits bourgeois , et adfin que fuitifs ne se rendissent et ne se appercheussentde leur mésadvenir, Jan Van Donne, prévost des marisseaulx , le doyen des cordonniers et aulcuns aultres , firent préparer un beau souper, où furent invités ceulx avec leurs femmes , lesquels ils disoient estre coupables de mort, et désiroient exécuter et faire passer la nuict. Dont après qu'ils eurent fait grand chière
266 CHRONIQUES ( r W
ensemble , prevost , doyen y bourgeois et marchands,hommes et femmes, compères et commères, sans faire mention de rien , sinon de bien boire et de fortmengier, et que chascun, les congiés prins, fut retourné en son hostel , et que les notables bourgeois qui de riens ne se doubtoient , comme il faict à présumer , reposoient en leurs licts , ledit doyen et ses adhérents, qui point ne dormoient, les resveillèrent durement ; car , quant vint environ onze heures de la nuict, ils firent impétueusement hurter à leurs huys , les firent soudainement des* coucher , les emmenèrent de force et de haulteor en nombre de dix sur le marché au bled , et les firent bouter en une prison nommée le Salselet. Illecq estoient les confesseurs pour les administrer leur salut , pareillement les bourreaux pour faire exécution de leurs corps ; et ainsi, sans plus avant enquérir du cas , sans oyr partie , sans procès formé , sans terme de justice , et sans nul autre jugement, sinon volonté de propres, par contrevenge et haine précogitée , environ deux heures en la nuict , furent piteusement mis à mort et decolés audit Salselet, le h uictième de mars , maistre Jehan de la Graecht , seigneur du conseil de Flandres et seigneur de ftjelseve, jadis pensionnaire de Gand , vivant le duc Charles , Jehan Wen Hove, fils de Jean Water-grave , Denis Wan Sareo , Pièter Baudins , doyen des cuveliers , Lieuvio Wan West, chastellain delà Walle , qui est Thostel du comte de Flandres , Joos de Reschs , hoste
des Cinq Heaulmes sur la Lipe , Joos d'Avertem , marchand et conreur de cuir , Jehan de Wilde , brasseur, à l'enseigne de la Cauwe , et Pieter Goer x Soeve , contrôleur de la monnoie du comté de Flandres. Le dixième de leurs compagnons, nommé Stephen Moerselaeth, orphévre en son temps, doyen des mariniers , durant le gouvernement de messire Malhis Payart, avoit les yeux bandés comme les aultres quand il fut recogneu de son frère germain , frère Guillaume Moerselaeth , de l'ordre des Augustins , lequel frère Guillaume avoit confessé la pluspart des bourgeois exécutés, quand il percheut ledit Stephen , son frère , en ce grand et extrême péril mortel ; et lors multiplia prières et requestes pour que sondit frère fut respité de mort. Les femmes des notables hommes illecq décapités, ignorantes de l'exécution d'iceulx , estaient en grand soussi de savoir pour quelle affaire l'on avoit si soudainement res veillé leurs maris. Considéré le temps de sédition qui lors régnoit, n'est merveilles si elles avoient grand esmoi au cœur ; mais les premières nouvelles qu'elles en oyrent furent fort lamentables; car l'pn leur amena devant leurs huys , leurs maris ea deux pièches, pour les faire ensevelir et les mener enterrer en telle église ou chimetière que bon leur semblerait. Ainsi en ces te misérable pestilence et commotion populaire , finirent malheureusement leurs jpurs , ces seigneurs, bourgeois et marchans , qui de riens ne se doubtoient, et qui, poelt estre, ne cuidoient avoir commis delict pour avoir fini si malheureusement.
„jLl__^ t^ti- p^—— ■» ' '■
