CHAPITRE CXC

Destrnction des Braghetins par les Allemans devant le château de

Quoqpesu.

Quoqubsu est un petit chasteau situé à lieue et demie de Middelbourch en Flandres, où setenoient de vingt-huit à trente CQmpaignons de guerre Allemans et Picquars» desquels estoit capitaine , pour le roj des Romains , Adrien Mambon, fort expérimenté du mestier d'armes j et ja soit-ce que la place fusist de petite résistance , toutes fois elle portait grand préjudice aux Brugelins et autres Flamengs à Penviron. La dame dudit chasteau proposa de Mfider ung tour avec ses femmes et transporta certaines bagues, doubtansceque depuis advint ; mais elle fut durement rencontrée, pillée et déprédée par les Flamens, et fut constraincte de soi retirer en sa place. Plusieurs consaux se tindrent en Bruges , pour assaillir , démollir et dilapider , et mectre à finalle ruyne ce meschant Cocquesu qui, ne de nom , ne de faict, n'estoit guère estimé entre les fors de Flandres. Et porta la conclusion du conseil, de ruer sus par terre y et arrazer jusques au fondement. Et pour exécuter ceste délibération, plusieurs doyens des mestiers , bourgeois et autres populaires brughelins, jusques au nombre de quatre à cinq mille , desquels estoit capitaine le seigneur

588 CHROHIQUES OW

de Fletènes semisrent sus environ la fin du mois de juing , menèrent une bombardelle, deux courtaux et six serpentines devant ledict chasteau , et en exploictèrent tellement, que ceulx de dedans entendirent à parlementer, et porta l'appoinctement, parce que les Allemans n'osèrent actendre le cop, qu'ils se rendirent , leurs corps saulves, au seigneur de Fletènes. Tout esfois, les meutinsde Bruges donnèrent telle paour à Adrien Mambon, qu'il fut en trop dangier de perdre sa vie ; car le seigneur de Fletènes , auquel il avoit donné sa foi , à grant peine le povoit garentir ne deffendre ; et de faict ledict Adrien, à l'extrême nécessité, promist soq pesant de chère à Nostre-Dame de Haultz. Il fut détenu prisonnier en sa chambre, et ses compaîgnons boutés en fosse.

Ce temps pendant, aultres Flamens entendoient au pillaige, futoient la place, widoient et chargeoient baghes qui mieulx mieulx. Aucuns autres faisoient gran chière des biens qu'ils trouvoient, fort joyeulx de leur bonne victoire , et sans donner guait à leur bende, ne pourveoir au meschief qui depuis leur advint, passèrent la nuict en desroy, séparés les ungs des aultres, comme se jamais ame ne les peusist contrarier ; mais ils furent durement resveillez ; car eulx estans en leurs plus joyetilx bruicts , survint le comte de Fennenberghe , Alternant , chief de guerre et bien expérimenté en armes, accompaigné de deux cents chevaulx et de huit cents piétons , qui , subtille-

(i4«8) x>E JEAW MOL1NET. 3Sq

ment et de bien grand avis , se fourrèrent sur les Flamengs , qui de riens ne se doubtoient. Lors s'esleva ung grant alarme en l'oost des Brughelins, et n'est merveii se le seigneur de Fletènes et les doyens, fort resjoysde leur victoire, furent fort ébahis ; car ils n'a voient refuge quelconcque , sinon que au poure cjiasteau qu'ils avoient le jour précédent piteusement desmoli, et n'avoient reconfort que en ung desconfort.

C'estoit Adrien Mainbon qui leur conseilloit de mectre ung chariot au travers de la porte , qui lors estoit abbatue ; et ce fist il pour witer leur fureur , afin qu'ils ne l'eusissent occis par manière *de contrevenge. Fînablement, rien neprouffita leur fortification ; car les Àllemans , fiers et bien apprins de leur mestier, entrèrent ens vigoreusement. Le seigneur de Fletènes, voyant la place prinse, Flamengs déboutez, et tout espoir de recouvrance anéanti et perdu, pria à Adrien Mainbon, son prisonnier, qu'il lui voulsist saulver la vie , comme il lui avoit saulvélasienne. Et ledit Adrien se mit en paine de le préserver de la fureur des Allemans , et lui fit le semblable que l'aultre lui avoit faict ; et par ainsi voions bien la mutabilité de fortune , et comment la chance de la guerre est en peu d'heures tournée. Les victorieulx furent succombez , et les prisonniers preneurs ; car fînablement les Brughelins furent totalement deffaicts , et leur place victorieusement gaignée , la chasse donnée, et ceulx qui tinrent pied ferme mis à desconfiture.

Chroniques T. XLV. — J. Molinet. J1I. 2 4

Furent trouvez morts, de compte faict, de vingt et un à vingt-deux cents, entre lesquels furent occis le doyen des painc très de Bruges et le seigneur de Fletènes , ensemble aucuns bourgeois et meutins , qui naguaires de temps paravant, avoient détenu le roy en extrême captivité , en nombre de sept ou huit cents y se rendirent prisonniers , et furent menez en l'oost de l'empereur, tenant son camp à Enregben, et furent tous ensemble mis à ranchon à la somme de cinquante quatre mille mailles de Rin , dont la pluspart escheoit au comte qui avoit fait l'emprise. De ceste griefve dommageuse perte , par ce grand et confus reboutement , furent les Brugelhins tristes et ennuyeux, et seprindrent par des- 1 plaisant courroux à meutiner les ungs contrp les aultres. Le seigneur de Fletènes et trois ou quatre des principaulx prisonniers furent élargis sur leur foi, et se tirèrent vers Bruges, en espérance d'amasser leur ranchon x tant pour eulx que pour leurs détenus , et entre les aultres , le seigneur de Fletènes promit à l'empereur de rendre son corps prisonnier dedans certain jour. Les prisonniers venus en Bruges , firent leurs qui rémo nie uses doléances et requestes aux seigneurs de la ville et aux doyens des mestiers , affin de les exciter à ce qu'ils leur voulsissent contribuer et donner partie de deniers en diminution de la totale somme ; mais les Bru* ghelins ne se vouldrent condescendre , et alléguèrent en leurs excuses qu'ils estoient pour l'heure tant chargez, que possible n'estoit de leur donner ne

(i488) DE jejLN MOLINET. 3c)l

procurer portion ne pour subside , ne pour rédemption. Et ainsi , sans nulle gratuité, ceulx qui avoient faculté de biens , se rédimèrent de leur propre.

L'empereur non recors de l'injure perpétrée en la personne de son fils > le roy des Romains , par pitié et compassion renvoya plusieurs poures compaignons quiètes et délivrés ; mais le seigneur de Fletènes , en faisant son pourchas , fut recogneu di'aulcuns Franchois illecq venus au secours d'iceulx , lesquels en le poursuivant de sa ranchon à cause de sa prinse de la journée de Béthune , lui donnèrent tel empeschement, qu'il nesçavoit desquels, et ne poelt comparoir, ne tenir sa journée à Enreghen , ainsi que promis l'a voit. Toutefois, quant il fut développé des Franchois, il se retira celle part, et se trouva illecq deux ou trois jours apr&s que l'empereur s'estoit levé de son camp. Ja soit ce que ledit empereur ne fusîst présent, il maintint avoir tenu sa promesse , etc.