CHAPITRE CXCIII
La réduction du chasteao de Namur.
Pendant le tempsde la détention du roy , queles pays estaient fort embrouillés, et que l'on n'espéroit quelque ressource, ceulx qui tenoient le chasteau de Namur, sur la garde et maintenance demessire JandeBerghes, seigneur de Walhain,
adhérèrent et favorisèrent à monseigneur Philippe de Glèves , lequel , dès la sepmaine peneuse avant Pâques, arriva audict chasteau , le réduisit en sa main, et le furnit de vivres , d'artillerie , et de gens à sa poste , portant sa parure de couleur j aulne à la croix saint Àndrieu. Ledict chasteau avoit issue aux champs à sa volunté, et couverture sur ceulx de la ville, lesquels, par diverses et soudaines saillies , estoient souvent res veillés et travaillez moult durement ; et de faict tiroient traict à pouldre et artillerie à main , au long du pont de la rivière de Sambre, tellement que les bouchiers ne autres personnes quelsconcques ne se osoient tenir sur ledict pont, aller et venir à leurs négoces ; et , pour remède y ceulx de la ville firent bolvaires, etbattillèrent ledict pont de grosses pipes de vin emplies de terre. Néantmoins, quelque remède et fortiffication que Ton y fesist , ceulx du chasteau trouvèrent fachon de wider à plain jour ; sortie de traicts à main , firent une saillie sur ceulx de la ville , et devant l'hostel du maire occirent le bastard Gouppet , futèrent et pillèrent aulcuns hostels , puis rentrèrent en leurs forts.
En ce temps , ceulx de la cité de Liège estoient en perplexité; car pour favoriser à ceulx de la Marche et contrarier leur évesque , le comte de Horne, son frère, et aultres leurs bien voeiUans, ils se mirent en la saulve-garde du roj de France , armoièrent leurs portes de ses enseignes, et lui bail* lèrent leurscel, et, qui plus est, pour tenir sur
3g8 CHRONIQUES ( » W
bride ceulx qui tiendroient le parti de l'é vesque , recurent en leur ville et cité messire Evrard dé la Marche , Je damoiseau Robert , fils de messire Robert, son frère , le fils de messire Guillaume, le bastard Jennot et aultres capitaines de France, et prindrent monseigneur Phelippe de Glèves pour leur adjoinct ; et ceulx de Namur mettaient avant à ceulx du chasteau , qu'ils mectroient garnison en la ville pour les dompter ; ceux du cbasteau répondirent qu'ils manderaient le bastard Jennot et ceulx de sa bande, si les mectroient en leur cbasteau par l'issue qui tire sur les champs. Nonobstant ces menaces, le roy des Romains fit assiéger le chasteau de Namup par messire Jehan de Berghes, seigneur de Walhain, chevalier de la Thoison - d'Or , par messire Corneille y son frère , le seigneur de Chievres et autres chiefs de guerre, accompaignés de fortes et bonnes bandes et de grosse artillerie , qui tellement exploictèrent par leurs batteries du quartier de devers la ville , qu'ils dilapidèrent et démolirent ung grant pan de mur. Ceulx qui tenoient le chasteau , au nombre de cinquante à soixante compaignons du parti de monseigneur Philippe , voians que nuls secours ne leur don n oit approche , et que possible ne leur estait de longuement résister , se rendirent environ la mi-aoust, leurs corps et biens saulves ; et messire Jehan de Berghes saisit le chasteau en sa main au nom dn roy et de monseigneur l'archiduc son fils, et demoura gouverneur comme dessus.
(■488) DE jeah MOLIKET. 5gQ
