CHAPITRE CXCVIII
La prinse dû chasteaù de Werselleet d'aucune* places à Penviron de
Bcaxelles.
Messire Henry de Wy them , seigneur de Verselle , pendant le temps que monseigneur Philippe estoit en Bruxelles , se tira vers monseigneur l'archiduc d'Àustrice , son prince et seigneur naturel , duquel il estoit chambellan , et icelui voyant son
(i488) DB JEAN MOLINET. 4*^
chasteau de Verselle , situé auprès de Bruxelles, celui de Brayne-Lâleuwe et celui de la Folie , en grand dangier de périr , garnit , à toute diligence et à ses propres despens , lesdictes places de vivres , artillerie , compaignons de guerre et choses nécessaires à la tuition et conservation non-seulement desdicts chasteaulx , mais aussi de la comté de Haynault, qui lors n'estait en nul poinct , sentant telles divisions , commotions et estranges besoingnes ; et dé faict , ledict seigneur envoya Philippe , son aisné • fils , au chasteau de Verselle , frontières aux ennemis , accompaigné^ de nobles gentilshommes! , pourveus de toutes besoingnes deflensives et pertinentes à soustenir siège. Autres compaignons se boutèrent aux chasteaulx de Brayne et de la Folie, lesquels par Tardent amour qu'ils avoient à monseigneur l'archiduc et audict seigneur de Verselle , exposèrent leurs corps aux travaux de la guerre , et tant eu une place comme en l'aultre , ainsi que petits léons , Rolands et Oliviers, espriz d'un très grand hardement , exploitèrent plusieurs faicts d'armes très dignes de mémoire ; tellement que par plusieurs rencontres, aguets, embusches et escarmuches , tindrent les Bruxellois en telle subjection , que , sans danger de leurs vies , n'osoieîit wyder leurs portes, sinon à grosse compaignie. Et d'aultre part, nuls vivres de ce quartier ne povoient avoir adresse à la ville, au très ? grànd dommaigè, foulle, reboutement et honte des Bruxellois , lesquels con-
4l6 CHRONIQUES '
sidérans les intollérables pertes que leur firent lesdicts chasteaux, délibérèrent avec monseigneur Philippe, de assiéger , battre et démolir, assaillir, dilapider, ardre et destruyre ledict chasteau de Verselle ; chargèrent gros engiens , artillerie , eschelles , basions et instruments de guerre à ce convenables ; assemblèrent grosse puissance de gens de guerre à cheval et à pieds ; puis au son de trompettes, bannières desployées , se partirent en grand fureur, espérans de prime-fâce d'emporter ledit chasteau. Mais Philippe dé Verselle, fils dudict seigneur> ensemble autres nobles gentilshommes, préavisez , asseurez et rangiez en leurs deffenses , monstrèrent bien -que riens ne les doubtoient ; car après plusieurs batteries , et que Fassault aspre et terrible leur fut donné, se deffendirent tant vigoreusement, par proesses et nobles faicts , que les Bruxellois furent contraincts de lever leur siège , en délaissant derrière plusieurs bastons, par nécessité de fuyr, chargèrent leurs morts et retournèrent navrez, honteux, et confus dedans leur fort.
Ceulxde Verselles, voyant leurs ennemis confus retirez, 'redoublèrent en eulx force, cœur et proesse, et par plusieurs fois et sùbtilles emprinsçs , livrèrent bonne guerre a ceulx^de Bruxelles ; si les travaillèrent plus amèrement que devant, ettant les aguerrirent, qu'ils mandèrent nouveaulx engiensen France;ettroismois après ce premier siège, à puissance plus grande que dessus» vindrent de rechief assiéger ledict chasteau, qui fut horriblement
(*4$8) DE JBAJJ MOLINBT. ^17
battu de gros engiens, dillapidé, rompu, et, brisé, et cassée tellement que possible n'estoit aux assiégés, qui ne veoient nulle apparence de secours, de tolérer si pesant fardeau sans estre vaincus. Si que, après avoir sous tenu si cruel fouldre d'assault, dont aucuns d'eulx estoient morts sur la muraille , se rendirent à la volunté de leurs ennemis. Aucuns furent prisonniers, et les autres exécutez de froid sang , entre lesquels le capitaine d'icelui chasteau, nommé Ramilli , natif de Bourgongne , noble homme, preux et vaillant, qui, léalement et de très bon corage , avait porté lesdits assauts, fut prins et publiquement pendu sur le marchié de Bruxelles, au très grand desplaisir du seigneur de Yerselle. Et oultre plus , iceulx, non assoufiz de leur furibonde vengeance , emportèrent par force d'armes le chasteau de Brayne-la-Leuwe , appartenant au seigneur dessusdit, lequel, tant pour ladite place que pour aultre, ne pour argent, ne pour donner persuasion ou prière > ne poelt finir à ceulx de Mons , ne des places circumjacentes de Haynault, d'avoir de la pouldre de canon, pourquoi ladicte place fust de lëgier concquestée. Mais il eut si bonne garnison de gens, d'artillerie et de vivres en son chasteau de la Folie , que quelques menasche, batterie, embusche ou entreprinse que l'on y sceusist faire, il demora en son entier, qui fut la conservation, frontière et avant-garde du pays de Haynault ; et ce provint par la prudence et vaillance desdicts compaignons ilJecq militant,
£l8 CHRONIQUES 04*8)
aux despens toutes fois du seigneur de Verselle. En ce mesme temps et de ce même train, Poldoghe de Barlaer, seigneur de Faulquewez , noble , prudent et cbevaleureux homme, desploia semblament corps et biens , et «chevances comme bon et léal servileur au roy et à monseigneur l'archiduc son fils , pour assister aux invasions des ennemis , et regardant le grand desroy que plusieurs nobles hommes de Brabant et des pays voisins , fprt estonnez de ceste perturbacion , se tenoient es grandes bonnes villes pour sceureté de leurs vies, vacillans et non sachans à qui Dieu donnerait le prix de la victoire.
Ledict seigneur de Faulquewez se mit aux champs, assembla plusieurs gentils compaignons de guerre , stipendiez et payez de ses propres deniers; munit ses deux forteresses, Faulquewez et Hastempont, d'artillerie, vivres et aultresbesongnements propres aux deffenses ; et en gardant l'honneur de son prince et de ses places par hardies et vaillants entreprises, livra trèsaspre et continuelle guerre aux ennemis , souvent à leur grand péril et fort honteux reboubtement , et leur porta de si grant dommaige , que nécessité leur fut exciter la puissance, force etsubtillitez àla destruction du chasteau de Faulquewez ; lequel finablemeut fustpareulxprins; rasé, pillé, desmoli, abbattu et bruslé, ensemble aucuns m o lins , censés et maisons appartenans tant à lui comme à ses subjects , qui lui fut chose griefve à porter et dommaige irré-
(i486) DE JEAN MOLINBT. 4lQ
cupérable. Et quand ledict Pol se vist ainsi destitué de chasteau, molins, censés et maisons, ne délaissa pourtant de mectre les mains aux armes , aîns redoubla force, hardiesse et coraige, et se boula au chasteaâ de la Follie , où il fist, comme dessus , aspre , rudde et forte guerre aux Flamens ; Fr anchois , firabanchons et Liégeois.
Ne suffisoit à monseigneur Philippe de Clèves , aux Bruxellois et à ceulx de leur parti , d'avoir vexé, perturbé , et travaillié en toutes fâchons que Ton povoit imaginer, ledict seigneur de Verselle ; mais lui abbatirent , desbrisèrent et destruisirent jusques en terre une très belle, forte et riche maison , située en la ville de Bruxelles ; vendirent les pierres , le bois , dissipèrent et buttinèrent les couvertures d'icelle, qui demoura place inhabitable, déserte et spectacle aux passans, qui enquirent la cause de ceste désertion, et lors réduisent à mémoire les Bruxellois la cause pourquoi, en détestant le seigneur de Verselle, qui toutes fois s'estoit monstre léal et sans reproche , fort bon serviteur à ses princes. Et oultre, plus lesdits Bruxellois , non sanchiez de lui avoir perpétré ces horribles dommaiges, lui bruslèrent et flammèreht et mirent en cendres toutes maisons, censés et habitations qu'ils peurent scavoir et apperchevoir à lui appartenir.
Le chasteau de Bourgueval, appartenant aux hoirs de monseigneur le connestable , tenoit contre monseigneur Philippe pour le roy de Romains. Il
420 CHRONIQUES (t&8]
y avoit dedans environ vingt-six compaignons , des quels estoit un vieulx routier de guerre nommé Gaignage, jadis archier du duc Charles, fort bien jouant du traict à pouldre , tellement qu'il oceîst quatre ou cinq des gens de monseigneur Philippe estant devant ledict chasteau. L'un desdicts compagnons assiégiez, saillit hors, et certifia que le dict Gaignage et ses adhérents estoient mal sortis de vivres et de pouldre, par quoi ledict chasteau fust rudement assailli, prinset gaigné; et fust ledict Gaignage pendu lui cinquième, lequel fust fort plainct, tant pour son antiquité, comme pour ce que tousjours s estoit montré gentil compagnon selon sa vocation.
Le chasteau de Hesse fust horriblement battu de courtaulx et de serpentines, tellemement que finalement ceulx qui dedans estoient se rendirent par tels : que les compaignons de guerre widèrent en leurs pourpoint, et les paisans s'en allèrent corps et biens saulves.
(*4 88 ) DE JEAW MOUNET. 4^21
La
